Maxhoranca qeverisëse me gjithë bllokimin e foltores nga ana e Partisë Demokratike arriti të miratonte vetëm me votat e saj ligjet e parashikuara në rendin e ditës dhe më pas u largua nga seanca.
Opozita bllokoi për më shumë se dy orë foltoren, ndërsa pas miratimit të ligjeve ishte Flamur Noka ai që mori fjalën nga ku akuzoi qeverinë se nuk e do integrimin.
Fjala e Flamur Nokës në Kuvend:
Edi Rama nuk e do integrimin e Shqipërisë, kabineti është i mbushur me hajdutë dhe lidhje kriminale. Rama nuk e do integrimin dhe hapjen e negociatave, pasi do të ishte fundi i një qeveri batakçinjsh. Rama njeh vetëm rrugën e krimit, prandaj nuk është për hapjen e negociatave. Pas këtij muaji në rast se Rama rri këtu dhe shet dëngla, do i themi se numërimi mbrapsht ka filluar dhe është i shkurtër, do e përmbysim.
Në Kuvendin e Shqipërisë ka qenë sot i pranishëm një deputet i Bundestagut gjerman, pjesë e koalicionit qeverisës në Gjermani. Porn ë zllamahinë ku ësjtë katandisur Kuvendi ynë më mirë të mos e kishte parë hiç me sy. Seanca u bllokua si zakonisht nga opozita që nuk lëvizte nga foltorja. Por edhe pse në këtë situatë, Gramoz Ruçi arriti të miratonte rendin e ditës.
“Një mik tjetër i bundestagut gjerman, kësaj radhe i Partisë Social Demokrate Gjermane, anëtar i komitetit për çështjet e Bashkimit Evropian në budestag është sot në parlamentin e Shqipërisë dhe më pas për takime me zyrtarë të lartë të qeverisë shqiptare.
Dua ta them me zë të lartë që Partia Social Demokrate gjermane, pjesë e koalicionit qeverisës në Gjermani është një mbështetëse e madhe e procesit të zgjerimit të mëtejshëm të BE-së. Por ajo që është e rëndësishme për ne është që social-demokratët gjermanë mbështetin hapjen e negociatave me Shqipërinë”, deklaroi Balla i shoqëroar nga deputi pasi doli nga seanca
Në zemër të stinës së dimrit, në zemër të Tiranës, dhe në zemër të natyrës, kemi vendosur t’ju udhëheqim këtë radhë drejt një destinacioni shumë të afërt e që besojmë se nëse keni vizituar Tiranën, keni qenë patjetër edhe në Dajt.
Mali i Dajtit, me atë kurrizin karakteristik në formën e një deveje, është quajtur me plot meritë “ballkoni i Tiranës”, për pamjen e bukur që të fal në çdo stinë të vitit, ku mund të shihet edhe vija e horizontit të detit të Durrësit, sidomos në ditët e kthjellëta e të lara të pranverës.
Por ne donim të provonim edhe kënaqësinë e dëborës dhe vendosëm t’i bëjmë një vizitë në fund të dhjetorit. Për fat të keq nuk e merrnim dot rrugën automobilistike, sepse kushtet e saj janë përkeqësuar mjaft e mbi të gjitha akulli në rrugë nuk na lejonte të ngjiteshim lart. Kështu, për të mos pasur një aventurë të pakëndshme, që nuk do të na linte të shijonim dëborën, iu drejtuam teleferikut, për ta prekur edhe më shpejt nga ajri.
