Aurora

Dosja për vrasjen e ish-deputetit të PD, Azem Hajdari, shumë shpejt pritet të rihapet. Mbrëmjen e së martës u ekstradua në Tiranë, Izet Haxhia, i dënuar si bashkëpunëtor në vrasje, mirëpo rikthimi i tij në vendin tonë do të trazojë dhe një herë politikën dhe drejtësinë. Prej ditësh ishte deklaruar se ai do të kërkojë rihapjen e çështjes dhe dje kanë nisur zyrtarisht procedurat. Avokati i tij, zoti Fran Dashi, ka pasur një takim me të në ambientet e burgut 302 dhe më pas nisi procedurat për të rihapur çështjen ndaj tij.

Avokati do të kërkojë rishqyrtim duke qenë se Haxhia u dënua me 25 vite burg në mungesë, por kjo do të thotë se dosja Hajdari do të rihapet dhe Haxhia ka treguar gatishmëri të tregojë me emër dhe mbiemër të gjithë personat e përfshirë në ngjarje.

“Izeti është shumë i lumtur që pas 20 vitesh kthehet në atdhe. Në gjendje të mirë, me memorie të pastër. Ju siguroj që shëndeti i tij është i plotë. Ne jemi duke studiuar aktet e para dhe pikësynimi dhe pretendimi jonë është për rihapur dosjen e nga para e pasi gjykimi dhe hetimi ndaj tij për 12 shtatorin, është bërë në mungesë. Gjykata e Shkallës së Parë në vitin 2001 ka deklaruar ikjen e të pandehurit duke caktuar avokat kryesisht. Ne kemi besim të plotë se çështja do shkojë drejt rihapjes. Unë jam përfaqësues ligjor i Izet Haxhisë dhe jo përfaqësues politik”, tha ai.

Rruga që do ndiqet

Sa i takon rrugës që do të ndiqet për rihapjen e çështjes, gazeta “Sot” ka mësuar detaje. Avokati dje nisi procedurat për të hartuar gjithë dokumentacionin dhe pas 48 orësh nga ekstradimi i Haxhisë, atij i lind e drejta që të kërkojë rihapjen e çështjes. Dosja do të dorëzohet në gjykatë dhe më pas Haxhia do të paraqitet para trupit gjykues.

Por sipas burimeve, avokati i tij do të përdorë dy elemente: ndryshimet që janë bërë në Kodin e Procedurës Penale dhe një vendim që ka dhënë Gjykata e Strasburgut. Me ndryshimet që u bënë në kod në kuadër të reformës në drejtësi procesi i rishqyrtimit të çështjes është shumë më i lehtë. Fillimisht është nenin 450 i Kodit të Procedurës Penale, i cili përcakton në pikat “dh” dhe “e” se një person i dënuar në mungesë mund të kërkojë rihapjen e çështjes.

“Rishikimi mund të kërkohet: kur ekstradimi i të dënuarit të gjykuar në mungesë jepet me kushtin e shprehur të rigjykimit të çështjes. Kërkesa për rishikim mund të paraqitet brenda tridhjetë ditëve nga data kur personi është ekstraduar. Kërkesa e paraqitur brenda afatit nuk mund të refuzohet; kur personi është gjykuar në mungesë sipas nenit 452 të këtij Kodi dhe kërkon rigjykimin e çështjes. Kërkesa paraqitet brenda tridhjetë ditëve nga data e marrjes dijeni. Kërkesa e paraqitur brenda afatit nuk mund të refuzohet”, thuhet në ligj.

Një tjetër nen që do përdoret në gjykatë është neni 449, i cili deklaron se rigjykimi mund të kërkohet në çdo kohë. Një tjetër nen është neni 453, i cili detyron gjykatën të shqyrtojë kërkesën.

“Kërkesa e rishikimit shqyrtohet nga gjykata e shkallës së parë që ka dhënë vendimin. Kur kërkesa është bërë jashtë rasteve të përcaktuara në nenin 450 ose kur është bërë nga ata që nuk e kanë këtë të drejtë ose kur rezulton haptazi e pambështetur, gjykata vendos mospranimin e saj. Kur kërkesa pranohet, gjykata vendos dërgimin e çështjes për rigjykim nga një tjetër trup gjykues i së njëjtës gjykatë. Kundër vendimit nuk lejohet ankim”, thuhet në nen.

Po ashtu janë dhe nenet 451 dhe 454 ku i dënuari ka të drejtë të kërkojë rigjykim përmes avokatit dhe po ashtu i lind e drejta të kërkojë pezullim të dënimit. Pritet që kërkesa e vaktit të Haxhisë të depozitohet në Gjykatën e Tiranës dhe i takon kësaj të fundit të vendosë nëse do ketë apo jo rishqyrtim të çështjes.

Ambasada Amerikane bën njoftimin e rëndësishëm për të gjithë ata që kanë aplikuar për Lotarinë Amerikane dhe mbeten në ankth për përgjigjet, nëse sistemi i ka nxjerrë fitues apo jo.

