Ndodhi diçka interesante në Kuvendin e Partisë Demokratike, që ilustron gjithë fallcitetin e Lulzim Bashës.
Dhe kjo ishte fillimisht, mënyra se si duartrokisnin Bashën, kur thoshte kam gabuar dhe mënyra se si fërshëllenin Eduard Selamin, kur thoshte të njëjtën gjë, pra që Basha ka gabuar.
Kur Basha përpiqej të arsyetonte ndryshimet në statut, foli dhe për “gabimet” e tij, për zgjedhjet që kishte bërë dhe vendimet e gabuara që kishte marrë dhe në sallë kishte duartokitje.
Kur Eduard Selami e kryqëzoi për të njëjtat gabime, u fërshëllye dhe u kërkua të zbohet nga salla.
Ky është një detaj i thjeshtë që tregon së pari se Lulzim Bashës, edhe të vetët, ja pranojnë gënjeshtrën si normalitet dhe e lejojnë ta thotë atë, pa u bërë përshtypje.
Në një farë mënyre ja pranojnë atij fallcitetin, dhe lehtësinë me të cilën detyrohet të gënjejë në çdo rast, pasi ja quajnë pjesë të karakterit të tij.
Ndryshe nuk ka kuptim përse duhet të gëzoheshin kur ai thoshte “kam gabuar”, përveç rastit kur e dinë që e thotë kot.
Kur të njëjtën gjë e përsëriti Eduard Selami ju turrën, pasi ata realisht mendojnë që Basha ka bërë mirë dhe se nuk ka bërë gabim që ka vepruar ashtu.
Ata punëtorët e Kunatit në sallë, kanë pranuar si gjest normal aktet politike të Bashës dhe nuk pranojnë që askush t’ia thotë atë publikisht si gabim, përveç Bashës, të cilin e konsiderojnë si njeri që e thotë për të gënjyer të tjerët, jo ata.
Nga ana tjetër agresiviteti maksimal ndaj Eduard Selamit zbulon dhe fytyrën e vërtetë të Lulzim Bashës ndaj kritikëve të vet dhe tallja me statutin e ri të PD.
Eduard Selami nuk ngjan me kritikët e tjerë të Bashës. Ai ka qenë shumë institucional në kritikat e tij, ka pranuar të hyjë në një garë fallco dhe të manipuluar edhe në sytë e tij, nga fillimi në fund.
Ai është përjashtuar nga lista pa bërë asnjë koment personal dhe po ashtu ia kanë vjedhur votat e filmuara me orë të tëra dhe ka pranuar rezultatin për “hir të partisë”.
Në një farë mënyre Eduard Selami edhe për shkak të stilit të tij amerikan, është nga ata kundërshtarë që duhet ta kërkosh me qiri ta kesh, pasi sidomos në raport me Bashën, ai nuk është sjellur si kundërshtar, por si ilustrues i kundërshtarit.
Në fjalimin e sotëm ai ishte dinjitoz dhe i qartë për të treguar gjithë çfarë ka ndodhur dhe atij ju vërsulën si në vitin 1995, kur nuk e lanë të hynte as brenda në sallë.
Sjellja ndaj tij në sallë gris çdo lloj statuti dhe çdo lloj maske të Lulzim Bashës, pasi është prova se sa i pranon kundërshtarët dhe kritikët ajo parti.
Përfytyro të ishte në sallë Topalli dhe t’iu kishte thënë që ky është Kuvend i mbushur me punonjës të Kunatit, apo Patozi e Bregu që kanë rezerva shumë më të mëdha për të. Me siguri do t’i kishin zbuar jashtë me karrige.
Janë pikërisht ato fërshëllima që bënë të skuqej dhe kryeregjisori i tyre Sali Berisha, i cili u largua nga salla, duke mos dashur të ngjallte kujtime të hidhura nga ngjarje të ngjashme në PD, në kohën e tij.
