Doktori që administroi mjekimin e efektives së policisë Ina Nuka thotë se nuk mund të japë detaje të hollësishme.
Megjithatë doktori ka shtuar se efektivja ka pësuar dëmtime serioze, ndërsa kryeministri Edi Rama deklaroi se ajo do të niset drejt Turqisë ku do t’i nënshtrohet operacionit.
Efektivja e “Shqiponjave” pësoi dëmtime në dorë dhe qafë pas një kapsolle që iu hodh gjatë protestës së banorëve të “Astirit”.
“Ka pasur nevojë për ndërhyrje urgjente, është dëmtuar seriozisht në këtë vend, por nuk nuk mund të japim detaje të tjera për momentin”, u shpreh doktori.
Maya është në ditët e fundit të pritjes së ëmbël! Në muajin dhjetor, këngëtarja e hitit “Motrat” do të bëhet për herë të parë, nënë e një djali. Por përpara se djali të vijë në jetë, Maya është kujdesur që të ketë kujtim barkun e rrumbullakosur dhe ka realizuar një set me foto ku shfaqet rrëzëllitëse.
Maya ka zgjedhur të veshë një fustan të bardhë i punuar me gurë dhe pupla, teksa mban në kokë një kurorë me lule. Ajo pozon në këmbë duke buzëqeshur, teksa njërën nga duart e ka tek barku i rrumbullakosur!
Dhe këngëtarja ndriçon nga nuri i shtatzënisë!
Gjatë një interviste me emisionin “Rudina”, Maya rrëfeu se shtatzënia për të nuk ka qënë fort e lehtë pasi ka probleme të shumta me ushqimin, si edhe gjumin. Megjithatë ajo nuk mundi ta fshihte emocionin që ka ndjerë për këtë dhuratë që e priste prej një kohe të gjatë.
Presidenti i Republikës, Ilir Meta po merr pjesë në kremtimet e Ditës Kombëtare të Alfabetit të Gjuhës Shqipe në Maqedoni. Fillimisht Presidenti Meta i shoqëruar nga Kryetari i BDI-së, Ali Ahmeti, Kryetari i Parlamentit të Maqedonisë, Talat Xhaferi, Zv/Kryeministri i Maqedonisë, Bujar Osmani, udhëheqës politikë, deputetë si edhe dhjetra shqiptarë në Maqedoni, u përul me respekt dhe vendosi një buqete me lule te monumenti i Heroit tonë Kombëtar Gjergj Kastriotit Skënderbeut në Shkup.
Pasi vizitoi edhe Shkupin e vjetër dhe Mozaikun e Lidhjes së Prizrenit, duke vlerësuar figurën dhe rolin e tij, në kuadër të Vitit Mbarëkombëtar të Gjergj Kastriotit Skënderbeut, Presidenti Meta u shpreh: “Jam shumë i lumtur që gjendem në Shkup së bashku me udhëheqësin e Bashkimit Demokratik për Integrim zotin Ali Ahmeti, me Kryeparlamentarin e Republikës së Maqedonisë, zotin Xhaferi dhe shumë personalitete të tjera për të marrë pjesë në kremtimin e 110-vjetorit të Kongresit të Manastirit, kësaj ngjarjeje madhore për të gjithë kombin shqiptar, që i bashkoi të gjithë shqiptarët rreth Alfabetit të Gjuhës Shqipe dhe që i parapriu edhe Pavarësisë së Shqipërisë, ekzistencës së shtetit shqiptar dhe gjitha mbarësive që u gëzohet kombi ynë sot.Është kënaqësi për ta nisur këtë kremtim duke u përulur me nderim këtu në Shkupin e vjetër para monumentit të Heroit tonë Kombëtar edhe në kuadër të 550-vjetorit të kujtimit të kësaj figure të përmasave europiane.
Dje pata kënaqësinë të isha me Presidenten e Kroacisë në Zadar, me komunitetin e Arbanasve për të festuar këtë 550-vjetor dhe më mbeti në mendje referimi që Presidentja e Kroacisë i bëri njërit prej shkrimtarëve më të njohur kroatë për figurën e Skënderbeut, i cili me të drejtë kishte thënë që ‘Hero më të madh nuk ka lindur nëna akoma.’
