Kantautori i njohur shqiptar, Alban Skënderaj është ambasadori i parë i gjuhës italiane në Shqipëri. Këngëtarit iu akordua titulli përmes një ceremonia të veçantë të zhvilluar në ambasadën italiane në Tiranë. Skënderaj është përzgjedhur edhe si protagonist i spotit të realizuar nga ambasada në kuadër të Javës së Gjuhës Italiane në Botë.
“Falenderojmë Alban Skenderaj, ambasadori i parë i gjuhës italiane në Shqipëri dhe protagonisti i spotit të realizuar me rastin e Javës së Gjuhës Italiane në Botë. Italishtja është muzikë!” thuhet në dedikimin e ambasadës italiane.
Edhe vetë këngëtari është shprehur i emocionuar dhe mjaft i nderuar për emërimin e tij si ambasadori i parë i gjuhës italiane në Shqipëri.
“Faleminderit ambasadës italiane në Shqipëri, e cila më nderoi si të parin ambasador të gjuhës italiane në Shqipëri. Një shembull miqësie, integrimi dhe respekti reciprok i dy popujve tanë,” shprehet këngëtari. /atsh
Ministri i Brendshëm, Sandër Lleshaj ka zhvilluar një takimi me gjimnazist të Tepelenës, nga ku ka deklaruar se komunikimi dhe thellimi i bashkëpunimit me qytetarët është i domosdoshëm në procesin e rritjes së sigurisë.
Ministri Lleshaj, gjatë takimit të zhvilluar sot në Tepelenë, ka nënvizuar dhe angazhimin e plotë të Policisë së Shtetit, për të thelluar bashkëpunimin me të rinjtë, nxënësit dhe studentët në funksion të përfshirjes së tyre në ndërtimin e sigurisë së përbashkët
“Në gjimnazin e Tepelenës për të parë edhe një herë se sa e domosdoshme është nevoja e komunikimit me qytetarët në tërësi dhe me të rinjtë në veçanti. Maturantët e Tepelenës janë plot kurajo dhe ambicie pozitive”-, bënë të ditur Lleshaj.
“Ministria e Brendshme dhe Policia e Shtetit janë shumë të angazhuara për të zgjeruar dhe thelluar bashkëpunimin me të rinjtë, nxënësit dhe studentët në funksion të përfshirjes së tyre në ndërtimin e sigurisë së përbashkët, por edhe për përtëritjen e policisë me prurje nga radhët e tyre”-, përfundon ministri Lleshaj./atsh
Kryetari i Partisë Demokratike, Lulzim Basha, në një intervistë televizive ka deklaruar sot se mos hapja e negociatave të Shqipërisë me Bashkimin Europian erdhi si pasojë e mos përmbushjes siç duhet të detyrave nga ana e qeverisë shqiptar, sidomos në drejtim të luftës kundër krimit e korrupsionit.
“E para, nuk e them unë. E thotë vetë Bashkimi Europian, që, në rastin e Shqipërisë nuk pati konsensus, por, përkundrazi, kishte një numër të madh vendesh, jo vetëm Franca, që ishin kundër. Arsyet, po kështu, këto vende, i kanë bërë të qarta: luftë e pamjaftueshme kundër krimit dhe korrupsionit. Pra, krimi dhe korrupsioni mbeten shqetësim i madh, ndarja e pushteteve është cituar si problematikë”,. tha ai.
I pyetur në lidhje me zgjedhjet e parakohshme të artikuluara së fundmi nga ana e tij, Basha tha se, Shqipërisë i duhen zgjedhje të parakohshme shumë më shumë sesa Maqedonisë. “Ne jemi gati të shkojmë në zgjedhje të parakohshme që nesër. Kushti i vetëm i opozitës, për të cilën kemi bërë një betejë, është që shqiptarëve t’u garantohet liria e votës, Duke garantuar standardet minimale zgjedhore, për të cilat Partia Demokratike dhe aleatët kanë propozuar një sërë masash,” u shpreh Basha, duke shtuar se me Kryeministër Edi Ramën nuk mund të ketë zgjedhje të lira dhe të ndershme.
Basha tha se ai nuk e ka përjashtuar asnjëherë dialogun, por, tha ai, jo siç ndodhi në 2017-ën, ku sipas tij u shfrytëzua vullneti i mirë i opozitës për të vënë interesin e Shqipërisë mbi interesa tona politike dhe u nënshkrua një marrëveshje, e cila nuk u zbatua.
“Ne e kemi bërë fare të qartë rrugën për të ecur përpara. Kushtet e Bundestagut janë të qarta, reforma zgjedhore duhet të jetë me pjesëmarrje të të gjithë forcave politike dhe kjo reformë zgjedhore nuk duhet të kalojë vetëm në letër por të zbatohet. Që do të thotë për ne, zgjedhje të parakohshme parlamentare në një ditë me zgjedhje kushtetuese lokale,” deklaroi më tej Basha.