Janë ato fërshëllima që e bëjnë pa kuptim për PD statutin, Kuvendin dhe gjithë teatrin e Lulzim Bashës. Ato janë “shpata që u rri tek koka gjithë armiqve” të Kryetarit.
Ata kanë kuptuar përse i duhet statuti kryetarit dhe thjesht i vërsulen çdo armiku të tij. Ato fërshëllima janë himni i vërtetë i PD dhe statuti me të cilën Lulzim Basha po kërkon të mbrohet nga kundërshtarët e vet.
Dhe kur mendon se armiku më i madh i Lulzim Bashës nuk janë kritikët e tij, por humbjet e tij, këto fërshëllima ngjajnë si marshi funebër i PD.
Pak para se skandali të bëhej publik, mësuesi Neshat Tepelena, i kishte bërë një kërkesë me shkrim drejtoreshës së shkollës 9-vjeçare “Ali Hajdini” që të shkëmbente vendin e punës me vajzën e tij, e cila gjithashtu është mësuese.
Në kërkesën me shkrim të 60-vjeçarit thuhet se e bija jep mësim një tjetër fshat.
Por duke qenë se ajo ka vajzën e saj të vogël sëmurë, ai kërkonte që në shkollën e Kalasë të japë mësim vajza e tij dhe në vend të saj, në shkollën e fshatit Tatzat të shkojë vetë 60-vjeçari.
Një kërkesë e tillë është pranuar nga drejtoresha e shkollës dhe prej pak javësh mësuesi 60-vjeçar nuk jep më mësim në shkollën “Ali Hajdini”.
Historia e Gentës dhe familjes Haxhiaj, e publikuar javën e kaluar në rubrikën “Ka një mesazh për ty”, përloti të gjithë publikun. Genta i kishte dhuruar një pjesë të mëlçisë, kryefamiljarit të familjes Haxhiaj, Lulzimit, 50 vjeç, gjest i cili i habiti të gjithë.
Genta u shpreh se e kishte bërë këtë për babain e saj i cili ka ndërruar jetë, por këtë veprim nuk ja ka treguar familjes.
Këtë histori Genta ja kishte treguar mamasë së saj, por sikur i kishte ndodhur një shoqeje dhe e ëma nuk e kishte pritur mirë.
Pasi historia u bë publike, Genta ja ka treguar më në fund familjes dhe i pari që e ka marrë vesh ka qenë vëllai i cili i ka puthur këmbët.
“Mami u shokua, akoma s’e ka marrë veten. Komentet pozitive të njerëzve më kanë ndihmuar shumë në këtë situatë, pasi nga to familja ime mori shumë forcë”, ka treguar Genta për “E diela shqiptare”.
Drita dhe Sabrija janë dy zonja që kanë patur të njëjtin bashkëshort. Ato sot ishin protagoniste të seancës së ndërmjetësimit në “Shihemi në Gjyq”, pasi bashkëshorti i tyre ka ndërruar jetë, duke i lënë në konflikt për një pasuri.
Drita është martuar në vitin 1984 me ish – bashkëshortin, Shaqirin dhe sollën në jetë dy fëmijë. Pas disa vitesh ajo vendosi të emigronte në Itali për të krijuar një ekonomi më të mirë, duke menduar se më pas do t’i bashkohej edhe Shaqiri me fëmijët. Ndërkohë që në vitin 1991 kishin përfituar 2500 metra katrorë tokë bujqësore në bazë të ligjit 7501, ku ndërtuan me të ardhurat që fitonte Drita.
Familja u bashkua në Itali në vitin 2000, por Shaqiri vendosi të kthehej në Shqipëri, të divorcohej nga Drita dhe më pas të martohej me Sabrien, pa e vënë në dijeni nënën e fëmijëve të tij
“Kjo ma mori burrin, tha se do kishte pasuri. E mbushi xhepin plot dhe më vinte deri në Berat!”, u shpreh Drita. Ndërsa Sabrija tregoi se i ka prezantuar një e afërmja e Shaqirit dhe duke qenë se në gjendjen civile rezultonte i divorcuar, pranoi të martoheshin.
