Kryeministri Edi Rama ka zhvilluar një vizitë në Turqi ku ka takuar presidentin turk, Rexhep Taip Erdogan në rezidencën verore të këtij të fundit.
“Në mikpritjen e Presidentit Erdogan në rezidencën e tij verore në Marmaris”, tha kryeministri Rama. /atsh
Rama takon Erdogan në rezidencën verore të presidentit turk Read More »
Marrja e kalorive të tepërta është një nga shqetësimet më të mëdha për të gjithë ata që kujdesen për format trupore, sidomos gjatë stinës së verës.
Mirëpo asnjëherë nuk arrini të kuptoni se cilat ushqime kanë më pak, apo më shumë kalori. Janë disa ushqime që kanë pak kalori dhe mund t’i konsumoni pa frikë gjatë verës:
Sallata jeshile
Sallata jeshile do të shtojë shumëllojshmërinë e ushqimit tuaj, por edhe vlerat ushqyese. Sallata jeshile ka kalori jashtëzakonisht të ulëta dhe përmbajtje të lartë të ujit, por është një burim i shkëlqyer i vitaminave A, K dhe C.
2. Luleshtrydhet
Luleshtrydhet shërbejnë për disa përfitime shëndetësore, ndihmojnë në parandalimin e sëmundjeve të zemrës dhe diabetit.
Ato kanë shumë pak kalori dhe janë një nga ushqimet më të mira për humbje peshe.
3. Turshitë
Turshitë janë të kripura, por shumë të shijshme. Gjithashtu janë një nga ushqimet e preferuara për të gjithë ata që duan të mbajnë dietë, pasi kanë zero kalori.
4. Kastravecat
Kastravecat kanë rreth 90% ujë në përbërje dhe si pasojë nuk kanë fare kalori.
5. Kajsitë
Të ëmbla, të lëngshme dhe perfekte për të gjithë ata që duhet të kujdesen për kaloritë e tepërta.
6. Kungulli
Kungulli është një nga perimet e verës më të shëndetshme dhe më me pak kalori që mund të gjeni.
7. Domatet
Domatet mund të zvogëlojnë rrezikun e kancerit dhe sëmundjeve të zemrës, sipas një studimi të publikuar në “Journal of Lifestyle of America”. Gjithashtu janë një nga perimet më të njohura të cilat ndihmojnë në humbjen e peshës.
8. Pjepri
I mbushur me antioksidantë, pjepri është ushqimi i përsosur, i ëmbël dhe freskues. Pjepri përmban shumë vitamina dhe minerale që mund të ndihmojnë në parandalimin e problemeve të syve. /atsh
Ushqimet të cilat mund t’i konsumoni në verë dhe kanë pak kalori Read More »
Ministrja e Arsimit Besa Shahini deklaroi nga ceremonia e prezantimit të Kampusit Universitar se shumë ndryshime kanë ndodhur që pas protestës së studentëve pas reformave të ndërmarra në bashkëpunim me Ministrinë e Kulturës dhe Bashkisë së Tiranës. Shahini i bëri thirrje studentëve që të vijojnë të parashtrojnë kërkesat e tyre edhe gjatë zgjedhjeve që do të zhvillohen këtë fillimvit në Universitet.
“Dua të flas pak për Paktin për Universitetin. Në dhjetor dëgjuam studentët dhe në janar hartuam planin i cili ka në vëmendje studentët për punësim dhe projekte studentore. Do të shtojmë buxhetin për bursat dhe për shërbimet e tjera që iu nevojitet studentëve. Shtesa këtë vit kapi vlerën e 2 miliardë lekëve të reja. Këtë do e realizojmë edhe më mirë vitin tjetër. Kemi një bashkëpunim shumë të mirë edhe me Ministrinë e Kulturës. Me bashkinë kemi mundësuar pajisjen e studentëve me karta. Portalin për transparencën financiare dhe kemi mundësuar që kushdo të shohë financimin për çdo universitet”, – tha Shahini.
“Kemi bërë sondazhin kombëtar të studentëve ku morën pjesë studentë nga e gjithë Shqipëria. Nga Universiteti i Arteve morën pjesë gjysma e studentëve, pra kjo është një mostër e mirë për të marr përshtypjet dhe eksperiencat e studentëve. Nga ky sondazh dolën rezultate se studentët ishin të kënaqur me pedagogët e tyre, dhe nuk ishin shumë të kënaqur me strukturat drejtuese të universitetit”, – u shpreh Shahini.
