Aurora

Ambasadori amerikan në Tiranë Donald Lu ka reaguar në lidhje me çështjen e ish ministrit të Brendshëm Saimir Tahiri, i cili  ka kërkuar heqjen e masës “arrest shtëpie” dhënë nga  Gjykata e Krimeve të Rënda.

Duke iu përgjigjur interesimit të BW lidhur me seancën që pritet të mbahet nesër në Gjyaktën e Apelit lidhur me kërkesën e Tahirit, ambasadori Lu tha se vendimi për këtë çështje duhet që të bazohet mbi prova e ligje dhe jo mbi kërcënime dhe para.

Më ai tej ai thotë se për këtë çështje ka dëgjuar disa raportime nga burime të pavarura për presione serioze në këtë çështje, përfshirë edhe rryshfete që u janë ofruar gjykatësve.

“Kemi dëgjuar disa raportime nga burime të pavarura për presione serioze në këtë çështje, përfshirë edhe rryshfete që u janë ofruar gjykatësve.

Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para.

Askush nuk është mbi ligjin”, ka thënë Donald Lu.

Ministri për Evropën dhe Punët e Jashtme Ditmir Bushati në një intervistë për radion “Monocle 24 Radio”, emisioni ‘The Foreign Desk”, deklaron se Shqipëria ka bërë përparim të madh dhe pret që të hapë negociatat për anëtarësim me Bashkimin Evropian.

Duke u ndalur tek rëndësia e këtij procesi për Ballkanin Perëndimor, kreu i diplomacisë shqiptare u shpreh se “procesi i pranimit në BE shihet si një instrument, si një nxitje për të transformuar veten, për të përmirësuar standardet e jetesës, për të përmirësuar funksionimin e institucioneve shtetërore, si dhe mënyrën si zhvillohet jeta publike”.

Ministri Bushati ka pohuar se në Shqipëri nuk ka asnjë forcë politike që e kundërshton trajektoren e vendit drejt BE-së, por ka rezistencë politike dhe sociale në zbatimin e reformave shtetkonsoliduese që vendi ka ndërmarrë.

Duke u ndalur tek ky prioritet kombëtar, Ministri Bushati u kujdes të nënvizojë se procesi “nuk po ecën aq shpejt sa kemi dëshiruar”, dhe në disa raste njerëzit humbin durimin dhe është shumë e vështirë për të ushqyer pritshmërinë e tyre me programe dhe ide që do të zbatohen për 10 vjet ose 15 vjet.

Më poshtë intervista e plotë:
Gazetari: Dua të pyes para së gjithash pasi ju keni qenë Ministër i Jashtëm i Shqipërisë që nga viti 2013, gjatë kësaj kohe, ku ka qenë në listën tuaj të prioriteteve anëtarësimi i Shqipërisë në BE, sa e rëndësishme është?

Ministri Bushati: Ka qenë gjithmonë prioritet numër një sepse në rastin tonë është një prioritet kombëtar i përbashkët për të gjithë spektrin politik shqiptar.

Në vitin 2014 kemi bërë një hap përpara duke u bërë kandidat për në BE dhe në vitin 2016 kemi marrë rekomandimin e parë për fillimin e negociatave për anëtarësim, i cili u shoqërua gjithashtu me një kushtëzim për zbatimin e ligjit për verifikimin e gjyqtarëve dhe prokurorëve.

Më 17 prill, Komisioni Evropian dha një rekomandim të qartë për fillimin e negociatave me Shqipërinë.

Pra, gjatë këtyre viteve kemi bërë përparim të madh dhe ne presim të fillojmë negociatat për anëtarësim dhe të vazhdojmë rrugën e transformimit të vendit tonë dhe shoqërisë sonë.

Gazetari: Ju thoni se është prioriteti juaj numër një, por çfarë do të thotë kjo, sa e rëndësishme është për Shqipërinë?

A është pikërisht ajo që ju e shihni si përparim kombëtar apo standardet e kërkuara për t’u bashkuar me BE-në janë si një lloj modeli për zhvillim për Shqipërinë?

Ministri Bushati: Është e vërtetë. Është një lloj modeli për zhvillimin e Shqipërisë, për modernizimin dhe transformimin e shoqërisë sonë, por edhe për zhvillimin social dhe ekonomik.

