Gjatë ditës së sotme deputetja e PD, Liljana Elmazi përmes një statusi në Facebook, zbuloi se socialistët në pushtet kishin “kursyer” vetëm një person nga ana e PD nga shkarkimi.
Pa dhënë emra Elmazi shpreh se person i në fjalë mban postin e këshilltarit pranë një ministrie dhe është bashkëshort i deputetes së PD-së.
Ministri ka punësuar burrin e deputetes së Bashës si Këshilltar të tij. Në këtë mënyrë, ky ministër i bie që ka siguruar edhe një deputete nga rradhët e opozitës.
Por tashmë është zgjidhur misteri. Mësohet se bëhet fjalë për bashkëshortin e Grida Dumës, Ilir Shqinën. Ky i fundit mban postin e këshilltarit diplomatik në Ministrinë e Jashtme që drejton Ditmir Bushati.
Thellohen përçarjet brenda Lëvizjes Socialiste për Integrim dhe Partisë Demokratike. Teksa kreu i PD, Lulzim Basha dhe kryetarja e LSI, Monika Kryemadhi kanë bërë thirrje për vijimin e aksionit opozitar, situata brenda këtyre dy partive nuk duket fort e kënaqshme. Gazeta ka mësuar se janë disa çështje, të cilat kanë çuar këto parti në një “përplasje” mes njëra-tjetrës. Së pari mësohet se shumë anëtarë të Lëvizjes Socialiste për Integrim kanë filluar të braktisin partinë e Kryemadhit, duke iu bashkuar Partisë Demokratike në bashkitë e drejtuara nga demokratët.
Sipas informacioneve, këto lëvizje të militantëve të LSI janë bërë me qëllim që këta të fundit të ruajnë vendet e punës, por edhe në këmbim të një vendi pune, sidomos për ata anëtarë që janë të papunësuar. Po ashtu, gazeta ka mësuar se një tjetër arsye që ka futur PD-në dhe LSI në konflikt është moskoordinimi i bazës së këtyre dy partive.
Mësohet se baza demokrate është e irrituar sa i takon bashkëpunimit të Bashës me Kryemadhin, duke bërë që të mos ndërmarrin asnjë lëvizje për të mobilizuar dhe çuar përpara aksionin opozitar të paralajmëruar nga krerët e opozitës. Ndërkohë rasti më i freskët, ka qenë dje, ku deputeti i LSI, Robert Bitri, i cili është një zë kritik ndaj Bashës, ka qenë i pranishëm në mbledhjen e Komisionit për Veprimtarinë Prodhuese, pavarësisht se opozita ka paralajmëruar bojkot të komisioneve.
Pra në një farë mënyre prania e zotit Bitri në Komisionin për Veprimtarinë Prodhuese, Tregtinë dhe Mjedisin, është një mesazh i fortë dhe i qartë për Kryemadhin, se ai nuk pajtohet me bashkëpunimin e LSI-së me PD-në.
Përplasje për zgjedhjet vendore
Mirëpo, nuk ndalet me kaq pasi gazeta ka mësuar se janë edhe disa çështje të tjera, që kanë thelluar përçarjet brenda Lëvizjes Socialiste për Integrim dhe Partisë Demokratike. Bëhet fjalë për ndarjen e bashkive, sa i takon zgjedhjeve vendore të vitit 2019.
Gazeta e ka deklaruar pak ditë më parë se Basha dhe Kryemadhi kanë nisur konsultimet, duke ndarë bashkitë me njëra-tjetrën. Sipas informacioneve, mos hapja rrugë e Bashës në disa bashki të mëdha, të cilat drejtohen nga LSI, si ajo e Gjirokastrës, duke kërkuar që kandidat në këtë njësi administrative të jetë një i nominuar nga radhët e Partisë Demokratike, ka futur në përplasje PD me LSI.
Po ashtu, gazeta mësoi se Basha ka qenë stoik duke mos lëshuar pe edhe në thuajse 15 bashkitë e drejtuara nga demokratët, për të cilat mësohet se ka kërkuar që kandidatët garues në zgjedhjet vendore për këto njësi të jenë të përzgjedhurit e tij dhe jo të Kryemadhit.
