Irina

Koçi: Reforma në Drejtësi ka qenë gjithmonë në qendër të goditjeve të opozitës

Aktualitet, Opinione, Politike / /

Zëvendësministri i Mbrojtjes, Petro Koçi tha sot në një intervistë televizive se Reforma në Drejtësi ka qenë gjithmonë në qendër të sulmeve të opozitës pasi, sipas tij, kërkohet ringritja e sistemit të vjetër të drejtësisë.

“Reforma në Drejtësi ka qenë gjithmonë në qendër të goditjeve të opozitës. Shumë nga aksionet me goditje të përqendruar kundër stabilitetit dhe institucioneve në vend kanë patur si objektiv rrëzimin e Reformës në Drejtësi dhe pastaj ringritjen e sistemit të vjetër të drejtësisë “berishiane”. Në këtë lojë opozita bashkëpunon me presidentin Ilir Meta, i cili sillet si të jetë në konflikt interesi me këtë reformë. Kështu që, pa presionin ndërkombëtar, drejtësia e re nuk do të ngrihej kurrë”, u shpreh Koçi.

“Dua ta falënderoj ambasadën amerikane për këmbënguljen euroatlantike për të ndihmuar Shqipërinë në rrugën e demokracisë dhe integrimit europian. Çdo tentativë kundër reformës është në fakt përplasje me frymën euroatlantike të rrugës së shqiptarëve”, u shpreh ai.

Lidhur me godinën e Teatrit, zv.ministriKoçi u shpreh se “unë gjykoj se opcioni i tretë i konsoliduar për të ndërtuar një Teatër Kombëtar në vend të atij popullor është një fitore e madhe e komunitetit dhe interesave artistike të Shqipërisë”.

“Çuditem se si nuk e kuptojnë edhe ai grusht militantësh partiakë në gjirin artistik se teatri i ri është fitore edhe për ta”, u shpreh Koçi.

Ndërsa për përballimin e situatës së krijuar nga COVID-19 nga qeveria shqiptare ai u shpreh se “është meritë e padiskutueshme e kryeministrit Edi Rama dhe ekspertëve. Përtej çdo përpjekjeje për modesti mendoj se çdo syçelët e kupton menaxhimin e shkëlqyer që një vend me shëndetësi akoma pa kapacitetet e duhura i bëri pandemisë së COVID-19”./atsh

Koçi: Reforma në Drejtësi ka qenë gjithmonë në qendër të goditjeve të opozitës Read More »

Shqipëria fuqi dinjitoze energjetike/ Nga projekti i Skavicës, te Parku fotovoltaik, plotësohen 100% kërkesat e vendit për energji

Aktualitet / /

Kryeministri Edi Rama deklaroi sot se “Shqipëria po diversifikon burimin e energjisë së rinovueshme brenda kornizës së plotësimit 100% të nevojave tona dhe kjo e bën vendin një fuqi dinjitoze energjetike”.

“Me Skavicën ne rrisim kapacitetin e prodhimit të energjisë së pastër dhe me Parkun Fotovoltaik që do të fillojë të ndërtohet, me zgjerimin e mëtejshëm të kapaciteteve të energjisë diellore dhe futjen e komponentit të energjisë së erës ne diversifikojmë burimin e energjisë së rinovueshme brenda kornizës së plotësimit 100% të nevojave tona. Kjo e bën Shqipërinë një fuqi dinjitoze energjetike”.

Rama tha se “Skavica nuk do ta bëjë Shqipërinë minisuperfuqi energjetike, siç ka qenë një ambicie e shpallur nga qeveria e mëparshme. Një togfjalësh në vetvete problematik, se janë dy komponentë që nuk qëndrojnë bashkë. As nuk do të ndërtojë central bërthamor në Shkodër tek ura e Bunës. Këto janë gjëra që ne nuk i arrijmë dot realisht, pasi ne nuk jemi të 2-t pas Gjermanisë siç ishim në kohën kur synonim të ktheheshim në prodhues atomik të energjisë”, tha Rama.

Por, ai theksoi se “është e sigurt se Skavica është një gur themelor në plotësimin e një mozaiku të projektuar bukur në të shkuarën e largët, por të parealizuar ende”./atsh

Shqipëria fuqi dinjitoze energjetike/ Nga projekti i Skavicës, te Parku fotovoltaik, plotësohen 100% kërkesat e vendit për energji Read More »

Thaçi uron Qeverinë Hoti

Aktualitet, Opinione, Politike / /

Presidenti i Kosovës, Hashim Thaçi, ka uruar Qeverinë Hoti pas votimit të saj në Kuvendin e Kosovës.