Në rastin tonë dhe në Ballkanin Perëndimor në tërësi, jo vetëm në Shqipëri, procesi i pranimit në BE shihet si një instrument, si një nxitje për të transformuar veten, për të përmirësuar standardet e jetesës, për të përmirësuar funksionimin e institucioneve shtetërore, si dhe mënyrën si zhvillohet jeta publike.

Nuk duhet të harrojmë faktin se këtu në këtë pjesë të Evropës nuk kemi një përvojë të fortë në ndërtimin e institucioneve shtetërore demokratike.

Prandaj, procesi i anëtarësimit në BE ofron një mundësi të mjaftueshme për ne që të transformohemi dhe të ndërtojmë institucione të qëndrueshme, demokratike dhe të me përgjegjshmëri ndaj qytetarëve.

Gazetari: Dua të përcjell përgjigjen tuaj ndaj pyetjes së fundit, sepse është e rëndësishme për dëgjuesit tanë që të rikujtojmë rrugën e jashtëzakonshme që Shqipëria ka bërë në 20 vitet e fundit, kur krahasojmë gjendjen e tmerrshme të Shqipërisë në fund të viteve ’90, pothuajse në kolaps dhe ku ndodhet Shqipëria tani.

A mendoni se procesi do të kishte qenë më i vështirë nëse nuk do të kishte pasur si qëllim ato standarde të BE-së?

Ministri Bushati: Është e vetëkuptueshme. Për ne, nuk ka alternativë veçse procesi i anëtarësimit në BE dhe anëtarësimi në BE, sepse ai siguron një model për procesin e reformave në vend.

Ai siguron gjithashtu një model që përfshihet në të ashtuquajturën acquis communautaire.

Gazetari: A ka ndonjë ndjenjë anti-BE në Shqipëri? Natyrisht, ka ndjenja të dyzuara mes shumicës së vendeve anëtare të Bashkimit Evropian.

Gjithmonë kam vënë re se anëtarësimi në BE tenton të vlerësohet shumë më tepër nga vendet që janë jashtë tij.

Ministri Bushati: Në rajonin tonë, ka më shumë optimizëm për familjen e BE-së sesa brenda Bashkimit Evropian dhe Projekti Evropian gëzon më shumë mbështetje se sa brenda Bashkimit Evropian.

Në Shqipëri, nuk ka asnjë parti politike që e kundërshton këtë trajektore të vendit për t’u bërë anëtare e BE-së, por kur është fjala për zbatimin e procesit të reformave, ne po përballemi me shumë rezistencë politike dhe sociale sepse këtu ky proces ka të bëjë me ndërtimin e institucione të reja, të qëndrueshme dhe të përgjegjshme.

Ky proces ka të bëjë me prishjen e një interesi të caktuar ekonomik. Ky proces ka të bëjë me transparencën dhe ka edhe humbës në këtë proces të cilët po përpiqen ta kundërshtojnë atë.
Gazetari: Nga mendoni se vjen optimizmi për BE-në? Siç thatë edhe ju, kjo ndjenjë gëzon mbështetje nga i gjithë spektri politik shqiptar.

Çfarë mendoni se shohin tek BE-ja vendet jashtë BE-së, atë që shpesh nuk e shohin qytetarët e vendeve brenda BE-së?

Ministri Bushati: Në rastin tonë, ne e shohim këtë proces si një nxitje për të modernizuar mënyrën e jetesës, mënyrën se si punojnë institucionet, për të integruar ekonominë tonë në një treg më të madh.

Për të lidhur rajonin tonë, por edhe për të lidhur rajonin tonë me rrjetin e vendeve kryesore evropiane, për të konsoliduar programet e mobilitetit brenda rajonit tonë, por edhe me vendet anëtare të BE-së.

Pra, ka shumë përparësi për qytetarët në këtë proces. Por ne gjithashtu duhet të jemi realistë dhe të pranojmë se ky proces po vjen me detyrime të caktuara për ne gjithashtu sepse ne duhet të kryejmë procesin e reformave, ne duhet të përshtatemi me standardet evropiane, të cilat kanë qenë mjaft të panjohura për vendet në lindje dhe jug të Evropës dhe po përpiqemi të bëjmë më të mirën në këtë drejtim.

