Irina

Berisha para Gjykatës së Lartë: Zgjohem dhe fle me ligjin, armiqtë s’kanë gjetur asnjë provë…

Aktualitet, Politike / /

Sali Berisha i është bashkuar protestuesve në afërsi të Gjykatës së Lartë, aty ku do të zhvillohet gjyqi për vulën e PD.

Gjatë fjalës së tij para mbështetësve, Berisha tha se ka zbatuar gjithmonë ligjin dhe se vështirë të gjendet dikush tjetër që ka më shumë konsideratë se ai për ligjin.

“ Në jetën time unë kam pasur privilegjin që tëi shërbej Shqipërisë me poste më të larta, si President, kryeministër. Kjo karrierë e gjatë me poste publike zhvillon tek njeriu natyrën e dytë të ligjit, zgjohesh me ligjin, fle me ligjin dhe me ligjin vazhdojnë jetën publike.

Një porosi kam patur për bashkëpunëtorët e mi ‘repektoni ligjin’. U bënë vite që armiqtë e mi kanë nxitur hetim shteruese ndaj meje, pse pas kaq kohës nuk kanë gjetur asnjë fakt, asnjë provë, sepse unë gjithnjë kam respektuar ligjin.

Kam respektuar ligjin me bindjen më të thellë se ai respekt është mënyra më e sigurtë për garantimin e lirive tuaja për funksionimin e shtetit ligjor.

Në këtë aspekt mund t’ju them se vështirë të gjindet një tjetër të ketë konsideratë me të lartë se unëpër ligjin. Ky është fakt.

Por sot, më shumë se kurrrë është koha që secili prej nesh të kujtojë diçka thelbësore që duhet se është harruar, çfarë është ligji?

Ligjet Kushtetutat Gjykata janë instrumenta për garantuar liritë dhe të drejtat e njeriut. Ashtu si kirurgu që ka në dorë bisturinë për të shpëtuar jetën e të sëmurit, zyrtari ka ligjin në dorë për të garantuar jetën e njerëzve. ”, tha Berisha para mbështetësve të tij.

Berisha para Gjykatës së Lartë: Zgjohem dhe fle me ligjin, armiqtë s’kanë gjetur asnjë provë… Read More »

Aksident tragjik në Greqi, makina bie nga humnera, i përfshirë dhe një shqiptar

Lajmi i fundit / /

Një aksident ka ndodhur mesditën e së martës, 26 dhjetor, në rrugën provinciale Veria-Sfikia, rreth tre kilometra larg fshatit Pieri.

Automjeti në të cilin udhëtonin dy gra, i cili shkonte në drejtim të Sfikisë, ka rënë nga një shkëmb rreth 80 metra i lartë. Për pasojë pasagjerja 73-vjeçare ka humbur jetën dhe drejtuesja e mjetit ka mbetur e plagosur.

Sipas informacioneve të verianet, shoferja ishte nusja e viktimës dhe ato po ktheheshin nga spitali i Verias ku e moshuara i ishte nënshtruar hemodializës.

Njësia e Zjarrfikëses ka nxjerrë dy të aksidentuarat nga makina dhe i ka dërguar në spital, por për të moshuarën mjekët nuk mund të bënin më asgjë.

Në të njëjtën kohë, sipas mediave vendase, është ndaluar edhe drejtuesi i makinës, me origjinë shqiptare, mjeti i të cilit dyshohet se i ka bllokuar rrugën makinës me të cilën udhëtonindy gratë.

Gruaja që po kthehej në Sfikia, me vjehrrën për të shmangur një përplasje kokë më kokë, ka devijuar rrugën e saj dhe ka përfunduar në humnerë.

Autoritetet po kryejnë hetimet për ngjarjen, ndërsa eksperti në vendngjarje pritet të zbardhë shkaqet e sakta të tragjedisë.

Aksident tragjik në Greqi, makina bie nga humnera, i përfshirë dhe një shqiptar Read More »

E rëndë/ Bie në kanalin me ujë, humb jetën 77-vjeçari

Lajmi i fundit / /

Një ngjarje e rëndë ka ndodhur në Divjakë, ku sipas burimet policore, bëhet me dije se një 77-vjeçar është mbytur në një kanal me ujë, në fshatin Goriçaj.

Dyshohet se shtetasi S.B., është vetëhedhur në kanal pasditen e djeshme.

