Si sot, 88 vjet me pare, ajo nderroi jete ne Tirane, stacioni i fundit ku e perplasen tallazet e jetes. Veterania kombetare ne vitet e fundit te jetes nuk mundi te mblidhte e te dokumentonte jeten e saj ne sherbim te kombit, pasi ishte e verber.
Marigo Posio vdiq e verbuar. Edhe driten e syve ja fali flamurit, derdhur ne qindra qendisma te shqiponjes dykrenore dhe fushes ngjyre gjaku. Tuberkulozi i mori asaj pothuajse gjithe familjen. Djalin Vaso, qe perfundoi Konservatorin ne Amerike; vajzen Fereniqi me te cilen botoi gazeten “Shpresa kombetare”; vajzen tjeter Liri e cila mbylli ditet e pakta te jetes se saj prane te emes. Mbetur vetem e duke djegur gjithcka kishte, me qellim qe te mos shpinte virusin e tuberkulozit ne Hocisht, fshatin e tij te lindjes, bashkeshorti i Marigose, patrioti Jovan Posio, jetoi edhe kater vite me shume. Ai vdiq me 1936 pasi i la dhurate fshatit te tij nje ure e cila ndihmoi femijet per te shkuar ne shkolle.
Marigo Posio dhe familja e saj lame pas nje emer te madh dhe nje aktivitet te gjere ne sherbim te Shqiperise. Ajo, jo vetem si qendistarja e flamurit te Pavaresise, por edhe si luftetare e emancipimit te gruas shqiptare. 💐🇦🇱 N.K
Ambasada e Shqipërisë në Greqi, jep një njoftim me rëndësi për të gjithë emigrantët shqiptarë.
Bëhet me dije se kanë mbërritur pasaportat dhe kartat e identitetit deri më 31 korrik.
Ambasada e Republikës së Shqipërisë në Athinë njofton se, kanë mbërritur pasaportat dhe kartat e identitetit deri më 31 korrik 2020.
Shpërndarja e pasaportave dhe kartave të identitetit ka nisur të kryhet pranë hyrjes nr. 1 të Ambasadës.
Ambasada njofton se procedura për tërheqjen tyre kryhet nga dita e hënë deri të premten, ora 08:00-16:00 “Nëse dëshironi që të merrni nëpërmjet postës vetëm pasaportën na dërgoni në adresën e emailit: [email protected]
Emër mbiemër Adresën e saktë të banimit Kodin postar Numrin e celularit Foto të kuponit të aplikimit
Lidhur me tërheqjen e kartës së identitetit është e detyrueshme paraqitja fizike në Ambasadë”. /noa.al
Kryetarja e Lëvizjes Socialiste për Integrim, Monika Kryemadhi, i është bashkuar pelegrinazhit që mbahet në malin e Tomorrit, këto ditë fund gushti.
Prej andej ajo ka ndarë një fotografi me kreun e Kryegjyshatës Botërore të Bektashinjve, Edmond Brahimaj, apo siç njihet ndryshe si Baba Mondi.
Kryemadhi jep një mesazh, duke shkruar, “Covid-i mundet me oksigjen dhe ku ka më shumë oksigjen se në Malin e Tomorrit! Zoti i bekoftë shqiptarët!”
Prej vitesh në teqenë e Kulmakut që ndodhet në malin e Tomorrit, shkojnë me qindra mijëra pelegrinë, të cilët kalojnë natën në mal në çadra dhe kampingje të improvizuara.
Ata luten në teqe dhe pranë varrit të Abaz Aliut për shëndet dhe mbarësi.
Këngëtarja e mirënjohur Maya Alickaj vajza nga Dukati nuk harron asnjëhere orgjinën e saj dhe gjithmonë ndan kujtime nga fshati i saj. Dhe këtë fundjavë ajo ka zgjedh të rikthehet atje në vendin e saj,në shtëpinë ku u rrit. Këngëtarja ka ndarë me ndjeksit foto me familjarët dhe djalin e saj të vogël të cilat i shoqëron me një koment në të cilin shpreh emocionet e forta në Dukatin ku u rrit.
‘Nje dite me emocione te forta ne shtepine time, ku u rrita ne Dukat…’/orikuminews
Kryeministri Edi Rama ishte në gjyq me një gazatar të gazetës gjermane ‘Blid’, por ka tërhequr padinë ndaj tij.
Rama e hodhi në gjyq gazetarin duke e akuzuar për shpifje, pas publikimit të dosjeve që flisnin për shittblerjen e votave në zgjedhjet e fundit elektorale.
Pas pushimit të çështjes gjyqësore kryeministrii Shqipërisë ka dhënë një tjetër intervistë për këtë gazetë, ku ka folur për disa çështje, përfshirë edhe situatën e koronavirusit.
“Vendi i tij është një nga pikat e nxehta që politikanët gjermanë fajësojnë për rritjen e numrit të të prekurve nga koronavirusi në Gjermani”.
Edi Rama, Kryeministri i Shqipërisë flet në një intervistë për BILD për akuzat dhe se si vendi i tij po lufton koronavirusin.