Gazetari: Sa e vështirë është të menaxhoni pritshmërinë dhe padurimin e popullit shqiptar, sepse natyrisht njerëzit duan që kjo të ndodhë sa më parë, dhe mendoj se ata mund të kenë ide të ekzagjeruara rreth asaj se cilat mund të jetë rezultatet e anëtarësimit në Bashkimin Evropian.

A është ky një ekuilibër i vështirë për tu mbajtur në aspektin e komunikimit politik?

Ministri Bushati: Po, sepse procesi nuk po ecën aq shpejt sa kemi dëshiruar. Imagjinoni, u deshën 9 vjet që nga paraqitja e kërkesës për anëtarësim në BE për të marrë rekomandimin për fillimin e negociatave të anëtarësimit.

Dhe në disa raste njerëzit humbin durimin dhe është shumë e vështirë për të ushqyer pritshmërinë e tyre me programe dhe ide që do të zbatohen për 10 vjet ose 15 vjet.

Nga ana tjetër, ne e dimë se mjedisi brenda BE-së nuk është nga ato më të mirat sa i përket procesit të zgjerimit.

Kemi Brexit dhe tani është mjaft e vështirë të flitet për një martesë kur një divorc është në proces.

Kemi gjithashtu shumë kriza dhe sfida që po përballet Bashkimi Evropian. Në të njëjtën kohë, po përpiqemi të trokasim në derën e BE-së për t’u bashkuar me këtë familje.

Gazetari: A jeni i vetëdijshëm se çdo rezistencë ndaj idesë, veçanërisht të pranimit të Shqipërisë, duke pasur parasysh rrethanat që përmendet, mund të imagjinoj se fakti që nuk duhet të merreni me gazetat tabloid të Mbretërisë së Bashkuar, mund ta bënte procesin paksa më të lehtë për ju?

Ministri Bushati: E ripërsëris, ne e shohim këtë proces përmes lenteve që u përpoqa të shpjegoj. Është pak më ndryshe nga ajo që po ndodh në Mbretërinë e Bashkuar dhe nga debati që dëshmojmë në kryeqytetet e BE-së për të ardhmen e Evropës, sepse për ne është një çështje aspirimi, është një çështje e përmirësimit të standardeve, është çështje për tu integruar në një treg më të madh, sa i përket ekonomisë sonë.

Dhe të mos harrojmë se ne kemi jetuar të izoluar në komunizëm për 5 dekada dhe e dimë se çfarë do të thotë të jesh vetëm.

Gazetar: Shumë mirë. Faleminderit shumë.

Nuk i ka ndalur lotët thuajse gjatë gjithë rrëfimit të tij 54 vjeçari nga Dibra, Uran Sejdini. Ai kishte ardhur tek rubrika “Ka një mesazh për ty” në TV Klan për të ftuar Beglien, të ëmën e moshuar pasi një brengë e madhe e ka trazuar shpirtin shpirtin e tij dhe nuk e le të qetë prej dy vitesh.

E gjithë kjo ka filluar në dhjetor të vitit 2016, kur papritur ndahet nga jeta babai i Uranit megjithse kishte 16 vite që nuk ngrihej nga krevati. Për shkak se e ëma ishte po ashtu e shtruar në spital dhe në gjendje të rëndë, lajmin për humbjen e bashkëshortit nuk i’a dhanë në kohë.

Ajo nuk i’a fali kurrë Uranit që nuk i mundësoi që të ishte afër bashkëshortit për t’i mbyllur sytë. Gjithë këtë mërzitje ajo ia ka shkarkuar djalit të saj duke i folur ashpër e duke e bërë fajtor. Por Urani ka shpjeguar se ia ka mbajtur të fshehtë që të mos rrezikonte ndonjë fatkeqësi nga ky lajm i hidhur që do merrte Beglija.

“Për 50 vite e mbajta burrin tim dhe për 16 vite në shtrat dhe ti nuk më solle që t’ja mbyll sytë për herë të fundit” i ishte shprehur e ëma pak para se të përcillte të shoqin për në banesën e fundit. Që atëherë ajo ka ndryshuar shumë duke u bërë më nevrike e të mos ketë më atë dobësi që ka patur për djalin e saj të vetëm Uranin. Megjithëse është përpjekur shumë herë për t’ja shpjeguar se kjo që ka ndodhur është fati i paracaktuar, ajo e ka përmendur vazhdimisht si një faj të djalit të saj.

