Irina

Rama: Baxhaku, njeriu i mirë i librave dhe gazetarisë së sojit më të mirë

Aktualitet / /

Kryeministri Edi Rama shpreh pikëllim për ndarjen e parakohshme nga jeta të gazetarit Fatos Baxhaku.

“E pabesueshme, por fatkeqësisht jeta është edhe kjo, pa u zbutur një fije pikëllimi për Gjergj Xhuvanin, një tjetër mik i kohëve të vjetra, Fatos Baxhaku, njeri i mirë i librave e i gazetarisë së sojit më të mirë, që jetoi me një kuriozitet fëminor për natyrën njerëzore dhe me një dashuri pa zhurmë për brendinë e këtij vendi, sot e humbi betejën me sëmundjen cfilitëse… Lamtumirë Baxhak…!” – shprehet Kryeministri Rama./atsh

Rama: Baxhaku, njeriu i mirë i librave dhe gazetarisë së sojit më të mirë Read More »

Portali “Mësues për Shqipërinë”, testohen 3600 kandidatë

Aktualitet, Arsim, Lajmi i fundit / /

Testimit të informatizuar për punësimin e mësuesve deri tani i janë nënshtruar rreth 3600 kandidatë ndërkohë që procesi do të vijojë deri më datë 22 gusht.

Ky testim, i cili është përgjithësisht i organizuar në 4 seanca provimi gjatë një dite, zhvillohet pranë Qendrës së Shërbimeve Arsimore sipas një kalendari i cili gjendet i publikuar në faqen e QSHA.

Ministrja e Arsimit Sportit dhe Rinisë, Besa Shahini thotë se përmes portalit “Mësues për Shqipërinë”, mësuesit emërohen në bazë meritokracie dhe sigurohet që pjesë e sistemit të jenë më të mirët. Sipas saj, garantohet transparenca.

“Vijon procesi i testimit të informatizuar pranë Qendrës së Shërbimeve Arsimore, si fazë e dytë e punësimit nëpërmjet portalit “Mësues për Shqipërinë”. Deri sot, rreth 3,600 kandidatë kanë zhvilluar testimin; Procesi do të jetë deri më datë 22 Gusht. Testimi organizohet sipas profileve të ndryshme të punësimit”, -thotë Shahini.

Nëpërmjet portalit “Mësues për Shqipërinë” rreth 1,300 – 1,400 mësues priten të punësohen gjatë vitit të ardhshëm shkollor. Ministrja thotë se përmes portalit, mësuesit emërohen në bazë meritokracie dhe sigurohet që pjesë e sistemit të jenë më të mirët.

Portali “Mësues për Shqipërinë” është një sistem që aplikohet nga Ministria e Arsimit, Sportit dhe Rinisë (MASR) që prej 5 vitesh, i cili tashmë që në korrik të 2018-ës është bërë pjesë e ligjit të arsimit parauniversitar, që do të thotë se kush nuk zbaton portalin “Mësues për Shqipërinë” ka shkelur ligjin.

Ky mekanizëm është ngritur në funksion të emërimit të mësuesve në bazë meritokracie duke u siguruar që pjesë e sistemit të jenë më të mirët. Ai siguron: transparencë, efikasitet, vetëmenaxhim, portabilitet dhe cilësi të dhënash.

Gjatë vitit 2018-të, janë punësuar rreth 1700 mësues nga portali “Mësues për Shqipërinë”. Në 4 vite të zhvillimit të portalit janë punësuar rreth 6104 mësues, shifër e cila është në ndryshim të vazhdueshëm sepse punësime ndodhin gjatë gjithë vitit shkollor, të punësuar me kontratë të përhershme dhe përkohshme si mësues zëvendësues.

Çdo vit janë rreth 600-700 pensionistë që lirojnë vendet e punës (me kontrata afatgjata). Ndërkohë janë edhe 600-700 të tjerë me kontrata të përkohshme që lirojnë vendet e punës (ato me leje lindjeje ose pushim mjekësor). Pra, janë rreth 1300-1400 mësues që pritet të punësohen nëpërmjet portalit “Mësues për Shqipërinë”./atsh

Portali “Mësues për Shqipërinë”, testohen 3600 kandidatë Read More »

Rama: Barbari që goditi miqtë spanjollë para drejtësisë, shkeli mbi kodin e shenjtë të mikpritjes shqiptare

Aktualitet / /

Kryeministri Edi Rama e ka konsideruar rastin e goditjes së turistëve spanjollë në jug të vendit si një akt barbar mbi kodin e mikpritjes shqiptare dhe uron që autori të mos i shpëtojë duarve të drejtësisë.

“Barbari që goditi miqtë spanjollë, shkeli mbi kodin e shenjtë të mikpritjes shqiptare, duke na turpëruar të gjithëve”, shprehet Kryeministri Rama.

