Irina

Fluksi turistik/ Shënohet sërish rritje në sektorin e hotelerisë

Turizem / /

Sektori i hotelerisë shënoi rritjen e dytë më të madhe, brenda këtij viti, si në shitje, fondin e pagave dhe të punësimit më të lartë, nxitur nga fluksi i shtuar i turistëve të huaj.

Sipas INSTAT, indeksi i shitjeve të hoteleve shënoi rritje 7,0 % në tremujorin e dytë, krahasuar me të njëjtën periudhë të një viti më parë. Indeksi i numrit të të punësuarve shënoi rritje 4,3 % dhe fondi i pagave u rrit me 14,3 %.

Treguesit mbi shërbimet, përfshijnë aktivitetet ekonomike Tregti me shumicë dhe pakicë, riparimi i automjeteve dhe motoçikleta; Transport, Magazinim dhe Postë; Hotele; Bar-Restorante; informacioni dhe Komunikacioni; Aktivitete të Arkitekturës dhe inxhinierike dhe Agjenci udhëtimi.

INSTAT bën të ditur se, “Në tregtinë me shumicë dhe pakicë, riparimi i automjeteve dhe motoçikletave shënoi rritje te shitjeve me 2,9 %, numri i të punësuarve shënoi rritje 3,6 %, krahasuar me të njëjtën periudhë të një viti më parë dhe fondi i pagave shënoi rritje 6,6 %.

Transport, Magazinimi dhe Posta shënuan rritje te shitjeve me 0,6 %, krahasuar me tremujorin e dytë 2018. Numri i të punësuarve shënoi rritje 1,9 %, krahasuar me të njëjtën periudhë të një viti më parë dhe fondi i pagave u rrit me 2,9 %.

Bare dhe Restorantet shënuan rritje të shitjeve me 4,1 %, krahasuar me të njëjtën periudhë të një viti më parë. Indeksi i numrit të të punësuarve shënoi rritje 8,8 % dhe fondi i pagave u rrit me 12,5 %”.

Ndërsa indeksi i shitjeve në sektorin në sektorin e Informacionit dhe Komunikimi shënoi rritje 2,8 %, krahasuar me tremujorin e dytë 2018 dhe numri i të punësuarve shënoi rritje 17,5 %. Indeksi i fondit të pagave shënoi rritje 7,0 %, krahasuar me tremujorin e dytë 2018.

Aktivitetet ne Arkitekture dhe Inxhinieri shënuan rënie të shitjeve me 33,2 %, krahasuar me të njëjtën periudhë të një viti më parë. Numri i të punësuarve shënoi rritje 8,4 % dhe fondi i pagave u rrit me 0,4 %.

Agjencitë e udhëtimit shënuan rritje shitjeve me 5,6 %, krahasuar me tremujorin e dytë 2018. Numri i të punësuarve shënoi rritje me dhe fondi i pagave u rrit me 12,4 %, bën të ditur INSTAT./atsh

Fluksi turistik/ Shënohet sërish rritje në sektorin e hotelerisë Read More »

Gjykata rrëzon akuzat e prokurorisë ndaj Tahirit, shpallet fajtor vetëm për “shpërdorim detyre”

Aktualitet, Lajmi i fundit / /

Gjykata e Krimeve të Rënda ka rrëzuar mbrëmjen e së enjtes akuzat e prokurorisë ndaj ish-ministrit të Brendshëm Saimir Tahiri për tre vepra penale: “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.

Trupa gjykuese e përbërë nga Ardit Mustafa, Irena Gjoka dhe Flora Hajredinaj vendosi sot që Tahiri të dënohet me 5 vite heqje lirie për akuzën e “shpërdorimit të detyrës”. Gjykata vendosi ta konvertojë këtë dënim në 3 vite shërbim prove, periudhë në të cilën nuk duhet të kryejë asnjë vepër penale. Po ashtu, për 5 vite, ish-ministri nuk duhet të kryejë funksione publike.

Prokuroria e Krimeve të Rënda kërkoi 12 vite burg për Tahirin, por me gjykim të shkurtuar kërkesa përfundimtare shkoi në 8 vite.

Pas shpalljes së vendimit nga trupi gjykues, Tahiri tha për mediet se “më lanë edhe mua pa fjalë. Si gjykata më quajti përgjegjës për shpërdorim detyre se disa kushërinj të mi përdorën emrin. Të presim edhe unë jam kureshtar ta rilexoj atë që dëgjova. Gjykata tha se nuk je trafikant, kriminale apo pjesë e një grupi kriminal, por meqë disa kushërinj përdoren emrin tënd shpërdorove detyrën”.

