Partia Demokratike deklaron se Kryeinspektori i IKMT-së ka kërcënuar deputetin demokrat Agron Shehaj sot gjatë aksionit në Jalë.
Në një njoftim për mediat, PD thotë se deputeti i Partisë Demokratike, Agron Shehaj së bashku me deputeten Nada Meçorapaj ishin në Jalë në mbështetje të banorëve të cilët kundërshtojnë shembjen e objekteve nga ana e Inspektoratit Kombëtar i Mbrojtjes së Territorit.
“Gjatë ditës së sotme nuk kanë munguar as përplasjet ndërsa një moment, kryeinspektori IKMT-së në Vlorë, Fatmir Meta, ka kërcënuar deputetin demokrat Agron Shehaj. ‘Mbaje mend këtë fytyrë mirë. Nga Vlora jam unë’, i drejtohet kryeinspektori deputetit”, bën të ditur PD.
Më tej PD deklaron se krahas kërcënimit, kryeinspketori IKMT-së ka shkelur gjithashtu detyrën pasi nuk mund të pengojë deputetin apo t’i kërkojë atij llogari, pasi pengon punën e tij kushtetuese.
Me qindra Flamingo kanë pushtuar lagunën së fundmi, diçka që nuk ishte parë të ndodhte prej kohësh.
Laguna e Nartës është laguna e dytë më e madhe nga rëndësia për shpendët e ujit (20000 shpendë dimëror të rreth 40 llojeve), duke e bërë atë një habitat shumë të pasur, gjithashtu vend ushqimi për Pelikanin dhe ku takohen rregullisht Flamingot.
Flamingot nuk gjenden kudo, ato kanë aftësi që ti mbijetojnë vendeve me kripësi të lartë, janë zogj që mund të përshkruajnë 700 kilometra brenda 24 orëve dhe po ashtu ngjyra e tyre karakteristike e bën këtë shpend kaq të bukur.
Lulzim Basha ka dalë ditën e sotme në një deklaratë për mediat dhe bashkëbisedim me gazetarët nga selia blu. Ai ka folur për vettingun në politike, i cili, siç tha, po kundërshtohet nga Rama, pasi krimi ka kapur politikën dhe ekonominë.
Lideri opozitar nuk nguroi të flasë as për lirimin e Ermal Hoxhës, i dënuar për trafik ndërkombëtar kokainë.
Basha tha se nipi i diktatorit Enver Hoxha, u liria për sjellje të mirë sepse nuk nxori emrin e Olsi Ramës, vëllai i kryeministrit Rama.
Kreu i PD-së u shpreh:
Doli për sjellje të mirë sepse nuk nxori emrin e Olsi Ramës. Fatmir Xhafaj dhe Saimir Tahiri kanë provat e përfshirjes së Olsi Ramës në dosjen e Xibrakës”.
Sipas Bashës, Olsi Rama është koka e laboratorit të kokainës në Xibrakë.
Deputeti i PD, Agron Shehaj thotë se policia ka shoqëruar 10 persona, pasi kanë kundërshtuar prishjen e objekteve të cilat thonë se i kanë me dokumente.
“Vazhdon terrori i policisë kundër popullit të pambrojtur.
Mbi 10 të arrestuar (përfshirë një 14 vjeçare?) në Jalë midis qytetarëve që protestojnë kundër prishjes së banesave në mënyrë arbitrare nga Qeveria.”- shkruan deputeti.
PD do të rikthehet sot në Kuvend, pas tre javësh nga bojkotimi i saj.
Në mbledhjn e grupit të PD është vendosur që deputetët e kësaj force politike të marrin pjesë në Komisionin e Veprimtarisë Prodhuese, ku do të diskutohet dekreti i Presidentit për ligjin e Teatrit të ri.
Mbledhja e Komisionit është parashikuar të zhvillohet sot orën 15:00.
Kreu demokrat, Lulzim Basha, ka zbuluar datën dhe ditën kur do të nisë Vettingu në politikë, duke ju futur tmerrin shumë politikanëve që i tremben në palcë këtij ligji, si Sali Berisha, Ilir Meta, apo Monika Kryemadhi.
Gjatë bashkëbisedimit me gazetarët, Basha tha se Vettingu në politikë do të nisë ditën e premte. Basha u shpreh se opozita ka kërkuar mbledhjen e Këshillit të Legjislacionit për që projekt-ligji i vettingut në politikë të nisë rrugën e tij.
“Të premten Gramoz Ruçi duhet të mbledhë këshillin e legjislacionit dhe komisionin e ligjeve për të nisur pa vonesë procedurën kushtetuese të amendimeve kushtetuese.
Opozita ka vendosur të njëjtat definicone, i njëjti ligji si për gjyqtarët e prokurorët janë votuar nga Rama, Tahiri, Xhafaj dhe nuk ka pse të ketë alibira. Opozita nuk do të jetë fasadë e një qeverie që do të bashkëqeverisë me krimin, ndaj është emergjencë të nisë menjëherë procedura.