Në vijim Kryeministri Rama shton se “mikpritja është fuqia më e pakonkurrueshme e turizmit shqiptar, e cila mbreson të gjithë të huajt që na vizitojnë dhe përtej defekteve, mungesave e sjelljeve jo gjithnjë të dëshiruara në shërbimet tona turistike, që me kohën e me eksperiencën do të fashiten, agresioni i mbrëmshëm është një njollë turpi për të mos u harruar kurrë”.

“Miqve spanjollë i kemi kërkuar qysh në momentin e parë, ndjesat tona dhe ata do të rikthehen përsëri. Ndërsa barbari uroj të mos i shpëtojë dot duarve të drejtësisë”, thekson ai./atsh

blob:https://www.facebook.com/83cc8a09-49ea-4c2c-9670-e5ed4106c70e

Rama: Barbari që goditi miqtë spanjollë para drejtësisë, shkeli mbi kodin e shenjtë të mikpritjes shqiptare Read More »

“Shpirt i lirë” – Poezi nga Marinela Velaj

Aktualitet / /

“Shpirt i lirë”

Kush dhe çfarë jam në këtë Botë?!
Jam çfarë shoh apo çfarë ndiej?!
Këtë s’mundet kush ta thotë!
– Jam mister i pazbuluar!

Jam vërtet qenie njerëzore,
kam një trup me mish dhe kocka
por veç trupit që me sy shihet,
jam njē qenie që veç mund të ndihet!

E di, të çmendur do më pandehni
sapo këto rreshta ti lexoni
por përtej kësaj ndjesie
dhe dyshim do përjetoni!

Thellë në zemer do ta ndjeni
se kam sadopak të drejtë
s’jam e sigurt thjesht e di
se përtej kësaj Bote
do të jem një shpirt i lirë.

Nga ky “burg” një ditë do dal
dhe do endem në hapësirë
se me jetën ç’fitoj vallë,
jam njeri sikur të gjithë.

Por, veç shpirti do të vlej
kur nga kjo jetë të largohem
se një ditë baltë do të jem
dhe Tokës do ti ofrohem.

Drejt qiellit porsi shqiponjë
do lartësohet shpirti im,
më besoni s’dua tjetër
veç të endem në hapësirë.

Porsi zogu ne kafaz,
kyçur brenda në kraharor,
do shpërthej një ditë do plas,
si shqiponjë do fluturoj.

Njësh me qiellin do të bëhem,
do jem një ditë shpirt i lirë,
përmbi re do bëj sehir
Tokën që mbart trupin tim.

Kur të vij dit’ e bekuar
ndoshta do të jem harruar
por një ditë do më besoni
kur shpirtin tim të takoni.

Se në tokë mysfirë jemi
dhe së shpejti do largohemi,
kush të kundërtën mendon,
thjesht gabon se Egon çmon.

Kur të jem një shpirt i lirë
atëherë do të kem lindur
se këtë jetë e kemi hua
ndaj çdo gjë duhet paguar./ Marinela Velaj

“Shpirt i lirë” – Poezi nga Marinela Velaj Read More »

Kostumografia popullore shqiptare në telajon e piktorit të diasporës

Aktualitet, Art-Kulture / /

Ministri i Shtetit për Diasporën Pandeli Majko solli sot në vëmendje talentin e piktorit të diasporës Dastid Miluka e cili vjen me ekspozitë nga kostumografia popullore shqiptare.

“Dastid Miluka është një piktor i talentuar shqiptar që jeton prej kohësh në Belgjikë, i cili vjen para publikut me një stil të veçantë e goditës”, shprehet Majko.

Po ashtu Majko vë theksin te thelbi i ekspozitës që është vendi i origjinës, Shqipëria.

“Me ekspozita këndej e andej kufijve, Miluka kësaj radhe i është përkushtuar një projekti ku punimet e tij do të jenë të frymëzuara nga ‘rrënjët’: vendi i origjinës, njerëzit e sidomos nga kostumografia popullore shqiptare”, shprehet ai. /atsh

Kostumografia popullore shqiptare në telajon e piktorit të diasporës Read More »

Gjumi cilësor ndikon në humbjen e peshës, ashtu si ushtrimet fizike

Aktualitet, Shendetesi / /

Gjatë natës trupi juaj djeg midis 300 dhe 400 kalori. Kjo pothuajse është e barabartë me sasinë e energjisë që harxhoni me një orë vrap. Ekspertët pretendojnë se gjumi cilësor mund të kontribuojë në humbjen e peshës, ashtu si ushtrimet fizike. Nëse doni ta bëni atë të funksionojë, është e rëndësishme t’i përmbahen zakoneve të caktuara që mund të rritin metabolizmin tuaj në gjumë.

Ekspertët rekomandojnë të mbani temperaturën tuaj në dhomë gjumi rreth 18 ° C gjatë natës për të shpejtuar metabolizmin tuaj. Studimet kanë treguar se një mjedis më i freskët aktivizon qelizat yndyrore, të cilat janë përgjegjëse për termorregullimin. Kur flini në një dhomë të ftohtë, trupi juaj fillon të djegë më shumë energji për të ruajtur nxehtësinë. Kjo është arsyeja pse ju mund ta gjeni veten më të dobët në mëngjes.

