Irina

‘Nuk prisja të përfitoje në këtë mënyrë’, blogeri i famshëm turpëron Ermal Mamaqin

ShowBiz / /

Me sa duket jo gjithcka është ashtu siç e hsohim në ekran dhe pos batutave dhe të qeshurave spektakli ka dhe efektet negative.

Në emisionin e kaluar “Xing me Ermalin”, ndodhi një përplasje mes moderatorit dhe të ftuarës.
Në studio ishin Nuseir Yassin, një blogger arabo- izraelit, i cili në faqen e tij Nas Daily poston video 1- minutëshe nga mbarë bota, Alyne Tamir, e dashura e tij si dhe dhe Arbër Hajdari i “Fundjavë Ndryshe”.

Si gjithmonë nuk mund të mungonte pyetja me “spec” e Kejvinës, e cila bëri që këtë radhë të dilte jashtë kontrollit.

Pyetja, “Kur shkon nëpër udhëtime, a shkon për të takuar vajza?”, ishte ajo që bëri që e dashura e Nuseir të shpërthente.

“Kjo është shumë e pavend. Kjo nuk është për të qeshur. E di që kjo është Shqipëria dhe ju nuk keni respekt për femrat, por kjo e kaloi cakun. Të mos respektosh femrat nuk është për të qeshur. Jam e lodhur nga kjo botë që bën kështu gjërash. Nuk është në rregull. Kanali im në Youtube me miliona ndjekës është për të drejtat e femrave dhe ti bën këtë pyetje. Femrat në Shqipëri trajtohen si plehra, si objekt”, u shpreh Aline duke qarë.

I gjithë debati nuk mbeti me kaq. Sot Ermal Mamaqi ka reaguar në Instagramin e tij duke postuar një pjesë nga intervista dhe kaq mjaftoi që blogeri arab ti komente duke i “nxjerrë të palarat” Ermalit.

“Kjo nuk është në rregull. Ti nuk ke transmetuar fillimin e intervistës. Pjesën ku nuk respektove mua dhe të dashurën time. Ti ke fshehur pjesën ku njerëzit do të shikonin sa e shpifur ishte kjo intervistë. Unë prisja gjë tjetër, nuk e mendoja se ti do të përfitoje nga kjo intervistë në këtë mënyrë”, ka shkruar Nuseir Yassin në profilin e Ermal Mamaqit.

Dhe fansat duket sikur janë ndarë në dy krahe, ata që mbështesin Ermalin dhe ata që mbështesin idenë e Alyne Tamir, e cila u ofendua nga mënyra e pyetjes së drejtuar ndaj të dashurit të saj/korrieri

‘Nuk prisja të përfitoje në këtë mënyrë’, blogeri i famshëm turpëron Ermal Mamaqin Read More »

5 Arsye të forta përse duhet të hani 1 lugë mjaltë përpara gjumit

Shendetesi / /

Vlerat e mjaltit për shëndetin janë të provuara shkencërisht dhe jo më kot ai njihet si ‘ari i lëngshëm.’

Prej mijëra vitesh mjalti ka qenë zgjedhja kryesore kundër inflamacionit dhe për shërimin e organizmit.
Sipas të dhënave të AgroWeb.org, një nga mënyrat më efikase dhe të thjeshta për të shfrytëzuar të mirat e mjaltit është konsumi i tij përpara gjumit.

Ekspertët e mjekësisë popullore rekomandojnë njëzëri ngrënien e një luge çaji me mjaltë përpara se të shtriheni për të fjetur.

Mjaltin mund ta tresni edhe në çaj kamomili ose qumësht të ngrohtë.

Vlerat Shëndetësore Të Ngrënies Së Mjaltit Përpara Gjumit
Rënia Në Peshë
Nëse konsumohet në mbrëmje, mjalti ndihmon më shumë në djegien e yndyrnave dhe në përmirësimin e funksioneve të mëlçisë.

