Irina

Denoncimi qytetar në Komisariatin Dixhital/ Masa për parkim të gabuar dhe ndërtim pa leje

Aktualitet, Problematika / /

Aplikacioni “Komisariati Digjital” vijon të jetë në krah të qytetarëve, duke afruar më tej bashkëpunimin mes policisë dhe qytetarit, i cili kërkon të denoncojë një shkelje ligji.

Ministria e Brendshme ka njoftuar rastet që qytetarët kanë raportuar dhe policia ka marrë masa ndaj shkelësve

Sipas Ministrisë së Brendshme, në një rast është raportuar një parkim i gabuar dhe në një rast tjetër një ndërtim pa leje për të cilat policia ka marrë masat gjobë për parkimin e gabuar dhe procedim penal për ndërtimin pa leje.

“Komisariati Dixhital” e sjell Policinë në dorën e qytetarit. Ministria e Brendshme inkurajon qytetarët të shkarkojnë aplikacionin falas dhe të denoncojnë çdo shkelje e abuzim.

Ky aplikacion është një ndër mjetet e rëndësishme të bashkëpunimit qytetar-polici për një shërbim më të mirë nga kjo e fundit dhe vendosjen e sundimit të ligjit. /atsh

Denoncimi qytetar në Komisariatin Dixhital/ Masa për parkim të gabuar dhe ndërtim pa leje Read More »

Lufta kundër informalitetit, Braçe: Nuk është lojë, paligjshmëria po ju merr në qafë

Aktualitet / /

Në kuadër të luftës kundër informalitetit, zëvendëskryeministri Erion Braçe bëri sot apel për respektim të ligjit, ndërsa theksoi se “mosdokumentimi i çdo transaksioni të kryer për t’i ikur tatimeve e taksave, për të marrë favore e deri rimbursim, është shkelje e shumëfishtë e ligjit”.

Duke iu referuar rastit të informalitetit me shitjen e biletave të autobusëve në disa linja në Tiranë, Braçe paralajmëroi që mos ta marrin me të qeshur aksionin antiinformalitet, pasi nuk është lojë.

“Paligjshmëria po u merr në qafë. Nuk u kërkon kurrkush asgjë tjetër veç të jeni të ligjshëm, të paguani taksat. Vjet në dhjetor, pak pas miratimit të paketës fiskale, prita e dëgjova në Kuvend, përfaqësues nga sipërmarrja e transportit urban. Më listuan disa shqetësime dhe, për çdo shqetësim kishin edhe llogarinë pas, atë llogari ekonomike mbi bazë të së cilës kërkuan edhe një herë, ose subvencionim, ose rritje të çmimit të biletës, ose përjashtim, ose ulje të tatimeve”, tha Braçe.

Ndërkohë referuar të dhënave të inspektorëve të hetimit tatimor Rajoni Qendror që zbuluan skemën, Braçe tha se “xhiroja dhe të ardhurat e tyre, as që ishte reale, por ishte produkt i falsifikimit, mashtrimit, vjedhjes dhe evazionit”. Pra tha ai, “ishte më e vogël se realisht, thjesht e vetëm prej mashtrimit”.

“Për pasojë, llogaria ekonomike që më bënë sy më sy ishte e rreme! T’i hysh rrugës së mashtrimit edhe për 40 lekë, siç këto biletat, nuk ja vlen, nuk ju duhet! Rrini të ligjshëm, fitoni atë që ju takon, paguani tatimet për atë që qarkulloni e për atë që fitoni; shiheni, ju kushton shumë më lirë”, tha ai.

Braçe tha se “ne na duhet veç të jeni të ligjshëm, të punoni e fitoni, nuk na duhet as bllokimi e nuk na duhen as prangat për ju”.

“Na duhet veç ajo që ka përcaktuar ligji. Aaa dhe një gjë: mos gënjeni! Mbi të gjitha mos gënjeni duke e parë tjetrin në sy”, u shpreh Braçe. /atsh

Lufta kundër informalitetit, Braçe: Nuk është lojë, paligjshmëria po ju merr në qafë Read More »

Moti sot

Aktualitet / /

Moti ditën e sotme parashikohet i kthjellët me shtim vranësirash mesatare kalimtare dhe lokalisht të dendura në relievet malore prej orëve të mesditës.

Sipas Shërbimit Meteorologjik Ushtarak parashikohen reshje afatshkurtra në formën e shtrëngatave në Alpe.

Era do të fryjë me drejtim Veriperëndim – Juglindje e lehtë, ndërsa përgjatë bregdetit përkohësisht mesatare, duke sjellë valëzim të forcës 2 ballë.

