Irina

Udhëtimi me avion është një nga ato hapat që e mendoni 100 herë përpara se të vendosni kur bëhet fjalë edhe për foshnje.

Por, një udhëtim i tillë mund të bëhet gjithsesi, mjafton që të keni parasysh disa rregulla që duhet të ndiqni për ta bërë udhëtimin sa më të qetë.

Moshën e foshnjës suaj: Mjeku i fëmijës suaj mund t’iu ndalojë të kryeni disa udhëtime të panevojshme menjëherë pas lindjes. Foshnjet e kanë akoma në zhvillim sistemin imun dhe udhëtimi nga ajri mund të rrisë rreziqet të preken nga një sëmundje infektive. Nëse zgjidhni të udhëtoni me një foshnje lani duart sa më shpesh ose përdorni antibakterial dhe shmangni kontaktet me udhëtarë që duken të sëmurë.

Dëgjimi i foshnjës suaj. Ndryshimi i presionit në kabinë gjatë fluturimit mund të shkaktojë ndryshim në veshin e mesëm përkohësisht, duke sjellë kështu dhimbje. Për të ndihmuar në balancimin e presionit në veshët e foshnjës, jepini të pijë nga gjiri, biberoni ose jepini pajtuesin para ngritjes dhe uljes së avionit. Kjo mund të ndihmojë që të provoni kohën e ushqyerjes së fëmijës tuaj në mënyrë që ai ose ajo të jetë i uritur gjatë kësaj kohe. Nëse fëmija juaj ka pasur kirurgji të veshit ose një infeksion të veshit gjatë dy javëve të fundit, pyetni mjekun e tij ose të saj nëse është në rregull të fluturojë.

Niveli i zhurmave në kabinën e avionit janë shumë të larta, sidomos gjatë ngritjes. Konsideroni të përdorni pambuk, kufje që zhdukin zhurmën ose tapa për veshët për të limituar sa më shumë ekspozimin nga zhurma kështu foshnja e ka më të lehtë të flejë.

Frymëmarrja e foshnjës suaj. Gjatë fluturimit presioni i ajrit në kabinë është më e ulët se në tokë. Ky ndryshim i përkohshëm nuk përbën problem për fëmijët e shëndetshëm. Por nëse foshnja juaj ka lindur para kohe, ka probleme kronike me zemrën apo mushkërinë është mirë që në këto raste të konsultoheni me mjekun e fëmijës suaj.

Ulësja e sigurt e bebes suaj. Shumë nga ulëset e fëmijëve për makina janë të certifikuara edhe për udhëtimet ajrore. Megjithatë, linjat lejojnë që fëmijët të udhëtojnë në prehrin e kujdestarit gjatë fluturimit, Administrata Federale e Aviacionit rekomandon që bebet duhet të udhëtojnë të sigurt. Nëse zgjidhni të mos blini biletë për foshnjën tuaj, kërkoni një vend të lirë në avion nëse mund ta përdorni për të.

Mos u tundoni t’i jepni foshnjës mjekime pa recetë, që t’i zërë gjumi gjatë fluturimit. Kjo nuk është e rekomandueshme dhe ndonjëherë ka efekte të kundërt. /atsh

Kryeministri Edi Rama ka publikuar disa foto nga puna për pastrimin e territorit në disa bashki, të cilat më herët kanë qenë në drejtimin e së djathtës.

“Vau i Dejës, Përmet, Mat, Selenicë – Vijon papushim heqja e zhulit, plehrave e ferrave nga territoret, ku pas largimit të kryebashkiakëve revolucionarë, punonjësit e pastrimit nuk paguhen më si turistë politikë, për të mbushur radhët e protestave antishtet në Tiranë, po janë kthyer në punën e tyre në shërbim të komuniteteve”, shprehet Rama.