Duke pirë çajin me mjaltë në vend të sheqerit do të parandaloni shtimin në peshë dhe do të ulni nivelin e sheqerit në gjak dhe të triglicerideve.

Studimet, të cilave u referohet AgroWeb.org konfirmojnë se ngrënia e një luge çaji me mjaltë përpara gjumit frenon urinë gjatë natës.

Kësisoj, mjalti ju ndihmon të humbisni peshë teksa jeni në gjumë.

Mjaltë Për Një Gjumë Të Qetë
Mjalti përmirëson cilësinë e gjumit, mungesa e të cilit mund të shkaktojë shumë probleme shëndetësore siç janë: tensioni i lartë, diabeti i tipit 2, artriti, ishemia dhe sëmundjet e zemrës.

Nëse konsumoni një lugë çaji me mjaltë përpara gjumit, ai do të rrisë lehtë nivelin e insulinës e cila ndihmon në çlirimin e hormonit tryptophan.

Mjalti ndihmon edhe në rritjen e serotoninës, hormoni i humorit të mirë, kënaqësisë dhe gëzimit si dhe melatoninës, hormoni i gjumit të mirë.

Mjalti Ul Rrezikun E Diabetit
Një lugë çaji me mjaltë ul nivelet e glukozës në gjak për një kohë të shkurtër.

Mjaltin mund ta kombinoni me pak kanellë për të mirëmbajtur këto nivele dhe parandaluar diabetin.

Parandalon Alergjitë
Mjalti lufton alergjitë dhe forcon imunitetin.

Këto aftësi i atribuohen mjaltit të vërtetë dhe jo atij të pasterizuar.

Mjafton një lugë çaji me mjaltë çdo natë për të shmangur alergjitë e shkaktuara nga poleni.

Imuniteti
Antioksidantët tek mjalti parandalojnë sëmundjet e zemrës dhe forcojnë imunitetin.

Nëse pini një lugë çaji me mjaltë në mbrëmje do të jeni plot energji dhe do të mbroni rrugët e frymëmarrjes nga infeksioni.

Një lugë me mjaltë ju ndihmon edhe kundër kollës dhe mbron shëndetin e organizmit./AgroWeb.org

5 Arsye të forta përse duhet të hani 1 lugë mjaltë përpara gjumit Read More »

Me aeroporte / Saranda, Vlora dhe Kukësi

Aktualitet / /

Qeveria do të ndërtojë dy aeroporte, në Vlorë dhe Sarandë. Këtë lajm e bëri të ditur sot ministri i Infrastrukturës dhe Energjetikës, Damian Gjiknuri gjatë prezantimit të buxhetit të vitit 2019.

Përpara deputetëve të Komisionit për Veprimtaritë Prodhuese, Tregtinë dhe Mjedisin, Gjiknuri, tha se nëse nuk do të gjendet investitor privat për të ndërtuar aeroportin e Vlorës, qeveria do ta ndërtojë me para nga buxheti i shtetit.

“Do të vijojmë projekte për infrastrukturën aeroportuale, jemi në negociata për aeroportin e Vlorës, por nëse ne nuk i përfundojmë me sukses këto negociata, do të tentojmë çdo lloj mënyre për ta ndërtuar këtë aeroport, përfshirë edhe financim nga buxheti i shtetit. Sepse e ardhmja e turizmit shqiptar nuk mund të mbahet peng nga një aeroport, ndryshe nuk do të kemi turizëm, pa bërë një aeroport në Vlorë”, deklaroi ministri.

“Të njëjtën gjë po shikojmë për Sarandën, ku do të ndërtohet një aeroport me partneritet publik-privat”. Nga studimet e fizibilitetit është vërejtur që ka nevojë, sepse vetëm nga porti i Sarandës, kanë hyrë në një vit rreth 600 mijë udhëtarë.

Në fund, ministri i Infrastrukturës dhe Energjetikës tha se është hapur gara për të ndërtuar edhe aeroportin e Kukësit.