Ai tha se i uron sukses në përmbushjen e programit qeverisës dhe i ofroi bashkëpunim të plotë në jetësimin e agjendës kombëtare dhe ndërkombëtare.

“I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare”, tha Thaçi.

Po ashtu, ai tha se duhet të vazhdohet me rimëkëmbjen ekonomike dhe të lëvizet me hapa më të shpejtë drejt integrimeve euroatlantike.

“Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike”, përfundoi Thaçi./KosovaPress/

Thaçi uron Qeverinë Hoti Read More »

Limaj: Qeveria e re kthen në normalitet, stabilitet, urtësi dhe bashkon Kosovën

Aktualitet / /

Pas votimit të qeverisë së re, deputeti i Nismës Socialdemokrate, Fatmir Limaj, theksoi se kjo qeveri mori detyrën në kohë shumë të vështirë, por nëse kjo qeveri kthehet në qeveri misionare me përkushtim dhe me objektiva të qarta ashtu siç u ekspozua në parlament në fjalën e kryeministrit, do të mbahet mend si një qeveri e cila kthen normalitet, stabilitet, urtësi dhe bashkon Kosovën.

“Kosova më shumë se kurrë ka nevojë për drejtues, për qeveri e cila bashkon njerëzit, normalizon situatën, çtensionon situatën, ul gjakrat dhe të gjithë kthehemi në respektim të institucioneve. Ne do të jemi këtu për ta ndihmuar çdo frymë pozitive do të japim kontributin tonë edhe në qeverisje dhe në parlament që kjo frymë e unitetit, frymë e urtësisë, shtet formuese e shtet ndërtuese duke bashkëpunuar pozitë e opozitë t’i arrij objektivat dhe prioritetet e Qeverisë së Kosovës”, theksoi Limaj.

Limaj tehskoi po ashtu se qeverisë së re i mbetet të punojë edhe për tejkalimin e krizës të shkaktuar nga COVID-19 dhe për riparimin e marrëdhënieve me aleatët e Kosovës.

Ai tha nga të gjithë deputetët e Nisma-s sëbashku me AKR-në ka votuar qeverinë Hoti. Limaj nuk ka komentuar veprimet e deputetit Haxhi Shala për qëndrimet e tij para mbajtjes së seancës parlamentare për votën e tij./KosovaPress/

Limaj: Qeveria e re kthen në normalitet, stabilitet, urtësi dhe bashkon Kosovën Read More »

Tabaku: Rama bëhet gati të marrë KLSH

Aktualitet, Politike / /

Ish-deputetja e Partisë Demokratike, Jorida Tabaku është shprehur sot se “Rama i ka hedhur sytë nga Kontrolli i Lartë i Shtetit”.

Tabaku u shpreh se KLSH, “është i vetmi institucion që ka folur dhe ka faktuar qartazi abuzimet dhe vjedhjet nga krimi ekonomik me CEZ tek tenderat, që ka treguar se taksat e rritura janë vjedhur”.

“Projektligji i ri që i merr kompetencat presidentit duke ia kaluar qeverisë dhe parlamentit, duke qenë në shkelje të qartë të Kushtetutës dhe uzurpim i kompetencave të presidentit”, tha Tabaku.

“Ato kanë frikë nga qytetarët dhe mendojnë se do e ndalojnë mërinë e tyre karshi vjedhjes dhe abuzimit. Sado të lodhen nuk do ia arrijnë! Me zgjedhje të lira e të ndershme e me programin e qartë ekonomik do t’i rikthejmë njerëzve institucionet, shpresën dhe besimin”, u shpreh Tabaku./atsh

Tabaku: Rama bëhet gati të marrë KLSH Read More »

Aplikimi në e-albania për stacionet e plazhit/ Shmang zvarritjet dhe allishverishet e së shkuarës, garanton paprekshmërinë e plazheve publike

Aktualitet, Turizem / /

Këtë sezon turistik, hotelierët duhet të aplikojnë te e-Albania për stacionet e plazhit.

“Në e-Albania https://e-albania.al/ .aplikim për ushtrimin e veprimtarisë si stacion plazhi, për të garantuar sa më shumë siguri në mbrojtjen e shëndetit dhe për të mos lejuar më zaptimin e plazheve që për 30 vjet u ka nxirë pushimet njerëzve të këtij vendi”,- theksoi sot kryeministri Edi Rama, duke dhënë informacion sesi mund të aplikohet.

“Subjektet akomoduese apo të shërbimit duhet të aplikojnë në e-Albania për marrjen në përdorim të hapësirës së plazhit përgjatë gjithë sezonit 2020, duke marrë përgjegjësi për zbatimin e rregullave dhe mosshmangur asnjë detyrim ndaj qytetarëve, bashkisë, shtetit. Aplikimi është i thjeshtë dhe mund të bëhet edhe nga telefoni. Një sistem i ri këtë vit, që siguron transparencë, shmang zvarritjet po edhe allishverishet e të shkuarës dhe garanton paprekshmërinë e plazheve publike”,- u shpreh kryeministri Rama.

