Sipas parashikimit te Meteoalb, të hënën paraditja paraqitet me kthjellime e vranësira të shpeshta por mesdita dhe pasditja ri-sjellin vranësira dhe shira në pjesën më të madhe të vendit si dhe rrebeshe afatshkurtra në zonat Qendrore dhe Jugore. Dita e martë do të nisë me kthjellime dhe vranësira të lehta deri në mesditë kur vranëisrat fuqizohen duke gjeneruar rrebeshe të izoluara në Jug dhe më pak në zonat Qendrore. E mërkura dhe në vijim deri në fundjavë, moti mbi Shqipëri paraqitet kryesisht me kthjellime.
Temperaturat e ajrit të hënën dhe të marten sjellin rritje të lehta gjatë orëve të mesditës; e mërkura dhe e enjta sjellin rënie të lehtë të vlerave termike gjatë mëngjeseve dhe orëve të mesditës ndërsa e premtja sërisht rrit lehtë temperaturat në të dy ekstremumet ditore. Temperaturat ekstremale gjatë kësaj jave do të luhaten nga 7°C më e ulëta në zonat Verilindore deri 27°C, maksimumi në Veriperëndim dhe Jugperëndim të vendit (temperaturat vlerësohen rreth 5°C më të larta se vlerat tipike të tetorit).
Disa foto të publikuara nga deputeti i Partisë Demokratike për Qarkun e Elbasanit, Lucciano Bocci tregojnë se si një makinë me targë policie kryen transport inertesh,
“Makina e rëndë në foto e video që s’ka lidhje me policinë, mban targa policie. Duket si barcaletë me polica por është e vërtetë. Transporton prej kohësh zhavor, inerte siç duket në aksin TEG-Tr. Se ç’lidhje ka policia me transport inertesh këtë vetëm A. Veliu mund të na e thojë”, shkruan ndër të tjera deputeti i PD në postimin e tij.
POLICIA QË BËN TRANSPORT…
Ndodh edhe kjo!!! Meqenëse policinë e kemi shumë nikoqire, ajo kujdeset për të gjitha e nuk le gjë prej gjëje t’i kalojë nën hundë….E nuhat lekun. Tipar vigjilence ky! Merret me “prerje” hashashi. Mbron krimin nga qytetarët. Godet fëmijë e gra.
Tani çuditshëm po merret me ndërtim…Makina e rëndë në foto e video që s’ka lidhje me policinë, mban targa policie. Duket si barcaletë me polica por është e vërtetë. Transporton prej kohësh zhavor, inerte siç duket në aksin TEG-Tr. Se ç’lidhje ka policia me transport inertesh këtë vetëm A. Veliu mund të na e thojë. Do Zoti transporton vetëm inerte se ku i dihet???!!! Prit tani kur të shohim ndonjë maune me targa policie…me “miell”!!!/korrieri
Presidenti i Republikës Ilir Meta përmes rrjeteve sociale njofton se këtë fundjavë ai po zhvillon një vizitë në jug të vendit, ku ndalesa e radhës ishte fshati Prishtë në Skrapar.Përmes një komenti të shkurtër, President Meta njofton se zhvilloi një vizitë në shtëpinë e Nënë Bajames, e cila siç thotë ai, me sakrifica pa fund ka rritur tre fëmijë të mbarë e të edukuar për të cilët është krenare me të drejtë.“Ishte kënaqësi të kaloja një mbrëmje të mrekullueshme në Prishtë këtu ku mikpritja është e rrallë.
Më në fund e mbajta fjalën për të vizituar Nënë Bajamen, e cila me sakrifica pa fund ka rritur tre fëmijë të mbarë e të edukuar për të cilët është krenare me të drejtë. E falënderoj për mikpritjen e bujarinë e pafund ashtu siç dinë nënat e Skraparit”– shkruan Presidenti Meta duke e shoqëruar komentin e tij edhe me një foto nga takimi me Nënë Bajamen.
