Irina

“Stop Informalitetit”/ 7750 shkarkime të aplikacionit në vetëm 5 ditë, Rama: S’ka pushim për ndjekjen e rasteve

Aktualitet / /

Në vetëm pesë ditë nga prezantimi i aplikacionit “Stop Informalitetit”, janë 7750 qytetarë që e kanë shkarkuar.

Kryeministri i vendit tha se punonjësit e kontrollit tatimor janë në gatishmëri ndaj çdo denoncimi dhe nuk njohin ditë pushimi apo orar zyrtar pune. Rama ka thënë po ashtu se qytetarët të cilët nuk e kanë shkarkuar ende këtë aplikacion, mund t’a bëjnë këtë duke kërkuar në App Store, për të kryer denoncime të tyre ku ruhet anonimati i secilit.

“S’ka të shtunë e të diel dhe as orar zyrtar për skuadrat e angazhuara në luftën kundër informalitetit dhe ndjekjen po ashtu, të denoncimeve të qytetarëve, përmes aplikacionit STOP INFORMALITETIT. Ka shkuar në 7750 numri i qytetarëve që e kanë shkarkuar aplikacionin. Aplikacioni STOP INFORMALITETIT gjendet në App Store https://apps.apple.com/…/a…/stop-informalitetit/id1476196781 ose në Play Store https://play.google.com/store/apps/detail”, – thotë Rama.

Kryeministri u ka bërë apel qytetarëve për të mos ngurruar ndaj çdo padrejtësie, duke denoncuar abuzimin përmes aplikacionit.

“Shkarkoje dhe ti nëse s’e ke bërë ende e mos e harro, ty s’të kushton asgjë të denoncosh abuzimin para syve, por shoqërisë dhe vendit i jep një ndihmë me rëndësi në rrugën e shtetbërjes europiane”, – thotë ndër të tjera, Rama./atsh

“Stop Informalitetit”/ 7750 shkarkime të aplikacionit në vetëm 5 ditë, Rama: S’ka pushim për ndjekjen e rasteve Read More »

Buzëqeshje nga Shqipëria/ Potencialet turistike të Kukësit gjithnjë e më të kërkuara

Turizem / /

Kukësi po merr gjithnjë e më tepër vëmendjen e turistëve që po shfrytëzojnë potencialet e kësaj zone. Kryeministri Edi Rama solli në vëmendje atraksionet turistike të qarkut të Kukësit, ndërsa publikoi pamje të turistëve që kanë mbushur zonën.

“Me buzëqeshjen e Shqipërisë në qarkun Kukës, ju uroj një të dielë të qetë”, tha kryeministri Rama.

Turistët shprehen të kënaqur që ndodhen në Shqipëri dhe se e duan këtë vend. Ata mirëpriten nga të rinjtë e “Smile Albania” në rrugëtimin e tyre në atraksionet turistike të zonës.

Qarku i Kukësit ka një mori destinacionesh që me Valbonën e deri tek ngjitja në male. /atsh

blob:https://www.facebook.com/299a40c6-c98b-4ac5-9695-a6d19c8a1597

Buzëqeshje nga Shqipëria/ Potencialet turistike të Kukësit gjithnjë e më të kërkuara Read More »

Basha: Kajmaku në shkelje të Dekriminalizimit, probleme me drejtësinë greke

Aktualitet, Politike / /

Kryetari i Partisë Demokratike, Lulzim Basha tha sot se kryeministri Rama është në dijeni se kryebashkiaku i Vorës, Agim Kajmaku ka falsifikuar formularin e dekriminalizimit

“Ai e di se i përzgjedhuri i tij për Vorën ka probleme të hapura me drejtësinë greke, dhe se ai e ka fshehur të vërtetën”, tha Basha.

Sipas tij, Rama “përmes Belinda Ballukut, vendosi veton dhe injoroi kërkesën e socialistëve të Vorës para 30 Qershorit që të mos kandidonte një person për të cilin e gjithë Vora e di se ka probleme të hapura me drejtësinë greke”.

“Jorgo Kajmaku duhet të largohet dhe të merret menjëherë i pandehur sepse ka shkelur Ligjin e Dekriminalizimit dhe ka fshehur të dhënat mbi të kaluarën e tij. Ai duhet të përballet edhe me drejtësinë greke të cilës i është fshehur prej vitesh! Por sërish Edi Rama e mbron Jorgo Kajmakun nga zbatimi i Ligjit të Dekriminalizimit, me anë të prokurorisë së korruptuar dhe politizuar”, tha Basha.

