Irina

Këshilla si të luftoni alergjinë në stinën e vjeshtës

Shendetesi / /

Stina e vjeshta erdhi duke shënjuar nisjen e një stine të mundimshme alergjish. Tështimat janë vetëm një prej simptomave të alergjive të vjeshtës.

Bllokimet dhe rrjedhjet e hundëve, skuqjet dhe kruarjet e syve janë simptoma të tjera po aq të vështira të këtyre alergjive.

Vjeshta është një stinë shumë e vështirë për njerëzit që kanë ndjeshmëri të lartë ndaj mykut dhe polenit të bimëve. Për më tepër, shiu është gjithashtu një nxitës i alergjive sepse shpërndan më shumë polenin dhe mykun.

E keqja e alergjive të vjeshtës është se ato nisin shumë herët dhe zgjasin më gjatë.

Disa këshilla praktike se si të përballoni stinën e vjeshtës dhe alergjitë.

Kujdesuni për stomakun
Në përballjen me alergjitë është shumë e rëndësishme që njeriu të kujdeset për florën bakteriale në stomak.

Njerëzit që vuajnë nga alergjitë e vjeshtës duhet të marrin çdo ditë probiotikë që të garantojnë mbrojtjen e organizmit.

Kujdes me ushqimet
Ushqimet e përpunuara, të modifikuara gjenetikisht, sheqeri, bulmeti, gluteni, alkoli përmbajnë substanca irrituese për organizmin. Këto substanca përkeqësojnë simptomat e alergjisë.

Në Tetor duhet të shmangni bananet, shalqinin, pjeprin, kastravecin, domatet dhe kungujt e njomë që mund të preken nga disa lloje barishtesh të cilat shkaktojnë alergji.

Gjithashtu kujdes duhet të tregoni me çajin kamomil dhe të rubinit të kuq për të njëjtat arsye si më lart.

Ushqehuni me perime ngjyra
Në këtë stinë duhet të merrni me shumë vitaminë A, C dhe antioksidantë që luftojnë inflamacionin.

Konsumoni më shumë brokoli, barishte të egra, karrota, selino, kungull të verdhë, qepë dhe hudhër.

Higjena
Përpara se të bini për të fjetur, mirë është të bëni dush që të largoni sa më shumë elementë alergjikë nga trupi dhe flokët.

Ndërroni rrobat dhe çarçafët më shpesh dhe sidomos këllëfët e jastëkëve me të cilët goja dhe hunda janë më shumë në kontakt.

Për frymëmarrjen
Përdorni solucione me kripë për pastrimin e hundëve.

Bëni avull për të zhbllokuar rrugët e frymëmarrjes dhe përmirësuar imunitetin./atsh

Këshilla si të luftoni alergjinë në stinën e vjeshtës Read More »

Gripi, ekspertët e ISHP-së këshillojnë kujdes ndaj gripit

Shendetesi / /

Të gjithë në stinën e dimrit ndjejmë simptomat e gripit. Dhimbjet e grykëve që në mëngjes, më pas kolla apo temperatura tregojnë që tashmë jeni sëmurë dhe fatkeqësisht nuk ka një zgjidhje të shpejtë për këtë.

Por, çfarë na rekomandojnë ekspertët e Institutit të Shëndetit Publik të dimë rreth gripit?

Ekspertë këshillojnë për kujdes, pasi sipas tyre “Ju mund t’ia transmetoni virusin të tjerëve dhe pa pasur shenja. Pra, edhe kur mendoni se jeni të shëndetshëm, ju mund të rrezikoni jetën e një personi tjetër”.

Nëse ndiqni këto hapa që kemi listuar për ju, do ta kaloni më lehtë gripin këtë dimër.

Merreni me sportivitet
Kur jeni sëmurë trupi juaj ka nevojë për më shumë energji se zakonisht që të luftojë bakteret, kështu që gjëja e duhur që duhet të bëni është të merrni disa ditë pushim dhe të qetësoheni.

Qëndroni në shtrat

Të qëndroni në shtrat sigurisht ndihmon, por të qëndroni zgjuar deri në orë të vona jo. Mungesa e gjumit e bën sistemin tuaj imunitar të dobët dhe rekuperimi është më i vështirë. Nëse simptomat e gripit ju mbajnë zgjuar, provoni të flini me 2 jastëkë pasi kjo ju ndihmon të merrni frymë më lehtësisht.