“Gjithashtu ne kemi hapur garën edhe për aeroportin e Kukësit, i cili do të bëhet nga një investim tërësisht privat, me shpresën që ky aeroport të përdoret nga linjat low-cost, pra me kosto të ulët”./atsh

Me aeroporte / Saranda, Vlora dhe Kukësi Read More »

Një gotë me lëng të freskët shege – Për shëndet, fuqi dhe energji menjëherë

Kulinari, Shendetesi / /

Këtë e konfirmojnë shkencëtarët sipas të cilëve, burrat dhe gratë që pijnë një gotë me lëng shege çdo ditë për 2 javë, përjetojnë një rritje të hormoneve që nxisin energjinë dhe qarkullimin e vrullshëm të gjakut.
Një studim i Universitetit Queen Margaret të Edinburgut, të cilit i referohet AgroWeb.org, konfirmoi se lëngu i shegës funksionon si një pije energjike krejt natyrale.

Për të arritur në këtë konkluzion, shkencëtarët analizuan performancën dhe të dhënat e një grupi personash të moshave nga 21 deri në 64 vjeç.

Në fund të studimit, të gjithë pjesëmarrësit patën një rritje të ushqyesve që janë të dobishëm për balancimin e hormoneve, plus vitalitetin e përgjithshëm.

Përveç vetërregullimit hormonal, studimi rezultoi edhe në rritjen e humorit të mirë dhe energjisë së organizmit.

Shega dhe lëngu i saj bëjnë mrekulli për nivelet e hormoneve si testosteroni tek meshkujt dhe estrogjeni tek femrat.

Testosteroni ndihmon në përmirësimin e humorit dhe kujtesës, thanë studiuesit.

Pas pirjes dy javore të këtij lëngu, niveli i këtij hormoni rritej nga 16 deri në 30%. Pjesëmarrësit treguan se ishin në humor të mirë dhe ndjenjat e tyre negative ishin shuar.

Estrogjeni është një hormon shumë i nevojshëm në trupin e çdo gruaje për të qëndruar të forta, energjike dhe me një cikël të shëndetshëm.

Vlerat E Tjera Të Rëndësishme Të Lëngut Të Shegës
Sipas të dhënave të AgroWeb.org, studimet e mëparshme mbi rolin e lëngut të shegës, kanë veçuar rëndësinë e tij për shëndetin e zemrës dhe qarkullimin e gjakut.

Ky superfrut lufton disa forma të tumoreve, lehtëson simptomat e osteoartritit dhe kuron problemet me stomakun.

Ai është i pasur me shumë antioksidantë, vitamina dhe minerale të cilat përmirësojnë shëndetin e njeriut nga koka tek këmbët.

AgroWeb.org rekomandon pirjen e një gote 250 ml me lëng shege çdo ditë për të pasur përfitime afatgjata.

Sa Gota Me Lëng Shege Mund Të Pini Çdo Ditë
Deri më tani, ekspertët tregojnë se nuk nevojitet një dozë standarde ditore të lëngut të shegës.

Me përafërsi, një sasi prej 250 ml deri në 350 ml lëng shege në ditë, është jo vetëm e shëndetshme por edhe e sigurt.

Megjithatë, është shumë e rëndësishme të siguroheni që lëngu që po pini është 100% shegë e pastër dhe jo e gatshme me sheqerna të shtuara./AgroWeb.org

Burimi shkencor i informacionit gjendet në këtë link

Një gotë me lëng të freskët shege – Për shëndet, fuqi dhe energji menjëherë Read More »

Mollët Shqiptare – Më natyralet dhe më të pastrat në rajon

Shendetesi / /

Nëse ekziston një frut që të bën shumë mirë ajo është molla. Nëse është mollë shqiptare, akoma më mirë.

Molla njihet për vlera dhe përbërës të jashtëzakonshëm ushqimorë që të mbrojnë nga një sërë simptomash dhe sëmundjesh.
Dy zonat që mbahen për prodhimin më të lartë të mollëve në vendin tonë janë Korça dhe Dibra.