Bitri sulmon Bashën
Pavarësisht mbledhjes së përbashkët të dy grupeve parlamentare dhe vendimit për bojkot, Partia Demokratike dhe Lëvizja Socialiste për Integrim nuk janë të unifikuar në qëndrimin e tyre. E ndërsa PD në thuajse shumicën e rasteve ka bojkotuar komisionet parlamentare, e kundërta ka ndodhur me disa nga deputetët e LSI, të cilët jovetëm kanë dalë kundër vendimit të Kryemadhit por kanë marrë pjesë në komisione.
Madje, deputetët e LSI nuk kanë kursyer edhe akuzat në adresë të Lulzim Bashës. Gjatë një prononcimi për mediat, deputeti Bitri është shprehur kundër vendimit të përbashkët PD dhe LSI për mosbindje civile dhe braktisje së jetës parlamentare. “Lulzim Basha nuk është kryetar i partisë sime dhe nuk jam dakord për mosbindje civile dhe braktisjen e Parlamentit”, deklaroi deputeti i LSI, Robert Bitri, pak ditë më parë./SOT
Në nisje të sezonit turistik, në një kohë kur Vlora mbushet me turistë, një nga rrugët kryesore të saj është bllokuar.
1.5 kilometër e Bulevardit Ismail Qemali është hapur i gjithi si pjesë e një rikonstruksioni që do të kushtojë 12 milionë euro, por projekti që synon të përmirësojë të gjithë zonën po u kushton shumë shtrenjtë 200 bizneseve që janë në të dyja anët e rrugës.
Ata thonë se po famimentojnë. Askush nuk kalon më në këtë rrugë.
Pronarët e lokaleve, dyqaneve thonë se kanë shumë pak klientë, ndërsa në këtë periudhë bllokimi janë të detyruar që të paguajnë taksat e plota pa asnjë lehtësim.
Anëtar të Këshillit Bashkiak thonë se këtë shqetësim e kemi ngritur dhe Këshill për heqjen e taksave.
Ndërkohë, një pjesë e bizneseve, por edhe shumë biznese të reja janë hapur në zonën e Lungomares, atje ku projekti po përfundon.
Top Channel
“Fiks Fare” ka zbuluar një rrjet pedofilësh që veprojnë në Shqipëri dhe Kosovë. Gazetarët e emisionit investigativ në Top Channel treguan mbrëmjen e së mërkurës sesa lehtë bien prè e këtyre abuzuesve fëmijët minorenë. Mangësia që ka Kodi Penal në Shipëri, i cili nuk e parashikon krimin e pedofilisë në rrjetet sociale, ka çuar në lulëzimin e këtij fenomeni kohët e fundit.
Në “Fiks Fare” erdhi një informacion për një burrë mbi 40 vjeç, i cili përdorte rrjetet sociale për t’u afruar me fëmijë, kryesisht djem të vegjël, për t’iu kërkuar më vonë favore seksuale, duke abuzuar me padijen e tyre për shkak të moshës.
Gjatë komunikimit me fëmijët, ai thotë se nuk i intereson mosha, duke i shprehur dashuri dhe duke i kërkuar të flasin nëpërmjet Facebookut, me mesazhe, por edhe me videotelefonata. Pas këtij informacioni, fillimisht u verifikua faqja e tij në Facebook. Ai kishte mbi 4.000 miq, mbi 80% e të cilëve nga fotot dukej që ishin minorenë. Nga komentet e bëra në Facebook nuk heziton të vendosë zemra, apo të shprehë dashurinë për “vëllezërit e tij”, siç edhe iu referohet atyre në shumicën e kohës.
Për të vërtetuar nëse ky ishte një rast i izoluar apo jo, gazetarët e “Fiksit” hapen dy profile në Facebook, atë të një djali dhe një vajze, përkatësisht 13-vjeçarë. Pas ftesave dhe pranimeve filloi komunikimi, ku në “chat”-in privat kërkonin informacion për moshën dhe nëse ishte aktiv apo pasiv, e më pas bënin bisedë seksuale.