Këtu në Shkup do të preferoja t’i referohesha Fan Nolit tonë të madh, njërin prej kontribuuesve kryesorë edhe të Kongresit të Manastirit, pavarësisht se nuk arriti të merrte dot vetë pjesë duke u përfaqësuar përmes Sotir Peçit dhe patriotëve të tjerë, se ‘Skënderbeu do të mbetet përgjithmonë shqiptari më i gjallë ndër shqiptarët e gjallë’, që do të thotë se është vepra e jashtëzakonshme e kësaj figure madhore jo vetëm e kombit tonë, por edhe e qytetërimit europian, që përcaktoi identitetin tonë europian, rrugën tonë europiane, për të cilën edhe sot ne jemi të angazhuar, shqiptarët kudo në të gjithë rajonin dhe ku faktori shqiptar në Maqedoni jep një kontribut historik, dhe përcaktues. Sigurisht që është kjo rrugë, të cilën e përcaktoi me veprën e tij Gjergj Kastrioti Skënderbeu, që udhëhoqi edhe filozofinë e bashkimit në Kongresin e Manastirit për Alfabetin e Gjuhës sonë, një alfabet që ndihmoi dhe kontribuoi jo vetëm Pavarësinë e Shqipërisë, po ka kontribuuar për të gjithë rrugën tonë europiane deri më tani.
Ndaj nderimin më të madh sot për Gjergj Fishtën, Luigj Gurakuqin, Mid’hat Frashërin, për gjithë ata personalitete të shquara, për përfaqësuesit e familjes Qiriazi, të cilët në kushte shumë të vështira arritën t’i japin kombit tonë një fuqi të jashtëzakonshme të bashkimit dhe të udhëheqjes për të ardhmen e kombit tonë.
Me këtë rast dua të vlerësoj edhe të gjitha përpjekjet që janë bërë dhe vazhdojnë të bëhen këtu për të ecur drejt jo vetëm ruajtjes, por edhe të përdorimit të gjuhës shqipe në Maqedoni, në përputhje edhe me Marrëveshjen e Ohrit, dhe të përgëzoj këtë frymë të re bashkëpunimi e bashkëjetese në Republikën e Maqedonisë, që është e vetmja rrugë për paqe dhe stabilitet në të gjithë rajonin tonë.”, – u shpreh Presidenti Meta.
Jeton e vetme. Me qera. Babai pa punë. Nëna ekonomiste. Vëllai emigrant në Gjermani. Nuk ka krijuar deri tani një familje pasi i është dedikuar punës, ku kërkon të bëjë karrierë. Ka mbaruar me rezultate të shkëlqyera. Kolegët e saj të Forcave të Posaçme “Shqiponjat” në Drejtorinë Vendore të Policisë Tiranë e tregojnë si një vajzë të shkëlqyer, e përkushtuar dhe me ëndrra për të ardhmen.
Po sot efektivja e policisë, Ina Nuka, mbeti e plagosur rëndë në protestën e organizuar nga Partia Demokratike, duke i shkaktuar dhe humbjen e katër gishtave të saj në njërën dorë. Pasojat e asaj që ndodhi kanë lënë disa plagë në trupin e 26-vjeçares së lindur në Peqin dhe e diplomuar me nota të shkëlqyera në Universitetin e Sporteve të Tiranës, ku edhe përfundoi studimet master për shkencat e lëvizjes.
Në Prill të vitit 2016, Ina është certifikuar si punonjëse e Patrullës së Përgjithshme dhe prej afro një vit e gjysmë ka punuar si efektive e Patrullës së Përgjithshme pranë Komisariatit të Policisë nr.3. E reja nga qyteti i vogël i Peqinit, që ndoqi ëndrrën e saj për të qenë pjesë e Policisë së Shtetit, prej gjashtë muajsh ishte transferuar në repartin “Shqiponja”, ku vendosi të jepte kontributin e saj.
Por, për punonjësen e policisë së lindur në vitin 1992, e cila ka pasur rezultate shumë të mira në Universitetin ku ajo studio dhe në Akademinë e Sigurisë, nuk munguan as arritjet në profesionin e saj. Ndonëse në një moshë të re, ajo vuri jetën e saj në rrezik përballë disa grabitëse që kishin vjedhur me dhunë një makinë në Shkodër, duke i ndaluar keqbërësit. Për këtë veprim të saj, ajo është shpërblyer me një pagë mujore shtesë nga Drejtoria e Policisë së Tiranës.
Jeta e 26-vjeçares nuk u rrezikua nga as nga keqbërësit që vjedhin makina apo persona të tjerë me të kaluar kriminale dhe me të cilët përballej çdo ditë, por dëmet më të mëdha në trupin e saj i mori gjatë një protestë të organizuar nga PD, ku ishte angazhuar për të ruajtur rendin dhe sigurinë publike. Sot Ina, ka disa gishta më pak, disa plagë më shumë në trup dhe ëndrrën për të vazhduar të nesërmen punën si punonjëse e policisë, për të cilën la profesionin e saj si mësuese fizkulture.
24 vjeçarja Ina Nuku është efektivja e cila ka humbur gishtat e dorës pasi i ka plasur në një kapsollë e hedhur nga protestuesit ditën e sotme para Parlamentit.
