Irina

Kryeministri Edi Rama thotë se Shqipëria nuk do të shkojë në zgjedhje të parakohshme nëse Këshilli Europian nuk çel negociatat për anëtarësim në BE.

Ndryshe nga homologu i tij i Maqedonisë së Veriut, Zoran Zaev i cili e konfirmoi se shteti i tij do të shkojë në zgjedhje të parakohshme në rast mos-hapje negociatash, Rama tha se një gjë e tillë nuk ka për të ndodhur me Shqipërinë, pasi janë dy kontekste të ndryshme.

Deklarata e Ramës:

Maqedonia e Veriut ka ndryshuar emrin dhe ka bërë diçka që e kanë kërkuar ata, ka bërë një sakrificë për ata, dhe duke bërë këtë sakrificë kryeministri i ka kërkuar popullit të vetë të dalë në referendum. Jemi në kontekste të ndryshme.

Jemi në një kontekst krejt tjetër, jo vetëm që nuk do shkojmë në zgjedhje të parakohshme por ne do të vazhdojmë të bëjmë këtë që kemi bërë, datën 19 dielli lind përsëri. Shqipëria nuk ka pse shkon në zgjedhje të parakohëshme se nuk i ka lënë gjë mangut këtij procesi. Nëse zgjedhjet e parakohshme në Shqipëri do të zgjidhnin problemin mes Gjermanisë dhe Francës, do ta bënim.

Moti do të jetë me kthjellime dhe vranësira në shtim deri mesatare në Juglindje ku nuk përjashtohet mundësia e reshjeve të shiut.

Era do të jetë me drejtim Veriperëndim (NW) me shpejtësi maksimale 7 m/sek në bregdet. Valëzimi i forcës 3 me lartësi vale 0,3- 0,5 metër në det të hapur. Temperaturat do të jenë me rënie graduale.

Temperaturat min dhe max:

Zonat malore 12/23°C

Zonat e ulëta 12/27°C

Zonat bregdetare 15/27°C

Ish-ministrja e Mbrojtjes, deputetja e Partisë Socialiste, Mimi Kodheli gjatë një interviste televizive tha se Shqipëria i ka bërë të gjitha detyrat dhe meriton çeljen e negociatave.

Kodheli u shpreh se duhet të jemi krenarë për atë që kemi bërë, pasi shkojmë në Europë me vlerën dhe traditën tonë dhe jo si qytetarë të dorës së dytë.

“Është një moment i vështirë për shumëkënd. BREX-it, rikonceptimi i Macron për një Europë tjetër, i komplikon gjërat. Duhet të jemi krenarë dhe për arritjet tona. Ne nuk shkojmë në Europë si lypsarë, apo qytetarë të dorës së dytë. Ne shkojmë me traditën tonë”, – theksoi Kodheli.

“Europa ka qenë e turbullt edhe në vendimmarrje të tjera të rëndësishme dhe nuk ka qenë domosdoshmërisht ajo që i ka prerë drutë shkurt. Ne do bëjmë përpjekjen tonë duke pasur miq të mirë që është Europa dhe një Perëndim më i largët akoma”, – shtoi Kodheli.

“Vlerat tona i shtohen atyre europiane. Ne jemi në një pozicion fitues, se i kemi bërë gjërat mirë. Bundestagu ka qenë i qartë, ka pasur një ekspertizë të thellë për të na shtruar në tryezë dy gjëra për ta kapërcyer krizën. Këto kanë qenë Gjykata Kushtetuese dhe Kodi i ri Zgjedhor. Kriza kanë edhe vende të tjera, por mënyra se si e zgjidhin është e ndryshme. Ne si shqiptarë nuk duhet të jemi disfatistë”, – tha më tej Kodheli.

“25 apo më shumë vende, besojnë fort se Shqipëria i ka bërë detyrat dhe duhet t’i çelen negociatat, ndërsa disa vende të tjera, për arsye të tyre të brendshme, mendojnë se nuk duhen hapur negociatat për arsye që jo domosdoshmërisht lidhen me Shqipërinë dhe Maqedoninë e Veriut. Por, ajo që ka rëndësi është që ne i kemi bërë detyrat që na u caktuan”, – nënvizoi Kodheli.

“Patjetër që do punojmë për të realizuar kushtet e vendosura nga Bundestagu gjerman. Ne do duhet të punonim për realizimin e 9 kushteve të vendosura nga Bundestagu gjerman, edhe sikur negociatat të na ishin hapur pa kushtet e dhëna nga Bundestagu. Ne do të vazhdonim drejt reformës që kemi nisur me seriozitet dhe bindjen se jemi duke bërë gjënë e duhur për vendin dhe për shqiptarët. Sigurisht do kishim shpresuar të ishim një shembull dhe për shqiptarët kudo ku janë, pasi ka vend që shqiptarët mund dhe duhet të demonstrojnë që janë të mirë ndër të mirët”, – theksoi Kodheli./atsh