Intervisa e plotë:
Zoti kryeministër, janë vendet tuaja që fajësohen pjesërisht për këtë fakt. A po rriten të prekurit me koronavirus?
Unë nuk mendoj se shtetet e Ballkanit paraqesin kërcënim për Gjermaninë apo ndonjë tjetër në Bashkimin Europian, sepse në fund të fundit shifrat flasin vetë. Numrat e lartë janë për këdo një kërcënim. Por kur mendoj se Kina ka pesë raste sot dhe Shqipëria ka 100, atëherë ka diçka që nuk shkon. Dua të them që ka shumë lojëra në veprim me numrat. Ne kemi vendosur të jemi jashtëzakonisht transparent në këtë drejtim. Sigurisht, pas hapjes, u përballëm me një sfidë që ishte më e madhe, sepse ka të bëjë edhe me sjelljen e të gjithë qytetarëve.
Por, përsëri: A është Shqipëria pjesërisht fajtore për numrat në rritje në Gjermani?
Unë kam prirjen të mos pajtohem me këtë, jo sepse unë duhet të mbroj vendin tim, por për shkak të matematikës së thjeshtë. Është e pamundur për ne, për sa i përket numrave, që të jemi në gjendje për të ndikuar te një vend i madh si Gjermania apo shtete të tjera ballkanike të ndikojnë te Franca a vende të tjera të Europës. Dua të them që është më tepër politikë sesa realitet.
Pse ka akoma një ndalim hyrjeje për njerëzit nga Ballkani?
Sepse ka BE dhe jo BE. Pra, është shumë e thjeshtë. Ne kemi një ndarje që në terma praktikë vendoset nga ana e BE-së dhe jo BE-së. Për sa i përket numrave, më lejoni të përsëris se ka sigurisht arsye të mira për këtë dhe se ka një kujdes të arsyeshëm në Gjermani dhe në vendet e tjera. Dhe jo rastësisht, Gjermania është mbi të gjitha, pasi ajo po e trajton Covid-in në një mënyrë mjeshtërore.
A duhet të paguajë Kina për dëmin e shkaktuar nga Corona?
Unë do të mbroja fuqimisht idenë që të sqarohet se si po ndodh gjithçka. Dhe sigurisht nëse dikush ka luajtur kartat e gabuara, duhet të paguajë. E gjithë çështja është se pse bota nuk u informua në kohën e duhur. Pse ka kaq shumë pyetje në lidhje me karantinën në Kinë dhe udhëtimin falas nga Kina? Këto janë pyetje që nuk duhet të çojnë në teori konspirative, por në një hetim të qartë dhe në një analizë shumë më të plotë. Dhe nëse përfundimi është se luhet në mënyrë jo të pastër, atëherë ata që janë përgjegjës duhet të paguajnë.
Kthehemi përsëri në Ballkan: çfarë mendoni për pretendimet e bëra nga disa politikanë për një itinerar ballkanik “Korona”?
Kjo është politikë, sepse nuk ka Korona Ballkanike, nuk ka Mafia Ballkanike dhe as Tërmet Ballkanik ose Sëmundje Ballkanike. Por, politika ndonjëherë ka nevojë – dhe në ditët e sotme gjithnjë e më shumë – për këto shenja dalluese për të arritur te njerëzit. Sigurisht që na trishton, por jemi mësuar me të. Nuk është hera e parë. Ne duhet të merremi me këtë stereotip dhe të përpiqemi të shpëtojmë prej tij.
Çfarë u thoni gjermanëve që duan të shkojnë për pushime në Shqipëri?
Unë u them gjermanëve që të kujtojnë Franz Josef Strauss. Ai erdhi shumë kohë më parë – në 1984. Ai ishte aq entuziast për Shqipërinë atëherë sa sugjeroi – dhe në atë kohë kishte akoma një regjim komunist – se vendi mund të jetë i hapur për turistët gjermanë dhe duhet të gjendet një rrugë midis Shqipërisë dhe Bavarisë. Sepse mendimi i tij, vizioni i tij, bindja e tij ishte që Shqipëria ishte një parajsë që gjermanët duhet të zbulonin. Pra, nëse gjermanët kanë nevojë për një dëshmitar, ndoshta nuk ka asnjë më të mirë se sa Franz Josef Strauss.
Kryedemokrati Lulzim Basha jep një mesazh lidhur me situatën e Covid dhe vaksinën për lu ftimin e Covid-19.
Ai thotë se të gjithë e kanë të qartë se vaksina që po përgatitet në kohë rekord në laboratorë të ndryshëm të botës mbetet mjeti më efikas për ndalimin e pa ndemisë Covid-19.
Sipas tij, synimi është që ashtu si jemi vaksinuar kundër fruthit, rubeolës, hepatitit apo edhe virusit të gripit stinor, të mund që të vaksinohemi edhe kundër virusit Covid-19 sapo të jetë gati vaksina.