Nuk do të lejoj që për sa kam në dorë, të kapet të merret peng nga diskutime teksnike, që natyrisht do të bëhen pasi të merret vendimi politik. Procedurën sesi evidentohen faktet e kemi në Kushtetutë, modeli është ligji i Vetingut.
Jo para se Edi Rama dhe të tijtë të jenë shprehur jo më me fjalë me batutat apo me përralla, pro me vonë nëse janë pro. Ditën e premte do të mblidhet Këshilli i Legjislacionit dhe Komisioni i ligjeve dhe brenda tre javëve do të procedojmë me votë. Të sigurohemi që rrjeta e Vetingut në politikë të mos lërë as peshq as balena të shpëtojnë”, delkaroi Basha./korrieri
Deputetet e Partitë Demokratike të Vlorës nisen drejt Jalit në mbështetje të banorëve të cilët janë përplasur me policinë dhe forcat e IKMT për të mbrojtur pronat e tyre.
Deputetet Nada Mecorapaj dhe Agron Shehaj do të jenë në Jalë kundër prishjes së banesave të banorëve për interesa të klienteve të Ramës.Në një njfotim të publikuar nga opozitë, thuhet se PD dënon qëndrimin e Edi Rames kundër interesit të banorëve të Jalit në favor të interesave të tij private.
Në një kohë që i mbaroi mandati në Shqipëri dhe është në ditët e fundit të qëndrimit, ambasadori amerikan Donald Lu është kujtuar për të folur për Teatrin dhe koncesionet. Ai i ka dhënë një “shuplakë” qeverisë Rama në lidhje me Teatrin. I ftuar në emisionin Real Story të Sokol Ballës në Vizion Plus, Donald Lu bëri një deklaratë të fortë, e cila u kalua në hije.
“Kemi pasur diskutime me homologet e BE gjatë ditëve të fundit. Qeveria, ambasada e SHBA dhe unë e mbështesim punë e BE në përpjekjen e tyre që ky ligj për Teatrin të mos kthehet në diçka që krijon hapësira për korrupsion duke i dhënë kontratën një biznesi të vetëm pa garë transparente apo pa i dhënë mundësinë njerëzve të tjerë që të marrin pjesë në projekt. Ky është një shqetësim jo vetëm në këtë rast, por edhe një shqetësim edhe më i përgjithshëm, sa herë kjo qeveri kërkon koncesione në vend të tenderave të hapur dhe të barabartë. Unë besoj se shqiptaret duhet të kërkojnë një garë të hapur dhe të ndershme sepse kjo ka më pak kosto për qytetarët dhe sjell cilësi më të mirë për ta.”
Pra, ambasadori amerikan Donald Lu, ashtu si edhe BE, shpreh haptazi shqetësimin e tij në lidhje me ligjin e Teatrit dhe përpjekjet e qeverisë për t’ia dhënë këtë projekt vetëm një kompanie, Fusha sh.p.k. Madje, Lu përforcon idenë se dhënie e projektit pa garë tek një kompani e vetme është diçka që krijon hapësira për korrupsion. Donald Lu vazhdon më tej duke e ngritur këtë shqetësim edhe për koncesione në përgjithësi që qeveria Rama jep duke thënë se ky është një shqetësim sa herë kjo qeveri kërkon koncesione në vend të tenderave të hapur dhe të barabartë.
Nga ana tjetër edhe BE, përmes një letre, u shpreh mbi cështjen e Teatrit. Në një letër dërguar sekretarit të përgjithshëm të Këshillit të Ministrave, Engjëll Agaçi, kreu i seksionit të Shqipërisë dhe Bosnje Hercegovinës në Drejtorinë e Zgjerimit të Komisionit Europian, Michaela Matuella, mes të tjerash, shkruante: “Komisioni mirëpret angazhimin e autoriteteve shqiptare për ta amenduar Ligjin Special me qëllimin futjen e një thirrje për tender të hapur për zbatimin e projektit të zhvillimit të Teatrit Kombëtar, ku çdo kompani private mund të aplikojë me një projekt-propozim. (...) Në të njëjtën kohë Komisioni kërkon të nënvizojë rëndësinë e përcaktimit të kritereve të qarta dhe transparente dhe jo diskriminuese për përzgjedhjen e kompanisë fituese dhe zbatimin e Ligjit Special.”
Kështu, edhe BE ngre qartazi shqetësimin e dhënies së projektit të një kompanie të vetme dhe nënvizon rëndësinë e një gare transparente dhe jo diskriminuese. Pra, BE kërkon një garë, jo një paracaktim në një kompanie, por se më çfarë kriteresh dhe me çfarë gare u zgjodh kompanie Fusha sh.p.k këtë as Rama dhe Veliaj nuk na e thonë.
