Irina

Imshta dhe Divjaka, dy prodhueset më të mëdha të shalqirit në Shqipëri

Aktualitet, Lajmi i fundit / /

Imshta dhe Divjaka janë dy prodhueset më të mëdha të shalqirit në Shqipëri.

Zv/kryeministri Erion Braçe ndalet te investimet që janë kryer dhe masat fiskale që u kanë ardhur në ndihmë fermerëve të kësaj zone për të rritur eksportet.

“Këtu jemi në Imshtë. Turi është një bujk i mirë, i apasionuar pas punës me tokën. Çmimi mesatar që Imshta mori për shalqirin këtë vit është 23 lekë për kilogramë. Eksporti u zgjerua dhe nga Imshta këtë herë çuam shalqi edhe në Suedi. Infrastruktura, rruga për Imshtë tashmë e bërë dhe rrugët e tjera në ndërtim në fazën e fundit ndihmuan shumë”, tha Braçe.

Po ashtu heqja e TVSH-së për inputet bujqësore, farërat, fidanët e plehrat kimike dha efekt maksimalisht, uli kostot, rriti rendimentin, dhe solli më shumë të ardhura.

“Aq kundërshtarë pati heqja e TVSH-së, sa e mbani mend, ika nga komisioni. Vijojnë ta kundërshtojnë akoma të gjithë ata që kurrë nuk shkuan në fshat, kurrë nuk hynë një herë të vetme në ara me bujqit, tek produkti. Do të bëjmë edhe më shumë; do të çojmë ujin për vaditje përmes rrjetit të ri të degës së Çukasit në Imshtë. Do ulim edhe më kostot! Kush do të punojë, punën e ka pranë”, tha Braçe./atsh

Imshta dhe Divjaka, dy prodhueset më të mëdha të shalqirit në Shqipëri Read More »

Qendra historike e Vlorës zgjeron mushkëritë e qytetit

Aktualitet, Art-Kulture, Lajmi i fundit, Turizem / /

Rikualifikimi i qendrës historike të Vlorës po e bën qytetin bregdetar jo vetëm destinacion për detin dhe plazhin, por edhe për historinë dhe kulturën e pasur.

Ministrja e Kulturës, Elva Margariti duke sjellë pamje të qendrës historike që po merr formë, tha se kjo po ndodh “sepse Vlora nuk është vetëm det, por edhe histori, edhe kulturë”.

“Do të duhej të kalonin shumë vite që të ndërmerrej një hap i vështirë dhe i rëndësishëm, ai i rikualifikimit të Qendrës Historike. Një kthim në identitet, që do të zgjerojë mushkëritë e qytetit”, theksoi Margariti.

Qendra historike e Vlorës është zona ku qyteti i Vlorës ruan ende gjurmë të ndërtimeve të fundit të shekullit të 19-të dhe fillimit të shekullit të 20-të.

Brenda kufijve të zonës së projektit ndodhen disa monumente kulture të kategorisë së parë si edhe rruga më e rëndësishme e qytetit për nga vlerat historike që mbart: rruga “Justin Godard”.

Rruga “Justin Godard” ka qenë rruga kryesore e qytetit në periudhën e Rilindjes dhe Pavarësisë Kombëtare.

Cepi perëndimor i saj të nxjerr tek Sheshi i Flamurit, kurse ana lindore në lagjen “Partizani” në drejtim të Babicës, ku ka shumë foto të hyrjes së luftëtarëve më 1920.

Shtëpitë janë me dy kate, me ballkone të vegjël të stilit neoklasik. Degëzimet e rrugëve sekondare të çojnë tek ish-pazari, “Lagja e hebrenjve”, klubi “Labëria” dhe ish-Sinagoga.

Në fund, nga ana lindore ka qenë dhe xhamia e Tabakëve, më e madhja e qytetit. Rruga ka pasur disa ndërtesa shoqërore në shekullin XIX, si një sahat (kullë) dhe Postën e qytetit.

Kompleksi e ka marrë emrin nga juristi i njohur francez Justin Godard, i cili ka mbrojtur të drejtat e Shqipërisë në Konferencën e Paqes në Paris, më 1919.

