Irina

Moderatorja e emisionit Arbana Osmani ia komunikoi lajmin e trishtë banorëve të shtëpisë. Top Channel sot ndodhet në ditë zie, në nder të Pal Kolës, punonjësit të sigurisë.

Vëllai i Madh vendosi që të shfaqë në ekran, pjesë nga ngjarja e rëndë, për t’ia lënë në dorë më pas banorëve, që ata të vendosin nëse do e vijojnë apo jo këtë rrugëtim, që ka nisur më 24 dhjetor të vitit 2022.

Klipi përloti të gjithë banorët e shtëpisë.

Banorët u pyeten nga moderatorja nëse do të vazhdojnë garën pas kësaj ndodhie dhe kësisoji ata kan kohë të mendojnë gjatë kësaj jave.

Arbana u pyet nëse do të vazhdoj punën në Top Channel, dhe e njëjta tha se do të rrij në punën e saj shtëpinë e dytë siç e quan ajo.

“Unë do jem këtu pavarësisht situatës. Është një situatë e trishtë jo vetëm për Topin, por për të gjitha mediat shqiptare. Mendimi im është që do qëndroja këtu, nëse do më pyesnin se çfarë pozicioni do mbaja., Kjo, për t’i treguar gjithkujt që fjala e lirë është e lirë”, tha ajo.

Pasi gati e ka të mbyllur Big Brotherin në Shqipëri, Luiz Ejlli ka synime të tjera, veçanërisht nëse nuk i japin Çmimin e Madh.

Ai ka shprehur sot dëshirën se, nëse nuk del fitues nga ‘Big Brother VIP Albania’, do të provojë ‘Grante Fratellon’.
Luizi bëri të ditur se me italishten është shumë mirë, madje shtoi se me batutat është edhe më mirë se në gjuhën shqipe.

Po ashtu, ai tha se, nëse do bëhej pjesë e atij reality shoë, do kishte mbështetjen e shqiptarëve që jetojnë në Itali, pasi janë shumë.

‘E gjeta synimin e radhës. Do shkoj të fitoj Grante Fratello se s’bën. Nëse nuk e fitoj këtu, do e fitoj atje. Kurdo që të fillojë do e filloj atje. Është gjë e mirë se edhe batutat më vijnë italisht, për zotin eci në Itali. Shqiptarë ka sa të duash’.

I ftuar ditën e djeshme në emisionin ‘Ndryshe’ ishte Meastro Armaldo Kllogjeri, ish- banor i ‘Big Brother VIP Albania’. Ai i është përgjigjur pyetjeve ‘pikante’ të Salsanos dhe Adit lidhur me eksperiencën e tij në shtëpinë më të famshme në Shqipëri dhe jo vetëm.

Si e ka ndryshuar ‘Big Brother’ jetën e tij pas daljes?
‘Big Brother’ ka ndryshuar shumë gjëra. E para njëherë vëmendja. Nuk e kam dëshiruar këtë gjë po dua ta pranoj dhe ta kem si sfidë me veten time. Më kanë uruar dhe kemi bërë foto.

Si e vlerësuan familjarët lojën e tij brenda shtëpisë?

Nuk më kritikuan, më uruan. Ishin shumë krenarë për mua. Kritika nga bashkëshortja, ajo më thonte që duhet të kisha reaguar në disa momente. Ka qenë një surprizë dhe për të mënyra si unë kam luajtur me atë harmoninë, dashurinë time. Më vjen mirë që kam dhënë atë ndjesinë brenda shtëpisë.

Kiara Tito u eliminua nga “Big Brother VIP Albania”, të shtunën e kaluar.

Pas daljes ajo ka treguar mbështetjen dhe dashurinë e madhe ndaj Luizit.

Përmes postimeve të shumta ajo tregon se është gjithmonë pranë vendimeve të tij.

Së fundi ajo ka habitur me një thënie të shkruar krah një postimi të shpërndarë nga ajo.

Luizi i ka shprehur Visit shqetësimin e tij sesi Kiara po e sheh nga jashtë. Ai tregoi se e kishte planifikuar që të dilnin bashkë nga Big Brother e do i përballonin bashkë të gjitha.

“Nuk e di çfarë është duke bërë Kiara, nuk e di si më ka parë jashtë, nuk e di çfarë po lexon. E kisha llogaritur të dilnim bashkë dhe t’i përballonim të gjitha bashkë jashtë, thashethemet, presionin e njerëzve”, tha Luizi.

Kiara e ka postuar këtë moment në Instastory duke treguar se ajo po e ndjek 24 orë.

“Zgjohem dhe fle përballë teje. 24/24 vetëm me ty! Vazhdo përpara Luani im!”, shkruan Kiara.

Sot në “Ftesë në 5” me Bieta Sulon ishte i ftuar Veton Golaj, 30 vjeçari nga Gjakova që është krahasuar me Luiz Ejllin e BBV.

Vetoni ka të njëjtën ngjyrë sysh si Luizi, flokët biond e madje ka edhe të njëjtin tatuazh në gisht si Luizi. Ai është në një lidhje prej disa kohësh dhe e dashura është 10 vite më e vogël, e njëjta diferencë moshe që ka Luizi me Kiarën.
I pyetur nga Bieta, Vetoni tregoi se nuk e priste të kishte kaq shumë reagime për ngjashmërinë e tij me banorin e BBV, por tashmë që ja vënë në dukje i pëlqen.

“Më thoshin Luiz, Luiz dhe unë nisa ta shoh dhe filloi të më pëlqente. Është diçka e mirë kur merr komente të mira prej njerëzve, prej fëmijëve sidomos. Disa po më thonë që do më ndërrojnë edhe emrin në telefon, të ma bëjnë Luiz”, tha ai.

Vetoni po ashtu tregoi se edhe e dashura i thotë se ngjan me Luizin, madje ajo kujdeset që ai të jetë gjithnjë i veshur mirë, një kritikë që edhe Kiara ia bënte shpesh Luizit të BBV.