Përdorni sa më shumë lëngje

Lëngjet ju ndihmojnë me forcimin e muskujve, ndalojnë dhimbjen e kokës si dhe ju hidratojnë. Mbani gjithmonë një gotë në dorën tuaj jo vetëm me lëngje por dhe me ujë. Mundohuni të mbani larg kafeinën, alkoolin, apo sodat pasi dehidratojnë organizmin tuaj.

Pini gjëra të nxehta

Çajrat janë gjithmonë një zgjedhje e mirë kur vjen puna për të mundur simptomat e gripit. Provoni të pini çajra herbalë, ujë të ngrohtë ose ujë të ngrohtë me limon.

Përdorni një lugë mjaltë

Mjalti do ju ndihmojë shumë me dhimbjet e fytit dhe me heqjen e kollës. Studimet kanë treguar se fëmijët që hëngrën një lugë mjaltë para kohës së gjumit, bënë një gjumë më të rehatshëm dhe pa kollitje, ndryshe nga ato që përdorën ilaçe. Por kini kujdes, mos e përdorni këtë me fëmijët nën moshën 1 vjeçare.

Bëni një dush të nxehtë

Frymëmarrja në avull bën që të keni një frymëmarrje më të lirshme. Edhe pse nuk jemi shumë të sigurtë nëse kjo metodë funksionon ose jo, nuk humbni asgjë nëse e provoni. Nxehtësia gjithashtu ju ndihmon në relaksimin e çdo muskuli të dobët.

Përdorni ilaçe

Nëse metodat e mësipërme ju duken të çuditshme dhe nuk keni shumë besim që funksionojnë, sigurisht mund t’i ktheheni ilaçeve. Ndoshta mund të gjeni një lehtësi nëpërmjet medikamenteve, por gjithmonë mbani në mendje diçka, mos merrni asnjë ilaç pa rekomandimin e mjekut, pa parë etiketat dhe pa kontrolluar përbërjen. Gjithashtu ilaçet tuaja mbajini larg fëmijëve.

Hani supë pule

Studimet tregojnë se supa e pulës ndihmon në qetësimin e inflamacionit në trupin tuaj. Përveç se lufton simptomat e gripit, supa ka kaloritë dhe energjinë e nevojshme për mundjen e gripit./atsh

Gripi, ekspertët e ISHP-së këshillojnë kujdes ndaj gripit Read More »

Spiropali: Basha të presë zgjedhjet e radhës, brenda dhjetorit votojmë Reformën Zgjedhore

Opinione, Politike / /

Ministrja për Marrëdhëniet me Parlamentin, Elisa Spiropali i përgjigjet kryetarit të PD-së Lulzim Basha në lidhje me kërkesën e tij për zgjedhje të parakohshme duke i kujtuar zgjedhjet e radhës.

Spiropali thekson se kryetari i Partisë Demokratike Lulzim Basha duhet të presë zgjedhjet e radhë, pasi qeveria dhe shumica është votuar për 4 vite.

“Lulzim Basha dhe shumica e tij imagjinare duhet të presin zgjedhjet e radhës per t’u rikthyer në Parlament, prej ku u larguan vullnetarisht me daullet e fitores imagjinare! Qeveria dhe shumica jonë e votuar për të qeverisur 4 vjet, kanë shumë detyra e punë për të realizuar deri në përfundim të mandatit, në respekt të kontratës me shqiptarët. Ata që e grisën kontratën me zgjedhësit e tyre, nuk kanë asnjë të drejtë po as edhe një shans gjithashtu, të grisin kontratën tonë”, theksoi ajo.

Spiropali akuzon opozitën se refuzon dialogun për Reformën Zgjedhore.

“Ne po përgatitemi për dy sezone të reja betejash në çdo drejtim dhe për një Shqipëri më të mirë në çdo fushë të jetës. Nga ana tjetër, sa më shumë Lulzim Basha dhe shumica e tij imagjinare refuzojnë dialogun për reformën zgjedhore, aq më pak kohë kemi ne për të humbur me ta”, tha ajo.

Po ashtu, Spiropali deklaron se brenda dhjetorit do te votojmë Reformën Zgjedhore.