Udhëtimi me teleferik është një kënaqësi më vete, sidomos momenti i shkëputjes nga stacioni, sepse çdo zhurmë humbet dhe ty të duket një çast sikur do të biesh. Pastaj mbetesh vetëm ti dhe natyra, kuptohet, edhe bashkudhëtarët e tu, që shikojnë edhe ata përtej transparencës plastike ku shumë të tjerë para nesh kanë lënë gjurmët e emrave të tyre. Poshtë natyra është shumëngjyrëshe, sepse nga lart dëbora të lejon të shohësh atë çka nuk ka mbuluar dot, gjethet e thara të mbetura aty-këtu nëpër pemë, ndonjë lëndinë me reliev të thyer, copa shkëmbi vertikal që zbulojnë grinë e tyre dhe shkurre ku të blerta e ku të ndryshkura që plotësojnë mozaikun. Liqeni i vogël të ndjell ftohtë por në kabinën e teleferikut është shumë ngrohtë dhe këndshëm, ndonëse koha e udhëtimit është shumë e shkurtër, vetëm 15 min.
Mbërrijmë më në fund në stacionin e sipërm, ku vizitorët janë të shumtë. Askush nuk kishte ndër mend ta linte pa e shkelur borën e Dajtit. Këtë e pamë, sapo dolëm nga kulla e xhamtë e teleferikut dhe zbritëm në sheshin e parkut të Dajtit. Shumë zëra njerëzish, të vegjël e të mëdhenj, thërrisnin gëzueshëm, teksa shkëmbenin me forcë topat e borës. Dikush ishte kujtuar të bënte edhe një babagjysh, rreth të cilit tani vinin rrotull tre-katër fëmijë. Në buzë të rrugës që kalon pranë sheshit, dy kuaj prisnin duke shkrofëtitur e nxjerrë avull nga hundët e nga goja. Ai që u mbante frerët, thërriste: “Hajde mirësevini, bëni një xhiro me kalë, dymijë lekë, dymijë lekë”…
Pak më larg burrit me kuaj ishin rreshtuar fugonët që transportonin falas klientët që kishin zgjedhur të shkonin më poshtë për të drekuar tek qendra turistike “Panorama”, tek kompleksi “King Park” apo tek restoranti karakteristik me atë basenin e bukur të peshqve “Gurra e Perrisë”.
Tre djem ishin kujtuar të merrnin me vete pajisjet e skive (sa zili i pata në atë moment) dhe po i mbathnin. Me shkopinj në dorë, ata u drejtuan poshtë luginës, atje ku po bëheshin gati të rrëshqisnin me ski. Ne nuk kishim ski me vete, por do të shijonim gjithsesi ngrohtësinë e Ballkonit të Dajtit, ku mishi i pjekur dhe picat me furrë druri, ishin kryefjala e atyre që kishin zgjedhur të pushonin pasivisht, duke shijuar dëborën nga dritaret.
Në fakt ishte shumë bukur ta shijoje dëborën edhe nga dritaret e Ballkonit të Dajtit, sado që, ne do të kishim dashur të kishim me vete edhe ndonjë palë ski. Por në fund të drekës, vendosëm gjithsesi të bënim një shëtitje në pyll. Dëbora nuk kishte shtresëzuar aq shumë sa të humbisje në të, mund të lëvizej edhe nëpër shtigjet e pyllit me ahe. Dhe vërtet ashtu bëmë. Nuk kishte kënaqësi më të madhe sesa të dëgjoje zhurmën e butë të çizmeve e këpucëve që zhyteshin në bardhësi. Ndonjë trumcak që lëvizte nëpër degë e shkundte një vrundull dëbore, ishte e vetmja zhurmë që prishte qetësinë e pyllit në ato momente.
Ja pra sesi u dashka fare pak, për të provuar kënaqësitë e thjeshta të jetës, një biletë për të udhëtuar me teleferik, një picë në furrë druri dhe një shëtitje në dëborë, ku takimi me natyrën kthehet në një takim me kënaqësinë. Mjaftojnë ca flokë dëbore për të të kujtuar se edhe fare pranë mund të argëtohesh pa masë, pa qenë nevoja që të ngresh valixhet e të shkosh për pushime. Faleminderit Dajti…
Parku kombëtar i Dajtit
Është një 15 parqet kombëtare të Shqipërisë, i vendosur në lindje të kryeqytetit. Parku zë një sipërfaqe prej 3300 hektarësh dhe është destinacioni më i frekuentuar ditor i kryeqytetasve por edhe i vizitorëve të shumtë. Një nga parqet më të mëdhenj kombëtarë të Shqipërisë, ai bëhet gjithmonë objekt vizitash edhe për ata që në Tiranë nuk vijnë për turizëm po për punë ose aktivitete të ndryshme.