AgroWeb.org raporton se varietetet që prodhohen më së shumti në Shqipëri janë dy derivatet e Red Delicious, Red Chief dhe Starking.

Të dyja janë të referuara lokalisht si “Starking” madje përbëjnë 52% të pemëve drurëve frutorë, plus mollët e varietetit Golden Delicious që përbëjnë 42%.

Shumica e përbërësve antioksidantë gjenden tek lëkura e mollës. Ndaj këshillohet konsumimi i mollëve, të cilat kanë më pak pesticide dhe kimikate.

Por me rëndësi është fakti që falë klimës së zonave ku rriten mollët shqiptare në Kosovë dhe Shqipëri, spërkatja me pesticide është 10 herë më e ulët se vendet e tjera prodhuese të mollëve në Ballkan dhe 15 herë më e ulët se në vendet e Evropës Qendrore.

Karakteristikat e kultivarëve të mollëve të tokave shqiptare drejtohen nga cilësia dhe qëndrueshmëria ndaj insekteve dhe sëmundjeve, por ndihmesë jep edhe përbërja e tokave.

Nëse kërkon mbrojtje totale, bli mollët tradicionale shqiptare në treg, por lëri për pak minuta në një enë me uthull ose sodë buke dhe ujë si zgjidhje që ndihmojnë në largimin përfundimtar të pesticideve dhe baktereve.

Cilat janë vlerat shëndetësore të mollës?
Mbron trurin
Mollët mbrojnë qelizat bazë të sistemit nervor nga neurotoksinat dhe ulin ndjeshëm rrezikun e çrregullimeve mendore, siç është edhe sëmundja e Alzheimerit .

Ul rrezikun ndaj Ishemisë
Studimet kanë treguar që konsumimi i mollës ul ndjeshëm rrezikun e goditjeve në tru.

Kundër Diabetit
Duke konsumuar tre mollë në ditë, krah rrushit dhe boronicës ul me 7 përqind rrezikun e shfaqjes së diabetit të tipit 2.

Roli që ka molla në këtë rast është rregullimi i nivelit të sheqerit në gjak. Sipas kërkimeve të AgroWeb.org, molla ndihmon sistemin tretës të përthithë më pak glukozë.

Ajo gjithashtu stimulon qelizat beta të pankreasit të prodhojnë insulinë natyrale.

Lufton tumoret
Molla ka përbërës të mrekullueshëm që mund të reduktojnë rreziqet nga kanceri.

Në disa studime të publikuara nga Planta Medica shkruhej se mollët, sidomos ato jeshile, janë efektive në luftën kundër kancerin e zorrës së trashë, kancerit të lëkurës dhe kancerit të mushkërive.

Mbron zemrën
Mollët ulin rrezikun e vdekshmërisë nga sëmundjet e zemrës, për shkak të përbërësve të lartë antioksidantë.

Lëngu i mollës mund të jetë i shijshëm, me vitamina dhe antioksidantë, por magjia qëndron tek fruti i plotë. Vetëm ai të ofron një tufë me fibra dhe vlera ushqimore ashtu siç ka dashur nëna natyrë.

Ata që kanë kujdes për peshën duhet të konsumojnë një mollë të plotë para çdo vakti. Kështu marrin 15% më pak kalori.

AgroWeb.org të tregon që mushkëritë funksionojnë më mirë nëse konsumon mollë. Kjo për shkak të flavonoidëve që gjenden në frut të cilat ulin rrezukun ndaj atakut në zemër.