Drita – Ti ke ardhur e më ke shkatërruar jetën! Më ke shkatërruar fëmijët mua!
Sabrija – Nuk ta shkatërrova unë jetën moj zonjë që më solle këtu!
Drita – Fëmijët i rrita vetë se ti nuk i doje të shtëpia jote! Ti më ke shkatërruar se ke firmosur!
Sabrija – Ti deshe vetë dhe ike! Unë isha jetime, pyeta gjendjen civile, nuk ishte i kurorëzuar dhe unë e mora atë.
Drita – Do ma gjejë zonja Eni të drejtën e fëmijëve të mi!
Sabrija rrëfeu se ka qenë e martuar më parë, por bashkëshortin ia vranë dhe ngeli e vetme me tre vajzat e saj. Kur u martua me ish – bashkëshortin e Dritës, ajo nuk e dinte që ishte i sëmurë dhe tha se ka vuajtur për 16 vite me të.
Drita e ndërpreu duke thënë se ia ka marrë bashkëshortin për lekët e tij dhe se nuk kishte qenë i sëmurë në atë kohë. Por Sabrija tha se nuk kishte informacion për pasurinë e Shaqirit dhe se u martua me të për të kaluar jetën sepse ishte e vetme.
Juristja Eni Çobani tregoi një deklaratë noteriale, ku Shaqir Avdillari, Sabrije Nexhipi, Marjeta Avdillari dhe Sokol Avdillari kanë firmosur për t’ia dhënë shoqërisë “Pirgu” pronën me cilësinë e sipërmarrjes. Por Sabrija tha se nuk ka firmosur në këtë deklaratë noteriale, pasi nuk di të shkruajë e të lexojë, si dhe tregoi që bashkëshorti nuk e ka përfshirë në këtë situatë.
Ndërkohë që Drita u shpreh se në deklaratën noteriale është vendosur Sabrije Nexhipi me atësinë e saj, pra me emrin e babait të saj, Samiut.
Sabrija –E ka bërë kunati im, e ka falsifikuar.
Drita – Të lutem shumë! Kunati jot dhe kunati im, Xhevahir Demneri dhe Sali Avdillari të vijnë atje të hedhin firmat se kështu më thanë.
Sabrija – Unë kam vuajtur 16 vjet me atë burrë, s’më lë dhe kjo tani rehat! Nuk haja bukë me javë dhe ti më sjell këtu!
Drita – Te burri jot do shkosh ti moj! Do më japësh përgjigje se më more burrin!
Sabrija – Nuk ta mora burrin moj, ti ike në Itali me fëmijët. Nuk e dija, unë isha jetime.
Drita – Ma shkatërrove familjen! I rrita fëmijët vet, nuk m’i rrite ti që më hëngre djersën e fëmijëve të mi dhe timen!
Zonja Eni tregoi se ish – bashkëshortët Avdillari kishin vendosur që Drita të punonte në Itali për pak kohë në mënyrë që të mblidhnin të ardhura. Por kur ajo do të kthehej në Shqipëri mësoi nga të afërmit që Shaqiri ishte martuar me dikë tjetër. Ai kishte përfunduar të gjitha procedurat e divorcit në mënyrë ligjore pa e lajmëruar fare Dritën lidhur me këtë fakt.
Juristja Çobani shpjegoi se pjesëtare e pasurisë së familjes bujqësore është Drita dhe jo Sabrija, ndaj dhe nuk kishte pse të firmoste kjo e fundit në deklaratën noteriale për dhënien e tokës. Ajo gjithashtu tregoi se në dokumente të ndryshme Sabrijes i janë vendosur të dhënat e Dritës dhe herë është përdorur mbiemri i bashkëshortit të saj të parë e herë e bashkëshortit të dytë.