Vera në Dajt është e freskët dhe dimri është i ftohtë, kryesisht me dëborë. Temperaturat gjatë dimrit arrijnë edhe në minus. Reshjet janë të bollshme gjatë të gjithë vitit, por kryesisht në pranverë dhe në vjeshtë. Për shkak të malit të Dajtit, Tirana është një nga qytetet e Shqipërisë ku bien më shumë reshje. Në të katër stinët e vitit, natyra prezanton një spektakël të vërtetë në parkun e Dajtit.
Tarraca detare e Dajtit. Ndodhet 1000 m mbi nivelin e detit, në shpatin perëndimor të malit të Dajtit, Brenda Parkut Kombëtar. Është e gjatë rreth 2 km dhe e gjerë 600-800 m. formon fushë me livadhe e pyje ahu përreth. Vizitohet me teleferik Tiranë-Dajt 14 minuta, ose sipas rrugës Tiranë-Dajt. E veçanta e bimësisë së parkut nuk është vetëm shumëllojshmëria por edhe shtresëzimi. Flora fillon me shkurret, vazhdon duke u ngjitur në lartësi me dushkun dhe përfundon
me ahet 200-vjeçarë dhe halorët. Pisha e bredha të lartë zbukurojnë majën e malit si gjatë dimrit të mbushur me dëborë, ashtu edhe gjatë stinëve të tjera të mbushura me gjelbërim. Ndonëse tashmë me një numër të kufizuar, fauna e parkut është e larmishme. Brenda pyllit strehohet ariu i murrmë, ujku, dhelpra, derri i egër, lepuri i egër, macja e egër etj.
Aktivitete dhe sporte të ndryshme
Maja e malit të Dajtit është 1600 m mbi nivelin e detit. Në shpatet e tij të pyllëzuara rriten mjaft kafshë të egra. Kështu ju mund të ushtroni sportin e gjuetisë gjatë sezonit, mund të bëni ski në dimër, mund të ngjiteni malit, të bëni ekskursione, kamping, etj. Të gjitha këto aktivitete do ta pasurojnë më tepër qëndrimin tuaj në Dajt.
Teleferiku
Ka disa vite që në Malin e Dajtit ju ofrohet një shërbim mjaft komod dhe i këndshëm, ai i transportit me teleferik, nga rrëza e Dajtit e deri në majë të tij. Vizitorët mund ta përshkojnë rrugën ajrore të Dajtit vetëm për 15 min, duke paguar një biletë prej 700 lekë të reja për të rriturit dhe 400 lekë për fëmijët. Në këtë rast ata paguajnë edhe shijimin e një panorame të mrekullueshme që u ofron zona.
Kuzhina dhe akomodimi
Dajti ofron një strukturë të mirëfilltë turistike, si për turizmin ditor ashtu edhe për llojet e tjera të tij. Përgjatë rrugës së Dajtit dhe në zonën e tij turistike janë ndërtuar një sërë hotelesh e restorantesh, që mirëpresin pushuesit dhe vizitorët. Kushtet e hoteleve dhe komplekseve turistike janë moderne dhe shumë të rehatshme, të pajisura me shërbime të shumta. Komplekset Panorama dhe King park që ndodhen në majë të Dajtit, dhe restorant “Gurra e Perrisë”, mundësojnë transportin falas të vizitorëve që vijnë me teleferik. Që nga stacioni i teleferikut e deri tek kompleksi përkatës, transporti është falas. Kuzhina që ju ofron Kompleksi King Park është tradicionale shqiptare, me produktet e mishit të gatuara në shumë mënyra dhe perime të freskëta të stinës,verëra shqiptare dhe franceze si dhe peshk të freskët nga basenet e kompleksit. Edhe qengji i pjekur në hell ju serviret në këtë zonë. Këtë do t’jua tregojë shumë mirë çdo restorant, i cili në një kënd të ambientit të tij të jashtëm, ka vendosur furrën për të pjekur në hell qengjin, krenarinë e kuzhinës së kësaj zone. Por restorantet ju ofrojnë gjithashtu edhe kuzhinë ndërkombëtare apo piceri, siç do të gjeni në kompleksin Panorama.
