Irina

DASHI:

Do t’iu duhet të zgjidhni konflikte të mundshme të brendshme, duke punuar me veten. Gjithçka me synim që të mos komprometoni raportin me personat më të shtrenjtë tuaj, si në sferën e ndjenjave edhe në atë profesionale.

DEMI:

Do të ndiqni rrugëtimin tuaj me një transformim të madh së brendshmi, gjë që do të prek çdo sektor. Kjo e enjte do të sjellë mundësi të shumta si në sferën profesionale edhe atë sentimentale.

BINJAKËT:

Duhet të mundoheni të reduktoni stresin e akumuluar në këtë 29 nëntor. Nga pikëpamja sentimentale mund të ndjeni nevojën për të marrë një pozicion vendimtar, duke u munduar të ruani qetësinë dhe përqendrimin në vendin e punës.

GAFORRJA:

Do të gëzoni një ndikim të shkëlqyer të yjeve nga pikëpamja sentimentale, pavarësisht problematikave të muajve të fundit. Kjo ditë parashikon që të pushoni më shumë dhe të dëgjoni trupin tuaj.

LUANI:

Yjet do të kenë një ndikim mjaft të favorshëm në të gjitha fushat, e sidomos ato profesionale. Ndërsa sa i takon fushës së ndjenjave, do të keni një sërë pakënaqësish.

VIRGJËRESHA:

Të gjithë sektorët do të jenë të bekuar nga ndikimi i yjeve gjatë kësaj të enjteje. Do të jeni të mbushur gjithë energji dhe do të shkëlqeni si sa i takon fushës së ndjenjave edhe në atë profesionale.

PESHORJA:

Do mund të rikuperoni një raport të mirë, sidomos në sferën e ndjenjave, duke u munduar të lini pas kurrizi çdo lodhje profesionale. Po ashtu gjatë kësaj dite nuk do t’iu kushtoni aspak rëndësi kritikave.

AKREPI:

Parashikohet një ditë e cila do të mundësojë realizimin e një sërë objektivash në sferën profesionale dhe sentimentale. Në sajë të ndikimit të Venusit, do të arrini të shkëlqeni.

SHIGJETARI:

Do të gjeni intensitetin e duhur me partnerin/en, duke përmirësuar sferën e ndjenjave. Ndërsa sa i takon sferës profesional, mund të jeni të hapur ndaj polemikave të reja.

BRICJAPI:

Kjo e enjte favorizon projektet e reja, duke i dhënë një shtysë të rëndësishme si anës profesionale edhe asaj personale. Dita parashikon që të jetë mjaft pozitive.

UJORI:

Do ju duhet të përballeni me një sërë të papriturash në sferën profesionale. Për rrjedhojë do ju duhet të lini në plan të dytë sferën e ndjenjave dhe raportet me familjen dhe partnerin/en.

PESHQIT:

Yjet do të mbështesin maksimalisht sferën profesionale. Por edhe ajo sentimentale nuk do të jetë aspak e keqe. Do të rigjeni dëshirën për të bërë plane dhe projekte të reja.

Shqiptarët anë e mbanë botës kanë festuar sot “Ditën e Flamurit”.

Patriotë nga anë e mbanë botës kanë mbushur rrjetet sociale ditën e sotme me foto ku kanë shfaqur simbolet kombëtare.

Por një foto mjaft speciale këtë herë vjen nga Jordania.

Pjesëtarë nga Policia e Kosovës, të cilët ndodhen atje kanë shkrepur një foto duke bërë shqiponjën me duar, sipas Indeksonline.

Deri këtu gjithçka është normale.

Por ajo që ka tërhequr vëmendje është fakti se këtë gjë ata e bëjnë në sy të policëve grekë.

Fotoja po bëhet virale në rrjetet sociale.

Në Veri të Kosovës, paralelizmi sot më 28 nëntor po prekte një nivel tjetër. Aty ku përfundonte vargu i flamujve kuq e zi, shfaqeshin ata të Serbisë. Vetëm trupat e KFOR’it që ishin shpërndarë në distanca jo shumë të mëdha, po e thyenin këtë rregull. Derisa në fshatin Boletin të Zveçanit, shqiptarët po vizitonin kullën e Isa Boletinit për Festën e Flamurit, në qendër të Mitrovicës, serbët po i thurnin vargje “tokës së shenjtë” Veriu sot ishte kthyer në destinacion i dy pelegrinazheve: i serbëve që po e vazhdojnë serinë e protestave ndaj vendimit të Qeverisë për taksën ndaj produkteve serbe, duke i kënduar Kosovës dhe Trepçës dhe i shqiptarëve, që shkonin në Kullën e Isa Boletinit për Festën e 28 Nëntorit.