Në bisedat që djali minoren, 13-vjeçari i “Fiksit”, ka bërë me djem të moshës 20 dhe burra deri në 50 vjeç, që jetojnë në Shqipëri dhe në Kosovë, i është kërkuar të bëhet: i dashuri i tyre, të dërgojë foto të vetes dhe organit të tij seksual, të japë të dhëna për vendin ku jeton, shkollën, preferencat seksuale, gjatësinë, etj.. I është kërkuar të flasë me ta në video nëpërmjet Facebookut dhe për më tepër, një 13-vjeçari i kanë dërguar foto të organit seksual, duke e pyetur nëse i pëlqen. Më pas i kanë treguar sesi do ia heqin turpin, apo sesi do të bëjnë marrëdhënie seksuale me të, nëse ai shkon t’i takojë. Madje, njëri prej tyre i tregoi djalit 13-vjeçar se ky favor kushtonte 50 euro, ose shumë të hollash në lekë.
Rasti më flagrant është ai i një 50-vjeçari, i cili i tregon djalit 13-vjeçar që është i martuar, pasiv dhe i kërkon atij ta takojë. Ai i tregon se çfarë do t’i bëjë gjatë aktit seksual dhe i lë takim në darkë për të folur. Kur djali nuk i përgjigjet, ai e merr më shumë se 10 herë në telefon nëpërmjet Facebookut, deri në orët e vona të natës.
Në profilin e vajzës, ftesat për miqësi vërshuan lumë. Nuk munguan kërkesat për favore seksuale, pavarësisht se merrnin vesh moshën e saj të vogël. Më e rënda është e një 30-vjeçari, i cili i thotë që është e njomë dhe e pyet nëse është e “prishme”, apo e virgjër. Ai i tregon se në çfarë mënyre mund të kryejë marrëdhënie me të, edhe pse është e ndaluar me ligj. Ai i tregon se ka mënyra të tjera për të bërë seks, pa humbur virgjërinë. Në Facebook mban emrin Çuni Pasiv.
Rreziku që vjen nga përdorimi i rrjeteve sociale nuk parashikohet në ligj
“Fiksi” u interesua edhe pranë Drejtorisë së Përgjithshme të Policisë lidhur me këtë ngjarje. Një specialiste e krimit kibernetik konfirmoi se, për ta është e ndaluar të stimulojnë raste si ky i “Fiks Fare”, për të zbuluar apo arritur te pedofilët apo abuzuesit. Sipas saj, denoncime të ngjashme që kanë ardhur për raste të tilla janë vetëm 2, e ato kanë ardhur nga shteti italian për dy shtetas shqiptarë. Ndërsa shumë denoncime nga Shqipëria bëhen për vjedhje të identitetit të personave.
Altin Hazizaj, drejtor i Qendrës për Mbrojtjen e të Drejtave të Fëmijëve thotë për “Fiks Fare” se, kjo është pedofili. Ligji nuk e parashikon këtë lloj krimi që vjen nga rrjetet sociale, ndërsa specialistëve të krimit kibernetik nuk iu lejohet të stimulojnë apo të infiltrohen në rrjetet sociale për të zbuluar abuzuesit.
“Në muajin nëntor kemi kërkuar pranë Kuvendit, Komisionit të Ligjeve, ndryshimin e 13 neneve të Kodit Penal, pikërisht për këtë situatë. Nuk kemi marrë asnjë përgjigje. Për këtë arsye do ta ripërsërisim këtë kërkesë edhe në muajin maj”, shtoi ai.
“Fiksi” intervistoi edhe Vasilika Hysin, nënkryetare e Komisionit të Ligjeve, e cila thotë se situata duhet të ndryshohet menjëherë dhe duhet filluar që nga ligji. Sipas një nisme edhe të UNICEF-it, situata në rrjetet sociale është alarmante dhe në to përfitojnë abuzues dhe pedofilë./top channel
Një foshnje e porsalindur e seksit femër u gjet nga punonjësit e pastrimit në mesin e mbeturinave në lagjen Esenyurt të Stambollit të mërkurën në mëngjes.
Pastruesit thanë se po dëgjonin foshnjën duke qarë dhe menjëherë lajmëruan policinë për këtë zbulim të pazakontë. Një njësi policore dhe një ekip mjekësor nxituan menjëherë në vendngjarje.