Newsbomb.al mëson se Nukut filimisht kapsolla i ka rënë në qafë, në pjesën e jakës së unfirormës ndërsa duke u përpjekur ta largonte i ka plasur në dorë.
Burime nga spitali i Traumës kanë thënë për newsbomb.al se 24 vjeçarja ka humbur plotësisht gishtin tregues, ndërkohë dy gishtat e tjerë i janë dëmtuar pjesërisht dhe prej orësh ndodhet në reanimacion.
Gjithashtu efektivja e repartit të forcave Shqiponja ka marrë dëmtime dhe në pjesën e djathtë të fytyrës, siç shihet dhe në foto.
Por ajo që bie në sy është se ish-kryeministri Sali Berisha pasi i ka bërë një shkrim ku dhe e ka ofenduar Nukun duke e quajtur ndrikull është detyruar ta fshijë postimin.
Mesa duket ish-kryeministri ka rënë vet pre e lajmit që ka publikuar pasi efektivja që shihet me ministrin Sandër Lleshi nuk është Ina Nuku.
Madje efektivja e cila është takuar me Sandër Lleshin nuk ka asnjë prej gishtave të fashuar, por mban në dorë një medikament mjeksor./ NEWSBOMB.AL
“Te dashur miq, kjo eshte ndrikulla per te cilen mashtruan si derra nga Edvin Kristaq Urrejtja tek Sander Vasali dhe Geron Veliu, sipas te cileve ajo ka humbur 4 gishtrinje nga eksploziv i hedhur nga protestuesit.
Siç shihni nga foto ajo ka nje demtim te nje gishti ndaj dhe nuk eshte fashuar as pellemba dhe as gishtrinje te tjere.
Duke i thene te shkuara, le te keshillojme ndrikullen me uniforme te ruaj gishtrinjte sepse meqe nuk i ka humbur do ja vjedhin hajnat per hir te vijes se kuqe!
ps: Vendosja e policeve ne rreshtin e pare perballe demostruesve eshte model i Gedafit”.
Këtë status skandaloz nuk e ka shkruajtur ndonjë komentues anonim, por një person që ka qenë kryeministër i Shqipërisë. Sali Berisha quhet, që i thotë një punonjëse të policisë ndrikull. Në fakt, në foton që ka postuar Berisha, nuk është punonjësja e policisë që humbi gishtat, por një punonjëse tjetër. Atij i ka shkruajtur edhe gazetari Blendi Salaj.
“Kjo ne foto nuk eshte oficerja Ina Nuka e cila ka humbur gishtërinjtë sot, por nje efektive tjeter. Zoti ish. Km, mos i bini ne qafe “ndrikullave”, ato jane motrat dhe bijat tona”, shkruan Salaj. ma.me
Shëndeti është gjëja më e rëndësishme për një njeri. Shëndeti varet nga ajo që ne konsumojmë, ose kur e konsumojmë.
Të flini gjumë
Kurrë mos shkoni të flini kur keni stomakun bosh, sepse nuk do merrni gjumin e shëndetshëm. Kur nuk keni ngrënë ushqim, niveli i glukozës në gjak bie dhe si rrjedhojë gjumi gjatë natës do jetë i çrregullt. Nëse nuk hani siç duhet, ditën tjetër do keni vetëm uri, gjatë gjithë ditës.
Mos pini alkool
Alkooli dëmton shëndetin, këtë të gjithë e dimë. Por konsumimi i alkoolit me stomakun bosh e absorbon alkoolin më shpejt, sesa me stomakun plotë. Pra, nëse pini alkool pa ngrënë, do dëmtoni rëndë shëndetin.
Mos hani çamçakëz
Çamçakëzët me stomak bosh sjellin ulcerën në stomak. Ulcera është një sëmundje që nuk kurohet lehtë, prandaj mundohuni mos të hani asnjëherë çamçakëza me stomak bosh.
Mos bëni pazare
Sa herë jeni të uritur, mos bëni pazare ushqimore. Një stomak i uritur na bën të blejmë gjëra që neve nuk na nevojiten fare.
Mos bëni stërvitje intensive
Asnjëherë mos bëni stërvitje të rënda dhe intensive kur keni stomakun bosh. Kjo nuk do ju ndihmojë të digjni kalori më shumë, por do reduktojë muskujt e trupit dhe fytyrës. Gjithashtu do ju reduktohen edhe energjitë.
Mos krijoni sherre
Kur jeni të uritur, mos u zini dhe mos diskutoni me njerëz. Stomaku i uritur çon në një luftë të rrezikshme, për shkak të nivelit të ulët të sheqerit në gjak.
