Irina

Pas ankesave të qytetarëve për zvarritje të çështjeve që lidhen me pronësinë në Fier, Kryeministri Edi Rama urdhëroi sot shkarkimin e drejtorit të Hipotekës së Fierit.

Lajmin e bëri të ditur vetë Kryeministri Rama në takimin e përjavshëm me koordinatorët e bashkëqeverisjes. Vetëm në këtë takim, u paraqitën 3 raste të ankesave të qytetarëve për çështje të pazgjidhura në Hipotekën e Fierit.

Njëri prej rasteve kishte të bënte me ankesën e një 77-vjeçari, i cili nuk pajisej me certifikatën e pronësisë së tokës bujqësore, edhe pse kishte ndjekur të gjitha hallkat administrative.

77-vjeçari atë pasuri e kishte marrë në mënyrë të ligjshme dhe donte t’ia linte trashëgim së bijës. Në tetor 2017, ai aplikoi, pasi kishte mbyllur të gjitha procedurat në bashkinë Roskovec. Iu drejtua ADISA-s, por edhe pse plotësoi dokumentacionin e kërkuar çështja vijoi të zvarritej nga Hipoteka. Pas ankesës në platformën e bashkëqeverisjes, ai u pajis me certifikatën e pronësisë.

E vërteta është, tha Kryeministri Rama, se 77-vjeçari jo vetëm ka marrë dokumentin, por ka shkarkuar edhe drejtorin e Hipotekës Fier. “Kemi pasur disa raste nga Hipoteka e Fierit për çështje të pronësisë në tokën bujqësore. Vetëm sot ishte një rast i mëparshëm, rasti i 77-vjeçarit dhe një rast tjetër më pas. Kur pashë raportin e sotëm kam kërkuar shkarkimin e drejtorit të Hipotekës dhe thellimin e hetimit administrativ për këtë zvarritje”, – tha Rama.

Në atë zonë, vijoi Kryeministri, ne jemi të interesuar të shpërndajmë një orë e më parë parcelat e tokës. “Platforma e bashkëqeverisjes na ndez llampat e kuqe aty ku duhet të ndërhyjmë. Fakti që qytetarët thonë kam 6-7 muaj, apo 1 vit, është e mjaftueshme në këtë aspekt”, – tha Rama, duke shtuar se platforma e bashkëqeverisjes nuk është thjesht një slogan, por është realitet.

Prej ditësh ka nisur regjistrimi i fëmijëve në kopsht dhe çerdhe, por ashtu si në çdo derë tjetër ku troket në Shqipëri, edhe aty paska allishverishte.

Këtë dhe shumë peripeci të tjera rreth mungesës së hapësirës për fëmijët i ka rrëfyer gazetarja Gentiana Rreshka, e cila ka çuar Davidin, djalin e saj për regjistrim në kopsht.

Gazetarja shkruan:

“M’u zu fryma sot David, teksa me dokumentat e tua ne dore prisja të të rregjistroja në kopësht. M’u zu fryma bir kur një gjysh para meje po ankohej e po shfaqte me zë e me gjeste merzinë që kishte se nuk i kishin regjistruar nipin sepse disa të tjerë i kishte nis deputeti e vendet ishin zenë.

Davidi mamit m’u duk se dikush më kapi për fyti kur të mendova në një klase me 45 fëmijë të tjerë e sikur të ta ndjente zemra, ke një javë që qan se s’do të shkosh. U ndjeva e pafuqishme edhe e pashpresë, ku të kam lindur e ku po të rris, në një vend ku duhet mik për t’u regjistruar në kopësht.

Qava dhe se desha veten sot David, sa në hak po të hyj, se ti mam s’ke as një centimetër vend ku të luash aty te lagjia, edhe fusha afër shtëpisë është nën lupën e ujqërve qe duan të ngrenë pallate.

Se ky vend David si me magji të zezë shndërron e shkatërron çdo gjë të mirë, prishen fusha për llac e tulla, priten pemë e gërryhen lumenj.

Kush ka faj bir do më pyesësh ti, mami ka faj dhe shumë mama e baba të tjerë që i lejojnë. Po fëmijët e “atyre”, si rrinë në çerdhe, si i kane kushtet ato mam, me siguri jo 50 fëmije në klasë, as edukatore të lodhura, të paguara pak, jo mam jo , ato rrijnë rehat.

Mu nxi mëngjesi sot e ndjeva thikën në palcë kur pashë e ndjeva se ti po cenohesh, të drejtat e tua s’t’i përfill njeri.

Fale mamin zemër fale!

Teksa po ikja më vinte të mallkoja, të mallkoja me gjithë shpirt, po më kanë mësuar të kthej mallkimin në lutje dhe u luta: Zoti im bëje mirë këtë vend!”