“Brenda dhjetorit do të votojmë Reformën Zgjedhore sipas rekomandimeve të OSBE/ODIHR dhe do të vazhdojmë më tej me pikat kyçe të procesit të integrimit europian, duke përdorur si hartë drejtuese rezolutën e Bundestagut, si edhe të gjitha pikat e tjera të programit tonë për Shqipërinë që duam”, shprehet Siropali./atsh

Spiropali: Basha të presë zgjedhjet e radhës, brenda dhjetorit votojmë Reformën Zgjedhore Read More »

Revolucioni industrial mbi teknologjinë 5G edhe në Shqipëri, Rama: Do të transformojë rrënjësisht çdo sektor

Aktualitet, Lajmi i fundit / /

Në Shqipëri nisi sot revolucioni industrial mbi teknologjinë 5G, me një investim fillestar prej 150 milionë euro nga kompania “Vodafone”.

Lajmi u bë i ditur nga Kryeministri Edi Rama, i cili thekson se ky revolucion do të transformojë rrënjësisht çdo sektor.

“Me timon pa timon shoferi jonë osht kampion”, thotë ajo kënga e vjetër, ndërsa këtu jam unë që i jap makinës pa prek timon me dorë… Sot nisi në Shqipëri revolucioni industrial mbi teknologjinë 5G, me një investim fillestar prej 150 milionë Eurosh nga kompania Vodafone”, – shprehet Rama.

“Ky revolucion do të transformojë rrënjësisht çdo sektor, nga ekonomia tek financat dhe energjia, nga bujqësia tek shëndetësia dhe arsimi, duke bërë të mundur të paimagjinueshmen jo në shekujt, po në vitet që vijnë”, – tha Rama.

Si funksionon teknologjia 5G?

Më shpejt

Do të thotë mund të luani lojëra multiplayer edhe në lëvizje, të merrni informacione në kohë reale dhe të shkarkoni filma në sekonda.

Kapacitet më i madh i rrjetit

Do të thotë që ju mund të lidheni në mënyrë të sigurt edhe në vende të zëna si stacionet e trenave dhe ndeshjet e futbollit.

Vonesë më e ulët

Teknologjitë e reja të përdorura nga rrjeti 5G janë krijuar për të përjetuar më pak vonesë./atsh

Revolucioni industrial mbi teknologjinë 5G edhe në Shqipëri, Rama: Do të transformojë rrënjësisht çdo sektor Read More »

Braçe: Faktet e zhbëjnë gënjeshtrën se arka është bosh

Aktualitet, Opinione, Politike / /

Zëvendëskryeministri Erjon Braçe deklaroi sot se ndonëse faktet janë online, trashja e gënjeshtrës vazhdon se arka është bosh, por faktet e zhbëjnë atë.

“Trashja e gënjeshtrës! Arka është bosh. Dje ju tregova gënjeshtrën arka bosh. Ju tregova fakte, jo llafe! Kujtova se faktet mjaftojnë! Por nuk qenka e thënë; Gënjeshtra është trashur sot edhe me shumë! Është problem kur nuk heq dorë nga gënjeshtra, zhytesh në të thellë, e bën gënjeshtrën ulëritëse”, shprehet ai

Në vijim të argumentit, Braçe shtoi se: “Dje referova gjithashtu se, çdo fakt i dhënë nga unë, mund të verifikohej lehtësisht online. Por kur do të gënjesh, teknologjia nuk të ndihmon. Sot, gënjeshtra tentoi të detajohet deri në nivel prokurimesh konkrete; Për shkak të Arka Bosh Gënjeshtër, thuhet se: FSHZH ka anuluar një prokurim për përmirësimin e infrastruktures në Qerret me vlere 1 milion euro! Gënjeshtër! Procedura për këtë prokurim është në fazën e pritjes se ofertave dhe, afati i fundit për pranimin e ofertave është data 11 nëntor ora 11.00; FSHZH ka anuluar një prokurim për ndërtimin e rrugës së re përgjatë lumit Osum ne Berat me vlere 1.3 milion euro!Gënjeshtër! Procedura për këtë prokurim është në fazën e pritjes së ofertave dhe, afati i fundit për pritjen e ofertave është data 11 nëntor ora 11.00”.