Temperaturat parashikohen:

QYTETET Temperaturat në °C Sigla
Shkodër 21/35 Diell re
Kukës 18/32 Diell re
Lezhë 21/34 Diell re
Dibër 16/31 Diell re
Durrës 22/34 Diell re
Tiranë 23/36 Diell re
Elbasan 22/37 Diell re
Berat 18/36 Diell re
Vlorë 22/34 Diell re
Korçë 16/30 Diell re
Gjirokastër 17/36 Diell re
Sarandë 22/34 Diell re/atsh

Moti sot Read More »

95-vjetori i lindjes së At Zef Pllumit, rikonstruktohet shkolla që mban emrin e tij

Aktualitet, Arsim, Lajmi i fundit / /

95-vjetori i lindjes së At Zef Pllumit, simbolit të rezistencës kundër komunizmit, e gjen shkollën 9-vjeçare në Tiranë, që mban emrin e tij, duke u bërë gati për të mikpritur nxënësit për vitin e ri shkollor.

Bashkia e Tiranës po kryen rikonstruksionin e saj, i cili përfshin mjediset e brendshme, nyjet sanitare dhe ndriçimin. Punimet u inspektuan nga nënkryetarja e bashkisë së Tiranës, Anisa Ruseti, e cila gjithashtu mori pjesë edhe në një koncert të përgatitur nga nxënësit dhe stafi i shkollës për 95-vjetorin e lindjes së At Zef Pllumit, i cili konsiderohet si pasuri kulturore e njerëzore e vendit tonë.

“Sot është 95-vjetori i lindjes së At Zef Pllumit, një figurë e shquar e popullit shqiptar për sakrificën e madhe gjatë regjimit komunist, dhe mënyra më e mirë për ta kujtuar është ardhja në këtë shkollë, në një institucion të dijes, e cila është një nga shkollat më të mira të bashkisë së Tiranës dhe jemi krenarë që mban emrin e At Zef Pllumbit”, – tha nënkryetarja Anisa Ruseti.

Më tej, ajo theksoi se kjo është njëra nga shkollat ku bashkia e Tiranës po ndërhyn, duke u përgatitur për të pritur vitin e ri shkollor. “Sikundër gjatë gjithë periudhës së verës, e gjithë bashkia e Tiranës ka qenë e fokusuar në ndërtimin e shkollave të reja dhe rikonstruksionin e atyre ekzistuese, sot kemi ardhur të bëjmë inspektimin e punimeve që po zhvillohen tek shkolla “At Zef Pllumi”, duke qenë se është një rikonstruksion total i kësaj shkolle, për të mirëpritur të gjithë fëmijët”, tha Ruseti.

Në mënyrë që të sigurohet mbarëvajtje e mirë e procesit të ri mësimor dhe për të shmangur mbipopullimin në klasa, Ruseti u bëri thirrje prindërve që t’i regjistrojnë fëmijët e tyre në shkolla afër banesës. “Ky është një moment për t’u bërë apel të gjithë prindërve që janë duke regjistruar fëmijët në shkolla, të fokusohen e t’i regjistrojnë ata në shkollat që i kanë sa më pranë vendbanimit. Kjo do të shmangë orët e gjata në trafik, por edhe do të sigurojë që të gjitha shkollat e Tiranës të kenë të njëjtin standard, duke qenë se bashkia e Tiranës investon me të njëjtën vëmendje në infrastrukturë”, tha ajo.

Shkolla “At Zef Pllumi” ka 29 klasa dhe një kapacitet prej rreth 830 nxënës, duke përfshirë edhe parashkollorin. /atsh

95-vjetori i lindjes së At Zef Pllumit, rikonstruktohet shkolla që mban emrin e tij Read More »

Vlorë/ Fëmijët solidarizohen me efektivët e Policisë Rrugore

Aktualitet / /

Bashkëpunimi i Policisë me komunitetin si dhe rritja e besimit të qytetarëve ndaj forcave të rendit mbetet një faktor thelbësor në mbarëvajtjen e rendit dhe sigurisë në vend.

Duke shprehur mirënjohjen për forcat e policisë, një grup fëmijësh në qytetin e Vlorës u kanë dhuruar sot shishe me ujë shërbimeve të Policisë Rrugore.

Fëmijët kanë bërë gjestin human nën shoqërinë e prindërve të tyre, ndërsa falënderuan efektivët e policisë për mundin dhe sakrificën në këto ditë të nxehta vere.

