Irina

Përkujtohet ekzekutimi i deputetëve të opozitës së parë të vitit 1945

Aktualitet, Lajmi i fundit / /

Autoriteti për Informimin mbi Dokumentet e Ish-Sigurimit të Shtetit, kujton ekzekutimin e deputetëve të opozitës vrarë në shtator 1947, plot 72 vite më parë.

“Një ditë kujtese dhe mendimi. E paharruar seanca parlamentare ne përkujtim te rezistencës dhe martirizimit të grupit të deputetëve. Çdo tetor na kujton sa me fat jemi që jetojmë në demokraci!”, shprehet kryetarja e AIDSSH, Gentiana Mara Sula.

Në datën 10 shtator 2017, Autoriteti për Informimin mbi Dokumentet e Ish-Sigurimit të Shtetit zhvilloi një aktivitet në sallën e Kuvendit të Shqipërisë, në kujtim të martirizimit të grupit të deputetëve të pushkatuar nga regjimi komunist.

Kjo ngjarje, mbetur e mbuluar për një kohë të gjatë, duhet të na shërbejë për një reflektim të thellë, jo thjesht për të nxjerrë të vërtetën e asaj ngjarjeje, por për të reflektuar për lirinë.

Ekzekutimi i deputetëve të opozitës së parë të vitit 1945

Në fillim të vitit 1947, pa iu hequr mandati i deputetit, u arrestuan: Riza Dani, deputet i Shkodrës; Shefqet Beja, deputet i Durrësit; Enver Sazani, deputet i Durrësit; Selaudin Toto, deputet i Gjirokastrës; Irfan Majuni, deputet i Dibrës; Faik Shehu, deputet i Dibrës; Kosta Boshnjaku, deputet i Tiranës dhe Gjergj Kokoshi, deputet i Shkodrës, i pari ministër i Arsimit pas Luftës së Dytë Botërore. Gjyqi u zhvillua në kinema “17 Nëntori” (Nacional) në Tiranë, me po atë dekor të brendshëm dhe të jashtëm, me po ato parulla të hedhura nga turma e irrituar, sikurse edhe në Gjyqin Special të zhvilluar në kinema “Kosova”. Shefqet Beja, pati guximin të zhvishet në sallën e gjyqit, për t’i treguar trupit gjykues dhe të pranishmëve në sallë, plagët e shkaktuara nga hekuri i skuqur në gjoks dhe në shpinë.

Një pjesë e mirë e të pandehurve, nën efektin e torturave, pranuan se kishin krijuar një “Grup opozitar”, për të vendosur në Shqipëri një regjim kapitalist. Vendimi u dha në fund të muajit shtator të vitit 1947 dhe ishte i paapelueshëm.

Vendimi

Më së fundmi, pas shumë akuzash dhe kundër akuza, Gjykata e Lartë nxori vendimin nr. 187, datë 27. 9. 1947:

“…Për veprën e tradhtisë së lartë për rrëzimin e shtetit demokratik shqiptar…” dënohen:Me vdekje me pushkatim: Selaudin Toto, Irfan Majuni, Enver Sazani, Sheh Ibrahim Karbunara, Hysen Shehu, Agothokli Xhitoni, Abdyl Kokoshi, Selim Kokalari, Beqir Çela, Mehmet Prishtina, Paolo Sogioti, Tefik Delialliasi, Pertef Karagjozi, Shefqet Beja, Sulo Klosi.

Në fund, numri i të ekzekutuarve arriti deri në 40 persona, pasi më mbrapa në këtë akuzë u përfshinë dhe ata që u konsideruan “bashkëpunëtorë të deputetëve”.

Ekzekutimi në Malin me Gropa

Të gjithë deputetët e dënuar me vdekje në qelitë e Burgut të Sigurisë së Lartë Nr. 313 në kryeqytet, në pritje të zbatimit të vendimit të ekzekutimit të tyre. Pas kësaj do të vinin orët e para të mesnatës së 10 tetorit, kur skuadra e pushkatimit do t’i merrte për t’i çuar në zonën e Malit me Gropa, ku do të ekzekutoheshin që të gjithë./atsh

Përkujtohet ekzekutimi i deputetëve të opozitës së parë të vitit 1945 Read More »

Në Kadastrën e Vlorës,Z.Vullnet Sinaj, zhvillon takim me qytetarët

Aktualitet, Lajmi i fundit / /

Në Kadastrën e Vlorës, zhvillova një takim lidhur me disa problematika të qytetarëve të cilët i kishin adresuar ato pranë zyrës time.