Çfarë mund të vizitoni tjetër
Shpella e Zezë
Ndodhet në grykën e Skoranës, pranë fshatit Pëllumbas. Njihet dhe me emrin “Shpella e Pëllumbasit”. Është shpellë karstike, e cilësuar Sensanioni i Speleologjisë Shqiptare, sepse eksplorimi i fundit nga speleologët e Firences dhe P. Qiriazi, gjetën skelete të arinjve të shpellave, që kanë jetuar nga 10.000-400.000 vjet më parë dhe mbetje të kulturës humane, që u takojnë periudhës nga paleoliti i lartë në mesjetën e hershme. Është e gjatë 360 m, 10-15 m e gjerë, 15-45 m e lartë, e mbushur me shumë stalaktit, stalagmite, kolona, që dallohen për një bukuri të rrallë. Është përgatitur projekti që synon ta kthejë në muze gjeologo-gjeografik, paleontologjik dhe arkeologjik, i cili, si dhe homologët europianë, do të ngjallë interesin shkencor dhe sidomos turistik. Vizitohet sipas rrugës Tiranë-Bërzhitë-Pëllumbas-rruga këmbësore te shpella.
Shkalla e Tujanit
Gjendet në luginën e lumit të Tiranës. Është formuar prej tij në gëlqerorë me antecedencë. Përfaqëson një kanion rreth 1,2 km të gjatë, 20-50 m të gjerë dhe 200-300 m të thellë , me guva e shpella karstike të paeksploruara. Përgjatë saj kalonte rruga antike Tiranë-Dibër e Madhe dhe më tej. Ka vlera gjeomorfologjike didaktike, kulturore, turistike. Vizitohet sipas rrugës Tiranë-Brar-Zall Dajt.
Karsti i Malit me Gropa. Gjendet në lindje të vargut malor Krujë-Dajt, në kreshtën tepër të karstëzuar të Malit me Gropa. Është peizazhi më klasik i karstit në Shqipëri. Emri i malit lidhet me gropat, hinkat, puset e dendura karstike, që ngjasojnë me hojet e bletëve. Ka shumë kullota e livadhe cilësore. Ka vlera shkencore gjeomorfologjike didaktike, turistike. Vizitohet sipas rrugës Tiranë-Dajt-Bizë.
Është ndërprerë për të tretën seanca parlamentare, pasi opozita ka bllokuar foltoren e Kuvendit. Kreu i Kuvendit Gramoz Ruçi u bëri thirrje deputetëve demokratë që të ulen në vendet e tyre, ndërkohë që këta të fundit nuk pranuan.
“Uluni poshtë e mos e zgjasni. Ndaj kryetar i grupit, kolegë të opozitës, ulni poshtë. Se ndryshe do të vazhdojë me çështje të tjera që kemi në rend të ditës. Atëherë zoti Gentian Sula, kryetari i këshillit të RTSh, në pamundësi që të marrë fjalës, pasi opozita ka bllokuar foltoren, ndërpritet seanca”, tha Ruci.
Teksa deputetët e opozitës ishin në foltoren e Kuvendit kreu i grupit parlamentar socialist Taulant Balla kërkoi që të hiqej dorë nga diskutimet dhe të kalohej me një herë në votim.
