Irina

Kryemadhi: Opozita e bashkuar, gatishmëri për të realizuar të gjitha kushtet për hapjen e negociatave

Opinione, Politike / /

“LSI dhe opozita e bashkuar ka patur gjithnjë gatishmërinë për të realizuar të gjitha kushtet që kanë të bëjnë me hapjen e negociatave”, – deklaroi sot kryetarja e LSI-së, Monika Kryemadhi.

Gjatë Konventës së LSI-së, Kryemadhi tha se “ka vetëm një person që nuk e do hapjen e negociatave, dhe ky është Edi Rama, i cili nuk do që të ketë më shumë BE në Shqipëri, se kështu merr fund uzurpimi i pushtetit dhe vjedhja që i bën shqiptarëve”.

“Viti 2019 shënoi edhe një rekord tjetër të trishtë: investimin më të ulët në arsim, mbylljen e dhjetëra shkollave në të gjithë Shqipërinë, disa për mungesë infrastrukture, por shumica në zonat rurale për shkak të mungesës së nxënësve. Ne akuzojmë sot këtë mazhorancë se kjo politikë e shkatërrimit të vendit është e qëllimshme, sepse në një shoqëri ku investimi në arsim është i vogël, ka vetëm dy rrugë: ose largimi për t’i shpëtuar injorancës dhe padijes, ose nëpërmjet injorancës t’i nënshtrohet pushtetit, sado i mbrapshtë të jetë ai”, – tha ajo.

Shëndetësia, sipas Kryemadhit, “përfaqëson një dështim tjetër spektakolar të kësaj qeverisje”. Sipas saj, “shëndetësia falas është në fakt alibia e Rilindjes për grabitjen më të madhe të buxhetit të shqiptarëve”.

“Nga shëndetësia falas ajo është tashmë për këdo shëndetësia më e shtrenjtë në rajon, dhe detyrimin publik për t’i shërbyer shëndetit të njerëzve, kjo mazhorancë e ka hedhur tek privati, i cili realizon me pagesë mbi 70% të volumit të shërbimeve që duhet të ofroheshin nga sistemi publik”, – tha ajo. /atsh

Kryemadhi: Opozita e bashkuar, gatishmëri për të realizuar të gjitha kushtet për hapjen e negociatave Read More »

Moti i keq/ Greqia ndalon kalimin e mjeteve të tonazhit të rëndë nga Kapshtica për dy ditët në vijim

Aktualitet, Lajmi i fundit, Problematika / /

Drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare të Kapshticës, duhet ta shmangin ose të përdorin pikat e tjera të kalimit kufitar me Greqinë.

Drejtoria Vendore e Kufirit dhe Migracionit Korçë, njofton se pala greke në këtë pikë kufitare do të ndalojë kalimin e mjeteve të tonazhit të rëndë për shkak të prezencës së akullit në rrugë.

“Në pikën e kalimit kufitar Kapshticë, në datën 05.01.2020, nga ora 06:00 deri në orën 23:59 të datës 06.01.2020 nuk do të lejohet kalimi i mjeteve të tonazhit të rëndë (kamionë) në drejtim të Greqisë, për të shmangur problemet dhe vështirësitë në qarkullim, si pasojë e prezencës të akullit në rrugë. Do të lejohet kalimi i autoveturave dhe autobusëve të cilët duhet të jenë të pajisur me zinxhirë”, thuhet në një njoftim zyrtar të Drejtorisë vendore të Kufirit dhe Migracionit, Korçë.

Policia Kufitare, apelon drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare Kapshticë, ta shmangin ose të përdorin pikat e tjera të kalimit kufitar me Greqinë, deri në normalizimin e situatës. /atsh

Moti i keq/ Greqia ndalon kalimin e mjeteve të tonazhit të rëndë nga Kapshtica për dy ditët në vijim Read More »

IPARD II/ Aplikimi për pajisje bujqësore, për investimet nën 100 000 euro nuk kërkohet vendi i origjinës

Aktualitet / /

Aplikantëve në programin IPARD II, për investime nën 100 mijë euro, në pajisje dhe mekanikë bujqësore, nuk ju kërkohet vendi i origiinës se nga cilat shtete vijnë këto makineri.

Agjencia e Zhvillimit Bujqësor dhe Rural (AZHBR) bën të ditur se, në ndryshe nga investimet në industrinë përpunuese dhe agropërpunim, kur pajisjet dhe linjat e prodhimit duhet të jenë me patjetër me markë nga vendet e Bashkimit Europian, në rastin e mekanikës bujqësore, siç janë p.sh traktorët, nuk kërkohet vendi i origjinës.

“Ato mund të importohen edhe nga USA apo vende të tjera” bën të ditur AZHBR, sipas së cilës është kusht që këto mjete bujqësore të mos e kalojnë vlerën e 100 mijë eurove.

