Aurora

Studimi: Qëndrimi në shtëpi, rrezik për bulemikët dhe anoreksikët

Aktualitet, Problematika, Shendetesi / /

Qëndrimi në shtëpi, për disa njerëz është më e vështirë se të tjerët. Për shembull, për anoreksikët dhe bulemikët, izolimi i detyruar rrezikon të bëhet tragjedi, sipas studiuesve të Studimeve Kognitive në Milano.

Qendra aktivizoi menjëherë një tryezë të ndihmës në internet, e hapur për të gjithë, për të ofruar ndihmë falas për dhjetëra kërkesa për ndihmë.

“Për bulimikët që aktualisht janë të mbyllur në shtëpi shpesh përdorimi i ushqimit, është mënyra e vetme për të qetësuar gjendjet e ankthit, e rënduar nga urgjenca koronavirus, ndërsa anoreksikët, e shohin gjendjen e tyre përkeqësohet në këtë periudhë të pasigurisë”, thekson Rosaria Nocita, drejtore e Qendrës.

Për të gjithë ata, por edhe për familjarët, mësuesit dhe trajnerët, qendra ka organizuar një takim online me synim është që të diskutohet mbi kambanat e alarmit, indikacionet për masat e para që duhet të merren dhe gabimet që duhen shmangur.

Vazhdimësia e terapisë është bërë e mundur javët e fundit falë aplikimit të masave të largësisë dhe sigurisë dhe synon të vazhdojë të ofrojë ndihmë për të shmangur shtrimin në spital, gjë që do t’i bënte spitalet tashmë në krizë edhe më të rënda./atsh

Studimi: Qëndrimi në shtëpi, rrezik për bulemikët dhe anoreksikët Read More »

Operacionet humanitare/ Arrin në 160 728 numri i familjeve të ndihmuara

Aktualitet / /

160 728 familje shumë në nevojë dhe pensionistë të vetmuar janë ndihmuar me ushqime e barna mjekësore deri tani.

Lajmin e bëri të ditur sot Kryeministri Edi Rama, i cili tha se “vetëm sot ndihmuam 3 805 familje”.

Konkretisht në Berat janë ndihmuar 273 familje; në Tiranë 177 familje; në Elbasan 791 familje; në Kukës 133 familje; në Dibër 287 familje; në Korçë 156 familje.

Po ashtu në kuadër të operacioneve humanitare në Shkodër janë ndihmuar 264 familje; në Gjirokastër 33 familje; në Lezhë 990 familje; në Durrës 447 familje; në Vlorë 33 familje; në Fier 221 familje.

“Do të vazhdojmë kështu, nesër, pasnesër, papushim deri në fund të luftës”, tha Rama./atsh

https://www.facebook.com/edirama.al/videos/3519112508104983/?t=0

Operacionet humanitare/ Arrin në 160 728 numri i familjeve të ndihmuara Read More »

8 pacientë të tjerë rezultojnë negativë, deri tani 52 të shëruar nga COVID-19

Aktualitet, Lajmi i fundit, Shendetesi / /

Kryeministri Edi Rama bëri të ditur se 8 persona të infektuar me COVID-19 janë shëruar.

Personat kanë rezultuar negativ pas testeve të bëra, duke e fituar betejën me koronavirusin.

“Lajm i mirë: 8 të shëruar sot”, deklaron Rama.

Edhe ministrja e Shëndetësisë, Ogerta Manastirliu e ka cilësuar lajm të mirë shërimin e 8 personave.

“Lajm i mirë… Edhe 8 të shëruar sot. Deri tani 52 të shëruar nga COVID-19”, deklaron ministrja.

Deri tani në vendin tonë janë 223 persona të infektuar nga koronavirus, ndërsa 11 raste të reja u shënuan gjatë 24 orëve të fundit./atsh

8 pacientë të tjerë rezultojnë negativë, deri tani 52 të shëruar nga COVID-19 Read More »

Lajm i mirë: 7 të shëruar sot

Lajmi i fundit, Shendetesi / /

Kryeministri Edi Rama deklaron se edhe 7 persona të tjerë janë shënuar nga COVID-19.

