Një ditë më parë, të gjitha mediat pro qeveritare i dhanë zë “uljes” së çmimit të naftës me vetëm 10-15 lekë për litër. Nafta nga 200 lekë që ishte litri, tani po shitet me 185-190 lekë/litri.
Por kjo “ulje” që vjen pas gjashtë muajsh, as që krahasohet me çmimin që duhet të jetë në të vërtetë. Ditën e sotme, datë 19 Dhjetor, një fuçi nafte në bursën e Teksasit në Shtetet e Bashkuara të Amerikës, shitet për 72.2 dollarë. Sipas kësaj burse, në Shqipëri çmimi duhej të ishte, 160-165 lekë/litri dhe jo mbi 180 lekë/litri ashtu siç është sot.
Ndërkohë sipas të dhënave nga Global Petrol Price, datë 11 Dhjetor 2023, Shqipëria renditet në vendin e katërt në rang global për çmimin më të lartë të naftës. Pas Hong-Kongut, Monakos dhe Islandës, Shqipëria renditet në vendin e katërt me 1 litër nafte 2.088 dollarë duke lënë pas edhe vende më të shtrenjta si Holanda, Lihtenshtejni, Zvicra apo edhe Singapori.
Ndërkohë edhe në rajon, Shqipëria mban vendin e parë për çmimet e larta, pasi Maqedonia e Veriut, Kosova dhe Serbia kanë çmime më të ulëta krahasuar me ne./Shqiperiaime
Këtë të martë janë përcjellë për në banesën e fundit, Marsel Tefa, 32-vjeç dhe Egila Celami, 29-vjeçe, dy të rinjtë që humbën jetën në aksidentin tragjik në Rrugën e Arbrit.
Çifti i të rinjve, me origjinë nga Burreli po udhëtonin me një mjet tip “Toyota” nga ByPassi i Murrizit drejt Tiranës, kur u përplasën me një mjet tip ‘Caddy’ me drejtues shtetasin Klaudio Ruçi.
Përplasja ka qenë tepër e fortë dhe makina e të rinjve ka dalë nga rruga duke rënë rreth gjashtë metër poshtë në humnerë. Si pasojë e përplasjes së fortë, mjeti Toyota është shtypur totalisht dhe është dashur ndërhyrja e zjarrfikësve për prerjen e tavanit të makinës dhe nxjerrjen e trupave të pajetë.
Ka dyshime se shkak për aksidentin tragjik është bërë një parakalim i gabuar, por qytetarët kanë raportuar për JOQ ALBANIA se në këtë aks rrugor mungon sinjalistika.
Sali Berisha: Edhe sot, ne jemi ktu, për idealet e lirisë, në një kthesë që na fton historia, në një betim që kërkon e sotmja dhe e ardhmja jonë, për ti komunikuar Edi Ramën, këtij armiku të egër se je i dënuar përjetë për shkak të votës së shqiptarëve, se Edi Rama bir xhelati, nip xhelati ke vite që sillesh si xhelat me votën e shqiptarëve.
Ke vite që shqiptarët votojnë dhe ti nxjerr hanxharët e kthimit dhe të bandave për të ekzekutuar votën e ty. Ke vite që për karrigen tënde nuk njeh ligj e mora, duke besuar se demokratët i shtype. Edi Rama të ka ardhur fundi. Të garantoj që kurrë më votën e shqiptarëve s’do guxosh ta prekësh.
Gjej skutë ku të futesh, gjej vrimë miu ku të futesh!
Është mbyllur pas rreth 1orë e gjysmë protesta e organizuar nga Rithemelimi përballë ambienteve të Kryesisë së Kuvendit.
Protesta ishte e qetë dhe u mbyll me fjalën e Berishës, ku ftoi simpatizantët t’i bashkohen protestave që do të mbahen çdo të enjte përballë ambienteve të Kuvendit.
Gjithashtu Berisha ftoi demmokratët t’i bashkohen protestës që do të mbahet më datë 27 dhjetor përballë Gjykatës së Lartë.
Datë kjo e cila përkon me seancën ku pritet të mbahet gjyqi në Gjykatën e Lartë për vulën e Partisë Demokratike.
“Më 27 dhjetor çdo demokratë dhe demokrate përpara Gjykatës së Lartë, ku Edi Rama ka porositur ekzekutimin e identitetit tonë. Ne do të qëndrojmë dhe ne do të fitojmë.
E enjtja që vjen të gjithë para parlamentit monist, jo vetëm këtë të enjte por çdo të enjte”, tha Berisha përpaa se të largohej.
Ndërkohë që në Këshillin e Mandateve po vijon seanca për shqyrtimin e kërkesës së SPAK për ndryshimin e masës së sigurisë për Berishën.
berisha zgjodhi të mos ishte vetë prezent, por të paraqiste mbrojtjen përmes avokatëve.
Historia e Alex Baty 17-vjeçarit britanik , i cili u zhduk në Spanjë 6 vite më parë ka një fund të lumtur. Adoleshenti u gjet këtë javë në jug të Francës dhe më pas u kthye në shtëpinë e tij në Londër i shoqëruar nga oficerët britanikë. Do të jetojë me gjyshen, e cila kishte kujdestarinë e tij para se të rrëmbehej.
