Irina

Ngatërrimi i himnit/ Macron mesazh Ramës: Ndjesë, gabim i patolerueshëm i Federatës Franceze të Futbollit

Aktualitet / /

Presidenti i Francës , Emanuel Macron i ka kërkuar ndjesë kryeministrit Edi Rama lidhur me incidentin e djeshëm ku u ngatërrua himni ynë kombëtar para fillimit të ndeshjes mes Francës dhe Shqipërisë në stadiumin “Stade de France” në Paris.

Lajmi bëhet i ditur nga kryeministri Edi Rama i cili tha se për këtë Macron i ka dërguar një mesazh duke i shprehur ndjesën e sinqertë për gafën skandaloze të Federatës Franceze të Futbollit.

Macron e cilësoi një “gabim të papranueshëm” ndërsa ka vlerësuar edhe reagimin e lojtarëve tanë.

“Presidenti Macron më shprehu ndjesën e sinqertë për gafën skandaloze të Federatës Franceze të Futbollit, me himnin e Flamurit tonë Kombëtar! E cilësoi një “gabim të papranueshëm” dhe duke vlerësuar edhe reagimin e lojtarëve tanë më kërkoi publikimin e ndjesës së tij “, deklaron kryeministri Rama. /atsh

Ngatërrimi i himnit/ Macron mesazh Ramës: Ndjesë, gabim i patolerueshëm i Federatës Franceze të Futbollit Read More »

Majorca Daily Bulletin: Shqipëria, destinacion tërheqës për investime nga hoteleritë spanjolle

Aktualitet, Turizem / /

Hoteleria e Majorkës, e shqetësuar nga një rënie e të ardhurave nga Karaibet në vitet e fundit, ka kthyer sytë nga një tjetër destinacion për t’u zgjeruar. Një destinacion në rritje dhe shumë tërheqës, Shqipëria, ku qeveria ka futur stimuj tatimorë për investimet e huaja për zhvillimin e turizmit të vendit, shkruan revista spanjolle “Majorca Daily Bulletin”.

Muajin e kaluar kishte pasur një seri kontaktesh mes përfaqësuesve të hotelerisë dhe qeverisë. Të drejtuar nga “Iberostar”, grupe të tjera të hotelerisë përfshirë “Viva” dhe “MAC. Jet2” ishin gjithashtu të ftuar për të parë për krijimin e linjave mes Shqipërisë dhe Britanisë së Madhe.

Presidentja e “Iberostar”, Miguel Fluxa deklaroi në mars gjatë ITB-së (Panairi Ndërkombëtar i Turizmit) në Berlin se grupi i tij do të investojë 300 milionë euro gjatë pesë viteve të ardhshme në krijimin e gjashtë hoteleve me nga 3000 dhoma.

“Melia” ishte ndër grupet e para mes hotelerisë spanjolle që lëvizën dhe do të ketë dy godina kur të hapet “Melia Tirana” në vitin 2021.

Sikurse pritet, kompanitë më të vogla të hotelerisë janë në pritje dhe do të shohin çfarë ndodh para se të investojnë. Ata bënë të njëjtën gjë kur destinacione si Riviera Maya u bënë popullore./atsh

Majorca Daily Bulletin: Shqipëria, destinacion tërheqës për investime nga hoteleritë spanjolle Read More »

Qendra e re komunitare në Palasë, fëmijët ende me pushime

Aktualitet, Lajmi i fundit / /

Fëmijët e qendrave të përkujdesit social po pushojnë pranë detit këtë sezon turistik, një risi kjo që vjen për herë të parë pas shumë vitesh.

Ministrja e Shëndetësisë dhe Mbrojtjes Sociale, Ogerta Manastirliu thotë se pushimet ende nuk kanë mbaruar për fëmijët e institucioneve të kujdesit social, të cilët sipas saj, po kalojnë ditë argëtimi në plazhin e Palasës.

Ministrja ka thënë po ashtu se edhe të moshuarit e vetmuar të qendrave sociale kanë kaluar kohë pushimi në qendrën e re komunitare që hapi dyert për herë të parë këtë vit në Palasë.

“Pushimet nuk kanë mbaruar ende për fëmijët e institucioneve tona të kujdesit social që po kalojnë disa ditë argëtimi në plazhin Palasës Të moshuarit e vetmuar, fëmijë e gra të qendrave sociale kanë kaluar pushimet verore në qendrën e re komunitare që hapi dyert për herë të parë këtë vit në Palasë”, -thotë Manastirliu.