“Që mos bini edhe më në gënjeshtër nesër, ka dhe një të trete; Procedura për prokurimin e rrugës Lumalas-Melcan-Porodinë është në fazën e pritjes se ofertave dhe, afati i fundit per pranimin e ofertave është data 11 nëntor ora 11.00. Ndërkohë, pretendimi se OST ka anuluar tenderin për blerjen e një transformatori me vlerë 2.5 mln euro, është një gënjeshtër në një nivel edhe më të larte; nuk ndihmon as kënd tek historia arka bosh. OST tenderon lekët e saj, jo të buxhetit te shtetit. OST nuk ka anuluar këtë procedure, e ka ne proces, afati i fundit i pritjes së ofertave është data 22 nëntor ora 10.00”, argumentoi ai.

Po ashtu Braçe theksoi se të gjitha këto janë fakte dhe verifikohen lehtësisht online. “Faktet e bëjnë gënjeshtrën të duket, faktet e bëjnë gënjeshtrën të trashet, zhbërja e gënjeshtrës është detyrim”, përfundoi ai. /atsh

Braçe: Faktet e zhbëjnë gënjeshtrën se arka është bosh Read More »

Procesi zgjedhor brenda strukturave të Partisë Socialiste, drejt finalizimit

Aktualitet, Politike / /

“Drejt suksesit të PS 2021!” Kështu ka deklaruar deputeti i Partisë Socialiste, Ervin Bushati duke shtuar se procesi zgjedhor brenda strukturave të Partisë Socialiste është drejt finalizimit, si një hap i rëndësishëm që do ta çojë këtë forcë politike drejt një mandati të tretë qeverisës.

Bushati, së bashku me ministren e Shtetit për Marrëdhëniet me Parlamentin, Elisa Spiropali, kanë zhvilluar një takim me Komisionin e Zgjedhjeve në Parti për t’u siguruar që ky proces thelbësor të kryhet në një mënyrë objektive.

“Bashkë me Elisën organizuam sot një takim me “Komisionin e Zgjedhjeve në Parti”, në kuadër të finalizimit të procesit zgjedhor të të deleguarve të Partisë Socialiste. Së bashku do të sigurohemi që ky proces thelbësor të kryhet në një mënyrë objektive dhe të pavarur dhe me vëmendjen e angazhimin maksimal për rezultatet në 2021. Ne i detyrohemi një mandat tjetër çdokujt që na besoi deri më sot dhe atyre që do t’ju shtohet besimi në vijim, si rezultat i punës tonë!” shprehet Bushati./atsh

Procesi zgjedhor brenda strukturave të Partisë Socialiste, drejt finalizimit Read More »

Shërbimi zjarrfikës/ Lleshaj: Do të ndërtojmë një trupë profesioniste

Aktualitet / /

Ministri i Brendshëm Sandër Lleshaj zhvilloi një takim me drejtues të shërbimit zjarrfikës në vend, për të diskutuar mbi mënyrat se si mund të përmirësohet kjo strukturë dhe projektet që janë konceptuar në funksion të këtij qëllimi.

Ai vuri theksin te përgatitja dhe rritja e profesionalizmit në radhët e këtij shërbimi.

Lleshaj theksoi se duhet ngritur sa më parë një qendër trajnimi shumë-funksionale për personalin zjarrfikës, ndërsa nënvizoi se marrja e personelit në këtë shërbim duhet bërë vetëm nëpërmjet një shkolle të posaçme.

Ministri u shpreh se shërbimi zjarrfikës duhet të plotësohet me punonjës që kanë përgatitje si forcat speciale, madje duke e krahasuar vështirësinë që duhet të përballin personeli zjarrfikës me ata të trupave speciale, ai tha se sfidat e zjarrfikësve janë më të rënda se ato të trupave speciale të policisë.

“Ne na duhet të kemi një shërbim zjarrfikës që të jetë forcë speciale e Shqipërisë. Ne kemi forca speciale në ushtri, në polici, dhe kjo duhet të jetë një forcë speciale. Në kuptimin që ata që punojnë zjarrfikës duhet të jenë më të fortë se ata të RENEA–s që kemi, në çdo aspekt.

Duhet të jenë më të zotët, në çdo aspekt, sepse e kanë luftën më të fortë sesa luftë me një bandit me kallashnikov, është lufta me një grataciel, që të ngjitesh në katin e 20-të me shkallë, nëpër flakë e të dalësh me sukses. Është punë që pak njerëz e bëjnë. Me këtë synim duhet të ecim për të krijuar një shërbim, i cili ka këtë standard, të paktën t’i kemi si këto FNSH-të, si këto RENEA-t, në këtë nivel, njerëzit, por edhe standardet e tjera,” tha Ministri.