“Lajm i mirë: 7 të shëruar sot”, deklaroi mbrëmjen e së shtunës Kryeministri Rama.

Personat kanë rezultuar negativ pas testeve të bëra, duke e çuar në 40 numrin total të personave të shëruar nga COVID-19.

Deri në këto momente janë testuar 1325 raste të dyshuara dhe prej tyre janë të konfirmuar pozitivë me COVID-19, 197 raste.

Lajm i mirë: 7 të shëruar sot Read More »

Bie qeveria Kurti: 82 vota pro mocionit të mosbesimit

Aktualitet, Lajmi i fundit, Politike / /

Pas një seance maratonë të mbajtur sot në Kuvendin e Kosovës pas votimit të hapur, me 82 vota pro, 32 kundër dhe 1 abstenim, u votua për rrëzimin e qeverisë Kurti.

Në sallë qenë të pranishëm 117 deputetë. Ra në sy vota kundër mocionit e kryeparlamentares Vjosa Osmani nga radhët e LDK.

Kryeministri i Kosovës, Albin Kurti ka folur sot në seancën ku dhe u votua mocioni i mosbesimit për rrëzimin e qeverisë së tij.

Kurti, e ka nisur fjalimin e tij duke thënë se ishte krenar për kabinetin qeveritar, teksa ka përmendur edhe vendimet që kanë marrë që prej kur e kanë nisur punën.

“Jo vetëm që nuk i patëm 100 ditë për ta dëshmuar veten, sot mund të them që jam krenar me këtë kabinet dhe me të arriturat e tij, qysh në fillim i përgjysmuan pagat e kabinetit qeveritar, po jo edhe pagat e sistemit të drejtësisë, dëshiruam të tregojmë se çfarë konsiderojmë vlerë, i shkarkuam 7 koordinatorët e panevojshëm nacional, u aprovua mbështetja financiare pas stuhisë në komunën e Pejës dhe të Istogut, u shkarkua bordi i Telekomit, u shfuqizua vendimi për pagat e ish-ministrave dhe ish-zëvendësministrave pasi përfundojnë mandatin.

Ndarja e mjeteve financiare në shumë prej 200 mijë euro për dëmet nga tërmeti si shtesë për shumë ndihma, u shkarkua bordi i Infrakosit, u shfuqizua vendimi ku ju bëheshin favore këshilltarëve. Kemi ndarë një shumë prej 10 milionë euro për luftimin e virusit korona.

Vetingu që përbëhet nga 10 profesionistë, e ministrat tanë kanë bërë një punë të madhe dhe të palodhur. Shfuqizimi i vendimeve për emërimin e 14 konsujve të kotë. Aprovimi i buxhetit të Kosovës”, ka thënë Kurti, ku ka përmendur edhe masat që kanë marrë për të parandaluar përhapjen e koronavirusit.

Ai ka përmendur edhe heqjen e tarifës deri më 1 prill, ndërsa ka thënë se pastaj do të vazhdohet me reciprocitet./KosovaPress/

Bie qeveria Kurti: 82 vota pro mocionit të mosbesimit Read More »

Parashikimi i motit, e enjte 26 mars 2020

Aktualitet / /

Shërbimi Meteorologjik Ushtarak bën me dije se sot moti parashikohet kryesisht i vranët.

Reshjet e shiut do të jenë të vazhdueshme të cilat nisin që prej orëve të para të 24-orëshit në të gjithë vendin, ndërsa në jug me intensitet mesatar e shtrëngata. Reshjet e dendura të dëborës do të përfshijnë kryesisht juglindjen e vendit në orët e mëngjesit, ndërsa në zonat e tjera malore deri në lartësitë 500 metër reshjet e dëborës do të jenë me intensitet të ulët. Prej orëve të mesditës reshjet humbasin intensitet dhe bëhen të dobëta të karakterit lokal.