“Ka patur falsifikime të njëpasnjëshme në disa kontrata. Këtu problemi është që pjesa më e madhe e kësaj pasurie është shitur për së gjalli, kur zoti Shaqir ishte gjallë. Ai pa firmën e zonjës Drita ka shitur pasuri, apartamente, mbi të cilat janë bërë dhe ndërtime. I ndjeri i ka shitur, ka marrë paratë dhe ka jetuar”, tha Eni Çobani.
Por përspos kësaj, Drita pretendon se janë falsifikuar edhe firmat e fëmijëve të saj, pasi ata kanë qenë në Itali dhe nuk kanë firmosur në asnjë dokument.
Sabrija nga ana tjetër e përlotur tha se të gjitha këto falsifikime i ka bërë kunati i saj, i cili edhe atë e ka lënë pa gjë. “Unë jam pa shkollë, ata ma fusin kur të duan moj motër! Duan vetëm të hanë, mua më lanë pa bukë!“, u shpreh ajo.
Një fakt tjetër i rëndë është një certifikatë që gjendet në dosjen e shit-blerjes së pronës. Certifikata e lindjes është me gjeneralitetet e të birit të Dritës dhe Shaqirit, Sokol Avdillarit, por me fotografinë e Artur Avdillarit, djalit të vëllait të Shaqirit.
Drita akuzon për gjithçka Armand Dilen, i cili ka ndërtuar apartamentet në pronën e tyre. Ndryshe nga Drita, Sabrija akuzon kunetërit duke thënë: “Kunetërit e mi e morën në qafë se e mernin me të mira dhe ai gënjehej me një karamele. Nuk qante një hall për shtëpinë e vet, por qante vëllezërit e tij”.
Përsa i përket pretendimit të Dritës që Shaqiri nuk ishte i sëmurë kur ishte me të, moderatori i emisionit “E Diela Shqiptare”, Ardit Gjebrea tha se ai mund të jetë sëmurur gjatë 4 viteve që ajo ka qenë në Itali dhe nuk janë parë.
Drita – Kjo kushedi… rrezik se i ha burrat! Kësaj i vdiq i pari, i vdiq dhe i dyti.
Sabrija –S’jam unë moj, është Zoti. E kam zemrën e mirë unë!
Drita – Ça zemre më thuaj ti moj? Ti po i ha! Dashke dhe të tretin ti.
Sabrija Sabrija nuk i ha burrat, është fatkeqësi e zezë!
Dita – Moj zonjë ti e ke marrë tamam burrin tim, s’e ke marrë të sëmurë!
Sabrija –Ai ishte me diabet, e bëri me zemër. Merr pensionin Xhevahiri, por gjynah nga Zoti t’ia hajë kunati dhe mos t’ja haj unë që i bëra hysmet. Kunetërit më futën në hak, tani s’më lë as kjo rehat!
Publiku i emisionit “E Diela Shqiptare” në këtë seancë ndërmjetësimi i dha të drejtë Sabrijes, pasi e besuan që nuk ka ndërhyrë për të përfituar në pasurinë e Dritës.
Juristja Çobani u shpreh se janë kryer shumë veprime të kundraligjshme, të cilat do të kenë pasoja juridike shumë të rëndësishme mbi ata persona që i kanë ndërmarrë këto veprime.
Drita është bashkëpronare në këtë pronë bujqësore, ndaj duhet t’i drejtohet gjykatës dhe Prokurorisë së Rrethit Gjyqësor Tiranë për të nxjerrë të pavlefshme të gjitha kontratat e shitjes së kësaj pasurie. Ndërsa Sabrija, pas vdekjes së bashkëshortit, ka trashëguar pjesën e tij të pasurisë.
Juristja – Të lutem qetësojeni shpirtin! Jeni dy zonja, e kuptoj që nuk është e lehtë kjo që keni ndarë një burrë, por shikoni …
Drita – Aman se ishte yll. Ma mori kjo!