Në lidhje me projektet që janë ideuar dhe do të punohen, Ministri Lleshaj u shpreh se “përveç ligjit njëherë që duhet ta shohim, duhen hartuar disa dokumente bazë, disa strategji bazë, që kanë të bëjnë me arsimimin, me kualifikimin, me rekrutimin, promovimin në karrierë. Duhet të hartojmë një tabelë të organizimit të pajisjeve standard. Të dimë se çfarë ka një stacion. Një stacion në Dropull, edhe në Tropojë, duhet të jetë në të njëjtin organikë. Qoftë si stacion, qoftë individët, pra për t’i standardizuar këto gjëra.
Duhet të punojmë për të hartuar disa projekte të rëndësishme. Projekti i parë që unë kam ndërmend të merrem është projekti për qendrën e trajnimit të zjarrfikësve. Mbetet kërkesë imediate, një orë e më parë duhet bërë! Dhe thashë, ne do të punojmë për ta perceptuar si një qendër trajnimi shumëfunksionale, ku zjarrfikësit kanë një bllok të vetin,” theksoi Lleshaj.

Për rekrutimin e personelit në shërbimin zjarfikës, Ministri tha se “hyrja në shërbimin zjarrfikës duhet të ketë vetëm një derë dhe kjo do të jetë dera e shkollës. Si çdo shërbim profesional në botë, nuk hyhet nga dritarja, hyhet nga dera kryesore, e cila është e cila është shkolla “X”. Bën trajnimin bazë i cili është 6 muaj apo 1 vit, futesh dhe pastaj ngjitesh”.

Ministri u shpreh gjithashtu edhe për rritjen e profesionalizmit në radhët e shërbimit zjarfikës dhe nënvizoi se “do të bëjmë shumë projekte, të cilat do të bëhen në mënyrë të përqendruar, dhe do të ekzekutohen nga bashkitë. Qeveria u jep bashkive fonde të pakushtëzuara. Dhe kur ua jep këto, u thotë që “do t’ju jap kaq, por kaq i ke për uniformat, kaq i ke për të blerë zjarrfikëse të reja!”

Qëllimi është të arrijmë një sistem dhe një trupë zjarrfikëse, e cila të jetë profesioniste. Na shërben më shumë, se sa shumë struktura të tjera”. /atsh

Shërbimi zjarrfikës/ Lleshaj: Do të ndërtojmë një trupë profesioniste Read More »

Ministria e Kulturës organizon festival kushtuar letërsisë së re shqipe

Aktualitet, Art-Kulture / /

Shkrimtarët e rinj bëhen bashkë në një festival, ku letërsia e re shqipe do të jetë në fokus të “New Literature Festival” i cili nisi për herë të parë hapi siparin nga dita e sotme e deri më 30 tetor në hapësirat e Muzeut Historik Kombëtar.

Personazhe të jetës letrare pas viteve ’90-të, dhe emra të njohur të letërsisë shqipe do të jenë bashkë në një komunikim që kërkon të nxjerrë në pah prirjet e sotme të letërsisë bashkëkohore shqipe.

Ditën e martë u zhvillua edhe takimi i parë me pjesëmarrjen e një numri të madh nxënësish nga gjimnazet e Tiranës, si “Sami Frashëri”, “Ismail Qemali” etj.

Festivali nisi sot me një panel diskutimi me botues, studiues të letërsisë, autorë të rinj mbi sfidat e letërsisë bashkëkohore shqipe. Botuesja Arlinda Dudaj, studiuesit dhe shkrimtarët Agim Baçi, Ardian Vehbiu, Blendi Fevziu, Visar Zhiti, Loer Kume, Brahan Sukaj, Enkelejd Lamaj, Tobias Xhaxhiu etj., diskutuan rreth letërsisë bashkëkohore, çfarë përfshihet në të, çfarë ndikimi ka, sa lexohet sot, letërsinë si kujtesë, e të tjera tema që shqetësojnë krijuesit e rinj. /atsh

Ministria e Kulturës organizon festival kushtuar letërsisë së re shqipe Read More »