Në hyrje të institucionit, u ndala dhe u takova me disa qytetarë, të cilët i dëgjova për problemet që kishin dhe i ftova të paraqiteshin në zyrën time nëse nuk do të mernin zgjidhje mbas takimit që ata do të zhvillonin në institucion.
Gjatë takimit, shtrova për zgjidhje dhe vura theksin te problematikat të cilat janë mbartur dhe lënë në harresë prej vitesh, siç ishin legalizimi i godinës së ish-Fabrikës së Makaronave për 22 qytetarë të Vlorës, kalimi në pronësi i parcelave ndërtimore për disa qytetarë që kanë legalizuar ndërtesat, zgjidhja e problematikave me AMTP-të për disa banorë të fshatit Peshkëpi, si edhe raste të legalizimeve të ndërtimeve informale në fshat dhe në qytet, si edhe banesave të ndërtuara para vitit 1991.

Vlerësoj gadishmërinë e stafit të Kadastrës së Vlorës, për prakticitetin dhe futjen në rrugën e zgjidhjes të të gjitha problematikave më sipër, të cilat do të ndiqen hap pas hapi nga stafi i zyrës time, deri në zgjidhjen përfundimtare të tyre, por nuk mund të lë pa kritikuar punën e këtij institucioni i cili ndër vite ka sjell mjaft problematika për qytetarët duke keqregjistruar pronat e tyre, ashtu sikundër shpresoj dhe jam i bindur se me krijimin e Institucionit të ri të Kadastrës, të gjitha këto problematika do të futen në rrugën e zgjidhjes.

Në Kadastrën e Vlorës,Z.Vullnet Sinaj, zhvillon takim me qytetarët Read More »

Mediat franceze – Falë kujdesit të mbretit Zog,Ismail Qemali prehet në Vlorë

Histori, Opinione / /

Ekskluzive, me rastin e ditëlindjes së mbretit Zog (8 tetor 1895) :

“Journal des débats politiques et littéraires” ka botuar, të mërkurën e 30 nëntorit 1932, në faqen n°2, një shkrim në lidhje me veprimin dhe respektin e Mbretit Zog ndaj Ismail Qemalit, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Shqipëri

20 vjetori i Pavarësisë.

Na telegrafojnë nga Tirana :

20 vjetori i pavarësisë së Shqipërisë u festua në të gjithë vendin. Një ceremoni e madhe u zhvillua në Vlorë, ku, në 1912, Ismail Bej Qemal Vlora shpalli pavarësinë e Shqipërisë, eshtrat e të cilit u transportuan nga Kanina në varrin e ri të ngritur në Vlorë nën kujdesin dhe shpenzimet pesonale të mbretit.

Nga Aurenc Bebja, Francë, Blogu © Dars (Klos), Mat – Albania, :

Mediat franceze – Falë kujdesit të mbretit Zog,Ismail Qemali prehet në Vlorë Read More »

Shqipëria meriton hapjen e negociatave për anëtarësim, detyrat e shtëpisë janë përmbushur

Aktualitet, Politike / /

Shqipëria meriton hapjen e negociatave për anëtarësim dhe Austria është një prej shteteve që po e ndihmon Shqipërinë që këtë vlerësim teknik të komisionit ta përkthejë në një vendim pozitiv politik të Këshillit Europian javën e ardhshme.

Kështu deklaroi sot Ministri në Detyrë për Europën dhe punët e Jashtme, Gent Cakaj, në konferencën e përbashkët për shtyp me Ministrin Federal për Europën, Integrimin dhe Punët e Jashtme të Austrisë, Alexander Schallenberg.

“Me ministrin Schallenberg diskutuam hollësisht për mbështetjen që Austria do ti japë Shqipërisë për çeljen e negociatave dhe po ashtu diskutuam për format e ndryshme të asistencës teknike të shtetit austriak për të kontribuar në rritjen e kapaciteteve të Shqipërisë për të përballuar presionin dhe sifdat që vijnë nga ky proces”, – nënvizoi Cakaj.

Ministri Cakaj u shpreh se “Shqipëria ka përmbushur të gjitha kushtet për hapjen e negociatave për anëtarësim duke pasur parasysh që në konkluzionet e Këshillit të vitit 2018 Shqipëria ka qenë e detyruar të performojë në tre kushte për të hapur negociatat sot u dakorduam me homologun austriak se të gjitha detyrat e shtëpisë janë përmbushur”.