Ai deklaroi se do ta apelojë vendimin e Gjykatës së Krimeve të Rënda./atsh

Gjykata rrëzon akuzat e prokurorisë ndaj Tahirit, shpallet fajtor vetëm për “shpërdorim detyre” Read More »

Basha: Vendimi për Tahirin i turpshëm

Aktualitet, Politike / /

Kryetari i Partisë Demokratike, Lulzim Basha, e konsideroi të turpshëm vendimin e Gjykatës së Krimeve të Rënda për Saimir Tahirin.

Basha tha se ky vendim konfirmon se Rama bëri gjithçka për ta mbrojtur Saimir Tahirin.

Sipas tij, vendimi i gjykatës provon se drejtësia në Shqipëri është peng i Edi Ramës.

Kreu i PD-së tha se “përsa kohë Edi Rama është në krye të qeverisë, në Shqipëri nuk ka për të patur drejtësi”.

“Vetëm çlirimi i qeverisjes nga krimi do t’i hapë rrugë drejtësisë së vërtetë dhe mirëqenies për të gjithë shqiptarët”, tha Basha./atsh

Basha: Vendimi për Tahirin i turpshëm Read More »

Jepet vendimi për Saimir Tahirin

Aktualitet, Lajmi i fundit / /

Gjykata për Krime të Rënda shpallë fajtor ish-ministrin e Brendshëm Saimir Tahiri të vënë në hetim nga prokuroria në nëntor të vitit 2017 dhe vendos ta dënojë me 5 vite burg vetëm për shpërdorim detyre.

Me gjykrim të shkurtuar 3.4, dhe do kthehet në shërbim 3 vite dhe 5 vite të mos kryejë funksione publike. Për të organi i akuzës kërkoi 12 vite burg,që duke marrë parasysh faktin që procesi u zhvillua me gjykim të shkurtuar, ulet me 1/3 në 8 vite burg.

Tahiri akuzohet për tre vepra të rënda penale ndërkohë që prej momentit të parë ka kërkuar pafajësi duke hedhur akuza për një proces gjyqësor të montuar dhe pa prova kundër tij. /shqiptarja

Jepet vendimi për Saimir Tahirin Read More »

Firmat austriake, interes për të investuar në Shqipëri

Aktualitet, Lajmi i fundit / /

Firmat austriake gjithnjë e më shumë të interesuara për të investuar në Shqipëri.

Ministri i Shtetit për Mbrojtjen e Sipërmarrjes, Eduard Shalsi priti përfaqësues të disa firmave austriake, të cilët po zhvillojnë një vizitë informuese mbi potencialet e Shqipërisë.

Ministri Shalsi u shpreh se, ata ishin shumë të interesuar për turizmit në vendin tonë, një sektor që ka marrë vëmendje të lartë edhe falë medieve ndërkombëtare.

“Interesim gjithnjë në rritje i austriakëve për Shqipërinë. Advantage Austria organizoi një vizitë informuese mbi potencialet e Shqipërisë duke sjellë disa firma austriake, përfaqësuesit e të cilave i takova me kënaqësi në mjediset e Ministrisë. Ishte vizita e tyre e parë në Shqipëri dhe ishin shumë të interesuar për turizmit në vendin tonë, një sektor që ka marrë vëmendje të lartë edhe falë medieve ndërkombëtare”, thekson ministri Shalsi.

Ministri Shalsi shprehet se, “mundësitë që ofron Shqipëria për investim, si dhe atraksionet e saj bregdetare, malore, liqenore, lumore, si dhe sitet arkeologjike ishin në fokus të diskutimit”./atsh

Firmat austriake, interes për të investuar në Shqipëri Read More »

Elona Hodaj do të jetë në krye të Agjensisë Shtetërore të Kadastrës së Vlorës

Aktualitet / /

Elona Hodaj do të jetë në krye të Agjensisë Shtetërore të Kadastrës së Vlorës.

Hodaj emërohet pak ditë pas furtunës së ndodhur në Kadastrën e Vlorës ku 6 juristë u pushuan dhe 19 të tjerë u paralajmëruan nëpërmjet vërejtjeve, duke përmbyllur rrokadën në rradhët e këtij institucioni.