Gjithçka po zhvillohej në një perimetër jo shumë të gjerë, në zonën e qyteteve veriore, që janë përfshirë në debatin e ‘korrigjimit të kufijve’. Ekipi i Gazetës Express në mesditë qëndroi në Kullën e Isa Boletinit. Aty po përfundonin vizitën e tyre kryeparlamentari Kadri Veseli dhe kryetari i Mitrovicës, Agim Bahtiri. Tema e ndryshimit të kufijve nuk ka kursyer as Kullën dhe varrin i Isa Boletinit. Kryeministri Ramush Haradinaj javë më parë deklaroi se bëhet fjalë për ndarjen e veriut. Sipas kryeministrit, plani i ndarjes e lë jashtë edhe fshatin Boletin, në të cilin janë rivarrosur eshtrat e heroit. Për këtë temë për Gazetën Express foli edhe Gazmend Boletini, nip i Isa Boletinit, i cili po bënte nikoqirllëk në kullën e stërgjyshit të tij. “Ne jemi Kosovë. Isa nuk ka luftuar që Kulla t’i mbetët në anën tjetër” , tha ai.

Ai tutje tregoi që kishin pritur qindra grupe të vizitorëve që për 28 nëntor shkojnë në Boletin. Për Gazetën Express foli edhe ish-ambasadori i Kosovës në Suedi, themeluesi KIPRED-it, Lulzim Peci, i cili ka qenë i zëshëm kundër idesë së ndryshimit të kufijve/ndarjes së Veriut. “Pas 99’ës, kjo është ideja më e rrezikshme që është përballur Kosova. Kjo ide ka qenë edhe më përpara, mirëpo nuk ka pasur përkrahës. Problemi është se tash janë gjetur përkrahësit”, ka thënë Peci për Gazetën Express dhe T7. Ai e quan tradhtinë më të madhe përkrahjen e opsionit të ndryshimit të kufijve, duke iu përgjigjur kryeministrit Edi Rama, sipas të cilit, kushdo që e quan tradhtar Hashim Thaçin është gomar. Në afërsi të kullës, trupat e KFOR-it ishin shpërndarë në dy-tre pika të ndryshme.

Nga ana tjetër, në udhëkryqin në dalje të Lagjes së Boshnjakëve qëndronte një veturë e policisë së Kosovës. Në të gjitha atë zonë, vetëm uniforma e policit që rrinte jashtë veturës kishte shenjë të Republikës së Kosovës. Lagjja e Boshnjakëve ishte mbuluar me flamuj kuq e zi për shkak të festës. Njëqind metra më në veri, të dy anët e rrugës ishin të mbushura me flamujt e shtetit serb. Vetura e Policisë dhe automjetet e KFOR’it po qëndronin larg qendrës së Mitrovicën Veriore, ku ishin mbledhur protestuesit serbë. Boletini dhe fshatrat përreth ishin mbushur me flamuj kuq e zi. Edhe veturat që destinacion kishin varrin dhe kullën e Isa Boletinit, mbanin flamujt e Shqipërisë. Në qytetet veriore, aty ku përfundonin flamujt kuq e zi, fillonte vargu i flamujve serbë. Mëngjitë situatës tensionuese në Veri, sot të dy palët po festonin. Shqiptarët 28 nëntorin, e serbët që sot u mblodhën për herë të tretë për të protestuar rreth taksës të qind për qindtë ndaj produkteve serbe.

Gazeta Express ka përcjellë edhe protestën e sotme, që po shoqërohej me një koncert. Protesta e thirrur për kundërshtim të taksës ndaj produkteve serbe, po i dedikohej “shefit të nëntokës”, Milan Radojciq. Serbët po bënin thirrje për ‘vëllanë’, i cili po kërkohet nga Policia e Kosovës, me kërkesë të Prokurorisë Speciale, si i dyshuar për përfshirje në vrasjen e politikanit serb, Oliver Ivanoviq.