Sipas tij, njëkohësisht ka vazhduar me sukses procesi i Vetingut.

“Ka vazhduar sipas përcaktimeve kohore ngritja e trupave të reja të gjyqësorit dhe ka vazhduar përmirësimi i historikut të qëndrueshëm të Shqipërisë në luftën kundër krimit të organizuar dhe korrupsionit”, – theksoi Cakaj.

Cakaj u shpreh se “Shqipëria dhe Austria kanë raporte të shkëlqyera diplomatike dhe politike, të cilat datojnë që nga themelimi i shtetit shqiptar dhe janë të mbështetura në një traditë të veçnatë , histori të pasur në interesa institucionale që janë në rritje e sipër dhe natyrisht të mbështetura në kursin e vlerave euroatlantike që karakterizojnë të dy vendet.

Duke e cilësuar një ndër katër partnerët strategjikë, Cakaj tha se “Austria është prej mbështetëseve kryesore të rrugëtimit europian në përgjithësi dhe çeljes së negociatave për anëtarësim në veçanti”.

Ai bëri të ditur se me ministrin austriak diskutuan hollësisht për mbështetjen që Austria do ti japë Shqipërisë për çeljen e negociatave dhe po ashtu diskutuam për format e ndryshme të asistencës teknike të shtetit austriak për të kontribuar në rritjen e kapaciteteve të Shqipërisë për të përballuar presionin dhe sfidat që vijnë nga ky proces.

Cakaj shtoi se biseda u përqendrua edhe në çështjet bilaterale mes dy vendeve.

“Trendi i jnvestimeve austriake në Shqipëri është rritur dhe po bashkëpunimi ynë ën fusha të ndryshme po vazhdon”, – tha Cakaj.

Cakaj falënderoi ministrin dhe shtetin austriak për mbështetjen e kryesisë shqiptare të OSBE.

I pyetur për ankesat e qytetarëve shqiptarë që jetojnë në Greqi, për konsullatën shqiptare në Selanik, Cakaj u shpreh se “ne kemi filluar një fushatë të komunikimit me qytetarët dhe kemi krijuar një platformë për ankesa . Numri i ankesave është prezent dhe ne po punojmë në adresimin e tyre. Për këtë na nevojitet edhe bashkëpunimi i qytetarëve, nuk do të ketë asnjë ankesë apo asnjë shqetësim që nuk do të trajtohet.

“Jemi të vetëdijshëm për problemet ekzistuese, por ato nuk mund të zgjidhen brenda ditës”, – shtoi Cakaj.

Në lidhje me zgjedhjet në Kosovë Cakaj u shpreh se “Kosova i ka dhënë shembull rajonit se si organizohen zgjedhjet dhe me çfarë standardi të lartë ndodh edhe ndryshimi i pushtetit. Kosova ka dëshmuar se ka një elektorat të pjekur dhe të ndërgjegjshëm” .

“Ne mezi po presim të nisim bashkëpunimin me qeverinë e re te Kosovës pë rtë thelluar më tej bashkëpunimin mes Kosovës e Shqipërisë”-, tha Cakaj.

Ndërsa i pyetur nëse i druhet një vote kundër në 18 tetor të Holandës, Cakaj tha se “jemi në një përpjekje intensive për të siguruar votat pro. Nuk kam frikë votat kundër, por jam i angazhuar maksimalisht për të siguruar vota pro”./atsh

Shqipëria meriton hapjen e negociatave për anëtarësim, detyrat e shtëpisë janë përmbushur Read More »

“100 vjet Parlament shqiptar”, bursa për studentët më të mirë

Aktualitet, Arsim / /

Kryetari i Kuvendit, Gramoz Ruçi, u takua sot me rektorët e universiteteve të vendit për të bërë një bilanc të bashkëpunimit Kuvend – universitete.

Takimi u zhvillua në kuadrin e marrëveshjeve të nënshkruara një vit më parë, për të biseduar mbi disa nga nevojat në prag të vitit të ri akademik, mbi disa çështje të perspektivës së universiteteve, arsimit të lartë dhe kërkimit shkencor si edhe për programin e veprimtarive për 100-vjetorin e parlamentarizmit shqiptar.

Kuvendi i Shqipërisë dhe 24 universitete e institucione kërkimore, 12 publike dhe 12 jopublike, në tetor-nëntor të vitit 2018, nënshkruan Marrëveshjet e Bashkëpunimit.

