Ulçera e stomakut është një sëmundje e dhimbshme që prek miliona njerëz në botë.
Bakteri H.Pylori është shkaktari kryesor i dëmtimit të shtresës së stomakut, megjithatë ulçera mund të shkaktohet edhe nga abuzimi me aspirinë, ibuprofen e ilaçe të ngjashme.
Ulçera e stomakut trajtohet me medikamente që synojnë të pakësojnë dhe bllokojnë aciditetin në stomak.
Nga ana tjetër ju mund të shfrytëzoni disa produkte dhe kura natyrale që përmirësojnë shëndetin e stomakut. Lexoni më poshtë listën e hartuar nga të dhënat e AgroWeb.org.
Flavonoidët
Flavonoidët janë përbërës natyalë të frutave dhe perimeve si mollët, rrushi i kuq, brokoli, bishtajoret, frutat e pyllit dhe çaji jeshil.
Këto ushqime janë të mira për stomakun dhe e mbrojnë atë nga bakteret.
Jamballi
Kjo bimë që merret edhe si suplement, parandalon zhvillimin e bakterit përgjegjës për ulçerën.
Megjithatë, nëse konsumoni sasi të mëdha të saj do të përkeqësoni sëmundjet e zemrës ose tensionit të gjakut nëse vuani prej tyre.
Konsultohuni me mjekun tuaj.
Probiotikët
Probiotikët janë mikro organizma të rëndësishëm për sistemin tretës.
Ato i gjeni me shumicë tek kosi, ose mund t’i merrni si suplementë.
Studimet të cilave u referohet AgroWeb.org, thonë se probiotikët shkatërrojnë bakteret dhe përshpejtojnë shërimin tek njerëzit që tashmë marrin medikamente kundër ulçerës.
Mjalti
Mjalti përmban minimalisht 200 substanca mirëbërëse dhe antioksidantë.
Ai është armik i baktereve, përfshirë atë që shkakton ulçerën.
Për sa kohë nivelet e sheqerit janë normale, ju mund ta përdorni mjaltin si ëmbëlsues dhe të qetësoni ulçerën.
Hudhra
Ekstraktet e hudhrës janë ideale për të shmangur zhvillimin e bakterit të ulçerës.
Por nëse merrni ilaçe për hollimin e gjakut, duhet të tregoni kujdes me hudhrën sepse ajo kryen të njëjtën gjë.
Boronica e kuqe
Lëngu i këtij fruti është efikas kundë infeksioneve urinare dhe baktereve të ulçerës.
Megjithatë, nuk duhet të pini shumë lëng, sepse përmban shumë sheqer dhe mund të shkaktojë probleme me tretjen.
Frutat, Perimet dhe Drithërat
Një regjim ushqimor i pasur me fruta, perime dhe drithëra të plota është shumë i rëndësishëm për shëndetin e të gjithë organizmit dhe të stomakut në veçanti.
Një regjim i pasur me vitamina përshpejton shërimin e ulçerës.
Ushqimet më të mira që mund të konsumoni rregullisht kundër ulçerës janë: rigoni, rozmarina, çokollata e zezë, frutat e pyllit si boronicat, luleshtrydhet e të tjerë dhe ullinjtë e zinj.
Ulçera dhe Ushqimet Që Duhen Shmangur
Njerëzit që vuajnë nga ulçera apo urthi duhet të tregojnë kujdes dhe të mos konsumojnë kafe, pije të gazuara, speca djegës, ushqime të përpunuara, ushqime me shumë kripë, ushqime të skuqura, agrume dhe domate
Çfarë është Rrodhja e madhe?
Bëhet fjalë për një bimë me emrin botanik Arctium lappa. Atë mund ta keni hasur gjatë shëtitjeve në pyll. Janë pikërisht iriqët e vegjël që ngjiten në pantallona ose çorape.
Gjethet dhe kërcenjtë e Rrodhes së madhe kanë vlera në mjekësinë bimore. Rrënja e bimës ndoshta ka vlera më të mëdha sepse mund të konsumohet si perime dhe është e pasur me fibër.
Gjethet e thata dhe farat e bimës përdoren për vajin esencial që përdoret gjërësisht në mjekësi.