Sabrija –Ishte si ishte, ishte i Zotit ai. Ishte yll a ishte i keq ai, e ka bërë Zoti dhe s’ke punë ta shash atë ti sot. Të lutem shumë mbaje vendin aty, e kam patur unë në momentin e fundit, jo ta shash ti!
Drita – Moj nuk e shaj burrin se ishte dhe i imi. Unë e mora beqar!
Sabrija –Lavdërohu me atë bukurinë që ke ti. Aman moj aman ti!
Seanca e ndërmjetësimit në rubrikën “Shihemi në Gjyq” përfundoi me sukses, duke bërë të mundur që dy zonja që kanë patur një bashkëshort, tanimë të bashkohen për të një qëllim, të rifitojnë pasurinë që u takon./tvklan.al
Pas emërimit të kreut të ri të kapitenerisë,duke qënë se është institucioni më i rëndësishëm i kontrollit detar,është zbuluar e kaluara e tij.
Mësohet se Lorenc Rexhepaj e ka prejardhjen e arsimit të lartë nga Universiteti i Vlorës nga vitet 2000-2004 .Pas mbarimit të studimeve prej 2004 deri në 2008 ka punuar si officer në anije tregetare .Anija kishte si intinerar shtete të ndryshme
.Nga viti 2008 deri në vitin 2016 ai ka punuar si kapiten në anije me tonazh pa limit.Ndërkohë që në strukturat shtetrore është angazhuar dy vite më parë.Prej vitit 2016 dhe deri ditën e sotme ai ka qën në në sektorin e kontrollit shteteror portual në Kapitenerinë e Vlorës.
Ndërkohë që ka realizuar një sërë trajnimesh të ndryshme si Stcw 2010, EMSA, etj. Sipas burimeve nga kapiteneria e përgjithshme,mësohet se një prej arsyeve e përzgjedhjes së tij është profesionalizmi i treguar në këto dy vite në kapiteneri
Furrat e tregtimit të bukës, pastiçeritë dhe byrektoret kërkojnë ulje të çmimit të energjisë elektrike.
Aktualisht, këto furra buke, për shkak të përdorimit të frigoriferëve, janë penalizuar nga tarifa e reduktuar prej 7,6 lekë/kwh. Për rastet kur furrat e tregtimit të bukës, pastiçeritë apo byrektoret kanë në përdorim bazë frigoriferike, çmimi i energjisë po paguhet më shumë se 7,6 lekë për kwh.
Shqetësimi u ngrit nga kryetari i Shoqatës së Prodhuesve të Bukës, Pastiçerisë dhe Brumërave, Gëzim Peshkëpia, në një nga seancat dëgjimore të zhvilluara me Entin Rregullator të Energjisë.
I kontaktuar nga gazeta, kreu i Shoqatës së Prodhuesve të Bukës tha se të gjitha furrat e reja që ngrihen në vend dhe përdorin bazë frigoriferike, nuk tarifohen me 7,6 lekë, por më shumë.
“Furrat e reja që po hapen nuk iu jepet subvencioni, pra, nuk e paguajnë energjinë me tarifën 7,6 lekë për shkak se kanë në përdorim 2 apo 3 frigoriferë. Bëhet fjalë për furrat ku tregtohen bukët apo ëmbëlsirat, jo për furrat që prodhohet. Pra, ne pretendojmë që të paguhet kjo tarifë, pasi furrat nuk mund të kthehen si në vitet ‘90, kur tregtonin vetëm disa bukë, tashmë furrat janë kthyer shumë bashkëkohore. Këto janë investime të bëra nga ne. Këta na thonë, shisni vetëm bukë. Por në të gjitha vendet e huaja, shërbimi që ofrojnë furrat e bukës është kompleks. Nuk mund të heqim dorë nga biznesi ynë vetëm për shkak të çmimit të energjisë. Ne pretendojmë që baza frigoriferike, 2-3 frigoriferë që janë në përdorim, nuk duhet të ndikojë në heqjen e subvencionit që kanë furrat e bukës dhe fabrikat e miellit. Pra, të paguajnë tarifë për energjinë 7,6 lekë për kwh ndryshe nga bizneset e tjera”, shpjegoi kreu i Shoqatës së Prodhuesve.