Ruçi tha se “këto marrëveshje kanë për qëllim promovimin e punës kërkimore-shkencore dhe të mendimit analitik në funksion të demokracisë parlamentare; rritjen e njohjes dhe kapaciteteve të studentëve mbi parlamentarizmin; përmirësimin e perceptimit publik dhe njohjes më të mirë të funksioneve të Kuvendit të Shqipërisë; mbështetjen e institucioneve arsimore në përmbushjen e funksioneve të tyre në kuadër të zbatimit të legjislacionit në fuqi për arsimin e lartë”.

“Një vit pas nisjes së këtij bashkëpunimi institucional, kontributi i universiteteve, akademikëve dhe studiuesve në procesin e hartimit të ligjeve është rritur. Ky kontribut ka përmirësuar edhe cilësinë e akteve ligjore të miratuara në Kuvend. Kontributi i universiteteve, nëpërmjet bashkëpunimit me komisionet parlamentare, sidomos me Komisionin për Edukimin dhe Mjetet e Informimit Publik, është rritur edhe në ushtrimin e kontrollit parlamentar. Janë organizuar seanca dëgjimore me përfaqësues të universiteteve e institucioneve kërkimore, rektorë, drejtues të asambleve të fakulteteve, të zgjedhur të këshillit studentor etj.”, – tha ai.

Më tej Ruçi shtoi se “në kuadër të Marrëveshjeve të Bashkëpunimit për periudhën dhjetor 2018–shtator 2019, kryen praktika mësimore pranë Kuvendit 90 studentë, ndër të cilët 60 nga universitete publike dhe 30 studentë nga universitete jopublike.Disa nga detyrimet e shtetit ndaj universiteteve, si për shembull, rritja e financimeve për arsimin e lartë dhe kërkimin shkencor nuk janë plotësuar në nivelin e duhur për shkak të burimeve të kufizuara financiare. Por disa të tjera, si për shembull, vonesa në nxjerrjen e akteve nënligjore në mbështetje të ligjeve të miratuara nga Kuvendi, kërkojnë më shumë vëmendje e produktivitet të disa ministrive e institucioneve. Por pozitive është që Qeveria po tregon një ndjeshmëri shumë më të lartë në çështjet e arsimit të lartë, universiteteve, kërkimit shkencor dhe nevojave të studentëve”.

Për të kremtuar 100 vjetorin e parlamentit të parë shqiptar, Byroja e Kuvendit ka miratuar një program veprimtarish, për një pjesë të të cilave Kuvendi ka kërkuar edhe bashkëpunimin e universiteteve. Një ndër aktivitetet do të jetë akordimi i bursave “100 vjet Parlament shqiptar” disa studentëve më të mirë të universiteteve publike e private.

Në këtë kontekst, Ruçi, u bëri thirrje universiteteve që një pjesë e fondeve që ju kanë menduar të programoni për këto qëllime, të përfshihen në këtë aktivitet të programit të Kuvendit.

Rektorët vlerësoi mbështetjen nga Kuvendi për të kontribuar në hartimin e legjislacionit për thellimin e reformave, sidomos Reformës në Drejtësi, si dhe ishin të një mendimi se ka ardhur koha që universitetet duhet të rifillojnë studimet e ciklit të tretë, të shkollës së doktoraturës.

Në fund të takimit, Kryetari i Kuvendit nënvizoi se “Kuvendi po dëgjon dhe do të dëgjojë njerëzit më të mençur të kombit”. “Ky bashkëpunim do të realizohet përditë dhe në vijimësi. Kontributi i universiteteve dhe akademikëve është i mirëpritur si për procesin ligjbërës, ashtu edhe për kontrollin parlamentar dhe monitorimin e institucioneve të pavarura”, – tha ai./atsh

“100 vjet Parlament shqiptar”, bursa për studentët më të mirë Read More »

Zbuloni si pritet të jetë moti

Aktualitet / /

Sipas Insitutit të Gjeoshkencave sot (e martë, dt.08) nuk priten reshje në të gjithë vendin.

Reshjet do të jenë më të shumta sot pasdite.

TEMPERATURAT

Sot (e martë, dt.08) temperaturat minimale dhe maksimale të ajrit pritet të arrijnë:

në bregdet: 13 / 25 °C

në vendet e ulëta: 12 / 27 °C

në vendet malore: 5 / 16 °C.

ERA

Sot (e martë, dt.08) era pritet të fryjë mesatare deri e fortë kryesisht në veri dhe bregdet.

