Irina

Beatrix dhe Donald janë ende çifti më i komentuar në mediat rozë e kudo në rrjet. Këngëtarja ka shprehur pakënaqësi për raportin e mungesën e vëmendjes, megjithatë aktori mohon se ka ndodhur diçka e tillë.

Kjo situatë është vënë në dukje edhe gjatë një diskutimi mes tyre, për Ditën e të dashuruarve, 14 shkurtin.

Sot mes të qeshurash Beatrix tregoi se është e fiksuar pas datave, ndërsa atij i erdhi në mendje direkt festa e të dashuruarve, Shën Valentini.

Teksa Beatrix i kërkoi që atë ditë ta trajtonte si princeshë, Donaldi ndërkohë lutej që ata të mos ishin brenda shtëpisë së “Big Brother” atë ditë.

Reagimi i tij nuk pritej, por mbase është nisur nga malli për familjarët e jetën jashtë, pasi kanë kaluar shumë ditë, krejtësisht të izoluar.

Pjesë nga biseda:

Beatrix: Un jam një çikë fiksimaxhie me datat.

Donald: Për Shën Valentinin?

Beatrix: Po. Dua të më mbash dorën ndërkohë që ti punon, dua të më ledhatosh flokët, të më trajtosh si një princeshë. Të mos ma lëshosh
dorën kur ti ha me dorën e majtë.

Donald: Ishalla s’do jemi këtu brenda deri për Shën Valentin, o zot.

Einxhel: Unë mendoj që këtu do jemi.

Donald: Ishalla jo o zot. Larg qoftë.

Prej ditësh është komentuar një gjest që Donaldi bën me duart e tij.
Të shumta janë rastet kur Donaldi ka shoqëruar disa veprime të tij me një simbol të veçantë.

Në mediat sociale është komentuar se ky gjest mund të jetë edhe një sinjal për t’i dërguar një mesazh një personi të caktuar.

Në spektaklin e sotëm Donaldi shuan njëherë e mirë zërat dhe aludimet duke sqaruar se i gjithë veprimi lidhet me ‘’Spiderman’’, personazh shumë i preferuar për të.

‘’Tani po e kuptoj përmasat që ka marrë ky format, unë jam adhurues i filmave ‘Marvel’ dhe ‘Spiderman’ është personazh shumë i dashur për mua’’,- sqaroi ai.

Antonela dhe “Big Mama” javën e kaluar u përfshinë në një debat të ashpër, çka bëri që këngëtarja të lërë shtëpinë e e Big Brother.
Teksa dëgjoi komentet e bëra nga shumica e banorëve kundrejt saj, Antonela nuk nguroi të ”përgëzonte” ata për gjithë sulmet e kryera.

Antonela pranoi se është natyrë provokuese, duke theksuar se në garë nuk është për ato 100 mijë euro.

‘’Mbi të gjitha duhet të jemi njerëz. Unë jam natyrë provokuese dhe kështu më ka bërë Zoti. Unë e kam pranuar karakterin tim dhe nuk ka asnjë njeri mbi Tokë që mund të më bëjë të ndryshoj. Unë nuk jam këtu për 100 mijë euro pasi fatmirësisht i kam aq, por këtu nuk jam për të treguar pasurinë time. Më vjen mirë që kam ardhur unë që të gjithë keni mundësi të flisni për dikë’’,– tha ajo e prekur.

Ditën e djeshme në Pallatin e Kongreseve ka filluar Festivali i Këngës ku 16 këngëtarë do të prezantojnë këngët e tyre.
Ndërsa, në promon e “Big Brother VIP” për natën e spektaklit të sotëm u tha se Beatrix do të ketë befasinë më të madhe ndonjëherë nga ‘Vëllai i Madh’.

“Për herë të parë, që kur është bërë pjesë e shtëpisë së ‘Big Brother’, Beatrix do të ketë një nga surprizat më të mëdha të bëra ndonjëherë. Ku do të shkojë ajo?”, thuhej në promo.

“Kryefjala.com”, raporton se bëhet fjalë për një lidhje direkte nga BigBrother VIP me Festivalin. Beatrix do të shkoj në Pallatin e Kongreseve për të dëgjuar performancën e vëllait të saj Albanit me këngën “Theje”.

Dy konkurrentët e ‘Big Brother VIP’ Iliri dhe Monika kanë diskutuar për emrin e banorit që rrezikon të largohet sot nga shtëpia.

“Unë mendoj se del Antonela, Meridiani i duhet akoma shtëpisë”, tha Monika.

“Po dhe unë ashtu mendoj,nuk është ai i ditëve të para, me të mund të bësh një muhabet, kur ka diçka direkt ta thotë”, u shpreh Iliri.

Aleksia Peleshi së fundmi ka zhvilluar një intervistë me ndjekësit e saj në Instagram.
Njëri nga ndjekësit e Aleksia ka kritikuar aktorin duke e cilësuar si “tradhëtar”, referuar marrëdhënies së tij me Borën dhe Beatrix.
“Ke një foto me nusen në profil dhe më ke dërguar 10 mesazhe ku thua: shpirt, zemër, ylli dhe gjykon Donaldin që ishte beqar. Është kulmi të kry qëzohet nga njerëz si puna jote që mashtrojnë, tradhtojnë, mbajnë të dashuruar dhe prishin familje është hipokrizia më e madhe”, është përgjigjur Aleksia, duke shkruar se kjo është hera e fundit që flet për këtë temë.