“Shqiptarët nuk duan fjalë po vepra, votoni sepse në secilën për zonat nga keni ardhur mezi presin investime nga rrjeti vaditës. Zoti kryetar i Kuvendit dua t’u kërkoja të hiqnim dorë nga diskutimet dhe të kalojmë menjëherë në votim”, tha Balla.
Kreu i Kuvendit, Gramoz Ruçi pranoi propozimin e Ballës duke kaluar menjëherë në votim, teksa opozita vijonte të fliste në foltore.
Mali i Tomorrit bën pjesë në Parkun Kombëtar me të njëjtin emër.
Për vitin 2017, në këtë park janë futur rreth 160 mijë turistë vendas e të huaj të cilët kanë vizituar edhe qytetin e Beratit. Ky është një numër i konsiderueshëm për një Park Natyrorë që kërkon aftësi fizike të veçantë për ta eksploruar për shkak të terrenit të tij malor dhe të vështirë në rrugë kalime.
Mali i Tomorrit shtrihet në lindje të qytetit të Beratit dhe verilindje të qytetit të Çorovodës dhe gëzon statusin e Parkut Kombëtar. Edhe këtë fillimvit,nuk kanë munguar ngjitjet sportive në shpatet me borë apo aventurier të rafftingut në kanionet e Osumit.
Ecjet në këmbë dhe me motorra në shtigjet e hapura posaçërisht për vizitorët turistik vendas e të huaj, e kanë bërë më të lehtë orientimin dhe ngjitjen në lartësitë e vështira të këtij mali mitik shkruan ATSH..
Parku Kombëtar i Tomorrit ka qenë tepër i vizitueshëm këtë vit.
Nga Administra e këtij parku raportohet se numri i vizitorëve në 2017 ka qenë rreth 170 mijë vizitorë dhe nga këta rreth 20 mijë kanë qenë turistë të huaj, kryesisht nga vendet nordike.
Nën këmbët e Tomorrit rrjedh Lumi Osum që duke zbritur në terrene tepër malore ka krijuar kanionet e famshëm të tijë tepër të vizituar sidomos në stinën e verës.
Por, jo vetëm kanionet, në këtë intenerar gjenden dhe disa objekte kulti të feve kristiane e bektashiane. Gjenden Monumente të Natyrës dhe të Kulturës.
Berati, qytet i mbrojtur nga UNESCO, ka një sërë objektesh kulturore për tu vizituar.
Është kalaja, themelet e së cilës prekin lashtësinë me 2400 vitet e saj, kishat bizantine, muzetë e shumtë që nga Onufri deri te ai i etnografisë, xhamitë karakteristike si ajo e “ Beqarve”, xhamia “ Plumb” etj.
Drejtori i AdZM-së Berat Fatos Nako thotë se turizmi i bardhë i këtij dimri do të na gjejë me një strukturë të re rrugore (shtigje turistike) drejt lartësive të pa shkelura më parë.
Ai tha se rangersat dhe specialistët e guidave po përgatiten për këtë sezon.
Turizmi i bardhë ka nisur, po kështu kanë nisur dhe përgatitjet për ta shfrytëzuar atë.
Tomorri është mali më i veçantë në Shqipëri dhe më enigmatiku. Është quajtur froni i perëndive për lartësinë, egërsinë, bukurinë dhe enigmën e tij.
Aty mbretëronte sipas mitologjisë Dodona Pellazgjike ose Dodona “Dimër Keqe”. Ka zona të mbuluara me borë të përjetshme si dhe shumë burime ujore disa edhe të çuditshëm si ai i kuçedrës.
Gojëdhëna thotë se atë e komandon një kuçedër që e lëshon dhe e pret ujin kur do ajo.
Dhe vërtet uji në këtë burim rrjedh me ndërprerje.
Mund të jesh duke pirë ujë në të dhe befas ai ndërpritet. Gjeologët e shpjegojnë si një fenomen gjeologjik që ndodh në shtresat tektonike të nëntomorrit, por ka dhe një gojëdhënë që flet se ai mal qëndron sipër diçkaje, pra poshtë tij fshihet diçka.