Godard ka qenë mik i shqiptarëve dhe ka ndihmuar edhe me fonde ekspeditën e arkeologut Leon Rey në Apoloni./ atsh

Qendra historike e Vlorës zgjeron mushkëritë e qytetit Read More »

Dita Botërore e Aftësive Rinore, më shumë vëmendje për të rinjtë

Aktualitet / /

Komisioneri për Mbrojtjen nga Diskriminimi, në ditën Botërore të Aftësive Rinore, bën thirrje për më shumë vëmendje për të rinjtë në shoqëri dhe në veçanti për të rinjtë me aftësi të kufizuar.

“Sipas Censusit të 2011, numri i të rinjve të grupmoshës 15-29 vjeç u llogarit në 704 mijë, duke përfaqësuar një të tretën (25,2 përqind) e të gjithë popullsisë. Me këtë përbërje të moshës, popullsia e Shqipërisë është mes popullsive më të reja në Europë. Të dhënat tregojnë një përmirësim të qartë të nivelit arsimor të realizuar nga grupmosha më të reja, por megjithatë mbeten prapa sa i takon arritjeve arsimore”, shprehet Komisioneri.

Po ashtu Komisioneri shton se të gjithë shqiptarët kanë të drejta të barabarta për akses në arsim në të gjitha nivelet pa diskriminim në lidhje me statusin e tyre social, kombësinë, gjuhën, gjininë, fenë, bindjet politike, gjendjen shëndetësore dhe nivelin ekonomik. Të rinjtë me aftësi të kufizuara përballen vazhdimisht me izolim social, varfëri dhe diskriminim – dhe kjo duhet të ndryshojë. /atsh

Dita Botërore e Aftësive Rinore, më shumë vëmendje për të rinjtë Read More »

Basha në Shkodër: Koha që PD të japë zgjidhjet e veta

Aktualitet, Politike / /

Kryetari i Partisë Demokratike, Lulzim Basha zhvilloi një takim në Shkodër, prej nga tha për mediet se ishte në këtë qytet për të falënderuar të gjithë ata persona dhe militantë të PD që nuk kanë marrë pjesë në zgjedhjet lokale të 30 qershorit.

Basha tha se është koha që PD të japë një zgjidhje kundër shtetit që sipas tij është i kapur.

“ Jam këtu për të thënë se për mua dhe për PD refuzimi i Edi Ramës më 30 qershor është mbi të gjitha motiv dhe përgjegjësi për ta kthyer këtë në një votë shprese për një ndryshim të vërtetë për çdo shqiptar e çdo shqiptare që mund të vij me ndryshime kushtetuese, politike. Transformimi i thellë në radhë të parë i ekonomisë. Jam shumë i shqetësuar se nuk mjafton të themi se kjo është një pasojë e Edi Ramës tani është koha të japim zgjidhjet tona. Zgjidhjet tona për t’i dhënë fund një ekonomie të kapur nga 5 oligarke. Për të ulur taksat dhe jo për të rritur taksat. Dhe për t’i kthyer shqiptarëve të drejtën për të punuar me dinjitet”, tha Basha. /atsh

Basha në Shkodër: Koha që PD të japë zgjidhjet e veta Read More »

Çfarë ushqimesh duhet të konsumoni për të pasur bark të sheshtë?

Shendetesi / /

Stina e verës është koha kur të gjithë përpiqemi të dukemi sa më mirë dhe një nga pikat e forta të të dukurit bukur është barku i sheshtë. Nëse doni që të jeni në formë të mirë sigurisht që duhet të keni kujdes me ushqimin dhe të hani shëndetshëm duke ndërthurur edhe ushtrimet me vaktet.

Për të pasur një stomak të sheshtë, duhet të keni parasysh se konsumi i disa ushqimeve është shumë i vlefshëm dhe listën e plotë të tyre e gjeni më poshtë

Të bardhën e vezës

Kofshat dhe gjoksi i pulës

Peshku

Frutat e thata

Çfarë ushqimesh duhet të konsumoni për të pasur bark të sheshtë? Read More »

Vëllezërit she.rr në emision, ndërhyn Ardit Gjebrea

Aktualitet / /

Këtë të diel në rubrikën “Shihemi në Gjyq” të “E Diela Shqiptare” ishin dy vëllezër, në konflikt prej 10 vitesh për një apartament, të cilin asnjëri prej tyre nuk e gëzon.

