Aurora

Megjithëse jemi në fund të pranverës duket se duhet dhe pak kohë për t’i thënë mirupafshim reshjeve. Ndonëse këto ditë kanë qenë me temperatura të larta, aq sa plazhet e vendit janë mbushur me pushues, maji rikthen disa ditë me stuhi e rrebeshe në disa zona të vendit.

Sipas meteorologëve, pas mesditës priten rrebeshe shiu në pjesën më të madhe të vendit. Ndërsa mbrëmja pakëson ndjeshëm shirat në territor duke i lokalizuar kryesisht në Veri dhe Qendër.

Temperaturat ulen lehtë në mëngjes por rënie me 2 – 3°C sjellin orët e mesditës kur maksimumi pritet të shënojë deri 28°C.

Era do fryjë mesatare në tokë por e fortë në bregdet, me shpejtësi 55 km/h nga drejtimi Jugor duke krijuar në det dallgëzim 3-4 ballë.

TEMPERATURAT
Temperaturat minimale dhe maksimale të ajrit pritet të arrijnë:
në bregdet: 18/ 23 °C
në vendet e ulëta: 16/ 24 °C
në vendet malore: 12/ 19 °C

ISHMPU Vlorë ishte sot prezent në takimin e zhvilluar pranë ambjenteve të Pallatit të Kulturës “Labëria”,me pjesëmarrje të Institucioneve te cilat do të garantojnë mbarëvajtjen e sezonit turistik ,si pjesë e Taks-Forcës.Në këtë mbledhje u diskutua:

-Menaxhimi dhe administrimi i mbetjeve që krijohen brenda territorit të shtatë Bashkive të Qarkut Vlorë.

-Ngritja e Taks-Forcës për zbatimin e kërkesave ligjore e nënligjore lidhur me parandalimin e ndotjes akustike nga aktivitetet që gjenerojnë zhurmë në mjedis si dhe parandalimi i shkarkimeve të patrajtuara në det.

Shqipëria qëndron e 50-a në botë, sipas studimit më të fundit të Indeksit të Pasaportave, sa i përket aksesit të lirë, pa viza, për të udhëtuar për turizëm apo edhe për biznes. Një aspekt të veçantë që ky indeks trajton është shtetësia sipas investimit, sipas të cilit Shqipëria nuk bën pjesë në këtë grup…

Në mesin e shteteve që ofrojnë shtetësi sipas investimit, janë sipas renditjes, Singapori, Spanja, Portugalia, Britania e Madhe, SHBA, Irlanda, Kanadaja, Greqia, Australia, Hungaria, Letonia, Bullgaria dhe Hong Kongu. Këto shtete kanë incentiva të tilla që për investime të caktuara në pasuritë e patundshme, si blerje, të ofrojnë shtetësinë e vendit. Shqipëria nuk bën pjesë në këtë kategori.

Indeksi i Pasaportave është mjeti interaktiv më popullor në botë, i cili grumbullon, shfaq dhe rendit pasaportat e botës. E fuqizuar nga Arton Capital, është e vetmja renditje globale në kohë reale e pasaportave botërore, e përditësuar aq shpesh sa të zbatohet po në kohë reale heqja e vizave dhe ndryshimet e reja të vizave.

Sipas këtij indeksi, Shqipëria renditet e 50-a në botë, me përkatësisht 101 vende ku mund të udhëtohet pa nevojën e vizës. Renditet e fundit në rajon, ku kryeson Serbia me 18 vende më shumë ku udhëtohet lirisht. Studimi bëhet kryesisht për të kuptuar se çfarë lehtësish kanë udhëtarët, si turistë ashtu edhe në fushën e biznesit dhe investimeve, çka e bën një vend më të hapur ndaj mundësive se sa një tjetër.

Indeksi i Pasaportave gjithashtu përmban PASSE / PORT, buletin gjithëpërfshirës për caktimin e pasaportës dhe pikëpamjet për lëvizjen globale, sigurinë, teknologjinë, markimin dhe politikat e vizave nga e gjithë bota.

Sipas një studimi të ngjashëm në të njëjtën fushë, Shqipëria renditet e 52 sipas Indeksit të Pasaportave 2018, nga Instituti Henley and Partners.

Ndërsa shtetet e tjera rajonale kanë një mobilitet global më të madh, kryeson Serbia me 119 shtete, ku mund të lëvizë të lirë, Maqedonia me 112, Mali i Zi me 110 dhe Bosnjë-Hercegovina me 105.

Sipas raportit, lehtësia në udhëtimin pa viza nuk mund të shihet vetëm në spektrin e turizmit, por edhe të biznesit dhe mundësive për investime./monitor

Nje sajt rpestigjioz qe merret me grumbullimin e te dhenave per lideret boterore e kishte renditur kryeministrin shqiptar si një ndër 10 liderët më aktivë në botë ne rrjetet sociale.

Gëzimin Rama duket se e ka ndarë me fansat e tij dhe thote se arsyeja pse ata e mbajnë të lidhur pas Fb me komentet e tyre:

“Mirëmëngjes,  – shkruan Rama, – dhe me këta që thonë se unë qenkam një nga 10 liderët më aktivë në facebook në botë, po nuk thonë që në botë s’ka të tjerë si ju, që më ngacmoni me komentet tuaja këtu duke rritur aktivitetin tim komunikues në këtë rrjet, ju uroj një ditë të mbarë”.