PROPOZIMI
Kreu i Shoqatës së Prodhuesve të Bukës kërkon zgjidhje institucionale të problemit. Ai shprehet se i kanë nisur një propozim edhe ministrit të Energjetikës, Damian Gjiknuri, ku i propozohet që për furrat e tregtimit të bukës, ëmbëlsirave dhe byrektoreve, të aplikohet një tarifë prej 8,2 lekë/kwh.
“Kjo që po kërkojmë, nuk është kërkesë për lëmoshë. Ne e kemi TVSH-në e bukës 20 për qind, kurse vendet e Europës e paguajnë nga 0 deri në 8 për qind. Ky reduktim i tarifës të energjisë na jepet si pjesë e paketës lehtësuese, që të gjitha vendet e tjera i bëjnë prodhimit dhe tregtimit të bukës.
Ne kërkojmë një zgjidhje institucionale, të studiohet dhe për të gjithë këto furra që tashmë kanë frigorifer dhe nuk i heqin dot, të përcaktohet një tarifë tjetër. Ne i kemi dërguar një shkresë zyrtare edhe Ministrisë së Infrastrukturës dhe Energjetikës. Ne kemi propozuar që për furrat e bukës që nuk kanë bazë frigoriferike tarifa të mbetet 7,6 lekë/kwh, ndërsa për furrat e tjera të bukës që kanë bazë frigoriferë, të aplikohet një tarifë prej 8,2 lekë/kwh. Pra këto ndryshime duhet të bëhen në vendimin e këshillit të ministrave, por më përpara institucionet shtetërore duhet të ulen për të diskutuar efektet financiare të propozimit tonë apo të ndonjë propozimi tjetër”, u shpreh kreu i Shoqatës së Prodhuesve të Bukës.
Buka, prodhuesit paralajmërojnë rritje të çmimit
Kreu i Shoqatës së Prodhuesve së Bukës paralajmëron se mosaplikimi i tarifës së reduktuar do të sjellë rritje të çmimit të bukës dhe ëmbëlsirave. “Ne e kemi bërë të qartë se do të rritet çmimi i bukës, po ashtu dhe një ëmbëlsirë që sot shitet 50-60 lekë, jashtë vendit shitet 2 euro. Pra, çdo rritje tarifash apo taksash ka rritje të çmimeve të produkteve. Mbi 96 për qind të objekteve të furrave të bukës janë me qira dhe të gjitha këto janë në kurriz të biznesit”, shprehet Peshkëpia. Numri total i furrave të bukës është 4 mijë, por shoqata përfaqëson edhe subjektet e tjera, pastiçeritë dhe byrektoret.
Dy zonja u përballën në rubrikën “Shihemi në Gjyq”. Ato janë të dyja ish-bashkëshorte të të ndjerit Shaqir Avdillari. Drita është bashkëshortja e parë e Shaqirit, e cila ka kërkuar këtë përballje me bashkëshorten e dytë, për shkak të një pasurie.
Drita jeton në Itali prej 25 vitesh. Ajo tregoi se është martuar në vitin 84 dhe është ndarë me ish-bashkëshortin në vitin94, por pa procedura ligjore. Drita u largua në Itali, pasi iu dha një mundësi për punë, pa bashkëshortin.
Në momentin që vendos për t`u kthyer në Shqipëri, Drita merr vesh se Shaqiri ishte martuar me znj.Sabrije. Në të vërtetë ai veprimet për divorcin i kishte kryer pa praninë e znj.Drita.
Konflikti qëndron në faktin se familja e Shaqirit dhe Dritës, në vitin 91 dhe92, kur janë ndarë tokat me ligjin 7501, kanë përfituar 2500 metra katrorë tokë.