Ajo shtoi se, “pyetjes nëse pritshmëritë e studentëve janë përmbushur nga universiteti, janë përgjigjur 35% me po. Ky është një moment që duhet të reflektojmë se çfarë do bëjmë muajt në vijim që semestri tjetër i vitit akademik të na gjejë më mirë”.
“Në fillimin e viti tjetër janë zgjedhjet për organet drejtuese në gjitha universitetet publike. Ky është një moment i mirë pasi nisin diskutimet brenda universiteteve për mënyrën sesi do të qeveriset universiteti gjatë 4 viteve të ardhshme. Pakti për Universitetin nuk realizohet pa ju, ndaj aktivizimi juaj është i nevojshëm për përmirësimin e përbashkët të universitetit”, – përfundoi Shahini. /atsh
Shahini: 2 miliardë lekë më shumë për studentët, do shtojmë buxhetin për bursat Read More »
Kryeministri Edi Rama shprehu sot keqardhjen për gjithë ata që vazhdojnë t’i shmangen detyrimeve ndaj shtetit, duke u përballur me pasojat, ndërsa ka nisur zbatimin plani operacional kundër informalitetit.
“Stop informalitetit. Keqardhje për këta njerëz që vazhdojnë avazin e vjetër të shmangies së detyrimeve ndaj shtetit dhe e paguajnë kaq shtrenjtë pasojën e shkeljes së ligjit”, theksoi Kryeministri Rama, duke sjellë në vëmendje bllokimin e atyre që i janë shmangur detyrimeve.
Në kuadër të operacionit kundër informalitetit janë bllokuar një hotel luksoz dhe një biznes tjetër, të cilët deklaronin një xhiro fiktive të të ardhurave dhe nuk lëshonin kupon tatimor. /atsh
Rama: Stop avazit të vjetër të shmangies së detyrimeve ndaj shtetit Read More »
Ministri i Brendshëm Sandër Lleshaj njoftoi sot se nga tetori kartat e identitetit që skadojnë këtë vit nuk do të mund të përdoren më. Lleshaj inkurajoi qytetarët që të nxitojnë për të rinovuar mjetet e identifikimit, në mënyrë që të mos befasohen nesër.
“Kartat e identitetit dhe pasaportat janë në prag të skadimit për shumë qytetarë. Nga fillimi i tetorit ato që skadojnë këtë vit nuk do të mund të përdoren më, nëse nuk shoqërohen me dokumentin e aplikimit”, theksoi ministri Lleshaj.
“Të gjithë duhet të nxitojnë sot, që të mos befasohen nesër, kur të ndalohen për të udhëtuar jashtë vendit, apo kur të mos mund të marrin një shërbim tjetër brenda tij”, theksoi Lleshaj./atsh
Kryetari i “Bindjes Demokratike”, sfidoi sot Lulzim Bashën të ndajë mendjen dhe të njohë të gjitha vendimet e institucioneve, dhe jo vetëm të atyre që i pëlqejnë. Patozi iu referua përshëndetjes nga ana e Bashës të vendimit të Gjykatës së Durrësit për të mos dhënë mandatin për kryebashkiaken e re të dalë nga zgjedhjet e 30 qershorit.
“Eh, mor jurist, që nuk e tregon diplomën, megjithëse ta kanë bërë çështje prej shumë kohësh shkollimin tënd në Holandë! Qenke gëzuar për një vendim gjykate në Durrës, ndërkohë që po të kishe formimin elementar për atë, që pretendon se je arsimuar, duhet t’i njohësh të gjitha vendimet e institucioneve, jo vetëm ato që të pëlqejnë ty”, tha Patozi.
Ai solli një anekdotë me qershitë, për dikë që i ndante në të bëra pis ose jo. Dhe në fund i hëngri të gjitha, ngaqë i dukeshin të pastra edhe ato që kishin ngelur të fundit.
“Sepse ka dhjetëra vendime të tjera gjykatash të cilat ti nuk i pranon, se nuk të interesojnë”, tha Patozi.