Aleksi u rrëmbye në vitin 2017 gjatë pushimeve në Malaga të Spanjës nga nëna e tij dhe gjyshi, ndërsa mediat britanike shkruajnë se në atë kohë ata po kërkonin një mënyrë jetese alternative dhe nuk donin që Aleksi të shkonte në shkollë.
Mediat shkruajnë se adoleshenti gjatë 6 viteve ka bërë një jetë “nomade”. Ai u gjet rastësisht mbrëmjen e së enjtes nga një shofer teksa ecte përgjatë një rruge, në një zonë malore, pranë Toluzës.
Fabien Accidini, një student francez kujton momentet kur gjeti adoleshentin e zhdukur.
“Ai po ecte në mes të një pylli, në një vend që ishte plotësisht i humbur, 20 minuta me makinë nga fshati më i afërt dhe kjo nuk është e zakonshme, nuk ka asnjë shpjegim që dikush të ecë në atë zonë kaq vonë. Gjatë rrugës mendova të ndaloja dhe ta pyesja nëse është mirë, apo edhe thjesht ta ndihmoja, ose të paktën ta dërgoja në një qytet sa më shpejt që të ishte e mundur.”
Ai thotë se i dha celularin e tij, në mënyrë që t’i dërgonte një mesazh gjyshes së tij në Angli.
“Është një histori e pabesueshme. Nuk e kisha menduar kurrë se do të nisesha për në punë në mesnatë dhe do të përfundoja duke marrë dikë në anë të rrugës që është rrëmbyer prej gjashtë vitesh.”
Autoritet britanike thonë se adoleshenti është në gjendje të mirë shëndetësore dhe nuk është keqtrajtuar gjatë këtyre 6 viteve.
Rasti i zhdukjes së adoleshentit po hetohet nga drejtësia britanike ndërsa ende nuk dihet asgjë për fatin e nënës së tij.
Kreu i Partisë Demokratike, Sali Berisha iu drejtua qindra protestuesve që iu bashkuan tubimit të thirrur nga Rithemelimi para Kryesisë së Kuvendit, duke paralajmëruar fundin e kryeministrit Edi Rama.
Duke hequr një paralele me vitin ’97, ku atij personalisht iu hoq imuniteti, Berisha tha se Partia Demokratike do të ngrihet njëjtë si pas asaj sfide, duke fituar pushtetin me votë.
“Një prokuror politik, xhelat i Sigurimit të Shteti akuzoi Sali Berishën për krime kundër njerëzimit dhe parlamenti i hoqi imunitetin. Asokohe menduan se erdhi revanshi i etërve për të shuar idealet e lirisë së shqiptarëve, por gabuan. Ne e nisëm 30 në oborrin e selisë, u bëmë 300, u bëmë 3 mijë, 30 dhe 300 mijë dhe u kthyem me votë në pushtet. Sot ne jemi këtu për idealet e lirisë, jemi këtu në një kthesë që na fton historia. Jemi këtu në një betim që kërkon e sotmja dhe e ardhmja jonë. Jemi këtu për t’i komunikuar Edi Ramës, këtij armiku të egër të qenies shqiptare, se je i dënuar përjetë për shkak të votës së shqiptarëve. Se Edi Rama, bir dhe nip xhelati ke vite që sillesh si xhelat me votën e shqiptarëve. Ke vite që shqiptarët votojnë dhe ti nxjerr hanxharët e krimit dhe bandave për të ekzekutuar votën e tyre. Ke vite që për karrigen tënde nuk njeh ligj, normë, standard e moral. Duke besuar se demokratët i shtype. Edi Rama të ka ardhur fundi. Të garantoj unë ty që kurrë më, kurrë më votën e shqiptarëve s’do guxosh ta prekësh.”
Duke theksuar se ajo çfarë pritet nga opozita është një kthesë për t’u përballur me regjimin në shesh, Berisha deklaroi se “luftëtarët e lirisë” do të bëjnë që kryeministri Rama të mos gjejë vend ku të futet falë mosbindjes civile.
“Çfarë kërkohet nga ne sot? Kërkohet një kthesë, në të cilën ne duhet të dalim në shesh të mejdanit si burra e gra të betuar për liri, si luftëtar lirie. Duhet të dalim me betimin se jetën e japim dhe votën s’e falim. Duhet të dalim me betimin, se një armik që përzuri në 10 vite 1 milionë e 300 mijë shqiptarë, do përgjigjet gjer në nji. Edi Rama është fundi yt. Mblidhu dhe struku ku të duash. Pak javë më parë të paralajmërova se ajo që po shihej në parlament ishte vetëm fillimi. Do ta shohësh ti mosbindjen e këtyre luftëtarëve të lirisë. Gjej vrimë miu ku të futesh.”
Një 27-vjeçar shqiptar i dha fund jetës në Angli rreth një javë, ndërsa mediat britanike kanë zbuluar identitetin e tij. Leonard Farruku, 27 vjeç, nga Manza e Durrësit është shqiptari i vetëvrarë në anijen Bibby Stockholm ku mbahen azilkërkuesit e regjistruar në Britani.