Era do të fryjë me drejtim verilindje -juglindje mesatare. Era do të fitojë shpejtësi intensive, e vrullshme përgjatë vijës bregdetare, zonave te ulëta dhe në lugina. Era hera herës mund të arrijë shpejtësi deri në 20-25m/s.

Valëzimi në dete do të arrijë forcës 6 ballë.

Temperaturat parashikohen:

QYTETET Temperaturat në °C Sigla
Shkodër 5/13 re shi
Kukës 0/7 re bore
Lezhë 4/14 re shi
Dibër -1/7 re bore
Durrës 6/17 re shi
Tiranë 6/16 re shi
Elbasan 5/14 re shi
Berat 4/14 re shi
Vlorë 7/17 re shi
Korçë 0/7 re bore
Gjirokastër 3/13 re shi
Sarandë 7/17 re shi/atsh

Parashikimi i motit, e enjte 26 mars 2020 Read More »

Nuk ka dëshmi se kafshët mund ta përcjellin COVID-19 tek njerëzit

Lajmi i fundit, Problematika / /

Organizata për Ushqim dhe Bujqësi e Kombeve të Bashkuara (FAO) deklaroi se nuk ka dëshmi për përfshirjen e kafshëve në përhapjen e koronavirusit dhe nuk ka nevojë të ndërmerren masa që mund ta rrezikojnë mirëqenien e kafshëve.

FAO bën thirrje që duhet të ndiqen praktikat e zakonshme të higjienës me larjen e duarve para dhe pas kontaktit me ta ose gjatë ushqyerjes së gjedhëve dhe shpendëve, përfshirë edhe përdorimin e kujdesshëm të mishit të kafshëve të egra, në pajtim me praktikën e mirë dhe normale.

”Nga fillimi i përhapjes globale të koronavirusit COVID-19, FAO bashkëpunon me Organizatën Botërore të Shëndetësisë (OBSH) dhe Organizatën Botërore për Shëndetin e Kafshëve (OIE) për mbështetjen e vendeve anëtare në identifikimin e bartësve potencial të këtij virusi tek kafshët dhe parandalimin e bartjes tek njerëzit”, deklaroi FAO.

“Në këtë moment, megjithatë, rreziku më i madh nga përhapja e COVID-19 është bartja nga njeriu tek njeriu, dhe OBSH është burim kompetent dhe primar i informacioneve lidhur me aspektet shëndetësore të njerëzve”, theksoi FAO. /atsh

Nuk ka dëshmi se kafshët mund ta përcjellin COVID-19 tek njerëzit Read More »

Rama citon Publilius Syrus: Shëndeti i mirë dhe kuptimi i mirë janë dy nga bekimet më të mëdha të jetës

Aktualitet / /

Shëndeti i mirë dhe kuptimi i mirë janë dy nga bekimet më të mëdha të jetës “, tha sot Kryeministri Edi Rama duke zgjedhur të tjera fjalë të çmuara për të përcjellë mesazhin e tij.

Ishin këto fjalë të shkrimtarit të njohur latin Publilius Syrus që Kryeministri Rama përcolli mëngjesin e sotëm përmes rubrikës “Fjalë të Çmuara”.

Shqipëria po përballet me koronavirusin, i shpallur tashmë pandemi botërore nga OBSH, ndërsa krahas masave të marra për parandalimin e përhapjes së virusit, autoritetet shtetërore kanë bërë në vijimësi thirrje për ndërgjegjësim qytetar dhe respektim të rregullave nga të gjithë./atsh

Rama citon Publilius Syrus: Shëndeti i mirë dhe kuptimi i mirë janë dy nga bekimet më të mëdha të jetës Read More »