Të huajt vijojnë të mbajnë në lëvizje tregun e pasurive të paluajtshme në bregdet. Sipas agjencive kryesore në vend, arsyeja kryesore mbeten çmimet e lira, ndërsa blerësit kryesorë janë nga vendet e rajonit, të cilat nuk kanë dalje në det. Përmirësimi i infrastrukturës po tërheq blerës në Durrës. Fokusi i agjencive për bregdetin është kapja e tregjeve të huaja…
Nga Ledina Loga Në pamje të parë asgjë nuk i lidh një boshnjak, një italian, një ukrainas dhe dy gjermanë së bashku. Mirëpo që prej verës së këtij viti, ata janë banorët më të rinj të një prej pallateve në zonën e Shkëmbit të Kavajës në Durrës. Edi është administrator i pallatit, në të cilin këtë verë janë shtuar edhe pesë rezidentë të kombësive të ndryshme. Sipas tij, arsyeja kryesore pse të huajt kanë zgjedhur Durrësin janë çmimet e lira. Për diçka më pak se 20 mijë euro mund të blesh një apartament në afërsi me bregun e detit.Çmimi për metër katror për një banesë matanë shinave të trenit në atë zonë varion nga 300 deri në 350 euro, gjë që ka joshur blerësit e huaj, të cilët sipas administratorit të pallatit kanë një moshë relativisht të re, nga 30 deri në 50 vjeç. Të gjitha shitjet janë kryer nëpërmjet agjencive të pasurive të paluajtshme dhe pronat kanë qenë të bllokuara nga bankat. Edi shton se për të parë apartamentet, godinën e kanë vizituar mbi tridhjetë persona me nacionalitet të huaj, por që nuk kanë vendosur. Një prej arsyeve kryesore, sipas tij, është mungesa e besimit për të blerë pasuri të paluajtshme në një vend si Shqipëria. Të huajt që kanë marrë në shqyrtim ofertat për shitje apartamentesh në pallatin që ai administron kanë njëlloj pasigurie. Megjithatë nuk janë vetëm të huajt që po blejnë në Durrës. Sipas agjencive kryesore të patundshmërisë në vend, një burim i kërkesës në bregdet kanë qenë shqiptarët e diasporës dhe shqiptarët e Kosovës, të cilët sipas Jonian Antonit nga agjencia Century 21 janë më shumë të fokusuar në Veri të vendit. Ndërsa për sa u përket shqiptarëve, Klajdi Memajdini nga agjencia Devinf, thotë se janë më kërkues në cilësi dhe kërkojnë kryesisht apartamente cilësore në rezidenca banimi. Xheni Jahja nga Tirana Real Estate argumenton se finalizimi i shitjeve ka datuar në periudhën para gushtit, megjithatë ajo shton se pritet të ketë interesim në 3-mujorin e parë të vitit të ardhshëm. Buxheti është një nga faktorët që ndikon në përcaktimin e zonës për individët që kërkojnë të blejnë në bregdet. Për familjet me një buxhet të kufizuar, Durrësi është zona kryesore, ndërsa familjet me të ardhura më të larta kërkojnë kryesisht në Jug dhe në përgjithësi investojnë për një pronë në komplekse rezidenciale. Bazuar në listimet e pronave që kanë bërë agjencitë e pasurive të paluajtshme, “Monitor” ka përllogaritur çmimet mesatare të apartamenteve në bregdetin shqiptar. Shëngjini është zona ku ofertat janë më të ulëta, gjë që reflekton stabilitetin e tregut të pasurive të paluajtshme në atë zonë dhe individët që kanë blerë kryesisht nuk kërkojnë që të rishesin, ndërsa ndërtimet e reja po fokusohen më së shumti në hoteleri. Individët që kanë blerë në Shëngjin, nisur edhe nga frekuentimi i lartë i bregdetit aty nga shqiptarët e Kosovës, i shfrytëzojnë pronat për tregun e qiradhënies. Megjithatë, bazuar në agjencitë kryesore në vend, çmimi mesatar për metër katror në zonën e Shëngjinit është 720 euro. Bregdeti i Durrësit mund të ndahet në tre zona, bazuar në çmimin e pronave. Zona më e shtrenjtë për sa i përket çmimit të apartamenteve është Gjiri i Lalëzit, ku çmimi për metër katror varion nga 900- deri në 1100 euro për metër në katror, në varësi të kompleksit rezidencial ku ndodhet apartamenti. Zona e dytë fillon nga Plepat deri në afërsi të Golemit. Në këtë zonë të Durrësit ka shumë ofertë për shitje, bazuar mbi pronat e listuara nga agjencitë kryesore të pasurive të paluajtshme në vend. Çmimet më të ulëta janë për apartamentet në pallatet e ndërtuara pas hekurudhës, si në rastin në fjalë, që janë shitur me çmimin 300 euro për metër katror. Sipas ofertave të listuara, pranë Hotel Adriatikut në Durrës mund të gjesh një apartament me çmim mesatar 450 euro për metër në katror. Për apartamentet që janë më pranë bregut të detit, çmimet mesatare luhaten në 700-750 euro/ m². Zona e tretë është Golemi, Pishat e Buta dhe plazhi i Qerretit, ku çmimet për apartament janë rreth 800-850 euro për metër katror, duke qenë se rezidencat e banimit janë në komplekse dhe kanë lehtësi që tërheqin blerësit. Jugu i Shqipërisë mbetet zona më e shtrenjtë dhe jo vetëm për apartamentet, por edhe për vilat. Në Vlorë, zonat më të lira janë Rradhima dhe Orikumi. Sipas ofertave të listuara në Rradhimë, për një apartament banimi, çmimi mesatar është 700 euro për metër në katror, ndërsa në Orikum, çmimet mesatare për banesa janë rreth 450-500 euro/m², në varësi të afërsisë me bregun e detit. Zona më e shtrenjtë vijon të mbetet Riviera. Një apartament në Dhërmi kushton mesatarisht 1200 euro/m², ndërsa për sa u përket ofertave të listuara, ato nuk janë të shumta në numër. Sipas agjencive kryesore të pasurive të paluajtshme dhe atyre që janë me fokus në bregdet, Saranda vijon të mbetet “mbretëresha” e bregdetit shqiptar. Çmimet mesatare të apartamenteve në Sarandë janë 900 euro/m². Kryesisht Saranda ka qenë zgjedhje për skandinavët, të nxitur edhe nga afërsia me aeroportin e Korfuzit.
