Irina

Kryeministri Edi Rama njoftoi se deri tani 13.888 qytetarë kanë shkarkuar aplikacionin Stop Informalitetit.

“Nëse s’e ke shkarkuar ende, bëje edhe ti, sepse të jep mundësinë që në 1 minutë të gjesh mbështetjen e nevojshme, kundër çdo abuzimi me kuponin tënd, me rrogën tënde, me sigurimin tënd shëndetësor e shoqëror apo me konkurencën e pandershme ndaj biznesit tënd. Aplikacioni që të mundëson të mos heshtësh përballë abuzimit, gjendet në App Store https://apps.apple.com/…/a…/stop-informalitetit/id1476196781 ose në Play Store https://play.google.com/store/apps/details…”, shprehet Kryeministri Rama.

Kreu i qeverisë shprehet se “denoncimi është i fshehtë dhe konfidencialiteti i të dhënave të tua 100% i garantuar”. /atsh

Në Divjakë në një sipërfaqe prej 3.6 hektarësh ndodhet sera më e madhe për kultivimin e fidanëve në Ballkanin Perëndimor është në Shqipëri, ku prodhohen 15 milionë fidanë çdo vit.

Ministri i Bujqësisë dhe Zhvillimit Rural, Bledi Çuçi, vizitoi “Lisar Seedlings” në Divjakë, një serë me teknologji moderne holandeze furnizon me fidanë jo vetëm tregun vendas, por edhe eksporton.

Për zgjerimin e saj, “Lisar Seedlings” është mbështetur nga programi IPARD.

Ministri Çuçi tha se “kombinimi i mbështetjes për zgjerimin e serrave dhe pikave të grumbullimit është një garanci për të zhvilluar më tej sektorin bujqësor dhe për të patur produkte më cilësore”.

“Modele të tilla duhet të na udhëheqin më tej për zhvillimin e bujqësisë. Kjo serë është një garanci për gjithë fermerët që të marrin fidanë cilësorë. Garancia për cilësinë e produkteve bujqësore fillon që tek fidanët. Ne do të vazhdojmë të mbështesim zgjerimin e serrave në Shqipëri, për të krijuar avantazh jo vetëm në tregun vendas por edhe për eksport”, u shpreh ministri Çuçi.

“Lisar Seedlings” eksporton një pjesë të madhe të fidanëve në Perëndim. Numri i të punësuarve në këtë serë është rreth 50 vetë.

Pritet që kjo sipërmarrje të zgjerohet edhe më tej falë skemave mbështetëse të qeverisë shqiptare për bujqësinë dhe fondeve të programit IPARD./atsh

Numri ankesave të zgjidhura gjatë kësaj jave nga platforma e bashkëqeverisjes në nivel qendror është 29428 nga 43053 ankesa të regjistruara.

Sipas shifrave të publikuara këtë javë, rezulton po ashtu se janë 3602 ankesa të zgjidhura nga 7614 raste të regjistruara në nivel vendor.

Ndërkaq, janë spikatur 18 raste suksesi për këtë javë prej të cilave 7 vijnë nga Agjencia Shtetërore e Kadastrës, ndjekur nga ministria e Financave dhe Ekonomisë me 5 raste, 2 nga bashkia e Durrësit, 2 nga bashkia e Vlorës, 1 nga ministria e Turizmit dhe Mjedisit si dhe një nga ministria e Mbrojtjes.

Numri total që ka hyrë përmes një llogarie në në platformën e bashkëqeveriesjes është 111856 ndërsa numri total i regjistrimeve të reja kap shifrat e 18873.

“Shqiperiaqeduam.al” është kthyer në një nga platformat më të besueshme për qytetarët shqiptarë, ku përmes një mesazhi shumë shpejt mund të gjendet zgjidhje për problemet dhe ankesat e tyre./atsh

Sipas Shërbimit Meteorologjik Ushtarak, moti për ditën e sotme parashikohet fillimisht me kthjellime dhe më pas shtim gradual të vranësirave mesatare dhe në relievet malore deri të dendura.

Vranësirat do të shoqërohen me reshje shiu të dobta dhe lokale në një pjesë të madhe të territorit ndërsa në Veriperëndim ato do të jenë në formën e shtrëngatave dhe stuhive afatshkurtra.

Era do të fryjë nga kuadrati i Jugut, e lehtë e përgjatë vijës bregdetare e në momente të përkohshme deri 12 m/sek. Valëzimi parashikohet i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 20/30 Diell shi
Kukës 17/26 Diell pak shi
Lezhë 20/29 Diell shi
Dibër 16/27 Diell pak shi
Durrës 20/32 Diell pak shi
Tiranë 22/32 Diell pak shi
Elbasan 20/33 Diell pak shi
Berat 18/32 Diell re
Vlorë 21/32 Diell re
Korçë 15/25 Diell re
Gjirokastër 16/33 Diell re
Sarandë 20/31 Diell re