Ai tha se duhet larguar kryeministri Rama si masë jetike për “sigurinë dhe jetën e çdo familje shqiptare”. /atsh

Basha: Kajmaku në shkelje të Dekriminalizimit, probleme me drejtësinë greke Read More »

75-vjetori i Çlirimit të atdheut, bashkia e Tiranës rehabiliton Varrezat e Dëshmorëve

Aktualitet, Lajmi i fundit / /

Në prag të 75-vjetorit të Çlirimit të atdheut, bashkia e Tiranës dhe Agjencia e Parqeve dhe Rekreacionit kanë nisur ndërhyrjet në të gjitha objektet që nderojnë rolin dhe luftën e shqiptarëve gjatë Luftës së Dytë Botërore.

Pjesë e këtij projekti është edhe rehabilitimi i ambienteve të Parkut Memorial të Varrezave të Dëshmorëve.

Ndërhyrja është bërë për kthimin në normalitet të godinave, rrugicave dhe murit rrethues të këtij parku. Punonjësit e bashkisë po punojnë për ta bërë një park dinjitoz, në respekt për të rënët dhe në nderim për historinë e vendit tonë./atsh

75-vjetori i Çlirimit të atdheut, bashkia e Tiranës rehabiliton Varrezat e Dëshmorëve Read More »

As Parisi as Amsterdami/ Dy qytetet më të preferuara të turistëve janë Tirana dhe Lviv

Aktualitet / /

Gazeta britanike “Standard” ka publikuar një artikull mbi qytetet më të lira për të pushuar në Europë, mes të cilave renditet edhe Tirana.

Bazuar në të dhënat e raportit të “Post Office Travel Money” dhe “Airbnb”, artikulli identifikon 10 qytete europiane, që sipas tyre, po shënojnë rritje të shpejtë të kërkesës nga turistët për akomodim.

Raporti përfshin të dhënat për 12 muajt e fundit, dhe rendit në krye të listës qytetin Lviv në Ukrainë. Tirana pason vendin e dytë në këtë renditje, si një nga qytetet më të mira dhe më të lira për të pushuar në Europë.

Lista vijon me Katovicën në Poloni, Kosice në Sllokavi, Kaunas në Lituani, Antalja në Turqi, dhe Bari në Itali.

Ndërsa, tre vendet e tjera që përmbyllin listën, janë: Moska në Rusi, Lisbona në Portugali, dhe Alkmaar në Holandë.

Sipas të dhënave të këtij raporti, Tirana është një destinacion i preferuar për turistët, pasi një fundjavë për dy persona në kryeqytetin shqiptar llogaritet të kushtojë në rreth 153.43 paund.

Më poshtë lista me 10 qytetet më të preferuara dhe çmimet për dy persona për një fundjavë:

1. Lviv, Ukrainë – £137.42

2. Tiranë, Shqipëri – £153.43

3. Katovicë, Poloni – £191.72

4. Kosice, Sllovaki – £195.52

5. Kaunas, Lituani – £236.79

6. Antalja, Turqi – £245.57

7. Bari, Itali – £294.38

8. Moskë, Rusi – £336.26

9. Lisbonë, Portugali – £378.12

10. Alkmaar, Holandë – £409.69

LINK: https://www.standard.co.uk/lifestyle/travel/cheapest-trendy-destinations-in-europe-2019-a4214986.html/atsh

As Parisi as Amsterdami/ Dy qytetet më të preferuara të turistëve janë Tirana dhe Lviv Read More »

“Një ndër skenat më të painvestuara”/ Regjisori Fuga: Domosdoshmëri, një Teatër i ri Kombëtar dinjitoz

Aktualitet, Art-Kulture / /

Aktori dhe regjisori Genc Fuga, diplomuar në Londër dhe pedagog në Universitetin e Arteve, është shprehur që herët për domosdoshmërinë e një teatri të ri e dinjitoz, me të gjithë parametrat që duhet të ketë një teatër i vërtetë kombëtar.

Kryeministri Edi Rama ka ndarë qendrimin e regjisorit Fuga, sipas së cilës Teatri Kombëtar është një ndër skenat më të painvestuara. Sipas Fugës, edhe pse janë bërë restaurime të herëpashershme, ato kanë rezultuar të pasuksesshme.

“Jam pro ndërtimit të një teatri të ri, duke ruajtur territorin dhe ç’është më kryesorja, duke negociuar shumë fort për këtë pasuri, mbase jo të teatrit në vetvete, jo të ministrisë në vetvete, por këtë pasuri tonën. Do doja një teatër me teknologjinë e fundit të magjisë, mund të përmend podet pneumatikë, hapësira të tjera për lëvizjen e dekorit, teknika skenike që kanë evoluar e që patjetër, në kushtet aktuale, mendoj se po limitohen edhe regjisorët në shprehjen e figurave të tyre artistike. Një teatër i ri i përshtatshëm për teatër është kërkuar që në 1953. Teatri Kombëtar tani është një ndër skenat më të painvestuara. E vetmja teknologji bashkëkohore që mund të ketë skena e teatrit aktualisht është një rotativë, pra një shpikje që në 1800, e trashëguar nga operat. Xhepat skenikë nuk mjaftojnë, hapësirat mbrapa nuk mjaftojnë, janë bërë vetëm restaurime apo mballoma, por nuk është zgjidhur hapësira e përshtatshme për këtë gjë”, – citon Kryeministri i vendit, Genc Fugën.

