Aurora

Një përgjigje jo e detyruar, por për hir të transparencës, kuriozitetit të kolegëve dhe atyre që ndoshta nuk morën atë që pritej, si redaksi i detyrohet jo vetëm një sqarim, por më shumë sesa një sqarim.
Sot në mesditë në redaksinë e CNA mbërritën disa foto të disa personazheve të rëndësishëm politikë në vend. Disa foto të deputetit Ervin Salianji, disa foto të zonjës Grida Duma dhe foto të tjera, por përtej kësaj edhe disa materiale shtesë në lidhje me një video të publikuar prej nesh disa kohë më parë, midis deputetit Ervin Salianji dhe shtetases G.D, një bisedë që zhvillohej në ambientet e Parlamentit.

Sot ne paralajmëruam publikimin e materialeve të tjera dhe publikuam vetëm dy foto të fundit të cilat ishin marrë diku rreth mesditës dhe për të cilat ne kishim shumë dyshime. Por në fakt ne i publikuam ato thjeshtë si disa foto normale pa asnjë gjë të keqe, që ndoshta më shumë i përkisnin rubrikës rozë.

I nevojshëm sqarimi është jo vetëm për kolegët e “Pamflet-it” apo e medieve të tjera që prisnin foto totalisht pa censurë ashtu si  kemi vepruar këto vite. Ne jemi pa censurë dhe do të vazhdojmë të jemi pa censurë, por fotot dhe publikimi i tyre në fakt do të shkelte etikën tonë. Këtë e themi sepse edhe disa foto të zotit Salianji janë private, krejtësisht dhe të zonjës Duma apo dhe foto të tjera, për të cilat askush, jo ne, por askush nga mediet nuk ka të drejtë t’i publikojë.

Dikush do të pyes ku ndryshon zbutja juaj në rastin e agresivitetit që keni pasur në videon e Salianjit me shtetasen G.D. Këtë po e sqarojmë me dy fjali.

Së pari në videon Salianji-G.D gjithçka është e regjistruar, është autentike dhe është bërë në ambientet e Parlamentit. Pra qytetari nuk është është njeri i thjeshtë, por është përfaqësues i popullit deputet i zgjedhur që paguhet nga taksat e shqiptarëve. Kurse në rastin e fotove të ardhura në redaksinë tone të cilat ne nuk pranuam t’i publikojmë, por zgjodhëm vetëm dy prej tyre dhe refuzuam për t’i publikuar ato apo për t’i mbajtur, kjo erdhi sepse ishin totalisht foto private dhe intime të qytetarëve të thjeshtë.

Pra ne nuk mund të cënojmë dhe të shkojmë tek jeta private, tek vila e dikujt në Qerret, tek hyrja e pallatit në Tiranë, vila të tjera, hyrje të tjera hotele, motele apo histori të tilla që ne nuk na duhen aspak.
Ajo që na duhet ne është historia dhe sjellja politike. Përtej saj ne nuk kemi asnjë lloj dyshimi dhe jemi të qartë se kjo nuk është censurë, por është liri e tyre private, pra e çdo qytetari qofshin këta deputetë, ministra që do shohin jetën e tyre.

Dhe ne zgjodhëm që këto foto të mos i publikojmë vetëm për këtë arsye. Njerëzit kanë jetën e tyre private dhe ne duhet ta respektojmë atë, ashtu sikundër ne do të jemi të gatshëm dhe shumë agresivë që të publikojmë gjithçka nga ato materiale të cilat nuk cënojnë jetën private të askujt.

Këtë e kemi bërë dhe do ta bëjmë dhe gjithmonë do t’i qëndrojmë këtij parimi.

Dëmi ekonomik i shkaktuar me disa tenderë për blerjen e mjeteve çon nën akuzë ish-drejtorin e Autoritetit Portual Durrës dhe 9 vartësit e tij, anëtarë të komisionit dhe të sektorëve përgjegjës për procedurat e tenderimit dhe vlerësimit të ofertave.

Drejtoria Hetimore Qendrore në Policinë e Shtetit dhe Sektori për Hetimin e Krimit Ekonomik e Financiar në Policinë e Durrësit, në bashkëpunim me Prokurorinë e Rrethit, në funksion të procedimit për veprën penale të shpërdorimit të detyrës dhe shkelje e barazisë në tendera, kanë ekzekutuar 10 vendime të Gjykatës së Durrësit, për zyrtarë apo ish-zyrtarë të Autoritetit Portual.

Prokuroria kërkoi arrestimin e 5 prej zyrtarëve të dyshuar dhe masën “arrest me bug”, por gjyqtarja e çështjes, Eda Kaja, nuk pranoi dhe hodhi poshtë masat e arrestit për këtë grup zyrtarësh, me në krye ish-drejtorin Aleksandër Lipivani.

Por ndërsa u kërkua ekstradimi i tij pas arrestimit më 11 tetor 2017, gjyqtarja Kaja vendosi “detyrim paraqitje”, kundrejt garancisë bankare.

Gjyqtarja pasi vlerësoi masat, vendosi vetëm “detyrim paraqitjeje” për të dyshuarit. Vendimi është marrë nga e njëjta gjyqtare që pak muaj më parë liroi nga qelia turkun Muhammet Yasir Aydogmus, 41 vjeç, që u kap pa dokumente të rregullta dhe kërkohej si terrorist nga drejtësia e Turqisë.

Ky procedim erdhi pas kontrollit që kishte bërë Ministria e Energjetikës dhe Trasportit, ku rezultonin me shkelje dhe shpërdorime të ligjeve në tendera etj.

Konkretisht janë gjetur shkelje në tenderin e blerjes së një automjeti, një ambulance dhe një zjarrfikëseje për nevojat e portit.

Të proceduarit janë përveç ish-drejtorit 42-vjeçar Lipivani, edhe S.T., 58 vjeç, ekonomist në Drejtorinë Ekonomike, N.H., 61 vjeç, inxhinier mekanik në Sektorin Operativ dhe Mjeteve Teknike, L.K., 51 vjeçe, ekonomiste në Sektorin e Terminalit Perëndimor, E.K., 33 vjeç, jurist në Sektorin e Prokurimeve Publike, J. R., 35 vjeçe, juriste në Sektorin e Prokurimeve Publike, A.M., 53 vjeç, ish-jurist në Sektorin e Prokurimeve Publike, A.K., 36 vjeç, drejtor i Drejtorisë së Burimeve Njerëzore, Sh.Xh., 55 vjeç, ish-Zëvëndësdrejtor i Forcës së Sigurisë dhe Y. K., 66 vjeç, ish-specialist i blerjeve të vogla në Sektorin e Prokurimeve Publike.

Për zyrtarët ende në detyrë është marrë vetëm masa e pezullimit nga detyra, por do hetohen në gjendje të lirë.

“Ekspertimi i kryer në lidhje me ofertat e paraqitura për 3 lote të tenderit, ka dokumentuar se ofertat nuk ishin të rregullta dhe janë hartuar nga i njëjti operator ekonomik.

Ndërsa në lotet për blerjen e mjeteve auto-ambulancë dhe zjarrfikës, rezulton se mungojnë pajisjet shtesë dhe shpëtuese kundër zjarrit.

Hetimi ka provuar gjithashtu se kërkesa për këto mjete ishte e pa-argumentuar, nisur nga domosdoshmëria për to.

Gjithashtu është dokumentuar se nuk ishte kompetencë e këtyre Drejtorive, përcaktimi i fondit për blerjen e automjeteve, fakt që ngarkon me përgjegjësi titullarin i institucionit”, thuhet në dosjen penale.