AZHBR, bën të ditur se fermerët po rrisin interesin për të aplikuar në fondet e programit IPARD II, i cili mbështet me grante investimet në sektorin rural, ku padyshim bëjnë pjesë edhe investimet në mekanikë bujqësore./atsh

IPARD II/ Aplikimi për pajisje bujqësore, për investimet nën 100 000 euro nuk kërkohet vendi i origjinës Read More »

Shqipëria, deri në fund të 2022, me kampusin universitar më të bukur në rajon

Aktualitet / /

Kryeministri Edi Rama deklaroi sot se “Shqipëria që deri në fund të 2022 do të ketë një nga kampuset më të mira, ndër më të bukurit në rajon pa diskutim”.

I ftuar në emisionin “Java” në Radio Televizionin Shqiptar, Kryeministri Rama theksoi se “protesta e studentëve ka mbaruar me kohë e me vakt, por efektet e saj dhe angazhimet e marra si reflektim i protestës jo vetëm që nuk kanë mbaruar, por janë edhe në rendin e ditës”.

“Në vitin 2020 nisim kantierin e madh të Kampusit Universitar të Tiranës së bashku me Akademinë e Sigurisë dhe me Akademinë e Arteve më pas që do të krijojnë pa pikë dyshimi një cilësi komplet të re për jetën studentore këu ku është edhe qendra e saj e gravitetit”, – tha Rama./atsh

https://www.facebook.com/edirama.al/videos/572523703305810/?t=0

Shqipëria, deri në fund të 2022, me kampusin universitar më të bukur në rajon Read More »

Marrëdhëniet me opozitën, Rama: Gjuha dhe mjetet e forcës nuk funksionojnë në raport me mua

Aktualitet, Opinione, Politike / /

Kryeministri Edi Rama deklaroi sot në mbrëmje se ”kërcënimet, gjuha dhe mjetet e forcës jo vetëm që nuk janë të arsyeshme në një situatë pluralizmi dhe të institucioneve demokratike, por nuk funksionojnë në raport me mua”.

I ftuar në një studio televizive, Rama komentoi zhvillimet në raport me opozitën gjatë vitit 2019, nisur nga djegia e mandateve, bojkoti i Kuvendit deri te protestat.

Lidhur me vendimin për zëvendësimin e deputetëve të opozitës në KQZ pas djegies së mandateve nga ana e tyre, Rama tha se vendimmarrjet ne i marrim kolegjialisht në një grup drejtuesish në PS dhe në rastin konkret vendimmarrja i ka takuar Kuvendit.

“Së dyti nëse kjo paska qenë një qasje kërcënuese si: o bëj si them unë, ose unë do largohem kërcënimet, gjuha dhe mjetet e forcës jo vetëm që nuk janë të arsyeshme në një situatë pluralizimi dhe të institucioneve demokratike, por nuk funksionojnë në raport me mua”, tha Rama.

I pyetur nëse ka pasur ndonjë komunikim me kreun e PD-së, Lulzim Basha pas vendimit të opozitës për djegien e mandateve, Rama tha se “unë atij i kam çuar një mesazh në ditët pas tërmetit për t’i sugjeruar që të jemi bashkë dhe kaq”.

“Jo. Komunikimi i fundit ka qenë kur PD ka qenë ende në parlament”, tha Rama./atsh

Marrëdhëniet me opozitën, Rama: Gjuha dhe mjetet e forcës nuk funksionojnë në raport me mua Read More »

2019, vit i vështirë/ 2020, viti i një fillimi të ri edhe falë shtysës dhe energjive që gjeneroi situata e tërmetit

Aktualitet / /

“Viti 2020 do të jetë viti i një fillimi të ri edhe falë shtysës dhe energjive që gjeneroi situata e tërmetit të 26 nëntorit”.

Kështu deklaroi sot Kryeministri Edi Rama në emisionin “Java” në Radio-Televizionin Shqiptar.

“Në kujtesën time si Kryeministër, viti që lamë pas ka qenë viti më i vështirë, që në gjysmën e parë u karakterizua nga një ngërç i madh, nga një situatë ku u vumë të gjithë në pozitë të vështirë si vend dhe pastaj me një palë zgjedhje jo atipike, por realisht të pazakonshme deri në fund, zgjedhje të bojoktuara nga opozita dhe në një pjesë të madhe të bashkive me një kandidat”, – theksoi Rama.

Pastaj, vijoi Rama, një tërmet psikologjik për këtë shoqëri që është e lidhur pazgjidhmërisht me ëndrrën europiane, refuzimi i vendimit për të çelur negociatat për anëtarësim nga BE dhe pastaj një kulmim tragjik me tërmetin e 26 nëntorit.

“Në këndvështrimin tim ka krijuar mundësinë e një fillimi të ri. Besoj që ky vit që sapo ka filluar do të jetë viti i një fillimi të ri edhe falë shtysës dhe energjive që gjeneroi situata e tërmetit”, – tha Kryeminstri Rama./atsh

2019, vit i vështirë/ 2020, viti i një fillimi të ri edhe falë shtysës dhe energjive që gjeneroi situata e tërmetit Read More »

Bojkoti i opozitës/Një rrugë që nuk të nxjerr asgjëkundi

Opinione, Politike / /

Kryeministri Edi Rama deklaroi sot se “nuk besoj se do të ketë më në Shqipëri një parti politike, flas për nje parti politike të një përmase të caktuar që do t’i hyjë një rruge që u vërtetua që është një rrugë e një vrasje politike, pra që nuk të nxjerr asgjëkundi”, duke folur për bojkotin e zgjedhjeve lokale vitin e shkuar nga opozita.