Diaspora vë në lëvizje pasuritë e paluajtshme në bregdet Përveç të huajve, ka pasur interes edhe nga shqiptarët e diasporës dhe Kosovës. Sipas inxhiniere Xheni Jahja nga Tirana Real Estate kërkesat më të shumta kanë qenë nga shqiptarët e Kosovës. “Në vite ka pasur rritje të interesit në blerje. Zonë fokus ka qenë Lagjja 13, ish-Hekurudha, Rrashbulli dhe Golemi. Në përgjithësi janë kërkuar apartamente 1+1, me kosto deri 35.000 euro. Ndërsa pjesa më e rëndësishme për to është që prona të ketë dokumentacion të rregullt ligjor”, – thotë Jahja. Ajo shton se sado që ofertat e tjera mund të kenë qenë tërheqëse, por pa dokumentacion, ajo kërkesë është anuluar menjëherë. Edhe Jonian Antoni nga agjencia Century 21 thotë se siguria e dokumentacionit mbetet një nga prioritetet për realizimin e transaksioneve. Ai shton se në politikën e agjencisë së tyre nuk i prezantojnë fare pronat që kanë problematikë në dokumentacion. Për inxhinieren Xheni Jahja, kërkesa është rritur për arsye të përmirësimit të infrastrukturës. “Që nga 2013-a, Rruga e Kombit ka afruar shumë vendet dhe fokusi i tyre për të investuar në bregdetin shqiptar është rritur. Emigrantët në vendet e tjera kanë interesim, por numri i tyre mbetet i vogël, me përjashtim të moshave të reja që kanë interes real dhe mendojnë që të investojnë në bregdet për një apartament të mirë”, – argumenton Jahja për Revistën “Monitor”. Megjithatë, Jonian Antoni nga Century 21 thotë se edhe pse kërkesa nga diaspora është e konsiderueshme, nuk është në nivelet e mëparshme dhe e lidh këtë me largimin e tyre nga Shqipëria dhe me rritjen e çmimeve. Ndërkohë që një pjesë tjetër nuk e konsideron më kthimin në Shqipëri dhe për rrjedhojë, nuk e shikon të nevojshme investimin në pasuri të paluajtshme në vend. Ai shton se fokusi duhet të jetë te përthithja e tregjeve të huaja sesa te rikthimi i diasporës.
Parashikimi
“Nuk besoj se do të ketë rritje, madje mendoj se Shqipëria është më mirë të fokusohet te përthithja e tregjeve të huaja sesa te rikthimi i diasporës” – thotë Jonian Antoni
Përmirësimi i bregdetit në Durrës nxit shitjet Një ndër faktorët e rëndësishëm që kanë nxitur shitjet në bregdetin e Durrësit është edhe përmirësimi i infrastrukturës, përveç çmimeve të lira. Xheni Jahja thotë se përmirësimi i infrastrukturës jep një efekt pozitiv në rritjen e vlerës së pronës dhe për rrjedhojë, sjell dhe rritje të çmimit për pronat e paluajtshme. Megjithatë Jonian Antoni nga Century 21 thotë se për sa i përket infrastrukturës, urbane dhe jo vetëm, mbetemi ende mbrapa. Ai i cilëson projektet për ndërtimin aeroporteve në zonën e Jugut spekulime. Të huajt – thotë ai – e kanë të vështirë që për vendet si Shqipëria të besojnë planet që janë ende në letër.
