Irina

Ndahet nga jeta ish-gazetari i ATSH, Maksim Sinemati

Aktualitet / /

Ndahet nga jeta në mënyrë të papritur në moshën 70-vjeçare ish-gazetari dhe diplomati Maksim Sinemati.

Lajmi për ndarjen nga jeta të gazetarit Sinemati u bë i ditur nga miq dhe kolegë të tij.

Maksim Sinemati punoi me përkushtim për rreth 40 vjet në Agjencinë Telegrafike Shqiptare (ATSH), si drejtor i redaksisë së Lajmeve të Jashtme.

Ai nuk u shkëput asnjëherë nga gazetaria, veçanërisht nga trajtimi i çështjeve ndërkombëtare, duke dhënë kontributin e tij edhe gjatë viteve që punoi si diplomat në Ministrinë e Punëve të Jashtme.

Agjencia Telegrafike Shqiptare i shpreh ngushëllime familjes dhe të afërmve./atsh

Ndahet nga jeta ish-gazetari i ATSH, Maksim Sinemati Read More »

3881 shkarkime të aplikacionit “Stop Informalitetit”, 290 denoncime në 24 orët e para

Aktualitet, Lajmi i fundit / /

“Ka arritur në 290 numri i qytetarëve që kanë denoncuar abuzuesit, brenda 24 orëve të para të aplikacionit Stop Informalitetit! Shumë faleminderit”, shprehet Kryeministri Edi Rama.

Po ashtu Kryeministri Rama shton se 3881 është numri i qytetarëve që e kanë shkarkuar aplikacionin në smartfonin e tyre, gjatë këtyre 24 orëve.

” Shkarkoje aplikacionin STOP INFORMALITETIT edhe ti që sapo e lexove këtë status dhe mos i’a përto askujt që refuzon të të japë kuponin; që të jep pagën në të zezë dhe nuk të paguan sigurimet e shëndetit e të pensionit; që të bën konkurrencë të pandershme; që të vjen për kontroll në biznesin tënd dhe sillet keq apo kërkon ryshfet”, tha kryeministri Rama.

Gjithashtu Kryeministri Rama fton qytetarët që të denoncojnë; Aplikacioni STOP INFORMALITETIT gjendet në App Store https://apps.apple.com/…/a…/stop-informalitetit/id1476196781 ose në Play Store https://play.google.com/store/apps/details…

“Denoncimi është i fshehtë dhe identiteti i denoncuesit 100% i mbrojtur”, thekson Rama.atsh

3881 shkarkime të aplikacionit “Stop Informalitetit”, 290 denoncime në 24 orët e para Read More »

Kuvendi hap garën për anëtar të Gjykatës Kushtetuese, afati 15 shtator

Aktualitet, Lajmi i fundit / /

Kuvendi i Shqipërisë shpall hapjen e procedurës së aplikimit për vendin vakant për anëtar të Gjykatës Kushtetuese.

Kuvendi i Shqipërisë, bazuar në Kushtetutë dhe në ligjin për organizimin dhe funksionimin e Gjykatës Kushtetuese të Republikës së Shqipërisë, i ndryshuar, si dhe pasi vlerësoi vendimin e Këshillit të Emërimeve në Drejtësi, nëpërmjet të cilit, KED vendosi njoftimin e Kuvendit të Shqipërisë për të vlerësuar rishpalljen e thirrjes për paraqitjen e kandidaturave për plotësimin e vendit vakant në Gjykatën Kushtetuese, vakancë e përkohshme e shpallur nga Kuvendi në datë 28.08.2018, rishpall hapjen e procedurës së aplikimit për vendin vakant për 1 (një) anëtar të Gjykatës Kushtetuese, me qëllim plotësimin e “vakancës së parakohshme” të krijuar për shkak të mbarimit para afatit ligjor të mandatit të Fatos Lulos.