Ndërtimi i partneriteteve të qëndrueshme mes policisë dhe komunitetit mbetet një prioritet i Policisë shqiptare. Duke qenë më afër komunitetit, më profesionale dhe më komunikuese me të, Policia përcjell besueshmëri, ndaj dhe policimi në komunitet vlerësohet si mjaft i rëndësishëm./atsh

Vlorë/ Fëmijët solidarizohen me efektivët e Policisë Rrugore Read More »

Hapësira çlodhëse për invalidët dhe pensionistët në Urën Vajgurore

Aktualitet / /

Invalidët dhe pensionistët në bashkinë e Urës Vajgurore tashmë kanë një ambient dedikuar për t’u çlodhur.

Kryetarja e bashkisë së Urës Vajgurore, Juliana Memaj thotë se për disa shtresa të rëndësishme sociale, bashkia ka çelur një ambient të dedikuar, ku jo vetëm mund ta përdorin për lojëra të ndryshme, por edhe si bar-kafe, ku përfitojnë produktet me çmime të reduktuara.

“E nisëm javën me një lajm të mirë për disa shtresa të rëndësishme sociale që janë në fokus të bashkisë sonë, duke hapur një ambient të dedikuar, ku jo vetëm mund ta përdorin për lojëra të ndryshme, por edhe si bar-kafe, ku përfitojnë produktet me çmime të reduktuara”, – thotë Memaj. /atsh

Hapësira çlodhëse për invalidët dhe pensionistët në Urën Vajgurore Read More »

“Komisariati Dixhital”, Policia fton qytetarët të denoncojnë çdo abuzim

Aktualitet / /

Policia e Shtetit ftoi sërish sot qytetarët që të denoncojnë çdo shkelje apo abuzim përmes aplikacionit “Komisariati Dixhital”.

““Komisariati Dixhital” – Policia në dorën e qytetarit. Shkarko aplikacionin falas e denonco çdo shkelje e abuzim”, i drejtohet policia qytetarëve.

“Komisariati Dixhital” është një instrument për t’i dhënë mundësi qytetarëve të denoncojnë në çdo moment shkeljen e ligjit dhe atyre që shkelin ligjin.

Përmes këtij aplikacioni, qytetari ka mundësi jo vetëm të denoncojë, por edhe të mbikëqyrë veprimin e policisë mbi denoncimin e tij, si dhe të shikojë e ndjekë jo vetëm raportimin e tij, por edhe të qytetarëve të tjerë.

Komisariati Dixhital është i disponueshëm falas në App Store për përdoruesit e iOS.
Gjithashtu është i disponueshëm falas dhe në Google Play, për përdoruesit e Android./atsh

“Komisariati Dixhital”, Policia fton qytetarët të denoncojnë çdo abuzim Read More »

SHËNDETËSI – Rrezet X zbulojnë gënjeshtrat e kremrave të lëkurës

Aktualitet, Shendetesi / /

Ne menduam se i njihnim, por nuk është rasti: kremrat dhe locionet që përhapim çdo ditë në lëkurë kanë një strukturë molekulare që është shumë e ndryshme nga ajo e hipotezuar deri më tani. Natyra e tyre e vërtetë demaskohet nga rrezet X dhe rrezet neutron nga studiuesit në King’s College London dhe Universiteti i Manchester.

Rezultatet, të paraqitura në konferencën e Shoqatës Amerikane të Kimisë (Acs), do t’i ndihmojnë prodhuesit të zhvillojnë formulime gjithnjë e më efektive dhe më të sigurta.

Grupi studiues u përpoq të bënte një hetim të drejtpërdrejtë, duke rrezatuar mostra të produktit me rreze X dhe rreze neutroni për të kuptuar se si shpërndaheshin përbërësit e etiketuar siç duhet. Për të lehtësuar studimin, u përdor një krem ​​shumë i thjeshtë, i përgatitur me vetëm pesë përbërës.

Çuditërisht, rezultatet e analizave treguan se përbërësit e njohur si ‘surfactants’ (të cilët kanë një veprim thithës dhe tretës) nuk grumbullohen ashtu siç pritej tek ‘bashkëpraktorët’ për të formuar lamela të mbivendosura.

“Stabiliteti afatgjatë dhe vetitë terapeutike të një kremi përcaktohen nga struktura themelore e tij,” shpjegon studiuesi Delaram Ahmadi.

“Nëse do të mund të kuptonim mikrostrukturën kimike të kremës duke e lidhur atë me strukturën e lëkurës, atëherë do të mund të rregullojmë më mirë pengesën e kompromentuar të lëkurës’’, përfundoi ai. /atsh

SHËNDETËSI – Rrezet X zbulojnë gënjeshtrat e kremrave të lëkurës Read More »