Basha tha se pas Berlinit do të niset në SHBA me qëllim dhënien fund të krizës politike në Shqipëri. /atsh
JU KERKOJ FALJE PUBLIKE të gjithë qytetarëve, që me të drejtë janë prekur nga fjalët e mia jashtë etikës qytetare.
Me këtë rast dua ti sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me giithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.
Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindrit, tre fëmijët dhe unë e bashkëshortja.
Iu kërkoj falje edhe atyre.
Gjithsesi treni nuk mund të ndalojë për asnjë person, kushdoqoftë ai.
Prej disa ditësh në rrjetet sociale biznesmeni Elton Ilirjani ka nga.cmuar deputetin konvervator Kujtim Gjuzi, ndërsa ky i fundit nuk e ka fshehur diskri.minimin në drejtim të komunitetit LGBT. Por duket se situata tashmë ka dalë jashtë kontrollit, pasi palët janë përfshirë në ak.uza të forta.
Në një postim të pak minutave më parë në Instagram, Ilirjani ka shpërndarë një screenshot (fotografi ekrani) ku bie në sy komenti i deputetit Kujtim Gjuzi ndaj vetë Ilirjanit.
Ekzaktësisht, Gjuzi shkruan:
“Ishalla e va.rin kuksianët.”
Ilirjani e shoqëron fotografinë në fjalë me përshkrimin:
“Ky është deputet në Parlamentin e Republikës së Shqipërisë! Thirrje për vr.asje dhe thirrje urr.ejtje! Ku është policia, prokuroria, shteti, shefi i opozitës, organizatat LGBT, aktivistët? Turp dhe mjerë!”
Nuk dihet nëse ndaj deputetit Gjuzi do të ndërmerret një iniciativë shkarkimi, por Ilirjani duket se nuk do ta lërë me kaq çështjen.
Kryeministri Rama foli sot për nismën më të re të Partisë Socialiste “Edhe një”, e cila ka në fokus gratë dhe vajzat dhe integrimin e tyre në politikë dhe jo vetëm.
Kryeministri, duke folur në lançimin e rrjetit, tha se gratë dhe vajzat duhet të jenë pjesë e rëndësishme e vendimmarrjes. Sipas Ramës, ideja e Lindita Nikollës ishte që, “Paralelisht me gjithë procesin tradicional të punës, të hapte një faqe të re në qasjen ndaj gave dhe vajzave dhe t’i drejtohet grave dhe vajzave për të krijuar një rrjet të qëndrueshme në funksion të pasurimit të burimeve njerëzore të PS, më pas, erdhi nisma e anëtareve të kryesisë së PS, për të propozuar që kryesia, të vendosë të hedhë një hap të konsiderueshme përpara besoj unë, një hap ambicioz por njëkohësisht dhe të guximshëm sepse është e bukur të thuhet por nuk është e lehtë të bëhet që me të gjitha organizata socialiste, të kalojmë nga kryesimi, në bashkëkryesim. Nga kryesimi tradicional ku shumica dërrmuese janë burra ose djem, në bashkëkryesim mes një gruaje apo djali dhe një burri apo vajze. Pra, është një hap shumë kurajoz por që nuk duhet lënë në asnjë mënyrë me kaq”.
Rama tha se kjo përpjekje duhet materializuar si një përpjekje e të gjithë deputeteve, kryetareve të bashkive, këshilltareve, ministreve dhe lidershipit të grave të Partisë Socialiste në territor kundër fiktivitetit për të mos lejuar që materializimi i kësaj nisme të jetë fiktiv.
“Dje kemi diskuar këtë gjë në kryesi dhe ka qenë një diskutim interesant jo se kishte ndonjë që nuk e pëlqen, përkundrazi, të gjithëve ju pëlqen kjo nismë por kuptohet që djalli si gjithmonë fshihet në detaje e mbi të gjitha, me të drejtë, një pjesë e anëtarësisë së kryesisë shprehën se mos edhe kjo nuk na con më tutje se sa një respektim formal i një rregulli që përcaktuam të gjithë së bashku. Ne e dimë mirë që në organizimin tonë e kemi pasur dhe e kemi ende një sfidë të hapur e të pafituar sfidën ndaj formalizimit e fikitivitetit” – nënvizoi Kryeministri.
Kryeministri dhe njëkohësisht kryetari i Partisë Socialiste, thotë se, “gjëja më e rëndësishme për tu thënë dhe gjëja më shqetësuese mendoj unë për një familje politike si e jona, për një familje progresiste, për një familje politike që ka bërë hapa të jashtëzakonshëm e të pamendueshme disa vite më parë në funksion të promovimit të barazisë gjinore, është diferenca dramatike mes përfshirjes së grave dhe vajzave në territoret urbane dhe në territoret periferike. Nuk flas për territore rurale mirëfilli sepse në territore rurale përsëri skena është e larmishme, nuk është e njëtrajtshme. Në periferitë e Tiranës, që është bërthama e metropolit të shqiptarëve, situata është alarmante sepse jo vetëm që ne kemi struktura ku nuk ka asnjë grua por kemi burra që thonë nuk ka gra këtu ku jemi ne”.