“Por unë ta njoh hallin dhe nuk të vë shumë faj. Ti thjesht po shtyn ditët e tua, derisa të dalë një gjë tjetër e të harrohet fakti që i fale kundërshtarit 61 bashkitë pa betejë, kur u the njerëzve që zgjedhje vendore pa ty në Shqipëri nuk do të ketë”, theksoi kreu i “Bindjes Demokratike”.
“E nise këtë punë me gënjeshtrën që Bindja Demokratike mori pjesë në procesin e 30 qershorit për të legjitimuar fitoren e Edi Ramës. Tani e paske ndërruar pllakën e gramafonit dhe po thua që ne ishim në këto zgjedhje për të delegjitimuar procesin. Ka një shprehje të Shqipërisë së Mesme, që të shkon shumë në këtë rast: “O fol e mba, o dh.. e ha”, përfundoi Patozi. /atsh
Shërbimi Meteorologjik Ushtarak bën me dije se moti sot do të nisë i kthjellët.
Në mesditë parashikohen zhvillime vranësirash, të cilat në zona të izoluara në male do të pasohen nga shi i dobët.
Era do të fryjë e lehtë e mesatare me drejtim Juglindje-Veriperëndim.
Në bregdet valëzimi parashikohet i forcës 1-2 ballë.
Temperaturat parashikohen:
QYTETET Temperaturat në °C Sigla
Shkodër 17/32 diell re
Kukës 17/29 diell re
Lezhë 19/32 diell re
Dibër 13/26 diell re
Durrës 19/32 diell re
Tiranë 17/33 diell re
Elbasan 17/33 diell re
Berat 15/33 diell re
Vlorë 17/32 diell re
Korçë 14/25 diell re shi i izoluar
Gjirokastër 17/31 diell re shi i izoluar
Sarandë 18/30 diell re
Ne jemi absolutisht të disponueshëm për t’u ulur në tryezë me të gjithë, pa asnjë përjashtim dhe paragjykim dhe për të diskutuar për sfidat e vendit dhe atë që është e rëndësishme të adresohet në funksion të rregullave të lojës, reformës zgjedhore”, deklaroi sot Kryeministri Edi Rama.
Në një prononcim për mediet pas mbledhjes së kryesisë së PS-së, Rama tha se “sa i takon Kushtetutës, ligjshmërisë dhe mandatit tonë qeverisës, këto nuk janë çështje që ne i kemi për diskutim për askënd tjetër, sepse lidhen me detyrimet tona”.
“Ne jemi një shumicë qeverisëse që kemi detyrë të forcojmë kulturën e ligjit dhe kemi detyrimin të mbajmë me nder dhe dinjitet një mandat që na është dhënë për të qeverisur deri në 2021”, tha Rama.
Interesit të gazetarëve lidhur me dekretin e presidentit për mbajtjen e 3 palë zgjedhjeve në 13 tetor, Rama deklaroi se “nuk njoh asnjë 13 tetor, është një e diel si të gjitha të dielat që kemi para”, duke shtuar se “zgjedhjet janë bërë në 30 qershor”.
“Ne jemi shumë të angazhuar për të filluar mbarë procesin e qeverisjes vendore. Kemi ngritur edhe 3 këshillat drejtues; në rajonin verior do të jem unë, në rajonin e mesëm Sekretari i Përgjithshëm i PS-së dhe në rajonin jugor Kryetari i Kuvendi. Ky është fokusi ynë. Ne kemi sfidën me problemet e vendit dhe të njerëzve, jo me problemet e brendshme të opozitës jashtëparlamentare apo të presidencës. 13 tetori për mua është njësoj si 12 tetori, 14 tetori etj. Nuk njoh asnjë 13 tetor. Është një e diel si të gjitha të dielat që kemi para”, tha Rama.
Kryeministri tha se “është shumë e rëndësishme të ngremë në një nivel të ri dialogun me të gjithë, me qytetarët, sipërmarrjen, me njerëzit e zakonshëm në çdo sektor, pavarësisht bindjeve dhe përkatësive të tyre politike”.
“Duhet të ngremë në një nivel të ri dialogun e brendshëm në parti që do të nisë shumë intensivisht edhe në funksion të zgjedhjeve në çdo organizatë; dialogun me opozitën parlamentare dhe atë jashtëparlamentare”, shtoi ai./atsh
