Irina

Album me 200 fotografi Shqiptare nga Fatjon Plaku !

Turizem / /

Përgatitja e një albumi me mbi 200 fotografi origjinale ka qenë vazhdimisht një ëndërr e imja, përfundimi i së cilës më bën të ndjehem i realizuar dhe krenar që jap kontributin tim modest në promovimin e vlerave të Shqipërisë në këndvështrimin e bukurisë dhe pasurisë natyrore, trashëgimisë kulturore dhe të identitetit kombëtar. Unë besoj se ky album është një risi për prezantimin e natyrës shqiptare ndaj turizmit të aventurës, në nivel kombëtar dhe ndërkombëtar.

Më quajnë Fation Plaku, i apasionuar pas sportit të alpinizmit, eksplorimit, aventurës dhe fotografisë, prej më shumë se 20 vjetësh. Jam krenar me arritjet e mia, ku vlen të përmenden ngjitja në majën e Everestit, në Himalajë në 2012, në kuadrin e Jubileut të 100 vjetorit të Shpalljes së Pavarësisë. Ëndrra ime është të ngjis 7 majat e kontinenteve, ku deri tani kam ngjitur 4 prej tyre.

Në Shqipëri jam ngjitur jo vetëm në shumicën e majave më të larta, por kam zbuluar në këtë rrugëtim vende të një bukurie natyrore të rrallë të tokës, detit, ajrit dhe të trashëgimisë kulturore, të cilat jam përpjekur t’i pasqyroj tek ky album fotografish.

Për ta bërë të prekshme këtë ëndërr, në harkun e rreth gjashtë viteve kam investuar në kohë, në punë, në pajisje, në mendim estetik, në emocion dhe në krijimin e një marrëdhënie të veçantë të dashur dhe të ngrohtë me natyrën dhe trashëgiminë kulturore.

Me anë të albumit dëshiroj të ndërtoj një urë për të kaluar këtë emocion tek ju, për ta ndarë dhe ndjerë së bashku.

* * *

“Me fotot e tij, Fation Plaku na ka bërë një dhuratë të rrallë. Ai nuk ka dashur kurrsesi t’i mbajë për vete përjetimet e tij, por na merr për dore dhe na çon në një Shqipëri tjetër, të dëlirë, vezulluese, të pastër, ndryshe nga ajo që përjetojmë përditë në qytete, qyteza e fshatra të mbushura me zhurma e ndotje, klithma politike, shikime të inatosura e rrëmujë urbane.

Nganjëherë, ajo duket fort e ashpër, por gjithherë e bukur dhe e drejtë – njësoj si një zonjë hijerëndë e maleve ku ka shkelur këmba e Fationit dhe e shokëve të tij.”

Fatos Baxhaku.

Album me 200 fotografi Shqiptare nga Fatjon Plaku ! Read More »

CIA zbulon dosierin sekret për Hitlerin, do habiteni nga orientimi i tij seksual

Kuriozitete / /

Me anë të një raporti, CIA ka zbuluar një dosier me sekretet e jetës private të HItlerit. Në të thuhet se ai kishte orientim biseksual dhe zotëronte tendenca sadomazokiste.
CIA ka zbuluar raportin sekret të antropologut Henry Field të 1943 të titulluar: “Trakte biografike të Hitlerit”. Raporti është ndërtuar në bazë të dëshmive të Ernst Franz Sedgwick Hansfstaengl, anëtar i rrethit të ngushtë të miqve dhe bashkëpunëtorëve të Hitlerit në vitet ’20 dhe ’30 të shekullit të kaluar.

Sipas autorit të raportit, diktatori kishte tërheqje seksuale drejt meshkujve dhe grave, me nxitje sadomazokiste.

Në veçanti, Hitleri kishte pasur marrëdhënie intime me Rudolf Hess, zëvendësin e tij në partinë naziste dhe asistentin në shkrimin e librit ‘Mein Kampf’, ndërsa ata mbaheshin së bashku në burg pas grushtit të dështuar të shtetit të Mynihut në vitin 1923, raporton Gazeta Express.

Raporti thotë se Hess ishte gjithashtu një homoseksual, i quajtur “freulein Anna” për pasionin e tij për rrobat e grave.

Për më tepër, sipas autorit, Hitleri kënaqej teksa shikonte të rinjtë, duke marrë prej tyre një “kënaqësi estetike”.

Së fundmi, thuhet se Führeri i ardhshëm midis 1910 dhe 1913 frekuentonte një pension vetëm për meshkuj në Vjenë, ku “meshkujt e moshuar ishin në kërkim të të rinjve”.