Vetëm “shqiptarë te pasur” blejnë në bregdet Ndryshme nga të huajt apo shqiptarët e diasporës, shqiptarët kanë pretendime kur vjen puna për të blerë një shtëpi të dytë në bregdet. Klajdi Memajdini nga agjencia Devinf, argumenton se në përgjithësi, shqiptarët që blejnë shtëpi të dytë ose të tretë në bregdet kanë të ardhura të larta dhe për rrjedhojë, kërkojnë prona shumë cilësore. Në përgjithësi, kërkesa e tyre është e fokusuar në komplekset rezidenciale ku kanë edhe të gjithë lehtësitë e nevojshme.Jahja shton se në përgjithësi, shtëpitë e dyta apo të treta shoqërohen edhe me kosto dhe sipas saj, duhet një ekonomi mbi mesataren për të investuar në bregdet për një pronë.
Saranda, në verë turizëm, në dimër patundshmëri Për të huajt, Saranda vijon të mbajë vendin e parë për sa u përket shitjeve të pronave. Eron Çumani nga Saranda Property Invest thotë për “Monitor” që, pas sezonit të suksesshëm veror në qiradhënie të pronave në Sarandë, presin muajt në vijim për të finalizuar transaksione në shitje. Duke qenë se gjatë verës, Saranda vizitohet nga shumë turistë të huaj, shërben dhe si një mënyrë e mirë për prezantimin e pronave. Çumani thotë se në përgjithësi, pasi të huajt e vizitojnë si turistë gjatë verës, rikthehen në muajt tetor për të blerë apartamente. Xheni Jahja nga Tirana Real Estate thotë se për qytetet si Saranda, në përgjithësi shitjet janë për efekt turistik. Ajo argumenton se shfrytëzimi i pronës në qytete si Saranda apo për apartamentet në rivierë, të cilat për shkak të mungesës së infrastrukturës dhe largësisë nuk mund të shfrytëzohen lehtë gjatë gjithë vitit, bëhet më i vështirë. Ndryshe ndodh në Vlorë, Lezhë apo Durrës.
Sheshi i Flamurit ,fshati Kanine,por edhe te tjera ambjente te qytetit ,kane qene pjese e viztes se 28-vajzave Vlora.
Me e vogla vetem gjashte muajshe mban pikerisht emrin Vlora ,ndersa ka startuar gjithcka ne bashkine e qytetit bregdetar,per et vijuar em vizita ne shehin historik te flamurit dhe fshatin Kanine. Aty ku kane pare nga afer shehsin historik te Vlores,emrin e nje qyteti qe vete 28 vajzat kane zgjedhur,por edhe te shijojne peisazhet e mrekullueshme qe qyteti i Vlores ofron.
Kjo eshte edhe vizita e pare e ketyre vajzave ne qytetin e Vlores,vizite qe starton edhe aktivitetet per festen e Pavarsise. Jo pa qellim jane zgjedhur pikerisht 28 vajza me emrin Vlora,si nje simbolike edhe per 28 nentorin festen e Pavarsise se vendit,pikerisht ne qytetin e Pavaresise.
Jo vetem vizite,per te njohur nga afer vendet historike te qytetin,apo shijuar peisazhet e mrekulluehsjme qe ofron Vlora,por edhe kercime,me muziken shqiptare dhe shume foto. 28 Vlorat e kosoves,ne qytetin e pavaresise per te pare nga afer emrin e qytetit qe 28 vajzat kosovare mbajne.
Riorganizimi i partise, zgjedhjet e ardhshme vendore, nisja e punes se te gjitha strukturave, kreu i PAA-se Agron Duka ne Vlore, duke nisur keshtu punen per fushaten e ardhshme zgjedhore.
Duka ka folur edhe rreth koalicionit me PD-ne, koalicion i cili sipas Dukes do te vijoje edhe ne zgjedhjet vendore te vitit 2019, por edhe zgjedhjet e ardhshme parlamentare. duke i cilesuar zgjedhjet e vitit 2017 te kushtezuara per Partine Agrare, Duka ka theksuar se kjo force politike vec faktit qe do te kerkoje sa me shume keshilltare ne keshillat bashkiake, do te synoje edhe perfaqesimin me nje nga anetaret e saj, ne nje nga bashkite e vendit, por kjo do te harrihet me konsensus dhe koalcion me PD-ne.