Dhe kur Drita është ndarë me bashkëshortin e ka lënë tokën bashkë me shtëpinë që ata kishin.
Drita akuzon Sabrijen duke i thënë: “Kjo ma mori burrin se kishte pasuri!”
Sabrija: “Kjo ka qenë e divorcuar, e pashë në gjendjen civile që ai nuk kishte kunorë. Unë vajta dhe pyeta.
Drita: “Më ke shkatërruar jetën! Më ke marrë djerësn e fëmijëve të mi!”, por znj.Sabrije deklaron se ajo nuk ishte në dijeni që Z.Shaqir kishte pasuri.
Nga seanca e ndërmjetësimit rezultoi se ka pasur falsifikime të njëpasnjëshme në disa kontrata shitjeje dhe pjesa më e madhe e pasurisë së përbashkët mes Dritës dhe Shaqirit, është shitur kur z.Shaqir ka qenë gjallë. Pra, pa firmën e znj.Drita, ai ka shitur pasuri dhe apartamente mbi të cilat janë bërë edhe apartamente.
Juristja Eni Çobani sqaron “Në deklarata dhe në kontrata të ndryshme, një herë është vënë emri i Sabrijes me atësi tjetër; një herë është ndërruar mbiemri i Sabrijes dhe është vënë mbiemri i burrit të parë; pastaj është ndërruar data e ditëlindjes dhe e pasaportës dhe i janë vënë të znj.Drita.”
Gjithmonë Sabrija deklaron se nuk është në dijeni për asgjë dhe se ajo në asnjë moment nuk ka firmsour, sepse nuk di të shkruajë e të lexojë.
Juristja Eni Çobani tregon një deklaratë: “Ne kemi një deklaratë noteriale të vitit 2010, ku deklaruesit janë Shaqir Avdillari, Sabrije Nexhipi, Marjeta Avdillari dhe Sokol Avdillari, ku shoqëria “Pirgu” me administrator të përgjithshëm Kujtim Xhafkollari, kanë deklaruar prëpëar noteres Mimoza Shehu pikërisht dhënien e kësaj prone, shoqërisë “Pirgu” me cilësinë e sipërmarrësit.
Tani a mund të më shpjegoni pak, edhe pse unë e kuptoj që ju jeni pa shkollë. Tani Sabrije përse je ti këtu te kjo pasuri?
Sabrija: “Sepse unë mora burrin, vura kunorë me atë dhe ka shkuar emri pas burrit që kam pasur unë.”
Eni Çobani: “Jo moj zonjë, se ka qenë kjo gruaja te kjo pasuria (Drita) Ke firmosur ti Sabrije?”
Sabrija: “Jo jo, nuk kam firmosur fare!”, duke pranuar se nuk di të lexojë e të shkruajë, por Sabrija akuzon kunetërit e saj “Aty shkruhet Sabrije Nexhipi, ma kanë bërë kunetërit ashtu, se unë Nexhipi e kam pas te burri i parë.”
Eni Çobani sqaron: “Nga kjo deklaratë noteriale tregon se zonja, si bashkëshorte e dytë e Shaqir Avdillarit ka firmosur këtë deklaratë noteriale. Atësia e shënuar në deklaratë është Sabrije Nexhipi, atësia Sami (që në fakt është babai i Dritës).
“I ka falsifikuar të gjitha kunati im!”, shprehet Sabrija.
Sipas zonjave, pretendohet se Xhevahiri vëllai i Shaqirit, është marrë me bërjen e të gjitha kontratave; ai ka përfituar edhe nga varrimi i të ndjerit Shaqir, duke thënë se varrimi kishte kushtuar 40 milionë lekë.
Ndërkohë znj.Drita vijon akuzat karshi gruas së dytë: “Ajo në bankë ka lekë në emrin e saj”
Sabrija: “Po ku i kam ato lekë moj!? Shko Shikoni!”