Ende nuk dihen shkaqet e ngjarjes.

Grupi i posaçëm hetimor vijon të punojë për të dokumentuar rrethanat.

Njoftimi i policisë:

“Divjakë/Pasditen e djeshme, dyshohet se është vetëhedhur në një kanal me ujë, në fshatin Goriçaj, shtetasi S. B., 77 vjeç, i cili si pasojë është mbytur. Grupi i posaçëm hetimor vijon të punojë për të dokumentuar rrethanat e ngjarjes”, njofton policia.

E rëndë/ Bie në kanalin me ujë, humb jetën 77-vjeçari Read More »

Sot protesta e fundit? Berisha: Çfarë thua…kush e tha këtë?!!!!

Opinione, Politike / /

Ish-kryeministri Sali Berisha është shprehur se kryeministrit Edi Rama nuk i kishte ngelur asgjë tjetër veçse ta burgoste atë pa asnjë provë. Berisha tha se askush nuk mund ta pengojë atë në misionin e tij dhe shprehu bindjen se Shqipëria nuk do të ngelet kurrë pa opozitë.

“Gabimi më i madh që mund të bëjë qytetari është që ta marrë ligjin të mirëqenë, liritë e tij të mirëqena. Kosto e këtij gabimi është vetë liria.

Njeriu i lirë është ai që zbaton ligjin, por duke qenë vigjilent se mos ai ligj po përdoret kundër tij.

Vetëm skllavi do pranonte që gjykatat, që shkelin ligjin, që shtypin lirinë e tij, të përcaktojnë fatin e tij. Kjo është diferenca mes njeriut të lirë dhe skllavit.

Kështu që a ka njeri të lirë sot të mos pranojë se shumica e demokratëve kanë zgjedhur si kreun e tyre, si lider të PD-së, Sali Berishën.

Kjo është e faktuar me dy palë zgjedhje dhe me tre votëbesime. Kjo është e faktuar me mbi 500 mijë vota jo më larg se 7 muaj më parë. Kjo është e faktuar nga një proces votëbesimi jo më larg se një muaj më parë” tha ai.

Sot protesta e fundit? Berisha: Çfarë thua…kush e tha këtë?!!!! Read More »

Sherri për vendparkimin, 60-vjeçari vret djalin e xhaxhit dhe nusen

Lajmi i fundit / /

60-vjeçari ka plagosur më pas dhe veten.

Një ngjarje e rëndë ka ndodhur në Çellopek të Tetovës brenda një familje, ku janë vrarë dy persona.

Sipas mediave vendase, shkak është bërë një zënkë për vendparkimin, ku një 60-vjeçar ka vrarë djalin e xhaxhait me nusen dhe ka plagosur të birin e tyre.

Sakaq, sipas policisë, 60-vjeçari ka plagosur më pas dhe veten. Raportohet se ata janë dërguar menjëherë në spitalin klinik të Tetovës.

“Zyrtarët policor të SPB Tetovë kanë ndaluar 60 vjeçarin me inicialet I.I nga ky fshat, pas një njoftimi se në ora 14.00 me armë zjarri ka vrarë dy familjarë të tij dhe një ka plagosur. Edhe dorasi po ashtu ka mbetur i plagosur të shkaktuara nga armë zjarri. Po ndërmerren masa për zbardhjen e plotë të rastit”, informoi zëdhënësi i SPB Tetovë, Marjan Josifovski.

Ndërkohë, policia dhe grupi hetimor ndodhen në vendngjarje, ku po punojnë për zbardhjen e plotë të ngjarjes.

Sherri për vendparkimin, 60-vjeçari vret djalin e xhaxhit dhe nusen Read More »

Qeni ‘fundos’ shqiptarin në Itali, policia i gjen 2 kg kokainë në makinë

Kronike e zeze, Lajmi i fundit / /

Një shqiptar është arrestuar nga policia italiane pasi u kap me mbi dy kilogramë kokainë në makinë. Ai akuzohet për trafik dhe posedim droge.

Gjithçka filloi si pjesë e kontrolleve nga Guardia diFinanza përgjatë arterieve kryesore rrugore midis qyteteve San Benedetto del Tronto dhe Ascoli Piceno.

Një patrullë, e përbërë gjithashtu nga qeni ushtarakë si dhe një qen nuhatës droge, ndaloi një makinë Jeep Renegade me një burrë dhe një grua në të.