Kreu i partise agrare Agron Duka ka theksuar se kjo mazhorance nuk ka zgjidhur asgje, rreth asaj cfare Partia Agrare aspiron, ndersa tashme puna nis nga Vlora, per te vijuar edhe ne rrethe te tjera ne vend.
Nendetsja 105,nje pjese e rendesishme e historise shqiptare,tashme 60 vjet. Ishte tetori i vitit 1958, kur nendtesja 105,ne ate kohe me emer edhe Tufani, nisi lundrimin e pare se bashku me tre nendetset e tjera qe perbenin ne total kater nendeteset e marines shqiptare. Lundrimi i pare qe perkon edhe me krijimin e 60 vjetorit te brigades se pare te nendeteseve ne bazen e Pashalimanit ne Vlore.
Nje histori qe tek shqiptaret vijon te shquhet me emrin e nendeteses 105, ndersa tashme 60 vjet me vone, baza e Pashalimanit ka mirepritur edhe nje here ata, te cilet u bene pjese e brigades se pare dhe te vetme te nendetesve ne marinen luftarake shqiptare.
Ish nenujesa e kuadro qe kane sherbyer ne nedeteset shqiptare, por edhe ishin pjese e rendesishme e tyre u bene pjese pas 60 vitesh seris ne bazen e Pashalimanit ne Vlore. Petrit Myftiu ish komandant dhe pjestar i lundrimit te pare te nendetseve nga baza e Pashalimanit percolli edhe nje here me emocion dhe para ish ushtarakave emocionet e 60 viteve me pare.
Nuk ka munguar edhe prania e drejtuesve te marines shqiptare dhe komandanti i forces detare shqiptare gjeneral major Ylber Dogjani, qe i ka cilesuar ish ushtaraket si pjesa me e rendesishme e historise se marines shqiptare. Sot nendetsja 105 qendron serish aty ne bazen e Pashalimanit, e rikthyer prej vitit 2015 ne vendin ku i takon ne baze. Por tashme thjesht si nje monument kuklture, pas restaurimit qendron aty ku edhe nisi lundrimin e pare te saj ne vitin 1958, por qe tre vite me vone nga lundrimi i pare mbeti me emrin e saj 105 pjese e historise shqiptare dhe jo vetem te marines.
Një premtim i mbajtur i kryeministrit Edi Rama për familjen Ahmeti me tetë anëtarë, ku jeta nga një makth i vërtetë në gjendje të mjeruar kthehet në një jetë normale, falë përkujdesjes së vetë kryeministrit.
Pas vizitës së Kryeministrit në fillim të shtatorit në familjen Ahmeti në fshatin Vajzë të Vlorës ku tetë anëtarët e saj jetonin në kushte të vështira, pa shtëpi, pa energji elektrike dhe fëmijët të paarsimuar, sot familja ka nisur një jetë krejt tjetër.
Kryeministri Rama ka vizituar shtëpinë e Niko Ahmeti në fshatin Vajzë në Vlorë më 5 shtator ku banonte familja me tetë anëtarët e saj.
Kryeministri u interesua për kushtet, nevojat, dhe shkollimin e fëmijëve.
Më tej, kryeministri pasi dëgjoi familjarët, premtoi një zgjidhje; së pari, furnizim me energji elektrike, më pas rindërtimi i shtëpisë dhe arsimimi profesional i fëmijëve.
Rikthimi në shtëpinë e Niko Ahmetit, fshati Vajzë, Vlorë u krye nga shtabi i punës më 10 shtator kur shtëpia mori furnizim me energji elektrike.
Me 1 tetor, vazhdonte puna për ndërtimin e shtëpisë, ndërkohë që tre fëmijët vazhdojnë arsimimin profesional.
Fëmijët e familjes Ahmeti u paraqitën në drejtorinë e Arsimit Profesional Vlorë. “Jemi njohur me problematikën e familjes tuaj dhe ne mundësuam që ju të tre të ndiqni një nga kurset profesionale”, shprehet drejtuesi i Arsimit Profesional Vlorë. Njëri prej tre djemve do të vazhdojë kursin e instalimeve elektrike.
Për Aleksandrin është menduar të ndjekë kursin e servisit, apo të berberit dhe kjo mbetet në zgjedhjen e tij, ndërkohë që për Arsenin u mendua të ndjekë kursin e hidraulikut.
Djali i madh thotë se e sheh veten elektricist, ndërsa Aleksandrit i pëlqen kursi për hidraulik. Arseni ka zgjedhur profesionin e berberit sepse e ka me dëshirë.
Një jetë nga e para, nga makthi i familjes pa shpresë në një jetë normale dhe të integruar tashmë.