Në një seancë të tensionuar që shumë herë shkoi në përplasje fizike mes dy vëllezërve para publikut, Fatmiri tha se në vitin 2009 kishte blerë një apartament me paratë e Petros, i cili prej më shumë se dy dekadash jeton dhe punon në Greqi. Apartamentin Fatmiri e kishte bërë në emër të vet gjatë marrëveshjes me firmën ndërtuese, por thotë se nuk e pretendon dhe se ai apartament do të bëhej në emrin e Petros në momentin që do të legalizohej. Problemi është se ata janë mashtruar nga firma ndërtuese dhe sot në atë apartament banon një person me emrin Ilir, i cili edhe ai nga ana e tij i ka hapur gjyq firmës ndërtuese me argumentimin se nuk ka blerë atë hyrje, por një tjetër në të njëjtin pallat.

Ardit Gjebrea: Sot kemi dy vëllezër, kemi Petron dhe Fatmirin. Janë dy vëllezër që kanë një konflikt goxha të nxehtë sepse i dëgjova gjatë publicitetit dhe do të dëshiroja të ishin pak të qetë. Sa herë që një vëlla i thotë vëllait më bëj këtë favor, p.sh. më blej këtë apartament, unë nuk e kuptoj pse vëllai për të ndihmuar vëllain e blen apartamentin dhe i bën dokumentet, por jo në emër të tij, por në emër të vet, pse?

Fatmiri: Nuk kam dashur të vija, biles vetëm nga ju (Zonja Eni) e përtypa këtë që erdha këtu.

Zonja Eni: Faleminderit shumë, por të ka thirrur vëllai nuk të ka thirrur Eni.

Petro: Arsyeja pse kam ardhur sot këtu është ai vëllai im që nuk mund t’i thuash vëlla. Sepse këtu e 10 vite përpara, në vitin 2009 kemi blerë një apartament në qytetin e Fierit.

Fatmiri: Po nuk të vjen rëndë o palaço? Nuk të vjen rëndë?

Petro: Zonja Eni…

Fatmiri: Nuk të vjen rëndë që thua nuk mund t’i thuash vëlla? Je prej një nëne ore.

Petro: Jemi prej një nëne, por atë që më ke bërë ti nuk ma bënte as hasmi, more vesh?

Fatmiri: Ça të kam bërë more, ça të kam bërë?

Petro: Ulu aty zotëri. Ulu se do t’i sqarojmë.

Fatmiri: Çfarë do të sqarojmë? Ta dija se ke ardhur ti këtu…

Petro: Fatmiri, në vitin 2009, kur unë kam qenë në Greqi. Zotëria më merr në telefon dhe më thotë në Fier, sipas miqve dhe shokëve, po ndërtohet një pallat në lagjen 8 Shkurti dhe është një pallat shumë i mirë, me metra katror shumë të mira dhe në një vend shumë të qetë dhe të mirë. Më merr me mijëra herë dhe më thotë, ke mundësi ekonomike të marrësh një apartament në Fier. I them ta mendoj. Këmbëngulte të merrja unë një apartament derisa i thashë po.

Fatmiri: Ku do dalësh, të kam ngrënë lekët unë ty? Çfarë të kam bërë? O palaço?

Petro: Çfarë më ke bërë ti? Më ke bërë një dëm shuam të madh zotëri, si ekonomik ashtu edhe psikologjik.

Fatmiri: Ore unë të respektova ty?

Petro: Jo nuk më respektove, nëse do të kisha unë sot çelësat në xhep, atëherë do ta dija për faleminderit. Ke 10 vite që merresh në gjykata. Nga 2009 dhe jemi në vitin 2019.

Fatmiri: Po jam vëllai i madh ore, nuk të vjen rëndë ty?

Petro: Le të jesh ça të duash. Këtë që ma ke bërë vëllai i madh mua nuk ma ka bërë as hasmi, as perëndia.

Fatmiri: Po tani hasëm je me mua ti se të më sjellësh këtu mua ti në mes të tyre, dhe që të bilbilosësh si bilbil…

Petro: Jo si bilbil këndon ti se unë kam ardhur për hallin tim. Kam ardhur për të drejtën time. (Fatmiri i afrohet Petros) Zotëri…më ke marrë edhe lekët edhe do edhe të më godasësh këtu ë? Zonja Eni e shikoni?