CIA zbulon dosierin sekret për Hitlerin, do habiteni nga orientimi i tij seksual Read More »

Laboratori i drogës në Has, reagon kryeministri Rama

Politike / /

Kryeministri Edi Rama ka reaguar në Twitter për operacionin e zhvilluar nga policia në Has, ku u zbulua një laborator i përpunimit të dograve të forta si dhe u arrestuan 5 persona.

Sipas Ramës, në botën normale operacionet kundër drogës quhen sukses, ndërsa nga opozita në Shqipëri, ato quhen faje të qeverisë.

Ditën e sotme u gjetën dhe sekuestruan 100 kilogramë heroinë në një laborator droge në Has.

REAGIMI I RAMËS:

Në gjithë botën normale operacionet kundër krimit e drogës quhen sukses, në gjuhën e dëshpërimit opozitar ato quhen faje të qeverisë.

Operacioni i sotëm është një tjetër provë e qartë force e shtetit kundër krimit,në vazhdën e një beteje që do të vijojë pa kompromis

Laboratori i drogës në Has, reagon kryeministri Rama Read More »

Laboratori në Has, policia prononcohet për herë të parë: Bashkëpunuam me…

Aktualitet / /

Policia e Kukësit ka reaguar për herë të parë pas lajmit të zbulimit të një laboratori droge në Has.

Zyrtarisht bëhet e ditur se Drejtoria Vendore e Policisë Kukës në bashkëpunim me agjencitë e tjera ligjzbatuese dhe nën drejtimin e Prokurorisë së Rrethit Gjyqësor Kukës kanë zhvilluar një operacion antidrogë ku është zbuluar një objekt që dyshohet se përdorej për përpunim të drogave të forta.

“Për detaje të operacionit Policia e Shtetit, Prokuroria dhe agjencitë ligj zbatuese në ditet në vijim do të kenë një konferencë të përbashkët për mediat për operacionin që zhvillohet në qarkun e Kukësit”, deklaron policia.

Ndërkaq “BalkanWeb” mëson se janë disa të arrestuar ndërsa dyshohet se përpunimin e heroinës e bënin të huajt. Në objekt janë kapur mbi 100 kg heroinë si dhe opium.

Laboratori në Has, policia prononcohet për herë të parë: Bashkëpunuam me… Read More »

Maho : Nga kush ka frikë Saimir Tahiri ?! Shihte sa mjatas djathtas, pastaj…

Opinione / /

Edhe pse u bënë muaj tashmë që Saimir Tahiri është larguar nga parlamenti, emri i tij vijon të lakohet mjaft, edhe për shkak se është në një proces të hapur me drejtësinë, pa harruar faktin se dyshohet që ka grumbulluar shumë informacione që mund t’i prishin punë shumë politikanëve.

Së fundi janë përhapur zëra se ai është rrahur nga disa persona për shkak të dosjes Xibraka, po ky informacion nuk është konfirmuar nga ana e Policisë.

Së fundi ka qenë gazetari Armand Maho, ai që ka shkruar një status në rrjetet sociale, ku tregon gjendjen e rëndë në të cilën ndodhet këto kohë Tahiri.

Ai tregon se është ndeshur dje me ish-ministrin në zonën e Tiranës së Re, ndërsa thotë se ishte me dy bodigardë dhe gjatë kohës që ecte në këmbë dukej i trembur dhe shihte sa majtas sa djathtas.

Gazetari ngre disa pyetje se nga kush frikësohet Saimir Tahiri, dhe pse një ish-ministër duhet të marrë masa të tilla sigurie për jetën e tij.

Reagimi i plotë i Mahos:

Nga cfare ka frike Tahiri?!

Sa per kulture te pergjithshme, per cfare i duhen bodigardet Sajmir Tahirit. Ky vend ka pasur me dhjetra ish ministra te brendshem, po nuk i kam pare te ruajtur me kaq masa sigurie! E pashe sot tek tir e re, eci nje cope rruge ne kembe, dhe dukej si i tromaksur shihte sa majtas djathtas .

Me pas hipi ne nje range rover i cili e ndiqte me shpejtesi te ulet, me xhama te zi, dhe dy bodigarde, njeri ne timon dhe tjetri ne sediljen e pare. Vete Saja qe kishte zgjatur mjekren, u ul ne sediljen mbrapa. Nuk ishte hera e pare qe e shihja, e kam pare dhe tek libri universitar kur ecte pa teklif ne kembe.
Sot ishte goxha rende! Nga kush ruhet valle! Nga opozita?! Kete sma do mendja se ka ndonje mendje sado te ceket ta besoje! Nga media? Apo nga qytetaret? Nga kush?