Gjatë verifikimit të dokumenteve të qarkullimit, qeni tërhoqi vëmendjen, duke treguar për praninë e mundshme të një lënde narkotike në makinë.

Policia kreu kontrol të imtësishëm në makinë, ku gjeti mbi 2 kilogramë kokainë të fshehura, së bashku me një shumë prej 12 mijë eurosh.

Qeni ‘fundos’ shqiptarin në Itali, policia i gjen 2 kg kokainë në makinë Read More »

18-vjeçari vret me gërshërë vëllain e mitur pas një sherrit për rrobat

Bota / /

Nuk ishte hera e parë që dy vëllezërit debatonin pasi dhe në të kaluarën kishin pasur zënka të ashpra

Një ngjarje e rëndë ka ndodhur në Greqi, ku një 18 vjeçar ka vrarë me gërshërë vëllain e tij.

Mediat greke raporton se ngjarja ka ndodhur pas një sherri për disa rroba mbrëmjen e së martës. Në momentin e ngjarjes së rëndë, në shtëpi kanë qenë gjyshja, nëna e dy vëllezërve dhe e motra.

Nëna dhe gjyshja u përpoqën t’i ndanin por gjërat dolën jashtë kontrollit dhe dy të rinjtë u gjendën në dysheme duke goditur me grushte dhe shkelma. Sherri është përshkallëzuar, ku 18-vjeçari ka marrë një palë gërshërë nga dhoma e gjumit dhe ka nisur të ndjekë vëllanë e tij të vogël.

16 vjeçari, në tentativë për t’u fshehur në dhomën e ndenjes, është goditur nga 18 vjeçari në gjoks, duke i shkaktuar vdekjen. Siç rezultoi nga dëshmitë e banorëve të zonës, nuk ishte hera e parë që dy vëllezërit debatonin dhe në të kaluarën kishin pasur zënka të ashpra.

18-vjeçari vret me gërshërë vëllain e mitur pas një sherrit për rrobat Read More »

Berisha paralajmëron Ramën: Nuk do t’i ndahemi derisa ta qërojmë nga pushteti

Opinione, Politike / /

Ish-kryeministri Sali Berisha ka paralajmëruar Edi Ramën se do të bëjnë gjithçka për ta rrëzuar atë nga pushteti, pasi sic u shpreh ai Rama është një armik i votës së lirë.

I vetëdijshëm se kjo është e vështirë, Berisha tha se duhet guxim dhe sakrificë, por siguroi që do ta realizojnë.

Sot tha Berisha, ‘nisëm protestën kundër institucioneve të shndërruara në armë të diktaturës! Ky fillim do shndërrohet në ortek’.

“Sot të gjithë shqiptaret e trembur, të struktura, të frikësuar, sytë i kanë tek ju dhe vetëm tek ju. Natyrisht ne sot fillojmë një kapitull të ri, por ju garantoj se forcë në botë që të më ndajë mua nga ju nuk ka.

Çdo minutë, çdo orë dhe çdo ditë unë do bëj gjithçka që të ecim të sigurt drejt fitores.

Besimin që më dhatë ju unë e pranova, me dy qëllime. E pranova sepse ju ishit demokratët dhe demokratet që doni që të qëndroni si opozitë e vërtete, për idealet tuaja të lirisë.

Ne pranuam të futemi në zgjedhje në kushtet më të paparbarta, por donim ta kapnim për fyti armikun e votës për t’iu betuar se nuk ndahemi kurrë derisa të qërojmë nga pushteti.

Ndaj dhe kaloi në masa ekstreme, por përsëri ju siguroj se do të dështojë, ne nuk mashtrohemi nga Edi Rama. Ne nuk mashtrohemi nga Edi Rama. Ne nuk jemi nga ata që u themi shqiptarëve se me Edi Ramën mund të fitohen zgjedhjet. Ne u themi shqiptarëve të rrëzohet Rama që të fitojmë zgjedhjet dhe shqiptarët të votojnë të lirë. Ne do ta realizojmë këtë, por kjo kërkon, guxim dhe sakrificë”, tha Berisha.

Berisha paralajmëron Ramën: Nuk do t’i ndahemi derisa ta qërojmë nga pushteti Read More »

WP2Social Auto Publish Powered By : XYZScripts.com