‘Të martën, duke filluar nga ora 18:00, mos harroni të kontrolloni nëse jeni një nga të përzgjedhurit e Vizës së Lotarisë! 👉 #PyetAnën”- shkruan Ambasada e SHBA në Tiranë në faqen e saj në FB.

Shkarkimi i Besim Hajdarmataj nga detyra e drejtuesit të Prokurorisë së Krimeve të Rënda, lidhet me një konflikt të lindur mes tij dhe kryeprokurores së përkohshme Arta Marku. Shkëndijat e para mes dy drejtuesve të rëndësishëm të Prokurorisë Shqiptare, kanë filluar në muajin shkurt 2018, kur në Maminas, Prokuroria drejtoi një operacion së bashku me Policinë e Shtetit, duke konfiskuar 613 kg kokakinë të fshehur në banana të ardhura nga Kolumbia.

Për këtë hetim mësohet se Arta Marku nuk ka pasur dijeni, për më tepër kryeprokurorja nuk është njoftuar në kohë nga Besim Hajdarmataj edhe pasi kishte finalizuar operacionin për bllokimin e drogës dhe arrestimin e dy personave të tjerë, dhe shpallur në kërkim pronarin Arbër Çekaj.

Mësohet se kryeprokurorja ka marrë dijeni për këtë operacion nga njoftimet në media të datës 28 shkurt 2018, ndërkohë që Hajdarmataj besohet se nuk e kishte informuar në kohë përpara. Besohet se që nga ky moment kryeprokurorja Marku ka filluar të humbë besimin për te kreu i Krimeve të Rënda.

Për më tepër vetë Besim Hajdarmataj gjatë kohës kur drejtonte sektorin e trafiqeve tek Krimet e Rënda, vendosi të mbyllë në 2016 hetimet për Arbër Çekaj, pasi në bananet e këtij të fundit u kapën 93 kg kokainë.

Çështja Llalla e kolapsi i hetimit

Situata mosbesuese ndaj drejtuesit të prokurorisë së Krimeve të Rënda u bë akoma dhe më e dukshme, kur në këtë prokurori, mbërriti nga Durrësi dosja e ish-kryeprokurorit Adriatik Llalla. Presioni i Markut mbi Hajdarmataj ka qënë që çështja e Llallës të ketë përparësi më tepër dhe të hetohet deri në fund, duke konkluduar me një vendim përfundimtar. Por sërisht, edhe në këta rast drejtuesi i Krimeve të Rënda humbi besimin e kryeprokurores, pasi caktoi për hetimin e kësaj dosje, vetëm një prokuror.

Vetë Hajdarmataj ishte emëruar në 16 mars 2016 në krye të Prokurorisë së Krimeve të Rënda nga ish-kryeprokurori Llalla, të cilin tashmë po e hetonte për katër vepra penale. Kjo dosje, e vuri Hajdarmataj në një situatë të pakëndshme dhe në një provë për të hetuar ish-shefin e tij Llalla, i cili e kishte promovuar menjëherë sapo kishte marrë mandatin e kryeprokurorit, duke e caktuar fillimisht drejtues në prokurorinë e Durrësit dhe më pas në krye të Krimeve të Rënda.

Çështja Llalla u kthye në vazhdimin e konfliktit të heshtur, konflikt i cili mund të ketë vijuar dhe me dosjen hetimore të ish-ministrit të Brendshëm Saimir Tahiri. Një ditë para se të shkarkohej, Hajdarmataj së bashku me prokurorin tjetër të kësaj dosje, Vladimir Mara, kanë marrë në pyetje në ambjentet e prokurorisë shoferin e ish-ministrit të Brendshëm, Gentian Cekën.

Ndërkohë që një ditë para tij, morën në pyetje Orest Sotën, personin e arrestuar me 863 mijë euro në makinë. Tashmë Hajdarmataj do të vijojë të hetojë dosjen “Tahiri” por jo si drejtues prokurorie por si prokuror i thjeshtë./Shqiptarja.com

Pas deklaratës së ministrit të Brendshëm, Fatmir Xhafaj në lidhje me akuzat e opozitës për përfshirjen e vëllait të tij në trafikun ndërkombëtar të drogës, ka reaguar edhe ish-Drejtori i Përgjithshëm i Policisë, Ahmet Prençi.

Sipas Prençit, ministri nuk mban përgjegjësi për të vëllanë, ndërkohë që ka shtuar se një polic i thjeshtë është “i padenjë” nëse nuk e ka nisur misionin e tij që fëmijë, duke kujtuar kështu edhe procesin e Vetting-ut.

“Ministri i brendshëm nuk mban përgjegjësi për vëllain trafikant droge! Polici më i thjeshte sigurisht që PO! Ai është “i padenjë” për të luftuar krimin, edhe nëse e ka nisur këtë mision fisnik që fëmijë, madje edhe nëse ka plagë të krimit në trup! TURP”, ka shkruar Prençi.