Zbuloni si pritet të jetë moti Read More »

Këto janë shenjat më mashtruese të horoskopit

Aktualitet / /

Të gjithë themi gënjeshtra. Ndonjëherë për të dalë nga situata, e herë të tjera për t’u dukur pak më mirë në sy të atyre që na rrethojnë. Mund të jenë gënjeshtra të padëmshme, por ka edhe nga ato që “të hapin punë”.

Disa persona, ose më saktë, disa prej të lindurve në data të caktuara, duket se e kanë në gjak gënjeshtrën e nuk rrinë dot pa i thënë disa të tilla në ditë. Nuk ka rëndësi nëse janë të bardha apo të zeza, gënjeshtrat janë gënjeshtra, dhe sa më pak të thuhen aq më mirë do të ishte.

Tre shenjat e mëposhtme jo vetëm që gënjejnë, por ndonjëherë përhumben në atë që thonë sa përfundojnë duke i besuar vetë.

Binjakët – Të lindurit në shenjën e Binjakëve janë gënjeshtarë të tmerrshëm dhe as vetë ata nuk habiten nga kjo renditje. Janë manipulues, hipokritë dhe me dy fytyra. Kjo është edhe arsyeja përse njerëzit që janë në marrëdhënie punë apo shoqërie me ta, detyrohen gjithmonë ‘’t’i testojnë’’ paraprakisht për të mësuar nëse kanë thënë apo jo të vërtetën. Ndonjëherë Binjakët gënjejnë sepse janë të pakënaqur me realitetin e tyre.

Akrepi – Edhe pse jo në nivelin e Binjakëve për gënjeshtra, kur vjen puna te manipulimi, edhe Akrepi janë profesionistë të lindur. Të gjithë e dinë që të lindurit në shenjën e Akrepit janë gënjeshtarë kronikë, dhe në shumicën e rasteve gënjejnë edhe kot.

Peshqit – Pak e pabesueshme se si Peshqit, një shenjë aq emotive mund të jetë pjesë e kësaj liste, megjithatë ndodh edhe kështu. Ata e marrin gjithmonë atë që kërkojnë dhe gjejnë mënyra nga më të ndryshmet për t’ia dalë, mes tyre edhe gënjeshtrat. E dinë shumë mirë çfarë gënjeshtrash të thonë, dhe si t’i thonë.

Këto janë shenjat më mashtruese të horoskopit Read More »

Agrobiznesi shqiptar për të tretën herë në panairin e Ushqimit Organik në Gjermani

Aktualitet / /

Agrobiznesi shqiptar do të marrë pjesë për të tretin vit radhazi në panairit më të madh në botë për produktet bio, ‘Biofach’, i cili mbahet çdo vit në Gjermani, ku bizneset shqiptare janë përgëzuar për cilësinë e produkteve si dhe kanë arritur që të rrisin eksportet e tyre në vende si Gjermania, Zvicra, Franca, Italia, SHBA, Kanada etj.

Edicioni i këtij viti “Biofach”, Panairi i Ushqimit Organik, zhvillohet nga data 12 deri 15 Shkurt 2020, në Nuremberg, Gjermani.

Bizneset shqiptare pritet të bëhen pjesë e panairit kryesor të Tregtisë Botërore për Ushqimin Organik , i kombinuar me panairin “VIVANESS”, i cili është Panairi Ndërkombëtar i Tregtisë për Kujdesin Personal Natyror dhe Organik.

Biofach, zhvillohet për të 30-ën herë radhazi dhe mund të shihet përsëri si një histori suksesi e jashtëzakonshme. Ky event me një pjesëmarrje të lartë, do të jetë një ngjarje e rëndësishme biznesi, i cili do të krijojë mundësi për bashkëpunime dhe shtrirje në tregjet e huaja.

Në këtë event takohen të gjithë klientët, furnitorët dhe partnerët e rinj të mundshëm. Biofach është një mundësi e artë, pasi këtu furnizimi plotëson kërkesën, si për vizitorët ashtu edhe për kompanitë ekspozuese. Prodhuesit do të ekspozojnë dhe prezantojnë produktet e tyre për të gjithë komunitetin,si edhe do të vëzhgojnë e analizojnë tregun.

Biofach ofron informacione të gjera në lidhje me sektorin organik, së bashku me panairin VIVANESS, i cili ofron njohuri për zhvillimet aktuale në sektorin e kozmetikës natyrore./atsh

Agrobiznesi shqiptar për të tretën herë në panairin e Ushqimit Organik në Gjermani Read More »