Irina

Qytetari kalon rrezikun për jetën pas kurimit në Turqi, Rama: I lumtur që gjithçka shkoi mirë

Aktualitet, Shendetesi / /

Kryeministri Edi Rama mori sot një tjetër mesazh falënderimi nga një qytetar, i cili i shpreh mirënjohjen sepse pas ndërhyrjes së tij, “Ramazan Rama që ishte në rrezik për jetën u kurua me sukses në Turqi”.

Kryeministri Rama publikoi mesazhin e mirënjohjes, një tjetër rast ku qytetarit iu shpëtua jeta, pas ndërhyrjes për kurim më të specializuar.

“Përshëndetje zoti Kryeministër! Ky është Ramazan Rama që i shpëtuat jetën me kurimin në Turqi falë ndërhyrjes suaj dhe me sugjerimin tim për t’ju drejtuar juve. Të rroni dhe jetë të gjatë dhe Zahos së vogël”, shkruan qytetari.

Kryeministri e falënderon për mesazhin dhe u shpreh i lumtur që gjithçka shkoi mirë për të. “Falë teje së pari që më alarmove për jetën e tij në rrezik. T’ia kaloni mirë e të keni veç të mira”, tha Rama./atsh

Qytetari kalon rrezikun për jetën pas kurimit në Turqi, Rama: I lumtur që gjithçka shkoi mirë Read More »

Me banorët e Floqit/ Rama, bashkëbisedim i lirshëm për hallet dhe për ngjyrat

Aktualitet / /

Kryeministri Rama bashkëbisedoi me banorët e Floqit, gjatë vizitës në fshatin e prekur nga tërmeti, ku nuk kanë munguar batutat.

Gjatë inspektimit të punimeve që po kryhen në Floq, për rindërtimin e shtëpive të dëmtuara nga tërmeti, Kryeministri Rama takoi banorët me të cilët ndau shqetësimet e përditshmërisë.

Ndërsa takon një gjyshe të moshuar, Rama e pyet si është me shëndet.

Nëna e pyet: Ti mirë je?

Rama: Ja, shiko, si të dukem?

Kryeministri Rama i i drejtohet nënës 80-vjeçare, të cilën e vizitoi në shtëpinë e rindërtuar. “Mos lëviz, mos u ço më. Mos lëviz më të lutem se u lodhe për të më pritur, tani rrugën e mësova, iki vetë”.

Kryeministri zhvilloi edhe një bashkëbisedim për ngjyrat me një banore të Floqit.

“Zoti kryeministër, unë kam një fjalë. Unë kam ato shtëpitë blu. Më thonë që nuk t’a bëjnë se i ke me ngjyrë blu”, – tha banorja.

Kryeministri Rama: Jo moj jo, s’e ka fajin ngjyra. Ngjyra blu është e bukur.

Një tjetër banore i drejtohet Kryeministrit nga sipër një ndërtese duke e parë me dylbi ndërsa Rama ia kthen: “Më shiko pak mua me dylbi, mua”.

Më tej, ajo vazhdon “Unë jam nga qyteti” dhe Kryeministri i thotë “Unë jam djali nga fshati”./atsh

Me banorët e Floqit/ Rama, bashkëbisedim i lirshëm për hallet dhe për ngjyrat Read More »

Hajdari: Zëra në PD vlerësuan Bushatin si mendim ndryshe në PS, mua më akuzuan kur nuk dogja mandatin

Opinione, Politike / /

Kryetarja e grupit parlamentar të grupit demokrat, Rudina Hajdari ka reaguar kundrejt zërave nga Partia Demokratike që kanë vlerësuar Ditmir Bushatin, si një mendim ndryshe nga Partia Socialiste.

“Ata që nuk lanë gjë pa më sharë e akuzuar mua, kur vendosa të mos djeg mandatin, tani ju ra goja duke thënë se sa e vlerësojnë Bushatin, si një zë ndryshe brenda Partisë Socialiste./atsh

Vras mendjen mos e ka blerë gjë Partia Demokratike”, thuhet në reagimin e saj.

Hajdari: Zëra në PD vlerësuan Bushatin si mendim ndryshe në PS, mua më akuzuan kur nuk dogja mandatin Read More »

Grante për bizneset që operojnë në Qendrën Historike të Vlorës, hapet thirrja e dytë

Aktualitet / /

Hapet thirrja e dytë për mbështetje financiare me grante për bizneset që ushtrojnë aktivitetin në Qendrën Historike të Vlorës.

Qendra Historike në Vlorë, po shkon drejt restaurimit përfundimtar ndërsa Shoqata TID Vlora (Zona për Zhvillimin e Turizmit) ka hapur thirrjen e dytë për aplikim të bizneseve për grante.

Afati i dorëzimit të dokumentacionit është deri më datë 30 tetor 2019.

Të gjitha bizneset që operojnë në Qendrën Historike të Vlorës apo biznese të reja që duan të hapen në zonë dhe janë të interesuara për aplikim, duhet të paraqiten në zyrën e shoqatës.

Në zonën TID ka një sërë objektesh të trashëgimisë kulturore. Secili prej tyre paraqet fakte dhe histori interesante që mund të marrin interesin e vizitorëve të shumtë vendas e të huaj. Stili i përdorur në shumë godina krijon njëfarë uniformiteti në zonë, por që e dallon lehtësisht nga zonat e tjera nga pikëpamja arkitektonike.