Po ashtu, Kuvendi shpall dhe kriteret për gjyqtar të Gjykatës Kushtetuese që gjenden në faqen zyrtare të Kuvendit të Shqipërisë.

“Kërkesa për shprehjen e interesit, e shoqëruar me dokumentacionin e mësipërm, duhet të paraqitet brenda datës 15 shtator 2019”, sqaron Kuvendi./atsh

Kuvendi hap garën për anëtar të Gjykatës Kushtetuese, afati 15 shtator Read More »

Të rinjtë gjermanë vizitojnë Shqipërinë, njihen me kulturën dhe historinë

Aktualitet, Turizem / /

Ministri i Shtetit për Diasporën, Pandeli Majko u takua me një grup të rinjsh nga Gjermania të cilët po vizitojnë Shqipërinë për t’u njohur më tepër me historinë dhe kulturën shqiptare në kuadër të projektit “Rrjetëzimi i Rinisë shqiptaro-gjermane përmes kulturave”.

Grupi i përbërë nga të rinj shqiptar dhe gjermanë u njoh nga afër me punën e Ministrit të Shtetit për Diasporën, politikat dhe projektet e realizuara dhe ato në zhvillim. Gjatë bashkëbisedimit ministri Majko u shpreh se “çdo i ri në Diasporë duhet të njoh prejardhjen familjare, historinë e vendit të origjinës, në mënyrë që të ruhet identiteti kombëtar”.

Grupi i të rinjve të shoqëruar nga Konsullja e Nderit të Shqipërisë në Gjermani, Anduena Stephan kanë vizituar disa nga qytete e Shqipërisë, janë njohur me natyrën, kulturën, historinë dhe traditat shqiptare.

“Rrjetëzimi i Rinisë shqiptaro-gjermane përmes kulturave” është projekt u realizua në bashkëpunim me Ministrinë e Integrimit të Landit të Veriut të Vestfalisë, Shoqata “IDEAL” dhe Konsullata e Nderit të Shqipërisë në Gjermani./atsh

Të rinjtë gjermanë vizitojnë Shqipërinë, njihen me kulturën dhe historinë Read More »

Anija “Oriku” shpëton 36 shtetas afganë në detin Egje

Aktualitet, Lajmi i fundit / /

36 shtetas afganë u shpëtuan nga anija “Oriku” e Forcës Detare Shqiptare, gjatë patrullimit në detin Egje.

Lajmin e bëri të ditur sot Ministrja e Mbrojtjes, Olta Xhaçka e cila u shpreh krenare për detarët tanë.

“Ekuipazhi shqiptar pikasi gomonen ku gjendeshin 19 fëmijë, 8 gra e 9 burra dhe në bashkëpunim me Frontex ia dorëzuan autoriteteve lokale”, tha Xhaçka.

Anija e Forcës Detare shqiptare “Oriku” dhe ekuipazhi i saj u nisën për në misionin e NATO-s në detin Egje me datë 12 korrik. 21 pjesëtarët e kontingjentit të XIII shqiptar në misionin “Sea Guardian”, u nisën nga Flotilja Detare e Pashalimanit, ku u përcollën nga drejtuesit e Forcës Detare, familjarët dhe kolegët e tyre.

Anija “Oriku” është duke zëvendësuar në zonën e operacionit simotrën e saj “Butrinti”, e cila patrullonte prej 6 muajsh në detin Egje. “Oriku” po patrullon në Egje dhe do të qëndrojë atje, deri në fund të vitit, ndërkohë që kontingjenti i XIII do të shërbejë atje për rreth 3 muaj.