A e dini?
Molla është në fakt një ‘kushërirë’ e trëndafilit. Ky frut i shijshëm së bashku me pjeshkët, qershitë dhe luleshtrydhet janë të gjithë pjesë e familjes bimore Rosacea apo Trëndafilore./AgroWeb.org

Mollët Shqiptare – Më natyralet dhe më të pastrat në rajon Read More »

“Blend matrapazi, nuk të kisha parë ndonjëherë të silleshe si një k…derr tullac”

Opinione / /

Nga Erl Kodra

Me meritë apo jo, tashmë ti je kthyer në një fenomen televiziv. Sepse pavarësisht dëshirës tonë, ti ke 20 vjet që na imponohesh dhunshëm, pa pikën e elegancës.

T’i ndajmë gjërat, stili yt është mediokër dhe i cekët, sepse ‘Opinion’-in tënd e ke kthyer në një kakofoni perfekte ku shkarkojnë emocionet deri në orgazëm Much Nano dhe Lorenc Vangjeli. Ndërsa komandon ritmin me shkop në dorë dhe u ndërpret fjalën të ftuarve, saktësisht në çastin kur fillojnë të ndërtojnë argumentet, ti e lejon Much Nanon të këputë bullshit-in e radhës.

Shumica e të ftuarve të tu janë krejt të lexueshëm, pa nxjerrë asnjë fjalë nga goja. Kaq larg ka shkuar kjo punë, sa shumë prej nesh nuk e shohin ‘Opinion’-in për analizat shterruese, ose për mendimet e vyera që thonë aty, ta zëmë Lorenc Vangjel Fluturaku, por për zhurmën, kakofoninë, dualitetin pervers që ti e nxitë në studion tënde, teksa i drejtohesh panelit nxitimthi duke rrahur shpullat me fjalët: ‘më shpejt, jepi ritëm, jepi ritëm’. Ama, gjithmonë kujdesesh që në studion tënde të mos mungojë Muchi ose Lorenci.

Por nëse ka një moment ku mjerimi yt madhështor derdhet në eter, është çasti kur bën si sherr budalla, ndërsa, me portretin tënd të pafajshëm, bën sikur nuk kupton, ose sikur ta do pozicioni i paanshëm i gazetarit të hiqesh i tillë, kur me portretin e avokatit të djallit të vënë si maskë, flet djallëzisht dhe shmangë gjithmonë thelbin, të renë, ngjarjen, deklaratën që nuk të shkon sipas planit paraprak.

Këtu më vjen gjynah për veten, për Shqipërinë dhe për shqiptarët. Sepse mjerisht, ne jemi në dorën tënde Blend Fevziu.

Blend Matrapazi, ‘Opinion’-i nuk është i yti. Domethënë, ti përpunon opinionin publik. Sepse ti nuk shet një mall tëndin, një markë tënden, rroba, produkt ushqimor, vaj ose uthull. Jo, ti shet mend, ti shet qëndrime politike, ti shet qëndrimin e Qeverisë, të politikës, të ekonomisë; shkurt, gjithçka e gjallë që lëvizë në hapësirën shqiptare merr formën që ti i jep.

Ndaj ka shumë rëndësi ‘Opinion’-i yt i qelbur. Edhe kur denigron opozitën, edhe kur ia pret fjalën asaj, edhe kur ia ngec Much Nanon dhe Lorenc Vangjelin shqiptarve natë për natë. Sepse ne nuk kemi alternativa të tjera. Sepse ti kë zënë një fashë orari mjaft të shikueshme, çdo natë, në një televizion kombëtar dhe shumë të fuqishëm.

Dhe ti fiton shumë, fiton televizioni ku ti punon, fiton gjithmonë qeveria.

Shqiptarët?!

Vari leshtë shqiptarëve, kujt i duhen?! Ata mirë boll janë, vrimave, skutave, burgjeve të Shqipërisë dhe të Europës, me bukë e pa bukë. Të paktën 300 mijë familje janë në zgrip të ekzistencës.

Mbrëmë mbeta i pataksur.