Ai shton se për këtë arsye gjithë vëmendja e qeverive anembanë botës sot është fokusuar tek sigurimi i vaksinës anti-Covid si mënyra e vetme për të ndalur virusin që po merr çdo ditë jetë njerëzish.
“BE, SHBA, por edhe vendet fqinje me Shqipërinë kanë paraporositur, rezervuar apo kanë ndarë fonde të veçanta për blerjen e saj, duke qenë se kërkesa për vaksinën anti-Covid është globale dhe kapacitetet prodhuese nuk mundësojnë dot një shpërndarje të njëtrajtshme të saj. Kjo është e vetmja qeveri që nuk ka thënë ende asnjë fjalë dhe nuk ka bërë publik asnjë plan për sigurimin e vaksinës. Është urgjente të përcaktohen fondet e nevojshme për vaksinën anti-Covid dhe të nisin bisedimet me BE dhe SHBA në mënyrë që edhe qytetarët shqiptarë të kenë mundësi të vaksinohen kundër covid19 sapo vaksina e re të jetë gati. Pa asnjë vonesë!”, shkruan Basha.
Ai thotë se shqiptarëve vazhdon t’ju mungojë informacioni se si është situata në spitale, sa teste janë siguruar, sa shtretër, sa aparate respiratore dhe medikamente janë në dispozicion për njerëzit në nevojë dhe se qytetarët ende nuk kanë mundësi të testohen edhe kur kanë patur kontakt me persona të infektuar.
Basha deklaron se nuk mund të vazhdohet më kështu dhe se pasojat e kësaj neglizhence do të jenë fatkeqësisht shumë të rënda, si për shëndetin ashtu edhe për ekonominë e shqiptarëve.
“Ndaj pa humbur më asnjë ditë, duhet që qytetarët të informohen me përgjegjësi dhe transparencë: sa vaksina kundër gripit sezonal ka siguruar qeveria, sa do të jetë fondi në dispozicion për vaksinën anti-covid dhe çfarë protokollesh do të ndiqen për bërjen e kësaj vaksine me qëllim që tu sigurohet mundësia të gjithë shqiptarëve sipas radhës së përcaktuar nga niveli i rrezikut të ekspozimit”, thotë ndër të tjera lideri i opozitës.
Në mbyllje ai përsërit thirrjen që qytetarët të kujdesen për shëndetin e tyre dhe të afërmve të tyre, të respektojnë distancimin social, të mbajnë maskat dhe të zbatojnë të gjitha protokollet shëndetësore të OBSH-së.
“Virusi është mes nesh dhe derisa të kemi vaksinën, kujdesi dhe masat e gjithsecilit prej nesh janë jetike për t’u mbrojtur prej ti”, deklaron Lulzim Basha. /noa.al
E gjithë jeta jonë tani duket se po rrotullohet rreth koronavirusit.
Problemet e tjera çuditërisht janë harruar, edhe pse janë ende aty, si para shfaqjes së virusit, madje problemet mund të jenë edhe më të mëdha tani, pavarësisht se për to, flitet gjithnjë e më pak.
Gazetarja Rudina Xhunga, përmes një “story” në instagramin e saj ka treguar punën që po bëhet në çdo cep të Tiranës për të ngritur pallate sa më të larta, ndonëse shumë prej tyre bllokojnë të tjerat që ndodhen rrotull.
Ajo në shenjë revolte është shprehur se duket sikur askush nuk e vë re këtë ‘katastrofë’ dhe këtë e quan babëze që ka nevojë për ‘kurim apo vaksinë’.
Koronavirusi nuk është asgjë, teksa ajo thotë se na duhet pikërisht një vaksinë për babëzinë.
Këtë vaksinë gazetarja e lidh me mosndryshimin dhe babëzinë që kanë shumë njerëz duke prekur edhe të drejtën elementare të të tjerëve, siç është drita dhe dielli.
Kryeministri Edi Rama i është përgjigjur sërsih akuzave të Presidentit, Ilir Meta, në lidhje me situatën e krijuar së fundmi, në pikat kufitare të kalimit në Kakavijë dhe në Kapshticë.
Pak momente pasi u akuzua nga Presidenti, për situatën, përmes një postimi në rrjetin social Twitter Rama tha se e njëjta situatë ndodhi edhe në Bullgari, por presidenti i këtij vendi nuk ka akuzuar qeverinë siç bën Meta.
“Sipas gazetës “Ekathimerini” radha e veturave që pritën nga Bullgaria në doganën e Kulatas në Greqi,shkoi 10 km,ndërsa ajo e kamionëve arriti 15 km!” – shkroi Rama.
“Por Presidenti bullgar s’doli të fajësojë qeverinë e as i quajti qytetarët pa atdhe e pa shtet!Mëso Ilir se s’të ka borxh Shqipëria”, mbylli Rama reagimin e radhës.
Meta falënderoi në reagimin e sotëm qeverinë greke dhe ambasadoren shqiptare në Athinë, për zgjidhjen e situatës, duje fajësuar atë shqiptare, madje bëri fajtor Ramën që juridikisht njihet edhe ministër i Jashtëm.