Ndaj dhe përzgjedhja e biznesit që do të zhvillojë aktivitet në këtë zonë është sipas disa karakteristikave tipike që i shërbejnë zhvillimit të një turizmi të qëndrueshëm me atraksion të veçantë. /atsh

Grante për bizneset që operojnë në Qendrën Historike të Vlorës, hapet thirrja e dytë Read More »

Dëmtohet memoriali turk te parku i Liqenit

Aktualitet, Lajmi i fundit / /

Një person ende i paidentifikuar ka dëmtuar memorialin turk te zona e Liqenit Artificial.

Sipas policisë, ngjarja ka ndodhur në orët e para të mëngjesit, teksa është ngritur një grup hetimor për të identifikuar autorin. “Në orët e para të mëngjesit, tek parku i Liqenit të Thatë, një person ende i paidentifikuar ka dëmtuar me sende të forta një pjesë të një memoriali. Grupi hetimor po kryen veprimet me qëllim identifikimin dhe kapjen e autorit”, bën të ditur Policia e Shtetit.

Memoriali u vendos në Kodrat e Liqenit në datë 15 Korrik për viktimat e atij që u cilësua si grusht shteti i 15 korrikut 2016 në Turqi. /atsh

Dëmtohet memoriali turk te parku i Liqenit Read More »

Foshnja me diagnozën e rrallë në zemër niset drejt Italisë, Rama: Pranë prindërve që ditën e parë

Aktualitet, Shendetesi / /

Kryeministri Edi Rama publikoi sot rastin e një foshnje 13-ditëshe i diagnostikuar me një sëmundje të rrallë në zemër, i cili falë ndërhyrjes së autoriteteve shtetërore është nisur për kurim në Itali.

“Vogëlushi Elio ka lindur 13 ditë më parë, i mezi pritur nga mami e babi, që prej 12 vjetësh. Por gëzimi i madh erdhi me dhimbjen e madhe të një problemi tejet të rëndë në zemrën e bebit”, shprehet Kryeministri.

Rama tha se ai ka “një diagnozë shumë të rrallë, e cila trajtohet vetëm në pak spitale të specializuara në Europë”.

“Por prindërit e Elios, nuk janë vetëm në këtë hall të madh. Ne ishim pranë tyre qysh ditën e parë dhe tanimë, bebi është në duart e specialistëve të duhur në Itali. Me gjithë zemër uroj, që zemra e vogël të shpëtojë nga rreziku i madh që i kanoset dhe Elio të jetë për shumë e shumë vite, burim gëzimi për mamin e babin”, tha Rama./atsh

Foshnja me diagnozën e rrallë në zemër niset drejt Italisë, Rama: Pranë prindërve që ditën e parë Read More »

Basha: Shqiptarët më të varfër, po paguajnë më shtrenjtë

Aktualitet, Opinione, Politike / /

Kryetari i Partisë Demokratike, Lulzim Basha, përmes një video-mesazhi tha se shqiptarët sot janë më të varfër dhe po paguajnë më shtrenjtë.

Sipas, Bashës, pasurohen të pushtetshmit dhe të pasurit, varfërohen njerëzit e thjeshte
“Varfëria, papunësia, mungesa e mundësive vijnë nga grabitja që po i bëhet Shqipërisë nga një grusht klientësh. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur”, shprehet ai.

Po ashtu Basha shton se “miliarda euro janë vjedhur, abuzuar dhe shpërdoruar në këto 6 vjet. “Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e qeverisë”, tha Basha.

“Që të çlirojmë ekonominë dhe të hapim vende pune e mundësi për çdo shqiptar, duhet të largojmë Edi Ramën”, shprehet ai. /atsh

Basha: Shqiptarët më të varfër, po paguajnë më shtrenjtë Read More »

Kuvendi, sesioni i ri parlamentar nis më 2 shtator

Aktualitet, Politike / /

Kuvendi do të zhvillojë të hënën 2 shtator në orën 18:00 seancën plenare për hapjen e Sesionit të V-të të Legjislaturës së IX–të.

Në njoftimin e publikuar nga Kuvendi thuhet se, “Bazuar në nenin 74, pika 1 të Kushtetutës, në nenin 42, pika 1 të Rregullores së Ruvendit dhe në Urdhrin nr. 26, datë 29.8.2019 të Kryetarit të Kuvendit, Gramoz Ruçi, të hënën e parë të shtatorit, më datë 2.9.2019, në orën 18.00 do të fillojnë në seancë plenare punimet e Kuvendit në sesionin e V-të”.

Në rendin e ditës së seancës plenare është parashikuar miratimi i procesverbalit të seancës plenare të datës 18.7.2019. Njoftimi i projektligjeve të depozituara në Kuvend. Njoftimi/Miratimi i Programit të Punës së Kuvendit për periudhën 2 shtator – 18 tetor 2019. Si dhe njoftimi/miratimi i Kalendarit 3-javor të punimeve të Kuvendit për periudhën 2 -20 shtator 2019./atsh

Kuvendi, sesioni i ri parlamentar nis më 2 shtator Read More »