I ftuar në emisionin “Java” në Radio Televizionin Shqiptar, Kryeministri Rama në një bilanc të ngjarjeve theksoi se “mendoj se ajo ka që ka ndodhur vjet ka qenë një grahmë e madhe dhe e fundit e një politike, e cila tek bojkoti, tek shantazhi, tek braktisja e tavolinës, e garës ka pasur një nga gurët e betejës”.

“Ka qenë një përpjekje e bërë nga ana e tyre se do ia dalin të krjojnë një situatë pamundësie dhe të detyrojne PS dhe mua që të pranoj një zgjidhje çfarëdo duke hapur rrugë, por kjo nuk ka ndohur. Shpresoj që gjërat të ndryshojnë, kanë filluar të ndryshojnë sepse ka rënë teza ‘Ose ik, ose s’ka dhe s’kemi punë me institucionet dhe me procesin demokratik brenda insitucioneve . Opozita ka kuptuar që ka vetëm një rrugë edhe ajo është rruga që të përgatitet dhe të fitojë zgjedhjet, ndërkohë që mbase unë jam pengesa më e madhe për të realizuar dëshirën e tyre që të kthehen në qeveri dhe mesa duket e kanë të vështirë ta mendojnë këtë si një pengesë që kapërcehet duke pritur dhe duke marrë votat”, – nënvizoi Rama.

Kreu i qeverisë u shpreh se “mendoj se opozita do marrë pjesë në zgjedhje, pavarësisht se kërkesën mund ta mbajë të shtruar, por nuk ma ha mendja më që do të kemi më parti politike që do të lëshojnë territorin pa luftë politike ose do të tentojnë ta spostojnë lojën politike nga fusha e lojës demokratike në fushën e përplasjeve destruktive dhe me kërkesa thelbësisht antidemokratike.

I pyetur se ishte Kryeministri që e shtyu opozitën drejt qoshes dhe ajo nuk kishte zgjidhje tjetër, Rama tha se “nuk mendoj se kam detyrë të ndihmoj opozitën të bëhet më e fortë as të jetë më e gatshme për të fituar zgjedhjet. Unë kam detyrë që në këtë sfidë me opozitën të bëj atë që është e mundur që opozita të dobësohet natyrisht duke respektuar rregullat dhe duke ndjekur parimet e lojës demokratike pa përdorur në asnjë moment dhe në asnjë formë pushtetin për ta tkurrur, intimiduar, për ta vendosur opozitën në pozitë të vështirë./atsh

Bojkoti i opozitës/Një rrugë që nuk të nxjerr asgjëkundi Read More »

Procesi i formimit të SPAK, monitorim maksimal nga partnerët amerikanë

Aktualitet / /

Kryeministri Edi Rama deklaroi sot në mbrëmje se “procesi i formimit të SPAK është kaq i rëndësishëm dhe strategjik për partnerët tanë amerikanë, të cilët janë në alert maksimal duke monitoruar gjithë procesin e Vetingut dhe krijimit të SPAK”.

I ftuar në një studio televizive, Rama tha se “Reforma në Drejtësi dhe frika nga drejtësia shpjegon shumë gjëra”.

Por, shtoi ai, “unë përsëris se problemi me opozitën është mungesë idesh, lidershipi, energjish pozitive sepse realisht më keq se kaq unë nuk e di se kur ka qenë ndonjëherë opozita në Shqipëri edhe pse ka pasur momente shumë më të këqia në aspektin e kushteve për të bërë opozitë”.

“Reforma në drejtësi shpjegon shumëçka dhe është nj shtysë shumë e fortë për ne, për shoqërinë apo ata që janë kundër për të reaguar në forma nga më të hatashmet. Gjithë çështja është e thjesht: nëse ne do të kishim, jo kapur, por pasur tendencë kapjeje të sistemit të ri të drejtësisë, nuk do të ishte e mundur që ata që e kanë sponsorizuar edhe financiarisht këtë reformë, SHBA dhe BE, të mos kishin ngritur zërin ndaj kësaj tendence. Ose ne, unë, i kemi kapur të gjitha edhe drejtësinë, edhe SHBA dhe Europën, ose këtu ka diçka që nuk shkon”, tha Rama.

Rama tha se Reforma në Drejtësi ka prodhuar kapacitete të paimagjinueshme për pastrimin e sistemit të drejtësisë.

“Patjetër që ky sistem do kërkoj kohën e vetë, por është e sigurt që është një kthesë historike në aspektin e pastrimit. Pjesa tjetër se sa dhe si do jetë i pavarur, i paanshëm dhe do të ketë kaapacitete goditëse pa parë majtas e djathtas, kjo është për t’u provuar”, tha Rama. /atsh

Procesi i formimit të SPAK, monitorim maksimal nga partnerët amerikanë Read More »