Maho : Nga kush ka frikë Saimir Tahiri ?! Shihte sa mjatas djathtas, pastaj… Read More »

Arjan Çani tha se Rama po përgatit fundin e tij politik, kryeministri i shkon në studio: Kazan, baltën e shet për mjaltë

Politike / /

Gazetari Arjan Çani deklaroi mbrëmjen e djeshme në emisionin ‘Open’ se me paketën anti-shpifje, kryeministri Edi Rama po përgatit fundin e tij politik. Ndërkohë, mëngjesin e sotëm, kryeministri Rama njofton se do të jetë i pranishëm në studion e emisionit ‘Zonë e Lirë’.

Njoftimin për intervistën në këtë emision, Rama e bën duke kritikuar ashpër gazetarin Çani.

“Sonte do jem në të vetmin kazan që s’bën sikur s’është kazan, prandaj dhe nuk e përdor lirinë për t’u ankuar për mungesën e saj. Aty ku e premtja mbrëma bëhet epilogu i javës politike e mediatike të shumë zhurmës për asgjë,e ku vetë balta shitet si mjalta. ‘Zonë e Lirë’ natyrisht”, shkruan Rama në një postim në ‘Twitter’./korrieri

Arjan Çani tha se Rama po përgatit fundin e tij politik, kryeministri i shkon në studio: Kazan, baltën e shet për mjaltë Read More »

Për 17 ditë AKU bllokon 9621 mish, mbyllen 8 biznese

Aktualitet / /

Autoriteti Kombëtar i Ushqimit ka forcuar dhe shtrënguar akoma më shumë masat dhe kontrollet, nëpërmjet monitorimeve dhe sinjalizimeve në stabilimentet e produkteve shtazore
(produkteve të mishit dhe të qumështit) me qëllim sigurimin dhe garantimin e çdo produkti që tregtohet në vend.

Për periudhën 1-17 tetor 2018, trupa inspektuese e AKU-së në rang vendi ka kryer 181 inspektime për stabilimentet e produkteve shtazore.

Konkretisht, për stabilimentet e prodhim/përpunim dhe tregtim të produktit mish janë kryer 137 inspektime nga të cilat janë marrë masë administrative, 54 paralajmërime, 20 masa administrative me gjobë në vlerën prej 4 000 000 lekë, 8 ndërprerje aktiviteti si dhe bllokim/asgjësim të 962.1 kg mish.

Ndërkohë për stabilimentet e përpunim dhe tregtim të produkteve të qumështit/nën produktet e tij janë kryer 44 inspektime nga të cilat janë marrë masë administrative, 24 paralajmërime, 5 masa administrative me gjobë me vlerën 700 000 lekë, 1 ndërprerje aktiviteti si dhe bllokim/asgjësim të 190 kg djathë i bardhë dhe 7.5 litra qumësht.

Subjektet për të cilat është marrë masa e menjëhershme me ndërprerje aktiviteti janë : Alb Orka dhe Rrok Uka në qytetin e Tiranës, Dylaver Suma në Dibër, Nexhip Cezma në Korçë, Sali Rustem Buci në Durrës, Netil Dalipi, Edmond Saraçi dhe Aldo Poroçani në Elbasan, të cilët janë stabilimentet e prodhim/përpunim dhe tregtim të produktit mish. Ndërsa për stabilimentin e përpunim dhe tregtim të produkteve të qumështit/nën produktet e tij subjekti Pëllumb Xhanari në Fier.

Autoriteti Kombëtar i Ushqimit, siguron se është në çdo kohë në aksion për identifikimin, kontrollin, evidentimin, dënimin dhe ndalimin e çdo veprimtarie të kundraligjshme e të rrezikshme nga subjektet që neglizhojnë apo shkelin rregullat e Sigurisë ushqimore./korrieri

Për 17 ditë AKU bllokon 9621 mish, mbyllen 8 biznese Read More »

“Kast i njohur aktorësh, produksion Hollywoodi”, Rama ironi me ‘Babalen’, ja fotoje nxjerr

Politike / /

Ndërkohë që çështja ‘Babalja’ vijon të jetë në qendër të vëmendjes, ku nga njëra anë maxhoranca akuzon opozitën, dhe kjo e fundit kundërpërgjigjet, vjen një reagim plot ironi nga Rama.

Ky i fundit ka postuar një kolazh me fotomontazh, ku shihen ata që janë bërë protagonist të çështjes në fjalë, që nga Albert Veliu, i njohur si ‘Babalja’, deri tek Basha apo dhe deputeti i PD-së Ervin Salianji.

Kujtojmë se për këtë çështje prokuroria ka kërkuar arrestimin e Veliut, i cilësuar dhe si ‘dëshmitari X’ për çështjen e audio-përgjimit të publikuar nga PD, ku implikohet vëllai i Xhafajt në pazare droge./korrieri

“Kast i njohur aktorësh, produksion Hollywoodi”, Rama ironi me ‘Babalen’, ja fotoje nxjerr Read More »