Irina

Qeveria gjermane dhe ajo shqiptare do t’i hapin rrugën emigrimit legal të të rinjve me arsim profesional. Kjo shihet si zgjidhje për frenimin e emigracionit të paligjshëm.

Gjermania dhe Shqipëria kanë hedhur një hap të rëndësishëm drejt emigracionit legal, ku shumë të rinj dhe të reja, që kanë një arsimin profesional, tashmë mund ta gjejnë veten në tregun e ofertë-kërkesës në shtetin gjerman.

Ky hap konsiderohet i rëndësishëm për vetë faktin se kjo strategji frenon punën në të zezë nga njëra anë, ndërsa në krahun tjetër ndihmon shumë shqiptarë, që zotërojnë një diplomë të arsimit profesional, shkruan osservatorioitaliano.org.

Projektligji për ratifikimin e marrëveshjes ndërmjet Shqipërisë dhe Agjencisë Gjermane për Bashkëpunim Ndërkombëtar (GIZ), mbi projektin “Këshilla për Migracionin në Shqipëri”, synon të forcojë kontributin e emigrantëve për vendin e origjinës, por dhe një metodë frenimi për emigrantët e paligjshëm.

“Perspektiva europiane nuk është vetëm fjalë, nëse do të vijoni rrugën, përmbushni kushtet!”.  Kjo fjali-mesazh që ministri i Jashtëm gjerman, Heiko Maas, ja tha troç dhe në sy kryeministrit Edi Rama janë thelbi i strategjisë që po përdor prej 5 vitesh Rilindja në pushtet. Grabit në bashkëpunim me krimin ekonomik dhe atë të organizuar pasuritë dhe financat e vendit, shndërroje Shqipërinë në një kantier për pastrimin e parave të mafies vendase dhe asaj ndërkombëtare dhe paralelisht bombardo me propagandë “suksesesh”, për të krijuar aureolën e rreme për atë që po ndodh në realitet.

Nëse te ndërkombëtarët “punët e mëdha” vetëm me fjalë të Edi Ramës, nuk pinë më ujë këtu brenda ai e ka kuptuar se shqiptarët po zgjohen çdo ditë, ndaj ka kaluar në një fazë të re për të mbuluar instalimin e krimit të organizuar në pushtet, me shkëlqim të rremë vezullues.

Burime të sigurta pranë kryeministrit kanë thënë se së fundmi Edi Rama ka thirrur  Endri Fugën dhe i ka dhënë një ultimatum të egër. Mësohet se e ka urdhëruar “Gëbelsin” e tij, që të dalë nga qoshja e errët ku bën si interesant dhe “misterioz” dhe duke nisur nga ai vetë të përpilojë strategjinë e një fushate intensive propagandistike, për “arritjet” e Rilindjes.

Kjo është arsyeja që Fuga kohët e fundit ka dalë nga strofulla dhe përveçse po shkruan edhe vetë, ka nisur takimet me këdo që ka impakt në opinionin publik. Është përpiluar një listë me të gjithë ata që direkt apo nëpërmjet familjarëve të tyre, kanë përfituar dhe vazhdojnë të vjelin të mirat e pushtetit të Edi Ramës.

Ka ardhur koha që kushdo që ka edhe sadopak ndikim në opinionin publik të shfaqet dhe të “luftojë”, sepse kanë ardhur ditë të vështira për ne- mësohet se ka qenë thelbi i ultimatumit të Ramës për Fugën.

Njerëz publik, artisë, gazetarë, pedagogë, pronarë mediesh e universitetesh, biznesmenë, madje edhe kushdo që ka një familjar në punë shteti, duhet të kthejë mbrapsht “përfitimet” që ka nga Rilinda.

Askush nuk duhet të përjashtohet si ushtar në këtë sulm frontal; as shokët dhe gratë shokëve e ortakëve të vetë Olsi Ramës, sepse të tjerët e dinë vetë. Fuga thjesht ka përcjellë ultimatumin që ju dha.

Prandaj njerëzit shohin të habitur, se si shfaqen si “kone” të bindura edhe figura si Robert Ndrenika e Ardit Gjebrea etj, duke recituar “arritjet” e pushtetit.

Prandaj kohët e fundit janë me dhjetëra-qindra e të përditshme rastet, kur “figura publike” në TV, portale, gazeta  e sidomos në rrjetet sociale shfaqen të sforcuar sikur e kanë “pistoletën prapa koke” dhe bombardojnë opinionin, me “sukseset” e qeverisë Rama.

