Irina

Pastrohen kanalet vaditëse në Drashovicë dhe Armen

Aktualitet, Lajmi i fundit / /

Pastrimi i kanaleve kullues dhe kolektorëve, në të cilët ka shumë vite që nuk është vënë dorë, janë në fokus të punës së bashkisë Selenicë, Vlorë.

Bashkia bën të ditur se “mjetet po vazhdojnë punën për pastrimin e kanalit vaditës Drashovicë-Armen me gjatësi rreth 5 km”.

Sipas bashkisë, po ashtu po riparohen edhe skarpatet e betonit, të cilat janë dëmtuar ndër vite.

Fermerët e këtyre fshatrave do të kenë gati ujin për vaditje për këtë sezon.

Rehabilitimi i këtyre kanaleve ndikon direkt në prodhimtarinë e tokës, por edhe në kullimin e shpejtë të tyre pas reshjeve të shiut, pavarësisht intensitetit./atsh

Pastrohen kanalet vaditëse në Drashovicë dhe Armen Read More »

Cakaj: Në asnjë rrethanë s’e kam mbështetur ndryshimin e territoreve Kosovë-Serbi

Aktualitet, Politike / /

Ministri në Detyrë për Europën dhe Punët e Jashtme.

Gent Cakaj gjatë një interviste në emisionin opinion në Tv Klan, të mërkurën në mbrëmje bëri të ditur se nuk ka mbështetur në asnjë rrethanë ndryshimin e kufijve mes Kosovës dhe Serbisë dhe se ligjërisht nuk ka asnjë rol në negociatat mes palëve.

“Jam akuzuar për një opozicion politik, për një projekt që s’e kam mbështetur në asnjë rrethanë, flas për shkëmbimin e territoreve mes Kosovës dhe Serbisë. Unë s’jam as pjesë e ekipit negociator të Kosovës e s’jam as nënshkrues potencial, apo më tej.

Këto komente kanë ardhur prej mendjeve të ngushta politike. Qoftë nga pikëpamja politike, unë e kam konfirmuar atë që thotë Presidenti, unë për atë marrëveshje nga pikëpamja juridike s’kam asnjë rol.

Unë në çfarëdo rrethane me Presidentin e Republikës nuk do të replikoj publikisht dhe do shpreh konsideratat maksimale.

Ai është përfaqësues i unitetit kombëtar. Vërejtjet ndaj tij do t’i bëj vetëm në kanalet institucionale. Shembullin e fundit të bashkëpunimit të suksesshëm ishte sot, ku emëruam ambasadorin e ri të vendit në Spanjë”, tha Cakaj. /atsh

Cakaj: Në asnjë rrethanë s’e kam mbështetur ndryshimin e territoreve Kosovë-Serbi Read More »

Rreziku i obezitetit mund të parashikohet që në lindje

Problematika, Shendetesi / /

Një test gjenetik është në gjendje të parashikojë rrezikun e obezitetit që në lindje.

Ai funksionon në sajë të algoritmeve që përpunojnë informacion nga më shumë se dy milionë variante gjenetike që ndikojnë në Indeksin e Masës së Trupit, sipas një kërkimi shkencor të udhëhequr nga Instituti i Teknologjisë në Masaçusets dhe Universiteti i Harvardit, i botuar në revistën ”Cell”.

Testi llogariti saktësisht rezultatet e rrezikshmërisë së obezitetit për më shumë se 300 000 individë dhe qëllimi është të ndihmojë në parandalimin e problemeve me terapitë më efektive.

Bazuar në të dhënat e studimit mbi obezitetin, botuar në revistën ”Nature” në vitin 2015, analiza tregoi se disa njerëz janë më shumë në rrezik ndaj obezitetit sesa të tjerët.

“Rezultati është i lidhur me diferencat minimale të peshës në lindje, por efektet fillojnë të duken qartë që në fëmijërinë e hershme dhe bëhen gjithnjë e më të theksuara me kalimin e viteve’’, shpjegon Sekar Kathiresan, një nga autorët e studimit.

“Në rastin e obezitetit, një dietë e ekuilibruar dhe aktivitet fizik mund të kundërveprojë ndaj predispozicionit gjenetik”, shton ai./atsh

Rreziku i obezitetit mund të parashikohet që në lindje Read More »

Meta apel të rinjve: Rikthehuni fuqishëm tek libri dhe leximi, lërini kafenetë

Aktualitet, Arsim, Politike / /

Presidenti i Republikës, Ilir Meta në Ditën Ndërkombëtare të Librit dhe të Drejtave Autoriale ka apeluar për rikthimin e të rinjve drejt librit dhe leximit.

“Libri është jo vetëm miku më i mirë, por edhe dashuri e madhe e të gjitha kohërave. Është e trishtueshme të shohësh sot biblioteka bosh dhe kafene të mbushura plot me të rinj, por asnjëherë nuk është vonë t’i orientojmë ata drejt librit dhe t’u kujtojmë se vetëm dija mund të pasurojë dhe të ndryshojë jetët e tyre”, shprehet Presidenti Meta.