Me mbështetjen e qeverisë u rijetësua edhe Shtëpia e Pushimit në Velipojë. Fëmijët e qendrave të përkujdesit social kanë pasur mundësinë të pushojnë pranë detit, nën kujdesin maksimal të edukatoreve. /atsh

Qendra e re komunitare në Palasë, fëmijët ende me pushime Read More »

Më shumë se 61 mijë dokumente të shkarkuara nga portali e-Albania në një javë

Aktualitet / /

Më shumë se 61.000 dokumente janë shkarkuar me vulë elektronike nga portali e-Albania gjatë kësaj jave .

Agjenica Kombëtar e Shoqërisë së Informacionit, ka publikuar statistikat e kësaj jave ku vihet re se numri i përdoruesve të këtij portal është në rritje .

Gjatë kësaj jave në këtë portal janë regjistruar 6,408 përdorues të rinj si dhe janë shkarkuar nga ky aplikacion 61,189 dokumente me vulë elektronike. Numri total i përdorimeve të shkërbimeve elektronike shkon në 160,280 si dhe përdoruesit në aplikacionin mobile shkon në 12,946.

Portali unik qeveritar shumëfunksional e-albania.al administrohet dhe zhvillohet nga Agjencia Kombëtare e Shoqërisë së Informacionit, shërben si një portë nëpërmjet së cilës çdo person i interesuar mund të marrë nëpërmjet internetit, shërbime elektronike të ofruara nga institucionet publike në Shqipëri.

Portali qeveritar e-Albania është i lidhur me Platformën Qeveritare të Ndërveprimit, e cila është arkitektura bazë mbi të cilën mundësohet ndërveprimi me sistemet elektronike të institucioneve publike./atsh

Më shumë se 61 mijë dokumente të shkarkuara nga portali e-Albania në një javë Read More »

Lufta kundër analfabetizmit, qendra rinore aktivitet sensibilizues për fëmijët kryeqytetas

Aktualitet, Arsim / /

Dita Ndërkombëtare e Luftës Kundër Analfabetizmit i mblodhi të rinjtë e Qendrës Rinore të kryeqytetit pranë Qendrës Sociale Multidisiplinare duke iu ardhur në ndihmë fëmijëve për të praktikuar gjuhën Shqipe.

Specialistët e Shërbimit Kombëtar për Rininë bën të ditur se pasi shpërndanë mjete shkollore, ata kaluan një kohë të frytshme e miqësore me fëmijët.

Me ndihmën e vullnetarëve, fëmijët shprehën mesazhe sensibilizuese për rëndësinë e shkollës. Disa prej tyre pikturuan, disa krijuan ese dhe të tjerë me anë të shkrimit shprehën dëshirën se çfarë do dëshironin të bëheshin në të ardhmen.

Shërbimi Kombëtar për Rininë bëri apel për t’iu bashkuar nismës “Të luftojmë anafalbetizmin”. atsh

Lufta kundër analfabetizmit, qendra rinore aktivitet sensibilizues për fëmijët kryeqytetas Read More »

Të rinjtë e Smile Albania, aksion pastrimi në plazhet e Karaburunit

Aktualitet, Turizem / /

Të rinjtë e Smile Albania si dhe stafi i Administratës Rajonale të Zonave të Mbrojtura në Vlorë kanë bërë të mundur grumbullimin e afërsisht 220 kg mbetje, në një prej plazheve natyror të Karaburunit.

Administrata Rajonale e Zonave të Mbrojtura Vlorë, ju bën thirrje vizitorëve të Parkun Kombëtar Detar Karaburun të mbajnë pastër këto zona turistike

”Kur vizitoni Parkun Kombëtar Detar Karaburun Sazan merrni padyshim kujtime të bukura. Ju lutemi, kujdesuni të mos lini pas mbetjet tuaja. Është e papranueshme që në vetëm 80 m2, të një prej plazhe natyror të Karaburunit të rinjtë e Smile Albania dhe stafi i AdZM Vlorë, arrijnë të grumbullojnë afërsisht 220 kg mbetje”, thekson AdZM Vlorë.

Të rinjtë e Smile Albania, janë jo vetëm promotorë të turizmit gjatë sezonit veror, por po kryejnë edhe një mision të rëndësishëm në përçimin e mesazheve ndërgjegjësuese përmes pjesëmarrjes në operacionet simbolike të pastrimit, organizuar kudo në Shqipëri nga ministria e Turizmit dhe Mjedisit.