Sepse nuk të kisha parë ndonjëherë të silleshe si një k…derr tullac, ndërsa i hakërreheshe Flamur Nokës. Duke përmendur trimëritë e tua mediatike për videon që paske transmetuar dikur për ngjarjen e Elbasanit. Por harrove të përmendësh rastet kur ti e kthen ‘Opinion’-in në një pikë lavazhi ku lahen me radhë Saimir Tahiri, Orest Sota, Vangjush Dako, Fredi Alizoti, Edi Rama, Fatmir Xhafa e qindra delikuent të tjerë (nëse më lejohet të citoj Presidentin tonë të pastër Z. Ilir Meta).

Po Blend Fevizu.

Ti bën një punë të pisët, duke u hyrë në hak shqiptarve. Ti jo vetëm që nuk e thua të vërtetën ndërsa hiqesh sikur nuk ke një qëndrim tëndin, por më tepër akoma; me sjelljen tënde harbute, të ulët, të paskrupullt dhe pa pikë etike, ti vret shpresa dhe varrosë të vërteta.

Ti je pjesë e së keqes që na ka zënë. Je saktësisht Djalli i Pasur i veshur me kostum gazetari.

P.s.

Para më shumë se një viti të kam shkruar një ‘letër’, nuk e di nëse e ke lexuar. Edhe nëse jo, punë e madhe fort, fundja unë nuk ushqej më shpresa se ti do të bëhesh ndonjëherë burrë me moral, por thjesht po ta them që ta dish: Je krejt mediokër dhe pa skrupuj.

“Blend matrapazi, nuk të kisha parë ndonjëherë të silleshe si një k…derr tullac” Read More »

Një nga qytetet e përfolura, mësyjnë Forcat Speciale, kontrolle të befasishme në lokale

Aktualitet / /

Ai është një nga qytetet më të përfolura dhe të përmendura edhe nga ish-ministri Xhafaj si fole gangsterësh.

Ndaj mbrëmjen e sotme forcat speciale të policisë kanë nisur një aksion për kapjen dhe goditjen e personave me precedentë të mëparshëm në Elbasan. Kontrolle të befasishme janë kryer në objekte të ndryshme të dyshuara dhe mësohet se disa persona janë shoqëruar në polici.

Sipas burimeve, policia ka marrë informacione për mbledhjen e disa emrave me precendetë ndaj dhe ka nisur kontrollet.

Një nga qytetet e përfolura, mësyjnë Forcat Speciale, kontrolle të befasishme në lokale Read More »

I ra të fikët kur fitoi kurorën, Miss Shqipëria zbulon prapaskenat: Gjithçka ishte… (Video)

ShowBiz / /

Missi shqiptar ka rrëfyer prapaskenat e skektaklit të madh botëror të bukurisë. Inskenime dhe aktrime nga koleget e saj.

Vitin e kaluar, Klaudia Kalia nga Tirana u zgjodh në Prishtinë “Miss Grand Albania 2017”, kurorë që do e dërgonte atë për përfaqësimin e Shqipërisë në Vietnam në “Miss Grand Internacional”.

Por mosha e vogël e penalizoi, kështu që ajo nuk mundi dot të garonte me fashën e Shqipërisë. Por shpresa nuk i humbi pasi Klaudia bën realitet ëndrrën e saj duke marrë pjesë këtë vit në ‘Miss Grand Internacional.

E ftuar në emisionin e mbasditës ‘Rudina’ Klaudia tregoi në lidhje me eksperiencën e vetë në këtë pjesëmarrje.

E pyetur se si qëndronte e vërteta në lidhje me videon që po qarkullon në rrjete sociale, ku Clara Sosa pasi ka dëgjuar emrin e saj si fituese të ‘Miss grand Internacioanal’ i ra të fikët Klaudia bën këtë shpjegim:

“Clara Sosa ka rregulluar pozicionin e këmbës teksa ishte shtrirë përtokë, për të pozuar më bukur, gjithçka ishte e inskenuar”.

VIDEO

I ra të fikët kur fitoi kurorën, Miss Shqipëria zbulon prapaskenat: Gjithçka ishte… (Video) Read More »