“Rikthehuni fuqishëm tek libri dhe leximi, për plotësimin e dijeve dhe ëndrrave tuaja, është ky apeli im për të gjithë të rinjtë e të rejat, sot në Ditën Ndërkombëtare të Librit dhe të Drejtave Autoriale”, thekson Presidenti Meta./atsh

Meta apel të rinjve: Rikthehuni fuqishëm tek libri dhe leximi, lërini kafenetë Read More »

Ministria e Brendshme: Regjistroni vendbanimet tuaja reale pa marrë gjobë deri më 10 maj

Aktualitet, Lajmi i fundit / /

Të gjithë qytetarët që ende nuk kanë bërë regjistrimin e tyre të vendbanimit, kanë ende dhe 17 ditë kohë ta realizojnë këtë procedurë pa u gjobitur.

Ministria e Brendshme përmes një njoftimit, publikuar të martën, kujton të gjithë qytetarët shqiptarë mbi pezullimin e masës administrative gjobë, për ata që realizojnë regjistrimin në vend banesat e tyre brenda datës 10 maj 2019

“KUJTESË mbi pezullimin e masës administrative/gjobë për të gjithë shtetasit që nuk e kanë bërë regjistrimin e vendbanimit aty ku banojnë realisht”, thekson ministria e Brendshme në njoftim.

Sipas këtij njoftimi, qytetarëve do tu duhen vetëm dy dokumente për të bërë regjistrimin e vendbanimit të tyre. “Pezullimi i masës administrative zgjat deri në datë 10 maj 2019. Për të bërë regjistrimin FALAS, qytetarët duhet të dorëzojnë pranë zyrave të Gjendjes Civile këto dokumente: Dokument i pronësisë, ose kontratë qiramarrje/huadhënie/përdorimi apo banimi (fotokopje e noterizuar) Fotokopje e Kartës së Identitetit për çdo person mbi 16 vjeç”, përfundon njoftimi. /atsh

Ministria e Brendshme: Regjistroni vendbanimet tuaja reale pa marrë gjobë deri më 10 maj Read More »

Lëkundje tërmeti në Tiranë

Aktualitet, Lajmi i fundit / /

Lëkundje tërmeti u ndjenë mesditën e sotme në Tiranë dhe në zonat përreth.

Tërmeti i rënë në orën 10:58 ishte me magnitudë 3.8, me thellësi 10 km nën tokë, ndërsa epiqendrën e ka pasur rreth 13 km në Perëndim të Krujës dhe 28 km në veriperëndim të Tiranës.

Lëkundjet e tërmetit ishin të lehta dhe deri tani nuk ka njoftime për dëme materiale./atsh

Lëkundje tërmeti në Tiranë Read More »

Basha: Hapi i parë, kthimi i vendimmarrjes së shqiptarëve

Aktualitet, Politike / /

Kreu i Partisë Demokratike, Lulzim Basha deklaroi sot pas firmosjes së marrëveshjes me partitë e koalicionit të bashkuar opozitar se, hapi i parë është kthimi i vendimmarrjes së shqiptarëve.

“Nuk do të lejojmë që vullneti i shqiptarëve të drejtohet nga krimi që më pas prodhon një parlament fals, një qeveri false”, – tha ai.

“Kemi përfunduar paraditen e sotme nënshkrimin e marrëveshjes së koalicionit opozitar për zgjedhjet e ardhshme. Në orët dhe ditët në vijim, ky koalicion do të shtohet me radhët e të tjerë aktorëve”, – u shpreh Basha për mediet.

“Angazhohemi për çuarjen përpara të reformës në drejtësi pa ndikime politike, por që të ofrojë një drejtësi për shqiptarët”, – theksoi Basha.

“Zgjedhje farsë në Shqipëri nuk do të ketë pa u ndëshkuar krimi elektoral, pa u vënë para përgjegjësisë Edi Rama e bashkëpunëtorët e tij”, – shtoi më tej Basha.

I pyetur në lidhje me partinë Bindja Demokratike, të drejtuar nga Astrit Patozi, Basha tha se, “gjeneza e të keqes ku ndodhemi janë zgjedhjet false të diktuara nga krimi. Nuk do ketë më zgjedhje false, qeveri false, as opozitë false”./atsh

Basha: Hapi i parë, kthimi i vendimmarrjes së shqiptarëve Read More »

Astrit Patozi flet pas mbledhjes së parë të Bindjes Demokratike

Aktualitet, Politike / /

Pas mbledhjes me themeluesit te Partise Bindja Demokratike që zgjati për më shumë se tre orë, Astrit Patozi deklaroi se

“Nuk kemi asgjë për të fshehur asgjë për të treguar sot. Do i komunikojmë nesër detajet.

Më vjen keq që nuk e shuaj dot kuriozitetin tuaj sot” tha ai.

Te gjitha firmat e kerkuara nga ligji per te regjistruar nje parti jane mbledhur dhe neser themeluesit e “Bindjes Demokratike” do te regjistrohen ne gjykate.

Po neser pritet qe partia “Bindja Demokratike” te regjistrohet edhe prane komisionit qendror te zgjedhjeve per te garuar ne 30 qershor.

Edhe pse pjese e krijimit te kesaj partie ne fillim ishte edhe Hajdari, ajo vendosi te distancohet nga “Bindja Dmokratike”.

Astrit Patozi flet pas mbledhjes së parë të Bindjes Demokratike Read More »