Hetimet janë iniciuar nga policia lokale. Vajza e vogël u dorëzua tek nje ekip mjekesh pediater te zones pasi kontrolli i duhur u krye nga ekipet mjekësore ne vendngjarje.
Ka dy histori me Fahri Balliun para viteve 90′-të, në dy kohë të ndryshme. Herën e parë ai ka qenë në Elbasan dhe ka kërkuar të bëhet komunist, por shefi i atëhershëm i Degës së Punëve të Brendshme nuk dha “Okay-in” që Fahriu të pranohej në parti.
Më pas ka edhe një tentativë të dytë të Fahri Balliut për të hyrë në parti, atëherë Partia e Punës së Shqipërisë, partinë e diktatorit Enver Hoxha. Dihej se në atë kohë kishte marrëdhënie të ngushta me Hekuran Isain, por edhe njohje të afërta me Ramiz Alinë, por edhe nga tentativa e fundit afër viteve 90′-të, Fahri Balliu nuk u pranua në Partinë e Punës, pra nuk u partnua komunist. A thua se kishte njolla në biografi apo në një histori tjetër politike, jo aspak, por përkundrazi ishte njeri i përkëdhelur, ndiqte nga pas Ramiz Alinë dhe shkruante fjalët e tij.
Nga ana tjetër është nga ata që deri në vitin 1992 nuk u dorëzua, edhe në kohën kur shembeshin muret e komunizmit dhe “muri i Berlinit” binte në Shqipëri, Fahriu shkruante sesi duhet të ishin komunistët e rinj të Partisë së Punës dhe si duhet të ndryshonte kjo parti në “Zërin e Popullit”, që të mos lejonte të djathtët, pra demokratët, që në atë kohë ai i quante revanshistë që donin të rrëzonin sistemin.
Po pse nuk u pranua Fahriu në parti? Këto janë dy episode mjaft domethënëse, të cilat për ata që nuk i dinë mund t’u kujtojmë disa rregulla që ka pasur sistemi i atëhershëm, të cilat kanë qenë tepër kokëforta, rregulla të cilat zbatoheshin për gjithkënd, edhe për shërbëtorin më të paepur të partisë, siç ishte Fahri Balliu.
Në parti nuk pranoheshin ata persona të cilët kishin spiunuar apo kishin qenë bashkëpunëtor të Sigurimit të Shtetit. Pra, komunistët kurrsesi nuk mund të ishin bashkëpunëtorë të Sigurimit të Shtetit, apo komunist nuk bëheshe dot në rast se ke qenë bashkëpunëtor i Sigurimit të Shtetit.
Janë të paktën dy tentativa të Fahri Balliut për tu bërë komunist. Nuk ia arriti. Pse? Kishte spiunuar ndokënd? Kishte qenë spiun i Sigurimit të Shtetit? Cila është arsyeja që Partia e Punës në atë kohë nuk e pranoi Fahriun, pasi degët e Punëve të Brendshme, edhe ajo e Tiranës, edhe ajo e Elbasanit, nuk jepnin “Okay-in” e tyre që Fahriu të hynte në parti?
Njolla në biografi nuk kishte, i afërt dhe mik i ngushtë me Hekuran Isain, mik edhe me Ramiz Alinë, Fahri Balliu nuk u pranua kurrë komunist.
Kishte qenë spiun i Sigurimit të Shtetit? Kjo është pyetja. Në fakt, shumë e akuzojnë si të tillë dhe i thonë edhe një pseudonim, dikush “këndezi” e dikush ndonjë pseudonim tjetër, por Fahri Balliu nuk e ka hapur ende dosjen e tij dhe si person publik duhet ta hapë me çdo kusht këtë dosje. Të gjithë duhet ta lexojmë se cila është historia e botuesit të gazetës “55”, babait shpirtëror të Lulzim Bashës, për të kuptuar sa të vërtetë janë këto njerëz, por edhe për të mos harruar historinë nga vijnë dhe ku shkojnë.