Rëndësia e bimës përmendet edhe në mjekësinë bimore aziatike. Rrodhja e madhe mund të përdoret në kuzhinë por edhe në mjekësi.
Tensioni i gjakut
Një nga aspektet më të nënvlerësuara të Rrodhes së madhe është aftësia për të ulur tensionin e gjakut. Bima ka një përqendrim të lartë të kaliumit që zbut tensionin në sistemin kardiovaskular, qetëson enët e gjakut dhe parandalon shfaqjen e artereosklerozës, atakut në zemër dhe goditjeve në tru.
Tretja
Rrodhja e madhe është përdorur për të përmirësuar tretjen falë nivelit të lartë të fibrave që bima përmban. Këto fibra ndihmojnë ushqimin të lëvizë më lehtë dhe parandalojnë konstipacionin, fryrjet, dhimbjet dhe ulçerën.
Diabeti
Ndonëse të gjitha llojet e fibrave mund të rregullojnë ekuilibrin mes insulinës dhe glukozës në trup, inulina – një lloj fibre – është mjaft efikase në zbutjen dhe parandalimin e diabetit dhe simptomave shoqëruese të tij.
Pastrimi i mëlçisë
Substancat që i japin Rrodhes së madhe shijen karakteristike të hidhur ndihmojnë në prodhimin e lëngjeve tretëse në stomak, një proces që i vjen në ndihmë mëlçisë në largimin e përshpejtuar të toksinave nga sistemi.
Lëkura
Një nga efektet më të njohura anësore të konstipacionit, nivelit të lartë të toksinave në gjak, ose ushqyerjes së keqe, është inflamacioni i lëkurës. Ky inflamacion manifestohet në formën e njollave dhe akneve në lëkurë.
Sistemi imunitar
Sasitë domethënëse të vitaminave C dhe E, të cilat shërbejnë edhe si antioksidantë, e ndihmojnë organizmin të eliminojë radikalet e lira dhe të përmirësojë funksionet e sistemit imunitar.
Çaji i Rrodhjes së madhe
Përgatitja e këtij çaji është shumë e thjeshtë, nëse keni rrënjë të freskët të bimës. Nëse keni gjetur rrënjën e freskët në natyrë ose në pikat e shitjes së bimëve medicinale, atëherë ndajeni në copa të vogla.
Më pas me një thikë rrënjët prijini në shirita të hollë. Lërini të thahen në diell për disa orë dhe më pas vendosini në një tenxhere. Ngrohini por mos përdorni vaj.
Pjekja në tenxhere duhet të zgjasë 5 deri në 10 minuta deri sa shiritat të marin një ngjyrë të artë në nuancat e kafes. Pas ftohjes, shiritat e rrënjës së bimës mund të përdoren për çaj.
Pjesën e mbetur mund ta ruani në një kavanoz të cilin duhet ta mbani në një vend të errët, të thatë dhe të freskët.
Receta
Përbërësit:
8-10 shirita të rrënjës së bimës
2 gota me ujë të pijshëm
1 lugë çaji me mjaltë organik ose sheqer, sugjerohet kaf
Përgatitja
Vendosini shiritat e rrënjës së bimës në një çajnik.
Ujin zijeni veçmas dhe pas 2-3 minutash hidheni në çajnik.
Lërini shiritat të çlirojnë esencën e tyre për 5-10 minuta.
Hidheni çajin në një filxhan dhe shtoni ëmbëlsues natyralë, pra mjaltë ose sheqer.
Lehtë bini në gjumë të thellë, mirëpo përnjëherë zgjoheni në 4 të mëngjesit dhe jeni tërësisht të zgjuar. Çfarë ndodh?
Deri te një shkallë e caktuar vështirësitë e të qëndruarit në gjumë apo isnomnia e mesme janë normale, transmeton Telegrafi.
Nëse zgjoheni, ktheheni në anën tjetër dhe vazhdoni të flini, kjo është në rregull. Mirëpo nëse ndodh që të zgjoheni në mes të natës dhe nuk mund të fini më shumë se gjysmë ore tri apo më shumë ditë, kjo është shenjë që është fjala për ndonjë problem.
Ja se pse ndodh kjo
Pagjumësia e mesnatës prek po thuajse dy herë më shumë femrat se sa meshkujt. Kjo bëhet më e zakonshme për moshën e mesme.