Anijet e Forcës sonë Detare patrullojnë prej 2 vitesh e gjysmë në detin Egje ku kanë parandaluar dhe shpëtuar mijëra emigrantë të paligjshëm. Anijet shqiptare janë pjesë e grupit të gatshëm të anijeve të NATO, Standing NATO Maritime Group 2 (SNMG2), në detin Egje./atsh

Anija “Oriku” shpëton 36 shtetas afganë në detin Egje Read More »

75-vjetori i krijimit të Brigadës XVI, Ruçi: Ushtria partizane, legjion nderi i kombit

Aktualitet / /

Kryetari i Kuvendit, Gramoz Ruçi, u dërgoi një mesazh përshëndetjeje ish-partizanëve, veteranëve, pasardhësve dhe familjeve të dëshmorëve të Brigadës XVI Sulmuese, në 75-vjetorin e krijimit të Brigadës XVI të Ushtrisë së lavdishme të partizanëve shqiptarë.

Ushtria partizane ishte një legjion nderi i kombit shqiptar, tha Ruçi duke shtuar se, “Brigada XVI mund të quhet ndryshe edhe Brigada partizane e rinisë”.

“Ky formacion i fuqishëm i Ushtrisë Nacional-Çlirimtare vërtet u përurua më 20 gusht, por pagëzimin e zjarrit të betejave e fitoreve partizanët e Brigadës suaj e kishin bërë gjatë viteve të luftës për liri. Ndër 560 partizanet e partizanët e saj, më shumë se 85% ishin në moshë të re, 15-30 vjeçarë dhe rreth 70 prej tyre ishin vajza”, tha Ruçi.

Sipas tij, “Brigada XVI luftoi kryesisht në trekëndëshin Berat Lushnje-Fier dhe e shndërroi Myzeqenë në një arenë betejash të përgjakshme kundër nazistëve dhe kolaboracionistëve”.

“Brigada XVI luftoi me një ushtri armike të mirë pajisur me armatimet më të rënda dhe bandat e bashkëpunëtorëve vendas në mbështetje të tyre. Brigada XVI ngriti në altarin e lirisë 56 vajza e djem të bukur e trima, shumica e të cilëve ranë dëshmorë në lulen e rinisë”, tha ai.

Në 75-vjetorin e çlirimit të Shqipërisë, Ruçi tha se “është viti të rikujtojmë se çlirimi i atdheut është rezultat i Luftës Antifashiste Nacional-Çlirimtare të partizanëve shqiptarë, të organizuar në Ushtrinë Nacional-Çlirimtare”.

“Është viti të rikujtojmë se në rreth gjashtë vjet u ndeshën në beteja të përgjakshme dy ushtri të pabarabarta. Unë shpreh respektin dhe mbështetjen time të fuqishme për Organizatën e Veteranëve të LANÇ dhe Organizatën Kombëtare për Dëshmorët e LANÇ dhe Dëshmorët e Tjerë të Atdheut në misionin dhe kontributin e tyre për të mbrojtuar, lartësuar e ndriçuar të vërtetat e pakundërshtueshme të LANÇ ndaj çdo përpjekje për t’i mohuar apo errësuar ato”, shtoi ai.

Fitorja e LANÇ dhe çlirimi i Shqipërisë janë vulosur me 68 muaj luftë dhe sakrificat e 70 mijë luftëtarëve dhe 28 mijë dëshmorëve.

Si Kryetar i Kuvendit, Ruçi u shpreh krenar që gjatë kësaj legjislature miratuam ligjin e ri “Për statusin e dëshmorit të atdheut”, i cili këtë vit ka hyrë në fuqi./atsh

75-vjetori i krijimit të Brigadës XVI, Ruçi: Ushtria partizane, legjion nderi i kombit Read More »

Veliera nga Katari, qytetarë e turistë në bordin e anijes historike

Aktualitet, Turizem / /

Një pritje dinjitoze iu rezervua ardhjes së Velierës nga Katari në brigjet e Sarandës, e konsideruar një muze në miniaturë mbi trashëgiminë e detarisë.