“Zero kosto, zero ecejake, zero rryshfet!Me https://e-albania.al/ , sezon të mbarë turistik”,- shtoi Rama.

/atsh

Aplikimi në e-albania për stacionet e plazhit/ Shmang zvarritjet dhe allishverishet e së shkuarës, garanton paprekshmërinë e plazheve publike Read More »

Meta: Mesazhi i BE-së i qartë, zbatimi i kushteve fillon me konsensusin për reformën zgjedhore

Politike / /

Presidenti Ilir Meta ka reaguar sot pas deklaratës së një dite më parë nga tre Ambasadorët, të SHBA-së, BE-së dhe Britanisë së Madhe lidhur e arritjen e një konsensusi për reformën zgjedhore.

Meta thekson se arritja e një konsensusi për këtë Reformë është kusht për integrimin e Bashkimin Europian, sikurse u theksuar dje edhe nga Ambasadori i BE-së në Tiranë, Luigi Soreca.

“Mesazhi i djeshëm i Bashkimit Europian është i qartë, zbatimi i kushteve fillon me konsensusin për reformën zgjedhore. 8 qershori po afron! Komisioni Europian mezi po pret të shënojë një lajm pozitiv për Shqipërinë”, shprehet Meta. /atsh

Meta: Mesazhi i BE-së i qartë, zbatimi i kushteve fillon me konsensusin për reformën zgjedhore Read More »

Dhuna në familje gjatë pandemisë/ Seancë dëgjimore në Komisionin për Sigurinë

Aktualitet, Problematika / /

Nën drejtimin e kryetares Ermonela Felaj, Komisioni për Sigurinë Kombëtare në mbledhjen e sotme online zhvilloi një seancë dëgjimore lidhur me situatën e dhunës në familje përgjatë periudhës së pandemisë dhe situatën e emigrantëve në pikat e kalimit kufitar gjatë kësaj periudhe, masat e marra dhe zbatimi i tyre.

Lidhur me situatën e dhunës në familje përgjatë periudhës së pandemisë, para Komisionit raportoi Romina Kuko, zëvendësministre në Ministrinë e Brendshme.

Kuko, në prezantimin përmbledhës që lidhej me çështjet e dhunës përgjatë kësaj periudhe, bëri gjithashtu një analizë krahasimore me dy vitet e fundit dhe foli për masat e shtuara për mbrojtjen e viktimave gjatë periudhës së pandemisë.

“Me shpalljen e pandemisë përpiluam një plan të posaçëm duke pasur parasysh dhe analizat e riskut të zhvilluara së bashku me partnerët ndërkombëtarë, për kujdesin kundër dhunës në këtë situatë”, u shpreh Kuko.

Gjatë kësaj periudhe, vijoi Kuko “Policia e Shtetit ka marrë dhe ka trajtuar gjithsej 441 telefonata për dhunë në familje në numrat 129 dhe 112; në mars, 131 telefonata, prill 151 dhe në maj 159 telefonata.”

Po ashtu, Kuko iu përgjigj interesimit të anëtarëve të komisionit, lidhur me rehabilitimin e viktimave të dhunës, fushatat ndërgjegjësuese, punën në shkolla, punën me shoqërinë civile dhe organizatat joftimprurëse, bashkëpunimin me qeveritë vendore etj.

Më tej komisioni vijoi me dëgjesën e raportimit të zëvendësministres tjetër në Ministrinë e Brendshme, Rovena Voda lidhur me situatën e emigrantëve në pikat e kalimit kufitar në periudhën e pandemisë, masat e marra dhe zbatimin e tyre.

Voda tha në lidhje me numrin e emigrantëve të paligjshëm se këtë vit ka qenë në rritje në krahasim me vitin e kaluar, për periudhën janar dhe 15-ditëshi i parë i muajit mars.

“Ka pasur një rënie të numrit gjatë periudhës së shpalljes së gjendjes së pandemisë por kontrollet tona në kufi kanë qenë të vazhdueshme edhe gjatë kësaj periudhe” theksoi Voda.

Komisioni vijoi me pyetje në lidhje me bashkëpunimin me vendet e tjera kufitare, masat mbrojtëse të parandalimit në kufi, respektimit të protokolleve, kontrollet kufitare etj. /atsh

Dhuna në familje gjatë pandemisë/ Seancë dëgjimore në Komisionin për Sigurinë Read More »