Aktori dhe regjisori Genc Fuga është diplomuar në Londër dhe përveçse pedagog në Universitetin e Arteve, ai i ka dhënë publikut me dhjetëra role për t’u mbajtur mend, si në teatër, ashtu edhe në kinema. /atsh

“Një ndër skenat më të painvestuara”/ Regjisori Fuga: Domosdoshmëri, një Teatër i ri Kombëtar dinjitoz Read More »

Polici shqiptar ndihmon kosovarin në “Rrugën e Kombit”, Policia e Shtetit: Veprimi na nderon

Aktualitet, Lajmi i fundit / /

Punonjësi i qarkullimit rrugor në “Rrugën e Kombit”, komisari Gjin Bushgjokaj ka ndihmuar familjen kosovare që iu prish makina, gjest i cili është vlerësuar jo vetëm nga qytetarët por edhe nga vetë Policia e Shtetit.

Fluksi i madh i turistëve sjell dhe incidente si rasti i shqiptarit të Kosovës, Adnan Arifi, i cili ishte duke kaluar në “Rrugën e Kombit”, bashkë me familjen, kur iu ndodhi e papritura.

Makinës iu ça goma, duke i lënë në korsinë e emergjencës. Ata qëndruan aty për orë të tëra, pasi asnjë makinë nuk u ndal.

Por, një makinë policie ku ishte Gjin Bushgjokaj, nënkomisar dhe Specialist shërbimi pranë njësisë së sigurisë së autostradës, nga Drejtoria e Policisë Rrugore i ka ofruar menjëherë ndihmë.

Gjithashtu, Bushgjokaj i ka paguar të gjitha shpenzimet e gomisterit. Ai ka treguar, se shumë vetura me tabela të Kosovës as që morën mundin se paku ta pyesin se si mund t’i ndihmonin.

“Shumë vetura kaluan, askush nuk më ndihmoj, madje ishin me tabela të Kosovës. Por, në ndërkohë një veturë e Policisë Shqiptare, derisa po kalonin në krahun tjetër të rrugës, e panë në gjendjen çfarë ishim, me erdhën me ndihmuan duke e dërguar veturën të gomisteri më i afërt që ishte aty. Madje, Nënkomisari, Gjin Bushgjokaj, përveç ndihmës teknike, nuk me la të paguaj as për rregullimin e gomës”, ka sqaruar Arifi.

Policia e Shtetit ka vlerësuar gjestin e patrullës së policisë .

“Veprime të tilla nderojnë gjithë organizatën e Policisë dhe përmirësojnë imazhin e saj në sytë e vizitorëve, turistëve dhe pushuesve që frekuentojnë vendin tonë. Faleminderit Gjin!!! Faleminderit dhe ju qytetarë që i vlerësoni me mirënjohje sjellje të tilla dhe inkurajoni për më të mirën”, shprehet Policia e Shtetit. /atsh

Polici shqiptar ndihmon kosovarin në “Rrugën e Kombit”, Policia e Shtetit: Veprimi na nderon Read More »

Veliera e lashtë nga Katari mbërrin në portin e Durrësit, atraksion për qytetarët dhe turistët

Aktualitet, Turizem / /

Veliera e lashtë nga Katari, e konsideruar një muze në miniaturë mbi trashëgiminë e detarisë në Katar kreu ndalesën e dytë në vendin tonë në portin e Durrësit, pas Sarandës.

Veliera “Fateh Al Khair 4”, e cila do të jetë e disponueshme të vizitohet nga qytetarët promovon kampionatin botëror të Futbollit, Katar 2022. Në mbërritjen e saj në portin e Durrësit, veliera u prit nga kryetarja e bashkisë, Valbona Sako si dhe një grup deputetësh.

Me rastin e ardhjes së anijes në portin e Durrësit u organizua edhe një concert, ku pranishëm ishte edhe ambasadori i Katarit në vendin tonë.

Banorët e Durrësit dhe turistët e pranishëm në pritje, do të kenë mundësinë të hyjnë dhe të shohin nga brenda anijen, ku do të njihen me velierën, si dhe me kulturën detare të Katarit.

Anija e llojit “Boom Safari” është e punuar prej druri, me gjatësi 110 këmbë dhe gjerësi 27 këmbë dhe me kapacitet mbajtës prej 200 tonësh.atsh

Veliera e lashtë nga Katari mbërrin në portin e Durrësit, atraksion për qytetarët dhe turistët Read More »