Aurora

Gabuan ose të tmerruar ishin të detyruar të gabojnë Lulzim Basha dhe Monika, jo vetëm duke anatemuar, por dhe shantazhuar Kryeprokuroren Arta Marku, për shkak të largimit nga detyra të Besim Hajdarmajt.

Si do reagojë ky çift politik kur pas këtij ndryshimi në drejtim të Prokurorise së Krimeve të Rënda të perfundojë në qeli Sajmir Tahiri?! Por halli nuk është dashuria për Besimin, por halli është te Llalla nyja gordjane e ketij lëmshi korruptiv në organin e akuzës.

Mjafton që lexuesit të marrin vesh sesi u “qeras” Hadarmataj me këtë post për të kuptuar kuizin dhe kulisat që luhen. Hajdarmataj u emërua si Drejtues Prokurorie në Laç, por një telefonatë në 1.30 pas mesnate nga Shkëlzen Berisha dhe një takim urgjent në restorantin e preferuar të Llallës 35 metra poshtë shtëpisë së Sali Berishës bëri që vendimi i Llallës të ndërrohej dhe Hadarmataj të gdhihej Kryeprokuror i Krimeve të Rënda!

Arta Marku e heshtur dhe matur po aq sa e hekurt i qëndron pozicionit dhe profesionit dhe nuk flet….por ajo ka ne dorë dosjen e SHKB te MPB, e cila fakton implikimin e Hadarmatajt me drejtuesin e larte të Policisë Arjanit Arapi, person i shpallur në kërkim për implikim në trafikun e lëndeve narkotike. Sa me sipër ka filmime.

Por arsyeja e irritimit të krerëve të opozitës shkon me larg pasi megjithese i larguar Llalla kishte skeletizuar Këshillin e ardhshëm të emërimeve i cili do fillonte nga Rovena e të perfundonte te Ramadan Troci…Tani skema ka dështuar.Dhe deshtimi i kësaj skeme kriminale ka një dyshe që eshte Arta Marku-Donald Lu! Tronditja ka filluar. Donika Prela jo për hir të miqesise por të besimit sot është në atë pozicion…se Arta Marku ka një miqësi tjetër me te shenjte: Miqësinë e egzigjencën me drejtësinë./Pamfleti

Prokuroria e Krimeve të Rënda po bëhet gati për prangosjen e ish-Kryeprokurorit Adriatik Llalla.

Ky i fundit, fill pasi u njoh me vendimin e Departamentit Amerikan të Shtetit ku i ndalohej përjetësisht hyrja në SHBA, u zhvendos bashkë me familjen e tij në Gjermani duke kërkuar strehim në këtë shtet.

Aktualisht që Prokuroria ka nisur zyrtarisht hetimet mësohet se Llalla po vijon “arratinë” në këtë shtet, raporton CNA.

DASH mori vendimin që ish-kryeprokurori dhe familja e tij të futen në listën e zezë dhe të mos u lejohet hyrja në SHBA “për shkak të përfshirjes së tij në raste të mëdha korrupsioni”.

Prokuroria ka hapur ҫështje penale për pastrim parash në përmasa të mëdha, edhe pse Llalla deklaroi para se të fillonte vettingu largimin vullnetar nga drejtësia.

Fakte dhe dokumenta zyrtare, të botuara në media, kanë bërë transparente për publikun shit-blerje tokash, ullishtesh, në sipërfaqe të mëdha dhe pasurish të paluajtshme që ish-Prokurori i Përgjithshëm i blinte shumë lirë dhe pasi bëhej rivlerësimi i tyre, i shiste 20-30 herë më shtrenjtë.

Shkruan Pranvera Vatoci

Drejtësia në një vend demokratik normal është afër shenjtërisë. Se vetë ligji është i shenjtë e i pacënueshem. Përballë tij të vegjlit rriten e të medhenjt zvogëlohen. Pas Zotit është ligji dhe së bashku veprojnë për t’i dhënë njerëzimit drejtësi.

Ligji vetëm në diktatura e neodiktatura është levë e pushtetit dhe e politikës. Në vendin tonë 27 vite më parë përpos shumë gjërave u duk se edhe drejtësia do shenjtërohej. Por fatkeqësisht dora e politikës u fut me egërsi për ta monopolizuar. Dhe kjo nuk dëmtoi vetëm trupën e drejtësisë por vetë qytetarët.

Natyrisht që ka korrupsion në drejtësi… dhe ky nuk është fenomen shqiptar. Por është politika prodhuesja parësore e këtij korrupsioni. Një gjyqtar shembullor përzihet nga sistemi për pak para të pajustifikuara, ndërkohë që e gjithë elita politike e shtetërore përflitet për miliona korruptive. Dhe pastaj turren e viktimizojnë deri në kryqëzim drejtësinë.

A mund të jepet drejtësi me paga skandaloze? A mund të jepet drejtësi kur gjygjtari e prokurori nuk kanë me të voglën mbrojtje “madje dhe armët i detyruan t’i dorëzojnë“, teksa dërgojnë pas hekurave kriminel e banda trafikantësh.

A ju kujtohet Skerdilajdi ne Vlorë?! Të gjithë në sulm ndaj drejtësisë si një kor i zi korbash politikanë & kriminelë. Vetingu po përdoret jo për pastrim, por si një aksion që i ngjan revolucionit kulturor të Mao Ce Dunit!   Ndaj në këtë ditë le të reflektojmë të gjithë jo vetëm punonjësit e drejtësisë. Drejtësia e shantazhuar është drejtësi e munguar.

Prokuroria e Krimeve të Rënda që prej ditës së djeshme është vënë nën “këmbët” e prokurores Donika Prela.

Rikujtojmë se para se të zinte vendin e Hajdarmatajt, prokurorja Prela i zuri karrigen kreut të Prokurorisë së Durrësit Agron Gjana.

Dhe pesë muaj pasi drejtoi Prokurorinë e Durrësit, Prela ka zbarkuar në krye të Prokurorisë së Krimeve të Rënda.

Donika Prela e cila ndryshe mund të quhet gruaja që “ha koka burrash” të servirura nga Arta Marku, pritet që të mos ndalet këtu.

Prela vjen në këtë detyrë, pas urdhërit të Kryeprokurores Arta Marku, për shkarkimin e Besim Hajdarmatajt.

Pasi ka “ngrënë kokat” e prokurorëve Agron Gjana dhe Besim Hajdarmataj, tashmë pritet të “hajë” edhe kokën e ish-kryeprokurorit Adriatik Llalla.

Një muaj më parë ajo ka kërkuar arrestimin e këtij të fundit, i cili është refuzuar nga Hajdarmataj. Tashmë pasi ka “ngrënë dy koka burrash”, pritet të hajë kokën e tretë. Nuk  dihet se me sa qejf i ka Donika Prela “kokat” e burrave.

Sido që të shkojnë hetimet për dosjet e “nxehta” që ka patur në duar Hajdarmataj, për një gjë Arta Marku duhet të jetë e sigurtë.

Donika Prela “ha vetëm koka burrash”.

CNA