Fatmiri: Ça të shikojë ore palaço?

Petro: Turp të të vijë ty, që ka kaq vite dhe…

Fatmiri: Po s’të kam ngrënë lekët unë ty ore…Zonja Eni e di si ka qenë historia? Lekët ia kam marrë, por ia kam marrë me mirëkuptim, edhe që të mos linte ditën e punës. Unë i thashë pronarit që vëllai nuk i ka lekët të gjitha, nuk ka problem më tha pronari i firmës, Eqerem Mehmetaj, ke vëllain këtu tha ai. Pasi diskutova me këta, i pyeta, po emri prish punë? Nuk ka problem më thanë, se emri kur të kalohet në hipotekë do të kalohet në emër të atij. Po sekreti është se ajo nuk kaloi në hipotekë, prandaj bilbilon ai, po unë nuk i kam ngrënë as lekët e asgjë. /tvklan.al

Vëllezërit she.rr në emision, ndërhyn Ardit Gjebrea Read More »

Syzet e diellit jo vetëm në verë, por në çdo kohë

Shendetesi / /

Syzet e diellit janë një ndër aksesorët më të rëndësishëm jo vetëm gjatë stinës së verës por në çdo kohë. Duhet të tregoni kujdes për të mbrojtur sytë në det dhe në mal nga drita e diellit që ju bie në mënyrë të drejtpërdrejtë apo të reflektuar.

Qëndrimi në hije nuk është zgjidhje e mjaftueshme për të mbrojtur sytë, sepse rrezet UV pasqyrohen nga deti, rëra dhe prej sipërfaqeve të tjera. Për këtë, syzet e diellit janë të domosdoshme, me kusht që ato të kenë disa veçori të caktuara. Ashtu si kremrat e diellit edhe syzet e diellit duhet të kenë një filtër për UV. Për më tepër, me ligj, syzet duhet të kenë një broshurë në të cilën është treguar shkalla e mbrojtjes nga UV që shkon nga 1 deri në 5.

Ndër rreziqet afatshkurtër është larma Keratitis, një çrregullim shumë i dhimbshëm që shkaktohet pas ekspozimit ndaj një drite veçanërisht verbuese. Fëmijët dhe të moshuarit duhet të tregojnë një kujdes maksimal, sepse janë më të ndjeshëm dhe më në rrezik. /atsh

Syzet e diellit jo vetëm në verë, por në çdo kohë Read More »

Margariti: Trashëgimia kulturore, vlerë e shtuar në zhvillimin e agroturizmit

Aktualitet, Art-Kulture / /

Ministrja e Kulturës Elva Margariti, u shpreh të shtunën gjatë një takimi me banorë të Linit se, kishte ardhur në fshatin Lin një vit më parë kur mori detyrën si koordinatore e programit “100 Fshatrat”, program i cili, siç tha ajo, e befasoi më shumë ndërthurja e trashëgimisë kulturore, natyrës dhe resurseve agroturistike.

“Që atëherë kemi diskutuar shumë për këto mbështetje të ndërthurura dhe sot që vij pas disa kohësh, shoh që jo vetëm kjo bujtinë, por edhe të tjera investime, kanë marrë formë dhe i përgjigjen misionit për zhvillimin e qëndrueshëm të turizmit”, – tha ajo.

Margariti tregoi historinë e takimit me një gurgdhendës, i cili po ndërton një hotel që pritet të hapet këto ditë. Ai më tha, citoi ajo, “që mund ta ndërtoja shumë më shpejt hotelin me tulla e beton, por besoj që kjo shtëpi ka nevojë për këto gurë”.

Ka ardhur koha që investimet kanë nevojë për këto mjeshtra, theksoi Margariti. Ndaj, vijoi ajo, lajmi i mirë është që edhe liqeni i Ohrit, pjesa shqiptare, iu bashkua UNESCO-s dhe kjo nuk është vetëm një vlerësim, por edhe përgjegjësi për t’u menaxhur kjo pasuri botërore.

“Ju jeni pjesë e ruajtjes së trashëgiminë kulture”, tha ajo. /atsh

Margariti: Trashëgimia kulturore, vlerë e shtuar në zhvillimin e agroturizmit Read More »