Elona Hodaj, vjen me nje background politik në rradhë e Partisë Socialiste, si kryetare e Fresh Vlorë, kandidate për deputete ,anëtare e Asamblesë Kombëtare të Ps, etj.

Hodaj ka mbajtur për rreth 10 vite postin e shefes së Kabinetit të Bashkisë së Vlorës dhe vitet e fundit ka drejtuar Fondin e Kujdesit të detyrueshëm shëndetësor.

Emri i Hodaj vjen në krye të këtij institucioni për të sjell një frymë të re në shërbimin ndaj qytetarëve, duke zëvendësuar Alteo Nazëraj, i cili qëndroi i komanduar në postin e drejtorit të institucionit pas shkarkimit të ish drejtorit, Florjan Almadhi.

Elona Hodaj do të jetë në krye të Agjensisë Shtetërore të Kadastrës së Vlorës Read More »

Shqipëria rritje të fortë turistike, mbi 6 milionë në vit

Aktualitet, Turizem / /

Kryeministri Edi Rama deklaroi sot në Bari, Itali se “Shqipëria po përjeton një rritje të fortë turistike, po rritemi çdo vit. Në katër vitet e fundit praktikisht kemi dyfishuar numrin e turistëve, u nisëm nga 2,9-3,1 milionë në vit dhe tani jemi mbi 6 milionë në vit”.

Në fjalën e tij në forumin “Ekonomia blu e Mesdheut” në kuadër të panairit “Fiera del Levante”, në Bari, Itali, Kryeministri Rama theksoi se janë “shifra mjaft të rëndësishme, por edhe një sfidë për Shqipërinë, sepse duhet t’i përgjigjemi këtij fluksi me aftësi, mikpritje, infrastrukturë etj.”.

Kryeministri Rama u shpreh se “siç është e qartë që ka vetëm përfitim nëse bëhemi bashkë për të zgjeruar këtë hapësirë turistike, sigurisht duke përfituar nga ky ridimensionim i saj, i rajonit të Pulias, që është kthyer sot në një destinacion gjithmonë e më tërheqës, në të gjitha nivelet e konsumatorit turistik, por duke shtuar edhe Shqipërinë që po përjeton një rritje të fortë turistike”.

“Dua të them në fund që ka shumë dëshirë nga ana jonë për të ushqyer këtë lidhje me Puglian, një dëshirë që na vjen natyrshëm, jo vetëm se ne e shohim Puglian sot si një rajon të njohur. Është e qartë se suksesi i Puglias është një sukses edhe i bazuar në ndryshueshmërinë e instrumenteve të përdorura nga ato të 10-20 viteve më parë”, – nënvizoi Rama.

Sigurisht, vijoi ai, për këtë ne kemi një respekt të madh dhe një interes për të lidhur edhe botët universitare, botët akademike, shërbimet shëndetësore.

Kreu i Qeverisë u shpreh se “në fund të fundit jemi shumë afër. Për të ardhur dje në Bari na u desh gjysma e kohës për të shkuar në Verona. Sigurisht e bëmë me avion dhe koha e harxhuar ishte sa gjysma e asaj që duhet për të shkuar nga Tirana në Vlorë. Pra shumë afër”./atsh

Shqipëria rritje të fortë turistike, mbi 6 milionë në vit Read More »

Hajdari: Reforma Zgjedhore po merr rrugën e duhur

Aktualitet, Politike, Votime Sondazhe / /

Bashkëkryetarja e Komisionit për Reformën Zgjedhore, Rudina Hajdari deklaroi sot se Reforma Zgjedhore po merr rrugë, ftesa për dialog me opozitën joparlamentare e mirëpritur nga palët dhe se po gjendet konsensues.

“Rezoluta njëzëri gati, Reforma Zgjedhore po merr rrugën e duhur. Ftesa për opozitën jashtë për dialog, e mirëpritur nga të gjitha palët. Kërkesat më në fund po gjejnë konsensus”, shprehet Hajdari.

Po ashtu, Hajdari bënë thirrje për gjetjen e konsensusit mes palëve, pasi 90% e shqiptarëve.

“Pak orë dhe ditë na ndajnë nëse politika do t’i përgjigjet po 90% e shqiptarëve janë për hapjen e negociatave”, shprehet ajo. /atsh

Hajdari: Reforma Zgjedhore po merr rrugën e duhur Read More »