Beglija nuk e ka fshehur nostalgjinë e saj për bashkëshortin e ndarë nga jeta por as i ka ndalur lotët nga mesazhi i djalit. “Nëse ti e ndien që unë nuk jam fajtor, të lutem më premto që nuk do ma përmendësh më derisa të jesh gjallë”, i është drejtuar Urani të ëmës. Ajo nuk është menduar shumë por pasi ka fshirë lotët i ka thënë e vendosur “të kam falur dhe nuk ta kujtoj më asnjëherë”.

Urani është ndier i çliruar nga kjo barrë e cila aq shumë po e mundonte sa kishte menduar edhe t’i jepte fund jetës. Si shenjë mirënjohje për këtë “falje” nga ana e nënës, Urani i ka puthur dorën i ulur në gjunjë. Nga sot gjërat do jenë më ndryshe për nënë e bir sepse në fund të fundit të gjithë e dimë se jeta dhe vdekja nuk është në dorën tonë.

Protesta e thirrur nga opozita tregoi më së miri se Rama dhe Basha janë një miks. Së bashku mbrojnë iteresat e njëri-tjetrit. Ndaj dhe rrjeti ka shpërthyer në postime dhe foto komike.

“O ëndërr mos mbaro, nga gjumi mos më zgjo!”, shkruan Bledi Mane përbri fotos së Ramës me tiparet e Lulzimit.

“I kanë dhënë fjalën njëri-tjetrit, që edhe nëse nuk ngel këmbë shqiptari këtu, do jene bashkë”, shkruan një nga komentuesit.

“Antiamerikanët që hiqen si perëndimorë dhe që duan të destabilizojnë Shqipërinë për të siguruar gjënë e tyre të vjedhur, dështuan dje plotësisht, sepse shqiptarët këtë herë as që i përfillën fare, ngaqë e kuptuan se korrupsioni shqiptar që po drejton Shqipërinë, është një forcë e dështuar”, janë fjalët e avokat Ngjelës që përshkruajnë më së miri situatën.

Tabloidi britanik “Daily Mail” ka kryer një investigim sa i takon investimit të parave të fituara nga droga të një shqiptari të dënuar në Britaninë e Madhe. Bëhet fjalë për Klodjan Ccopja, 31 vjecc, nga Elbasani.“Bar restoranti ‘Living’ nuk do të dukej i papërshtatshëm në qendër të Londrës, ose një nga vendpushimet më të shtrenjta italiane. Por kjo nuk është Soho. Jemi në Bulevardin Qemal Stafa në Elbasan, Shqipëri, një nga qytetet më të depresionuara dhe më të ndotura në Europë. Është krejtësisht e zymtë. Kush do të kishte të ardhurat e mbledhura nga kursimet, që të ndërtonte një vend si “Living” në një vend si Elbasani?

Për këtë restorant janë të ardhurat nga biznesi i paligjshëm i një “manjati” me emrin Klodjan Copja”. Keshtu e nis artikullin reportazh prestigjiozja britanike “Daily Mail”, ne shkrimin e dates 25 Maj.“Në një prej pikturave të lokalit janë shkruar disa vargje nga kënga e grupit muzikor “The Beatles’ me titull All You Need Is Love “E gjitha që ju duhet është dashuria. Por në fakt ajo që duhet të shkruhej në këtë lokal është “E gjitha që ju duhet janë paratë e drogës” vijon me tej artikulli.

“Për mirë apo për keq, të gjithë në Elbasan e njohin zotin Çopja. Ai ngjason me Leonardo Di Caprion dhe kur kthehej nga Londra në Elbasan udhëtonte me një Ferrari të kuq. Perandoria e trafikut të kokainës ndërtuar nga 31 vjeçari Çopja u shkatërruar kur u diktuan korrierët e grupit. Për policinë angleze që hetoi rrjetin e tij kriminal ai ishte mjeshtër për t’u fshehur. Kur e pa që të gjithë anëtarët e rrjetit ranë në prangat e policisë kriminale angleze ai ilegalisht u largua për ti shpëtuar arrestit. Megjithatë Klodjan Copja do të arrestohej në kufirin greko-shqiptarë me një pasaportë të falsifikuar e më pas do të ekstradohej në Angli. Ndërkohë në Elbasan pak njerëz marrin guximin të përmendin emrin e Klodjan Copjas”, shkruan më tej “Daily Mail”.