Lëngu i rrushit ndihmon në djegien e kalorive falë një substance të veçantë të quajtur resveratrol. Kthen yndyrën e keqe të bardhë në yndyrë bezhë. Kur fle, trupi juaj përdor yndyrë bezhë për t’ju mbajtur të ngrohtë. Kështu që, të keni një filxhan lëng rrushi përpara se të shkoni në shtrat, do t’ju detyrojë të hiqni qafe yndyrat e tepërta në vend që t’i ruani ato.

Një orar i parregulluar i gjumit është i lidhur me shtimin e peshës së tepërt, thonë studimet. Normalisht është hormoni melatonin që na thotë se kur të shkojmë në shtrat. Ndihmon gjithashtu në aktivizimin e qelizave yndyrore që ndihmojnë në djegien e kalorive.

Nuk ka asgjë të keqe në të hani një ushqim të shpejtë dhe të vogël para se të shkoni në shtrat. Zgjidhni ushqime që janë të pasura me proteina, si kos , djathë me pak yndyrë, mish gjeli ose gjalpë kikiriku. Ata do të rrisin normën tuaj metabolike dhe do të ndihmojnë muskujt tuaj të rriten. /atsh

Gjumi cilësor ndikon në humbjen e peshës, ashtu si ushtrimet fizike Read More »

Kroçera “MSC Musica” me mbi 3 mijë turistë “zbarkon” në Sarandë

Aktualitet, Turizem / /

Kroçera “MSC Mucia” po zbarkon pothuajse çdo javë në portin e Sarandës, duke sjellë mijëra turistë nga vende të ndryshme të botës.

Porti i Sarandës bën të ditur për ATSH-në se “në bordin e kroçerës që erdhi dje nga porti i Pireut, Greqi, ishin 3 111 turistë nga Taiwan, Kinë, Tajlanda, Ukraina, Austria, Belgjika, Brazili, Bullgaria, Danimarka, Gjermania, Hungaria, Irani, Italia, Spanja, Zvicra, Ekuadori, Polonia, Rusia, Uruguaji, Zelanda e Re, etj”.

Turistët e huaj gjatë qëndrimit në Sarandë vizituan pikat turistike të qytetit, si Butrintin, Ksamilin, Syrin e kaltër, kalanë e Lëkurësit, Mesopotamin, si dhe qytetin e Gjirokastrës.

Sipas portit të Sarandës, pas vizitës në Sarandë kroçera u drejtua në portin e Dubrovnikut, në Kroaci.

Shqipëria vitet e fundit është kthyer në një nga destinacionet më të preferuara turistike për turistët e huaj që vizitojnë vendin tonë me kroçera dhe jahte turistike. Vetëm gjatë këtij viti në portin e qytetit bregdetar kanë rezervuar 42 kroçera.

Qyteti i Sarandës ka filluar që në muajin shkurt të këtij viti të presë turistët e parë, të cilët gjatë pikut të sezonit turistik ka një fluks të shtuar.

Saranda e njohur për plazhet mahnitëse dhe ujin si kristal është kthyer në destinacionin e preferuar të turistëve vendas e të huaj. Përveç diellit e plazhit, Saranda veçohet dhe për historinë dhe kulturën e saj: e magjishme është kalaja e Lëkurësit, ndërsa Parku Arkeologjik i Butrintit nxit kureshtjen e turistëve të shumtë me historinë e tij mijëravjeçare./atsh

Kroçera “MSC Musica” me mbi 3 mijë turistë “zbarkon” në Sarandë Read More »

Ja si do të jetë moti në vazhdim

Aktualitet / /

Moti sot në vendin tonë do të ndikohet nga masa ajrore të qëndrueshme dhe të thata.

Moti parashikohet i kthjellët me alternime vranësirash kalimtare kryesisht në orët e mesditës deri ato të pasdites.

Era do të fryjë nga veriperëndimi – juglindje 1-8m/sek në bregdet deri në 15-20m/sek duke sjellë valëzim të forcës 3 ballë.

Temperaturat parashikohen:

QYTETET Temperaturat në °C Sigla
Shkodër 18/29 Diell pak re
Kukës 15/25 Diell pak re
Lezhë 20/30 Diell pak re
Dibër 13/24 Diell pak re
Durrës 19/30 Diell pak re
Tiranë 20/33 Diell pak re
Elbasan 20/34 Diell pak re
Berat 16/32 Diell pak re
Vlorë 19/32 Diell pak re
Korcë 15/25 Diell pak re
Gjirokastër 18/33 Diell pak re
Sarandë 20/31 Diell pak re/atsh

Ja si do të jetë moti në vazhdim Read More »