Kryeministri thekson se “meqë ra fjala, deri tani askush s’është larguar nga puna në ish-bashkitë e djathta (përveç ca kokave të mëdha e të pagdhendura politike, që kanë ikur me dorëheqje) dhe do të largohet vetëm kush nuk do të dojë t’i futet punës”.

“Në 30 qershor Shqipëria nuk votoi për të majtën po për TË DREJTËN dhe unë do të bëj çmos që askujt të mos i mohohet padrejtësisht, e drejta për të treguar se e do dhe e bën si duhet, punën që ka”, shprehet Rama. /atsh

Nata e tretë e festës së birrës në Korçë ka krijuar një atmosferë të shkëlqyer për vendasit dhe turistët e huaj.

E ndarë në dy pole të qytetit, tek sheshi para stadiumit “Skënderbeu” dhe tek Pazari i Vjetër i Korçës, kjo festë ka arritur të konsolidohet dhe t’i sjellë qytetit shumë turistë e vizitorë. Bashkia e Korçës ka bërë të ditur se nata e tretë ka krijuar atmosferë të shkëlqyer për vendasit dhe vizitorët.

“E mrekullueshme nata e tretë e Festës së Birrës tek Pazari i Vjetër.
Atmosferë e shkëlqyer me muzikën e zgjedhur, pjesëmarrje rekord dhe sigurisht birra pa limit”, bën të ditur bashkia.

Në natën e tretë të festës të gjithë janë harruar mes gotave të birrës e gatimeve tradicionale. Për pjesëmarrësit kjo festë mbetet e veçantë dhe sjell shumë gjallëri në qytet.

Për 5 mbrëmje Festa e Birrës në Korçë sjell një atmosferë të veçantë me show birra dhe gatime tradicionale. Festa e Birrës në Korçë u themelua në vitin 2007, si një iniciativë e kësaj bashkie. /atsh

Vendi ynë do të ndikohet sot nga masa ajrore të qëndrueshme. Moti parashikohet i kthjellët me vranësira të pakëta e mesatare në mesditë. Pranë zonave luginore e përgjatë bregdetit në orët e mëngjesit mjegullinë lokale.

Era do të fryjë nga Veriperëndimi e Juglindja 1-5m/sek, ndërsa përgjatë bregdetit deri 10m/sek.

Valëzimi i forcës 3 ballë.

Temperaturat parashikohen:

QYTETET Temperaturat në °C Sigla
Shkodër 21/33 Diell pak re
Kukës 15/30 Diell re
Lezhë 22/33 Diell pak re
Dibër 13/30 Diell re
Durrës 19/33 Diell pak re
Tiranë 19/33 Diell pak re
Elbasan 21/35 Diell re
Berat 15/34 Diell pak re
Vlorë 20/32 Diell pak re
Korcë 16/30 Diell re
Gjirokastër 16/34 Diell re
Sarandë 19/32 Diell pak re/atsh

Kujdesi dhe mirëmbajtja e pemëve dekorative të mbjella në Sarandë është në vëmendjen e bashkisë së qytetit bregdetar.

Punëtorët e sektorit të gjelbërimit në Ndërmarrjen e Shërbimeve të bashkisë Sarandë në këto ditë të nxehta gushti po punojnë për mirëmbajtjen e tyre.

“Janë me qindra pemë dekorative ekzistuese e sidomos ato 600 fidanë pemësh të reja, të mbjella muaj më parë përgjatë shëtitores “Hasan Tahsini”, që nuk e kanë ndjerë thatësirën. Ujitja e tyre është punë e përnatshme e lulishtarëve, që nis pas mesnate e deri sa zbardh mëngjesi”, shprehet bashkia.

Bashkia e Sarandës që prej drejtimit të saj nga kryebashkiaku i ri Adrian Gurma ka nisur punën për pastrimin e qytetit, mirëmbajtjen e gjelbërimit në rrugët e lulishtet e qytetit duke i dhënë kështu një ritëm të ri punës në të gjithë territorin e kësaj bashkie./atsh