Në stinën e dimrit zbardhet i gjithi dhe vizitorët nuk i mungojnë.
Turisti duke udhëtuar drejt tij, mund të shfrytëzojë kanionet e Lumit Osum, shpellat e rrjedhës së tij, mund të njihet me monumente kulture të vjetra si ura, kisha e teqe, por mund të ushtrojë dhe sportin e skive apo të ngjitjeve malore.
Në fundjavë drejt këtij mali udhëtojnë aventurier e borës të ngjitjeve malore si dhe ata që pëlqejnë rrëshqitjet me ski.
Nga agjencitë turistike të Beratit por dhe nga Tirana, kanë bërë pronotime për të kaluar festat e fund vitit ne qytetin e Beratit dhe në zonat me borë të Tomorrit./ATSH
Së shpejti ata do të kthehen në tryezat tona me ngjyrat e tyre të ndritshme, aromën mesdhetare dhe shijen unike dhe të pagabueshme.
Ne po flasim për fikun e detit, një frut ndoshta më pak i njohur se “kushërinjtë” më klasikë, por po aq i mirë dhe me vlera panumërta.
Le t’i zbulojmë së bashku!
Fiku i detit është bimë me gjemba që rriten në zona të ngrohta.
Ne i gjejmë veçanërisht në Kalabri dhe Siçili.
Ata nuk kërkojnë kujdes të veçantë dhe nuk kërkojnë që njerëzit t’i kultivojnë. Kjo do të thotë se ata janë të lirë nga pesticidet, një faktor shumë i rëndësishëm.
Periudha e mbledhjes është përgjithësisht ndërmjet gushtit dhe shtatorit, shkruan ShkodraNews. Fiku i detit ose fiku i egër përbëhet nga 85.5% ujë, 3.5% fibra, 0.7% protein dhe 0.5% yndyrë.
Mineralet e pranishme janë:
Kalium, magnez, kalcium, fosfor, natrium, bakër, zink, selen dhe hekur.
Vitaminat janë:
Vitamina A, vitamina B1, B2, B3, B6, vitamina C. Ata gjithashtu përmbajnë beta-carotene dhe substance të forta antioksidante.
Studimet e fundit shkencore kanë konfirmuar se fiku i detit kane veti terapeutike.
Le të gjejmë më të rëndësishmet:
Ndihmë në humbje peshe:
Fiku i detit ndihmon për të humbur peshë në sajë të përmbajtjes së rëndësishme të fibrave të tretshëm që favorizojnë kalimin e ushqimit në traktin e zorrëve, shkruan ShkodraNews. Ata gjithashtu rrisin ndjenjën e ngopjes dhe shmangin zakonin e bezdisshëm të grumbullimit të ushqimit.
Rregullimi i zorrëve:
Prania e përmbajtjes së lartë të fibrave të tretshme i bën ata aleatë të shkëlqyeshëm për rregullimin e aktivitetit të zorrëve.
Ata nuk irritojnë membranat mukozale, rivendosin florën bakteriale dhe ndihmojnë në çhelmimin e trupit duke lehtësuar eliminimin e mbeturinave dhe toksinave.
Lufton diabetin
Sipas disa studimeve, fiku i detit ndihmon në luftimin e diabetit, sepse ato ulin nivelet e glukozës në gjak. Në fakt, fibrat reduktojnë thithjen e sheqernave dhe yndyrave.
Antioksidantë të jashtëzakonshëm:
Tuli i këtyre frutave ka veti të shkëlqyera antioksidante, sepse janë të pasura me polifenole.
Kolesteroli më i ulët
Një nga vetitë e tyre është që ulin nivelet e kolesterolit në gjak.
Hulumtimet e fundit shkencore kanë treguar se duke konsumuar 250 gramë fiq të egër në ditë për 8 javë, nivelet e kolesterolit zvogëlohen.