Identiteti i viktimës, i cili u gjet pa jetë javën e kaluar, është zbuluar nga ‘The Telegraph’, që shkruan se i riu pagoi 4,000 euro për të kaluar Kanalin La Mansh me gomone duke hyrë ilegalisht në Britani verën e kaluar.
Vetëvrasja u bë publike të mërkurën ndërsa mediat raportojnë se azilkërkuesi shqiptar ishte ankuar për gjendjen e tij mendore një ditë para se të vdiste. Dëshmitarët i thanë medias britanike se 27-vjeçari ishte dëgjuar duke bërtitur dhe përplasur në murin e kabinës ku mbahej.
Motra e tij, Jola Dushku, 33 vjeçe, e cila jeton në Lombardi të Italisë, tha se ishte e tronditur nga lajmi, të cilin e morën vesh nga të afërmit në Mbretërinë e Bashkuar. Ajo ka deklaruar se “do të gjejë qetësinë vetëm atëherë kur të mësojë të vërtetën se çfarë ndodhi atë natë me vëllanë në anijen hotel Bibby Stockholm”.
“Kur fola me të herën e fundit, ai më tha se po trajtoheshin nga rojet si kafshë.”- ka thënë motra e Farrukut.
“Vëllai im, kur mbërriti në MB, i dha Home Office adresën e të afërmve tanë në Londër. Ata u kontaktuan nga policia e cila u tregoi se çfarë kishte ndodhur.
“Sipas të afërmve tanë që janë në kontakt me policinë, Leonardi atë natë në orën 23 të mbrëmjes ka pasur disa probleme dhe është qetësuar nga roja. Në orën 3 të mëngjesit ai u gjet i vdekur. Nuk kemi më shumë detaje se si ai vdiq.”
Sipas saj, Leonardi emigroi drejt Anglisë për një jetë më të mirë dhe për të fituar një leje qëndrimi. Ajo ka thënë për mediat britanike se pikërisht për këtë arsye, vëllai i saj iu bind kërkesës së Home Office për të shkuar për t’u akomoduar në atë anije, ku edhe i dha fund jetës.
“Ai erdhi në MB me ëndrrën për të gjetur punë më të mirë dhe, më e rëndësishmja, për të marrë leje të pacaktuar për të qëndruar në Mbretërinë e Bashkuar,” tha Dushku.
“Ai tha: “Po”, kur i thanë atij se akomodimi i tij i ri do të ishte në atë varkë ku ai kaloi ditët e fundit të jetës së tij,” tha ajo.
Ajo tha se ata kishin humbur të dy prindërit e tyre, një humbje që ndryshoi vëllain e saj.
“Leonardi u bë një person tjetër kur nëna jonë vdiq. Vdekja e saj e ndryshoi atë”, tha ajo.
Për këtë ngjarje, një zëdhënës i Home Office tha se ky ishte një incident tragjik dhe s engjarja është në hetim.
“Ky ishte një incident tragjik dhe ngushëllimet tona shkojnë me të prekurit. Mirëqenia e personave nën kujdesin tonë ka një rëndësi parësore dhe ne marrim përgjegjësinë tepër seriozisht për këtë. Kjo ngjarje është duke u hetuar nga policia dhe mjekësia ligjore në analizimin e fakteve e rrethanave të kësaj vdekje”.
Mendohet se aktualisht, 300 azilkërkues meshkuj janë vendosur në anijen hotel “Bibby Stockholm” e cila ka një kapacitet deri në 506 persona.
Sali Berisha është shprehur se në protestën para Kryesisë së Kuvendit do të jenë një grup modest, por theksoi se do jenë luftëtarët e parë në rrugë.
Ai kujtoi edhe trazirat e vitit ’97, duke bërë një paralele me situatën në të cilën ndodhet tani.
“Çdo shqiptar duhet të ndalet në një moment, të shtrojë pyetjen: beson ai apo jo se vota e lirë është jetike, që qytetarët të gëzojnë liritë dhe të drejtat që shteti ligjor të funksionojë. Çdo qytetar që i beson votës duhet të shtrojë pyetjen: a ka votë të lirë me Edi Ramën?
Çdo qytetar duhet t’i thërrasë vetes, në rast se nuk do të pajtohet me një diktaturë, të ngrihemi. Sot do të jemi një grup fare modest, por do jemi luftëtarët e parë në rrugë, luftëtarë lirie.
Ju rikujtoj shqiptarëve se në vitin 1997, kur armiqtë e egër që erdhën me rebelim komunist në pushtet, menduan se na shfarosën, filluam betejën me 30 vetë në oborrin e selisë sonë dhe i mundëm ata në zgjedhjet parlamentare, të cilat i vodhën.
Po kësaj here, jetën e japim, votën nuk e japim. Ndaj dhe ftoj çdo shqiptar të mendojë për veten, për të ardhmen e tyre, për të ardhmen e fëmijëve, për të ardhmen e këtij vendi. Ne jemi në betejë pa kthim”, tha Berisha.