Por ëndrra e Fahri Balliut u bë më pas realitet. Pra ai u bë spiun zyrtarisht, por më vonë, pasi erdhi demokracia. Herën e parë tentoi të bëhej komunist, por nuk e qasnin sepse ndoshta kishte qenë spiun. Herën e dytë u bë vërtet spiun. Ai ka qenë pjesë e strukturave të Sigurimit, por pas viteve 90′-të./CNA.al
Vetem pak ore pasi ne media u transmetua dhe me pas u perhap me shpejtesi sketerre ne internet video e dhunës verbale e fizike në Shtëpinë e Foshnjes Vlorë, pesë punonjëset që janë shfaqur në video janë shkarkuar nga puna nga Bashkia e Vlorës, me motivacionin dhunë verbale dhe veprim e mosveprim për aktet e dhunës.
Por nga ana tjetër, disa shkresa të siguruara nga institucioni i Avokatit të Popullit tregojnë se situata ka qenë e njohur dhe e paralajmëruar prej tyre rreth një vit më parë.
Më datë 09.06.2017, komisioneri Ermir Kapedani iu drejtua Bashkisë Vlorë dhe Shërbimit Social Shtetëror me një shkresë, ku thuhet: “Marrjen e masave të menjëhershme për tërheqjen e vëmendjes së stafit që punon direkt me fëmijët, për një komunikim sa më etik dhe profesional me fëmijët e këtyre grupmoshave, si dhe trajnimin e stafit mbi etikën e komunikimit në punë, si dhe për parandalimin e çdo forme dhune ndaj fëmijëve”.
Por Bashkia e Vlorës nuk ka kthyer kurrë përgjigje, ndërsa Shërbimi Social Shtetëror, pasi ka realizuar monitorimin në Shtëpinë e Foshnjes, më 21.06.2017 është shprehur se nuk ishin evidentuar probleme të sjelljes së stafit ndaj fëmijëve.
Avokati i Popullit ka konstatuar gjithashtu se në Shtëpinë e Foshnjes Vlorë asokohe nuk ka patur psikolog, roje, mjek dhe infermier. Gjithashtu u vërejt se godina kishte lagështirë të theksuar dhe shumë të dëmshme për shëndetin dhe mirërritjen e fëmijëve.
Historiani nga Tirana me gradën doktor të mbrojtur në Firence, për nacionalizmin shqiptar Olsi Jazexhi ka shokuar me ate qe ka thene ne një intervistë për një televizion në Maqedoni.
Deklarata e tij ka qene e mbushur me thenie anti-shqiptare dhe teza sllave kundër Shqipërisë dhe Kosovës.
Në emisionin ‘Vo Centar’, Jazexhi ka thënë se Gjergj Kastriot Skënderbeu nuk ishte shqiptar, por greko-bullgar.
Madje ai ka deklaruar se shqiptarët janë një komb i shpikur nga turqit, ndërsa Kosova ka qenë e banuar nga serbët ortodoksë përpara se të mbërrinte Perandoria Osmane.
Por edhe gazetari maqedonas u hapit nga përfundimet e tij anti-shqiptare, saqë e pyeti në një moment nëse ishte vërtet shqiptar.
Disa nga deklaratat e Olsi Jazexhi në emisionin maqedonas:
Skënderbeu ishte një luftëtar serbo-bullgar dhe familja e tij kishte prona në Shqipërinë e sotme. Austro-Hungaria vendosi ta bëjë hero të shqiptarëve.
-Shqiptarët ,si maqedonasit dhe grekët janë kombi i ri. Në kohën kur Skënderbeu zhvilloi luftën nuk ekzistonin shqiptarët.
-‘Albania’ ishte term që i referohej Kroacisë dhe Malit të Zi.
-Përpara ardhjes së Perandorisë Osmane, në Kosovë shumica e njerëzve ishin serb ortodoks, në Maqedoni gjithashtu. Në Shqipëri shumica e tomponimeve janë sllave. Me ardhjen e turqve filloi islamizimi dhe albanizimi.
-Shqiptarët kanë asimiluar sllavët.
-Nënë Tereza nuk është shqiptare, por vllehe.
-Nuk ka tre shtete shqiptare në Ballkan. Kosova është e dominuar nga mafia.
-Ibrahim Rugova ishte një agjent i Vatikanit.