Drita: “Moj zonjë ma more burrin ti? Edhe lekët i ke vënë në emrin tënd.”
Sabrija shpërthen në lotë duke treguar vuajtjet që ajo ka hequr me burrin e sëmurë dhe që ai nuk e pyeste fare në vendimet që merrte.
Drita: “Çfarë ka kjo që qan? Lekët mi hëngri! Ku ta kërkoj unë drejtësinë?”
Znj. Eni Çobani sqaron: “Tani që këtu janë kryer veprime të kundraligjshme që do të kenë më pas pasoja juridike shumë të rëndësishme mbi ata që kanë ndërmarrë këto veprime; unë për këtë garantoj Dritën dhe Sabrijen dhe gjithë publikun se, gjithkush që ka marrë pjesë në falsifikimin e të tërë kontratave të shitblerjes, për pasurinë në të cilën ka qenë pjesë edhe znj.Drita, do të dënohen të gjithë penalisht.
Sabrije ti ke vuajtur pjesën tënde të jetës, por Drita është bashkëpronare për 2500 metra katrorë, bashkë me dy fëmijët e saj. Kjo pasuri është e familjes bujqësore, nuk është e bashkëjetesës tënde gjatë martesës. Zonja ka pasur të drejtën që në momentin e parë që janë lidhur kontratt e shitblerjes që të ishte e pranishme përpara noterëve me kartën e identitetit të saj, të firmoste ose jo me vullnet të lirë dhe, më pas, të merrte pjesën takuese në këtë pasuri.
Kjo gjë nuk është bërë dhe unë po ju them publikisht se zonja do t`i drejtohet gjykatës dhe prokurorisë së rrethit gjyqësor Tiranë, e para për të nxjerrë firmat e zonjës Sabrije a janë të falsifikuara apo jo, dhe më pas do të dalin të pavlefshme të gjitha kontratat e shitjes së kësaj pasurie pa prezencën e znj. Drita.
Znj Drita cc`ka ju takon ju në këtë pasuri do ta merrni me të gjithë forcën e ligjit. Ti mos u shqetëso sepse drejtësinë do ta marrësh, pasuria që të takon do jetë e jotja dhe e fëmijëve.
Drejtuesi i emisionit, Ardit Gjebrea ngre pyetjen, se nëse zonjës Sabrije i takon ndonjë gjë?
Dhe Eni Çobani e mbyll: “Përsa i përket pasurisë së bashkëshortit që ajo e ka të lidhur në rrugë ligjore, në momentin sa ishte gjallë nuk i takonte, se nuk ishte pasuri e bërë gjatë martesës, por në momentin që ai vdes, ajo bëhet pjesë e trashëgimisë së bashkëshortit, bashkë me fëmijët e tij.”
Është kryer me sukses për herë të parë në Qendrën Spitalore Universitare “Nënë Tereza” në Tiranë, por edhe në të gjithë Shqipërinë rezeksioni i kancerit të zorrës së trashë me laparoskopi.
Operacioni u drejtua nga doktori i njohur Arben Beqiri i cili e realizoi me sukses duke prezantuar për herë të parë në QSUT dhe në mbare sistemin publik shqiptar një teknikë kirurgjikale të avancuar në trajtimin e kancerit të zorrës së trashë.
“Data e Nderhyrjes Kirurgjikale: 13 Prill 2018 Koha: 10.35 deri 13.50 kohezgjatja 3 ore dhe 15 min,” shkruan profesor Arben Beqiri në operacionin e transmetuar në YouTube.
Ndërkohë në operacion asistoi edhe ekipi i mjekëve i përbërë nga: Devid Belalla, Mikena Sotiri dhe Arben Kërciku, që u kryesuan nga Beqiri.
Ky operacion është vlerësuar nga një sërë figurash të rëndësishme ku edhe kreu i grupit të LSI, Petrit Vasili shkroi se ishte “krenar per mjeket shqiptare dhe talentin e tyre”.