Në ceremoninë e pritjes ndodheshin qytetarë të Sarandës dhe autoritete të larta. Ata u pritën nga qytetari i parë i Sarandës, Kryetari i bashkisë, Adrian Gurma, nga deputeti i qarkut të Vlorës, Alket Hyseni, nga ministri i Turizmit dhe Mjedisit, Blendi Klosi, nga ambasadori i Katarit në Republikën e Shqipërisë, Shkëlqesia e Tij, Ali Bin Hamad Al-Marri, nga drejtoresha e portit të Sarandës, Kozeta Statha e autoritete portuale.

Në tapetin e kuq, të shtruar për nder të ardhjes së Velierës historike nga Katari, duke mbajtur në duar banerin ku shkruhej në gjuhën angleze “U pafshim më 2022”, që mbante ekuipazhi i sapozbritur nga anija, u bënë foto mes tyre dhe autoriteteve të larta.

Përveç përshëndetjeve zyrtare, ekuipazhi i anijes dhe publiku i pranishëm, u përshëndetën me një buqetë këngësh, vallesh dhe melodish, nga interpretues të vegjël të Qendrës Kulturore të Fëmijëve. Pas kësaj, autoritetet dhe publiku bënë vizita në anije, e cila është një muze në miniature.

Në kuvertën e anijes, Kapiteni i saj, Mohamed Yousef Al-Sada, i mirëseardhi autoritetet e larta, i falënderoi për pritjen dhe u dhuroi si suvenir Velierën “Fateh Al Khair 4”, të punuar në dru.

Nga ana e vet edhe zoti Gurma i dhuroi disa suvenire kapitenit Mohamed Yousef Al-Sada, në emrin e vet personal dhe të insitucionit të bashkisë.

Për gazetarët që shoqërojnë udhëtimin e Velierës “Fateh Al Khair 4”, Kryebashkiaku Adrian Gurma dha një intervistë, gjatë së cilës vlerësoi ardhjen e kësaj anijeje si një mundësi të artë për promovimin e Sarandës.

“Saranda dhe unë, u shpreh nder te tjera Kryebashkiaku Gurma,- duhet ta ndjejmë veten me fat, për faktin që jemi shqiptarët e parë që presim ardhjen e kësaj veliere sot. Ne, shqiptarët jemi ndoshta populli më sportdashës i futbollit. Ne jemi plot shpresë që fati do të na dojë duke e bërë Kombëtaren tonë pjesë të kampionatit Botëror të Futbollit, që e ka emrin “Katar 2022”, tha për mediat e Katarit kreu i bashkisë së Sarandës, Gurma.

Anija do të vazhdojë të jetë e hapur per t’u vizituar nga publiku sarandiotë edhe gjatë ditës së sotme, prej ores 16:00 deri në orët e vona të mbrëmjes./atsh

Veliera nga Katari, qytetarë e turistë në bordin e anijes historike Read More »

15-vjeçarja me sëmundjen e rrallë, skuadër mjekësh specialistë enkas për të në spitalin turk

Lajmi i fundit, Shendetesi / /

Kryeministri Edi Rama dha sot lajmin e mirë për të gjithë miqtë e interesuar për Elonën, 15-vjeçaren e prekur nga një sëmundje shumë e rrallë dhe e rëndë.

Kryeministri informoi se vajza po transferohet në këto momente në një spital të specializuar publik në Stamboll, nën kujdesin maksimal të autoriteteve dhe të një skuadre mjekësh specialistë, të ngritur enkas për të.

“Uroj megjithë zemër që Elona të kthehet shëndosh e mirë në Tiranë”, tha Rama.

Në 19 gusht, 15-vjeçarja që po lufton me një sëmundje shumë të rrallë e të rrezikshme u nis për kurim të specializuar në Turqi.

Të gjitha shpenzimet për kurimin e saj, do t’i mbulojë Qeveria shqiptare./atsh

15-vjeçarja me sëmundjen e rrallë, skuadër mjekësh specialistë enkas për të në spitalin turk Read More »