Prandaj ditën e hënë, edhe një spektakël televiziv si “Dance With Me” në TV Klan, që në premierë të këtij sezoni u kthye nga Vera Grabocka dhe Alketa Vejsiu në një shfaqje të turpshme dhe të neveritshme, ku propaganda mashtruese në shërbim të Rilindjes (bizneseve të tyre familjare në fakt) bombardoi mijëra shqiptarë, që prisnin të shijonin vallëzimet e njerëzve publik.

Sa herë që Alketa Vejsiu kapte mikrofonin, aq herë shqiptarët që e ndiqnin dëgjonin të habitur sesi shmangej qëllimi argëtues  që duhet të ketë spektakli, në një skenë promovuese për sukseset imagjinare të Rilindjes së Ramës.

Edhe kur në skenë dolën dy artistë të ftuar nga Italia, Vejsiut si duket ju kujtuan bizneset familjare, ultimatumi që kishte marrë në darkë në shtëpi,  Olsi i Ramës, vilat, rrjetet e pikave të basteve që po lulëzojnë dhe nisi të recitojë; Vijnë italianë në Shqipëri për të kërcyer, por Rilindja ka krijuar kushtet edhe për 20 mijë investitorë, që sjellin paratë e tyre nga përtej detit dhe hapin vende pune!

Se ku i gjeti Alketa Vejsiu këta 20 mijë investitorë në Shqipëri, një zot e di; vetëm nëse ata që i kanë përgatitur tekstin që recitoi e kanë fjalën për mafiozët italianët që investojnë fortë në kultivimin dhe trafikun e kanabisit në vendin tonë; ata që janë aksionierë në trustin ndërkombëtar të kokainës, ata që po investojnë në lavatriçen gjigante që ka ngritur Rama me ndërtimin, kumarin etj.

Gjithsesi ashtu si klithma e bishës që ka rënë në kurthin që ka ngritur vetë, ultimatumi i Ramës për Fugën është aq i egër, sa që po i nxjerr të gjithë sheshit. Vëzhgoni me kujdes TV-të, mediat, rrjetet sociale që të kuptoni, se deri ku kanë mbërritur metastazat e mafies me emrin Rilindje!

“Fiks Fare” denoncoi mbrëmjen e së mërkurës veprimet e postës policore në Manzë të Durrësit, të cilët tentuan që të manipulojnë një çështje, ku viktimën e bënë autor.

Në redaksinë e Fiksit u ankua Myrvet Lleshi, nga Sukthi, i cili tha se “kapi” hajdutin e policisë dhe, pasi njoftoi policinë, rezultoi se autori ishte nipi i një efektivi të policie. Dhe këtu fillojnë problemet për të, pasi Myrvetin e trajtojnë si autor, i bëjnë presion të mbyllë çështjen, madje i marrin telefonin dhe i fshijnë gjithçka kishte.

Gjithsesi, qytetari arriti të filmojë autorin, i cili pranoi se pagoi 100 mijë lekë të vjetra shefit të policisë që çështja të mbyllej dhe të mos shkonte në Gjykatë.

Qytetari “bëhet” polic

Në muajin gusht 2018, në zonën e Gjirit të Lalzit, Myrveti punonte si shitës ambulant. Në një moment, ai shikon se nuk e kishte celularin dhe dyshon te një tjetër shitës ambulant. “Unë e njihja këtë person si figurë, jo me emër. E takova pas gjysmë orë. E kontrollova dhe gjeta telefonin tim. Ky person quhet Sabaf Lasku, nga Dibra.

Ky person iku dhe mora policinë në telefon. Policia nuk zbatoi ligjin dhe më mori mua si hajdut dhe jo si viktima që isha. Në momentin që erdhi policia më mori me forcë, më nxori nga mbrapa furgonit, ishin 4 efektivë policie. Njëri nga ata quhet Sadik Lasku. Ky punonjës policie, personin që më vodhi telefonin e kishte djalin e xhaxhait” thotë Myrveti.

Më pas shpjegon se në vendin ku shiste i erdhën 4 ose 5 vetë të inatosur, ku njëri ishte me rroba banjo. “Ai më goditi me grushte dhe shkelma në prani të punonjësve të policisë. Nuk e kuptoja cila ishte arsyeja. Këta donin të ndërtonin një akuzë që të më nxjerrin mua kriminelin. Pasi më goditën, më hipën në bagazhin e makinës, te këmbët e mia kisha një kallashnikov me dy karikatore fishekë. Unë jam familjar, si mendoj ato marrëzira. Më çuan në policinë në Manzë, atje dëgjoja policë me njëri tjetrin, që të më bënim kallëzim të rremë. Në komisariat nuk më detyrua, po duke dëgjuar se mos më bëjnë ndonjë gjë, po nga frika u detyrova të firmosja një deklaratë që denoncimin. Në celular kisha filmuar ku autori pranoi që unë jam kam marrë telefonin dhe më kërkonte falje” thotë qytetari.