Të rinjtë e Smile përgjatë dy muajve kanë ndihmuar në pastrimin e të gjitha zonave bregdetare dhe turistike. /atsh

Të rinjtë e Smile Albania, aksion pastrimi në plazhet e Karaburunit Read More »

Kura natyrale kundër helmimit nga ushqimi

Shendetesi / /

Efektet e helmimit ushqimor janë të ndryshme për çdo njeri. Disa përjetojnë ngërçe në stomak, kurse të tjerë dhe të vjella. Gjithashtu mund të përjetohet edhe marrje mendsh dhe dehidratim. Në listën më poshtë do të gjeni ushqimet që janë provuar se u bëjnë mirë personave të helmuar nga ushqimi.

Çaji i mentes
Mentja përdoret shumë në aromaterapi. Vaji i saj ka efekt relaksues dhe qetëson trupin. Kjo cilësi e saj është perfekte për ata që vuajnë nga helmimi ushqimor, pasi lehtëson spazmat dhe dhimbjen. Përgatisni një filxhan të ngrohtë çaj menteje dhe spazmat në stomak do t’ju largohen.
Uthulla e mollës
Uthulla e mollës në stomak qetëson traktin gastro-intestinal. Ajo ka natyrë alkaline dhe nuk i lejon bakteret të popullojnë stomakun. Është perfekte për të parandaluar edhe shumimin e mikroorganizmave që kanë shkaktar helmimin ushqimor.
Uji
Diarreja është një prej pasojave të helmimit ushqimor. Gjatë kësaj kohe, trupi humbet shumë lëngje dhe dehidratohet. Pirja e sa më shumë uji e ndihmon trupin të hidratohet përsëri. Gjithashtu eliminon toksinat dhe bakteret e tjera që do të përshpejtojnë shërimin.
Limoni
Bakteret mund të zhduken në praninë e aciditetit duke përshpejtuar kështu shërimin nga helmimi ushqimor. Përgatisni një lëng me limon dhe shtoni pak mjaltë ose sheqer.
Mollët
Lehtësojnë urthin dhe parandalojnë refluksin. Mollët përmbajnë substanca që shkatërrojnë bakteret shkaktare të diarresë dhe mikroorganizmat që shkaktojnë dhimbje stomaku.
Bananet
Kaliumi ndihmon në lehtësimin e efekteve anësore të helmimit ushqimor. Ndihmon gjithashtu të merrni veten shpejt.
Borziloku
Gjethet e borzilokut të përziera me një lugë gjelle mjaltë janë një trajtim efektiv për infeksionet në fyt dhe stomak. Vetëm pas disa orësh do ta ndieni veten shumë më mirë.
Xhinxheri
Xhinxheri ka efekte të shkëlqyera kundër sëmundjeve të aparatit tretës. I kombinuar me mjaltin ai është një trajtim i mirë për dhimbjen dhe reduktimin e inflamacionit. /atsh

Kura natyrale kundër helmimit nga ushqimi Read More »

Ngrënia e kërpudhave zvogëlon rrezikun nga kanceri i prostatës

Kulinari, Shendetesi / /

Sipas një studimi të zhvilluar në Japoni, është zbuluar se ngrënia e kërpudhës mund të ketë zvogëluar rrezikun nga kanceri i prostatës.

Sipas lajmit të publikuar nga “Newsweek”, studiuesit kanë zbuluar se ngrënia e të paktën tre herë kërpudha në javë, mund të zvogëlojë rrezikun e kancerit të prostatës tek meshkujt.

Në këtë studim janë përfshirë 36499 meshkuj të moshave 40 deri 79, të cilët janë vëzhguar gjatë 13 viteve.

Pjesëmarrësit janë pyetur në lidhje me mënyrën e jetesës si dhe zakonet e ngrënies.

Studimi vuri në dukje se diagnostifikimi me kancer është 17% më i ulët tek ata që konsumojnë kërpudha të paktën tre herë në javë se sa tek ata që konsumojnë një herë.

Kjo përqindje është 8% më pak te ata që hanë kërpudha dy herë në javë.

Rezultatet e studimit janë publikuar në revistën shkencore “International Journal of Cancer”. /atsh

Ngrënia e kërpudhave zvogëlon rrezikun nga kanceri i prostatës Read More »