Sipas Ramës, “ne kemi arritur të kemi një qeveri që në klasifikimin e Kombeve të Bashkuara është në 5 të parat në botë për barazinë gjinore. Kemi madje përqindjen më të lartë të grave se të burrave dhe nga ana tjetër jemi në një shoqëri shumë të mirë me vende që në gjithë aspektet e tjera janë shumë më përpara nesh. Në të gjitha klasifikimet botërore”.
Rama shton gjithashtu se “kemi 50% të këshillave bashkiak gra dhe vajza. Mbi 60% të drejtueseve në gjithë hierarkinë e administratës publike dhe që për definicion do të thotë se maksimalisht 60% e administratës sonë publike në drejtime ka një nivel korrupsioni shumë të ulët sepse gratë dhe vajzat janë shumë më pak të korruptueshme se sa burrat dhe djemtë. Kjo është fakt”.
Kryeministri Rama thotë se është shumë e rëndësishme të arrihet bashkë kryesimi në të gjitha organizatat socialiste mes grave dhe burrave. “Ajo që është e rëndësishme është çfarë duhet të bëjnë përtej përfaqësimit në këshillat bashkiak në seancat e komisioneve apo të mbledhjeve të këshillit gratë dhe vajzat shqiptare. Çfarë duhet të bëjmë përtej të gjithë punës voluminoze që bëjnë gratë deputetë, qoftë në parlament, qoftë në territor dhe çfarë duhet të bëjmë të gjithë së bashku. Duhet të bëjmë realitet atë që kemi dakordësuar dje. Duhet të realizojmë bashkë kryesimin në të gjithë organizata socialiste me gra dhe burrave e për këtë duhet një punë e veçantë. Nuk ka për të ndodhur nëse gratë që janë në drejtim, gratë që janë në këto shtresa të lidershipit nuk marrin përsipër ta udhëheqin këtë proces duke shkuar e duke prekur çdo plagë të territorit sepse është i mbushur me plagë territori në aspektin e diskriminimit dhe të refuzimit apo indiferencës ndaj faktorit grua”.
Kryeministri, në përfundim të fjalës së tij shtoi se, “ne kemi një potencial shumë të madh ende të paçliruar, jo thjesht në funksionin elektoral edhe pse funksioni elektoral është patjetërsueshëm sepse duhet të fitosh zgjedhjet që të bësh gjërat që merr përsipër të bësh, një potencial shumë të madh për t’i dhënë më shumë frymë, më shumë ajër të pastër, më shumë seriozitet, më shumë eficiencë të gjithë organizimeve tona në komunitet”. /atsh
Zëvendëskryeministri Braçe ka reaguar përsëri lidhur me bllokimin e hapjes sëe për anëtarësim në Bashkimin Europian të Shqipërisë dhe Maqedonisë së Veriut në takimin e fundit të Këshillit Europian.
Braçe shprehu dhe një herë mirënjohjen për mbështetjen e Komisionit Europian dhe veçanërisht presidentit Tusk.
“Udhëheqësit zhvilluan një debat të vështirë për zgjerimin. Pas rekomandimit të qartë nga Komisioni, një shumicë dërrmuese e vendeve anëtare dëshironin të hapnin bisedimet e pranimit me Maqedoninë e Veriut dhe Shqipërinë. Përkundër kësaj, unanimiteti i kërkuar nuk ishte i mundur javën e kaluar. Sipas mendimit tim, ky ishte një gabim, të cilin ua kam thënë udhëheqësve (dhe unë kam qenë pak më i drejtpërdrejtë atëherë). Tani mund të shpresoj vetëm se liderët nxjerrin përfundimet e duhura, kur diskutojnë procesin e pranimit përpara samitit të Zagrebit në maj të vitit 2020”, – është shprehur sot presidenti Tusk.
Ndërkohë që zëvendëskryeministri shprehu dhe një herë mirënjohje për mbështetjen e presidentit dhe Komisionit Europian duke mos lënë pa thumbuar dhe opozitën shqiptare.
“Këta udhëhoqën procesin, këta negociuan, këta vunë kushtet, këta vlerësuan zbatimin e tyre, këta vlerësuan e gjykuan punën, këta thanë “tani jeni gati”, këta propozuan nisjen e negociatave! Ky, Presidenti i Komisionit Europian, luftuan për Shqipërinë, jo ju të zjarrit e bombave, jo ti! Ky, Presidenti i Bashkimit Europian, shquan si gabim të madh vendimin e Francës, të udhëheqësve; në asnjë rresht nuk folën për gabim të Shqipërisë. E thanë të premten, e thanë dhe sot mu në mes të Parlamentit Europian”, nënvizoi Braçe. /atsh