Më pas shpjegon se disa punonjës policie janë tallur me videot e tij personale dhe në fund i kanë fshirë. “Autorin e kam takuar dhe i kam bërë një videoregjistrim të dytë, e pranon që ma ka vjedhur celularin. E pranon që i ka dhënë edhe ca lekë shefit të komisariatit të policisë Manzë. E pranon se është kushëriri i punonjësit të policisë” thotë autori.

Qytetari “heton” vjedhjen

Pasi u konsiderua si autor, qytetari fillon të hetojë vjedhjen e celularit. Fillimisht ai takon personin që i vodhi celularin. Ai xhiroi të gjithë bisedën, ku autori e pranon se e ka vjedhur ai celularin, ndërsa i thotë se për të mbyllur të gjithë çështjen, që të mos shkonte në gjykatë, babai i tij i ka dhënë 100 mijë lekë të vjetra një punonjësi të policisë së Manzës. Sipas tij, celularin ia ka dhënë në rregull viktimës, por ka dëgjuar në komisariat se denoncuesi i ka regjistruar policët kur po e shoqëronin, prandaj dhe ia kanë fshirë.

Autori pranon se njërin nga policët që e shoqëroi denoncuesin në komisariat e ka kushëri. Ndërkohë, pas ngjarjes, qytetari shkon në SHKB për të denoncuar veprimet e punonjësve të policisë së Manzës. Inspektorët e SHKB-së i ngrenë zërin, madje dhe e ofendojnë, duke i thënë se çfarë ka në kokë, tru apo tallash.

Në fund, pas sorollatjes, qytetari shkon në rajonin e policisë në Manzë, ku një punonjës i thotë se ta zgjidhë më Sadikun, pasi është djalë i mirë. Më pas e takon punonjësin, Sadik Laskun, në rrugë, teksa i kërkon përse e shoqëruan dhe ushtruan dhunë ndaj tij. Punonjësi i policisë i thotë se nuk e ka nga ai të gjithë shoqërimin dhe duhet ta gjejë te personat e tjerë. I kërkon që mos t’i vijë në këtë mënyrë duke e provokuar, pasi do të ketë probleme më pas.

BISEDË MES AUTORIT DHE VIKTIMËS

Viktima – Sa lekë i dha atij (policit)?

Autori – 100 mijë lekë.

Viktima – Po më rren mua, 100 mijë lekë ëëë?

Autori – Kështu më tha babi, unë s’di gjë, ato lekë që kam pasur me vete, kam pasur 50 mijë lekë, ja kam dhënë babit. Sa kishte pas babi me vete ja ka dhënë. Ia kemi dhënë krejt tyre. Unë qesh gjithë ditën u lodha, atyre ua dhashë.

Viktima – S’të thanë ata me mdhanë lekë mua, të më paguash dëmin?

Autori – Jo, s’më thanë.

Viktima – Po ça të thanë?

Autori – Ti je për bukë, i lumtë dora atij, bravo i qoftë që të fali. Faleminderit dhe prej teje i thashë që s’më çove në gjykatë. Faleminderit dhe prej atij i thashë, ke bërë shumë gabim, telefonin e more në dorë. Me atë telefon ke marrë policinë se ma kanë vjedh.

Viktima – E di ça dëmi më ke bërë.

Autori – Una ta dhashë në rregull telefonin. Ti more policinë. I ke bërë gropën vetes oo

Viktima – Unë i kam bërë gropës vetes?

Autori – Se të mora ty telefonin, që më vodhe telefonin ëëë?

Viktima – Po.

Autori – Unë ta dhashë në rregull telefonin, e di pse ta kanë fshirë, se ata kishin dyshime se u ke bërë video policëve, u ke bërë lloj-lloj gjërash. Bënim llafe policësh. Unë vetëm i dëgjohesha.

Viktima – Kush i fshiu videot e mia?

Autori – Ai i madhi, ai i gjati. Unë desha me pi ujë, dhe i dëgjova.

Viktima – Nga e dinte PIN-in?

Autori – Janë policë ata o shokë.

Viktima – Tani si do ja bëjmë me më dhënë lekët e dëmit?

Autori – Shkoi thuaj babit tim, s’di gjë unë.

Viktima – Kush ishin ata, ai plazhisti që më goditi?

Autori – Se di, unë njoh vetëm xhaxhanë tim, Sadikun. Dhe Hamzain. Hamzain babi im e ka shok.

Viktima – Pse i dha 100 mijë atij (policit)?

Autori – Po ashtu, 1 kafe, filloi ja përmendi 100 herë, jo për bukë, jo për këtë.

Viktima – E njihte babai jot shefin e madh?

Autori – Nuk e di, ja dhashë. Mbaruam punë.