Përveç kësaj, konsumimi i tyre forcon kujtesën, sjell përfitime në mëlçi, lufton parazitët e zorrëve.
Së fundi, këto fruta shuajnë etjen.
Ata gjithashtu mund të ruhen për 2 muaj pas mbledhjes. Është gjithmonë e preferueshme t’i hani ato të freskëta, por një gjendje në frigorifer, në fund të sezonit, do t’ju lejojë t’i konsumoni ato më gjatë.
A e dinit të gjithë këtë informacion?
Ndani këtë informacion me miqtë tuaj, ata do ta vlerësojnë atë! /Përshtati: ShkodraNews
Një mjek japonez 105-vjeçar rekomandon këto këshilla për një jetë të gjatë
Shigeaki Hinohara, një mjek japonez i cili vdiq në moshën 105-vjeçare vitin e kaluar, konsiderohet një kolos në fushën mjekësore.
Ai ka dhënë këshilla se si të jetoni gjatë dhe në mënyrë të shëndetshme. Një përmbledhje mund të jetë: Të hiqni veset si cigaret, alkooli dhe substancat e dëmshme.
Mundohuni të flini tetë orë në ditë, hani shëndetshëm dhe mos harroni aktivitetin fizik, duke ecur të paktën 3 kilometra çdo ditë.
Le t’i shohim këto këshilla të dobishme së bashku:
1- Gjithmonë kërkoni dy mendime:
Mos ndaloni kurrë në mendimin e parë, gjithmonë duhet të kërkoni një opinion të dytë dhe, nëse është e mundur, një opinion i tretë.
2- Mundohuni të jeni autonom:
Kjo jo vetëm që ju bën të aftë të bëni gjërat që ju nevojiten, por mbi të gjitha ju bën të pavarur dhe të lirë.
3- Shmangni stresin:
Pak e kuptojnë se jeta është shumë e shkurtër, se sot ne e kemi dhe ndoshta jo nesër, prandaj shmangim shqetësimet për situata që nuk mund të ndryshohen.
4- Krijo një shabllon për të ndjekur:
Vëzhgo, vlerëso, pastaj zgjidh një model sjelljeje dhe jete. Mundohuni ta mbani atë duke mos u zbavitur nga dritat e vazhdueshme të suksesit.
5- Kërko për frymëzim:
Kur ndiheni të zhgënjyer ose të dekurajuar, kërkoni frymëzim duke lexuar, duke dëgjuar muzikë, duke recituar një poemë ose duke shkruar.
Harrojeni dhimbjen:
Ndiqni atë që dëshironi dhe gradualisht harroni sikletin që ndjeni.
Shijoni momente të vogla të jetës:
Pa marrë parasysh se sa e thjeshtë mund të jetë, çdo moment rëndon dhe shënon mendjen dhe zemrën tonë, kështu që gëzohuni asaj që ju jep jea dhe fati.
Flini rregullisht dhe hani shëndetshëm:
Është e këshillueshme që të pushoni të paktën 8 orë në ditë dhe të hani të shëndetshëm në mënyrë që pastaj t’i kushtoni vetes të paktën 30 minuta aktivitet fizik çdo ditë.
9- Mos u shqetësoni aq shumë për paratë:
Sa më shumë para që keni, aq më shumë shpenzoni, ky është rituali i përditshëm i njerëzve. Por paratë nuk japin lumturi.
10- Kujdesuni për mendjen tuaj:
Arti shprehet në mënyra të ndryshme, kështu që shikoni për atë që ju pëlqen.
11- Duaje punën tënde:
Kur të pëlqeni punën që bëni dhe të argëtoheni, nuk e përjetoni punën si barrë apo detyrim.
12- Ndani njohuritë tuaja:
Mos u bllokoni vetveten, por ndani mendimet, aktivitetet, emocionet. Kjo do të ndihmojë që t’ju bëjë një person vetëmohues dhe ta rrisni ndjenjën tuaj të dobishme.