Një qytetar nga Elbasani ka thene per gazetaret e ‘Daily Mail’: ”Një në tre persona në Elbasan kanë lidhje financiare me grupet kriminale. Prandaj edhe njerëzit nuk flasin për këtë problem. Nëse flet dikush do ta marrë vesh dhe makina jote është e rrezikuar të hidhet në erë. Në Elbasan janë tre grupe kriminale të lidhura me drogën në Angli nga ku ai i Klodjan Copjas është më i fuqishmi. Të gjithë ata janë të paprekshëm pasi e kanë blerë shtetin”.Daily Mail thotë se ka parë regjistrin e bizneseve shqiptare nga ku rezulton se lokali Livin i Klodjan Capajt është regjistruar në emrin e nënës së tij 62 vjeçare

DENIMI I COPJAS

30 – vjeçari Klodian Copja u dënua nga Kingston Croën Court, pasi u shpall fajtor për 3 akuza, atë të shpërndarjes së drogës së Klasit A, të Klasit C dhe të importit të drogës së Klasit A.Copja u kap nga Policia Metropolitane pas zbulimit të një rrjeti të shpërndarjes së kokainë në Britani nga Prilli i vitit 2013 deri në Korrik të 2015 -ës. Shqiptari ishte koka e një rrjeti të madh të shpërndarjes së kokainës, përgjegjëse për importimin e një sasie droge që kapte vlerë e 60 milion paundëve.

Met (Polici Metropolitane), në bashkëpunim me një numër të madh forcash të policisë nëpër Britani, zhvilloi një hetim të detajuar mbi lëtë rrjet të shpërndarjes së drogës që çoi në dënimin e 42 personave me një total prej 360 vitesh heqje lirie.Gjatë periudhës së parë, nga Prilli i vitit 2013 deri në Korrik të po këtij viti, efektivët e Met punuan me kolegët e tyre në Kent, Ëest Midlands, Bedfordshire dhe Thames Valley për të kryer një operacion përgjimesh mbi rrjetin e drogës të shqiptarit Copja.

Kjo çoi në arrestimin e 12 personave, klientë apo shpërndarës të drogës së Klasit A, me një vlerë prej rreth 2.5 milion paund.Ata u dënuan me 166 vite burg në total.Në Korrik të 2013 -ës, oficerët e policisë së Met ndaluan korrierët e 30 – vjeçarit Copja, me një sasi prej 11 kilogramë kokainë, 6.5 kilogramë heroinë dhe 3 kilogramë kanabis në zonën e Earls Court të Londrës.Gjatë arrestimeve, Copja u pa duke lëvizur me makinë në shtëpinë që konsiderohej si e sigurt nga grupi, përpara se të arratisej nga Britania po atë ditë.

30 – vjeçari u rikthye në këtë shtet në Mars të 2014 -ës dhe hetimi mbi rrjetin e tij vijoi.Mes Marsit të 2014 -ës dhe Korrikut të 2014 -ës, policia zbuloi se Copja kishte punësuar një rrjet të ri korrierësh.Një prej tyre u identifikua si korrieri që bënte rrugë çdo jave në Maidstone, Kent, ku ai takohej me një kamion që importonte kokainë nga kontinenti në Britaninë e Madhe.Një moment që droga mbërrinte në Britani, korrieri e shpërndante atë nëpër grupet e shumta të organizuara kriminale nëpër Londër, Birmingham, Leicester dhe Nottingham.

Copja u arratis sërish nga Britania e Madhe dhe rrjeti i tij u mbyll.Hetimet zbuluan se ky rrjet kishte importuar përafërsisht 540 kilogramë kokainë, me vlerë rreth 23 milion paund, përpara se të ndaloheshin.Copja u rikthye në Britani sërish në Tetor të 2014 -ës dhe po rindërtoi rrjetin e tij të shpërndarjes së kokainës.Përgjimet telefonike e implikonin Copjan për orkestrim të rrjetit jashtë vendit.Pasi mori vesh se bashkëpunëtori i tij ishte arrestuar, ai qëndroi në arrati deri në Mars të 2017 -ës, kur u arrestua në Greqi dhe u ekstradua drejt Britanisë së Madhe.Klodjan Copja u dënua nga Gjykata e Kingston më 4 Gusht.