Përveç kësaj:
Planifikoni ditët tuaja.
Nëse organizoni jetën tuaj, gjërat bëhen shumë më të thjeshta. Është e rëndësishme të menaxhoni kohën në mënyrë që të bëni më shumë aktivitete. Koha duhet të jetë një burim, jo një kafaz.
Këshilla të shkëlqyera, tipike të kulturës orientale, për t’u përpjekur që të jetojmë jo vetëm për më shumë kohë, por edhe më mirë jetën tonë.
Ai ka role të shumta në skenën shqiptare të humorit dhe padyshim prej vitesh i ka munguar publikut.
Bëhet fjalë për aktorin e talentuar Xhevahir Zeneli i cili ishte i ftuar në studion e “Rudina” në Tv Klan nga ku foli jo vetëm për karrierën si artist, por edhe për jetën private.
Disa vite më parë ai u shkëput nga aktrimi dhe u zhvendos në Amerikë me familjen dhe është rikthyer prej disa kohësh tashmë.
Aktori tregoi se ishin fëmijët e tij ata që kërkuan që babi i tyre ti rikthehej aktrimit, ndërkohë që bashkëshortja e tij ka zgjedhur të qëndrojë në Amerikë me djemtë e tyre.
“Unë kam dy djem të mrekullueshëm, Sardin dhe Anxhin. Ata kur u shkolluan të dy më dhanë leje të kthehesha sërish në profesionin tim. Ime shoqe nuk donte, donte të ndiqte jetën e atyre dhe bëmë këtë zgjidhje. Djemtë janë 28 dhe 26 vjeç.
Gruaja që shihni ne fotot dhe videon me poshte eshte 94-vjeçe.
Quhet Hasime Veizi dhe historia e saj e bere publike pak kohe me pare ne media, rreqethi te gjithe. Asaj, si të mos i mjaftonin problemet e moshës dhe vetmia, i kishin hequr prej 2 muajsh energjinë elektrike.
“Nuk kam dëgjuar e nuk kam parë që të lesh një plakë 3-4 muaj pa drita që të bjerë nga krevati. Nuk më mori Zoti, më la për të vuajtur!”, u shpreh asokohe me lot në sy e moshuara.
Djali i saj, Bilbil Veizi tregoi se pas vdekjes së të vëllait që jetonte me të, i ka paguar ai faturat e energjisë elektrike, por kontrata me OSHEE-në ishte në emër të një tjetër vëllai, që jeton jashtë Shqipërisë.
“Ku është e drejta e njeriut? Që të jetojë dhe kjo plakë si gjithë të tjerët! Unë i bëj thirrje qeveritarëve që ta shohin këtë gjendje dhe jo të më sorrollasin mua për të ardhur e për t’i lidhur një dritë kësaj plake këtu”, tha i shqetësuar Bilbili.
Gazetarja e emisionit “Stop” u interesua për këtë shqetësim të nënë Hasimes pranë degës së OSHEE-së në Kinostudio. Drejtori i Divizionit Tregtar OSHEE, Elton Sevrani u shpreh se ky është një rast i veçantë për rregulloren e këtij institucioni, pasi detyrimi duhet të shlyhet nga vetë mbajtësi i kontratës, pra djali i Hasimes që ndodhet në SHBA.
“Por duke qenë se kemi të bëjmë me një situatë specifike, kur mamaja e të dy zotërinjve ndodhet në kushtet që duhet të ketë furnizim me energji elektrike, ne kemi pranuar këtë kërkesë të zotërisë për të qenë ai likujduesi i këtij detyrimi“, tha drejtori Sevrani.
Ditën tjetër, punonjësit e OSHEE-së i rilidhën energjinë elektrike 94-vjeçares. “Shyqyr që më hapët sytë se më ishin zënë. Rrofshi e qofshi, Zoti ju dhëntë shëndet e u bëfshi 200 vjeç!”, u shpreh e entuziazmuar e moshuara.