Dhimbja kronike, apnea e gjumit, dhe nevoja për t’u zgjuar dhe për të përdorë tualetin janë gjëra të cilat mund ta prishin gjumin tuaj. Të tilla janë edhe afshet e menopauzës.
Ndërkohë, edhe stresi i jetës mund ta luajë rolin e tij. Problemet martesore, humbja e punës, prindërit e moshuar, ose largimi i fëmijëve nga shtëpia, të gjitha këto mund të bëjnë që mendja të fluturojë gjatë natës.
Sapo të filloni të zgjoheni natën, cikli përkeqësohet edhe më shumë. Sa më shumë që shqetësoheni për humbjen e gjumit, aq më vështirë bëhet të qëndroni në gjumë.
Ekspertët thonë se gjithkush mund të zgjohet natën kohë pas kohe, dhe shumica e njerëzve shtrihen dhe kthehen sërish në gjumë. Por disa njerëz fillojnë të shqetësohen për të. Dhe, derisa qëndrojnë zgjuar, ata bëhen edhe më të shqetësuar, që e bën edhe më të vështirë rikthimin në gjumë.
Nëse kjo vazhdon çdo natë, mund të bëhet një përgjigje e kushtëzuar, që mund të shkaktojë vetvetiu pagjumësi.
1
Ç’duhet të bëni kur keni probleme me gjumin?
“Higjiena e gjumit” mund t’u duket si diçka që ka të bëjë me pastërtinë, por në fakt i referohet përmirësimit të disa shprehive që ju mundësojnë të flini më mirë gjatë natës.
Disa hapa që mund t’i merrni për të ndryshuar rutinën ditore dhe që ndihmojnë në një gjumë më të mirë janë:
Shmangni dremitjet gjatë ditës
Bëni stërvitje të rregullta
Sigurohuni që të dilni jashtë gjatë ditës për t’u ekspozuar në dritën natyrale. Kjo ju ndihmon ta ruani ciklin e shëndetshëm gjumë-zgjim
Ka edhe disa hapa që mund t’i merrni para kohës së gjumit të cilat mund të përmirësojnë gjumin:
Shmangni pijet me kafeinë dhe me alkool
Mos pini duhan
Mos hani ushqime të mëdha para gjumit
Shmangni diskutimet emocionale para se të shkoni të flini
Po ashtu është e rëndësishme të mbani një orar të rregullt të rënies në gjumë dhe të zgjimit – si gjatë javës ashtu edhe gjatë fundjavës. Përpiquni të shkoni në shtrat dhe të zgjoheni në të njëjtën kohë çdo ditë.
woman-talking-to-gynecologist as Smart Object-1
Kur duhet të kontaktoni mjekun?
Ekspertët këshillojnë t’i përmbaheni “rregullit të treshes” për të vendosur nëse duhet të shkoni te mjeku ose jo.
A zgjoheni së paku tre net gjatë një jave?
A ju duhet më shumë se 30 minuta për t’u kthyer sërish në gjumë?
A ka ndodhur kjo për 30 ose më shumë ditë?
Nëse u përgjigjeni me “Po” këtyre pyetjeve, ju duhet të kërkoni ndihmë nga një profesionist. Lajmi i mirë është se pagjumësia mund të trajtohet. Derisa ju dhe mjeku juaj përpiqeni të mësoni se çfarë i shkakton problemet me gjumin, ju mund të merrni barna të përshkruara nga mjeku.
Nëse nuk keni sëmundje të tjera fizike që ju shqetësojnë, atëherë mjeku mund t’ju rekomandojë të vizitoni ndonjë psikiatër, psikolog ose terapist. Ata mund t’u ofrojnë stërvitje relaksimi, terapi të sjelljes dhe metoda të tjera alternative, për të fjetur më mirë.
“Konrad Adenauer” një institucion prestigjioz ndërkombëtar, i cili është asistuesi kryesor i Lulzim Bashës dhe Partisë Demokratike, prej gati pesë muajsh ka zhvilluar një sondazh.
Sondazhi është bërë për llogari të Partisë Demokratike dhe ka përfshirë shumë fusha të jetës shoqërore, sociale dhe politike.
Një pyetësor i cili ka pasur për qëllim që në fund të lexohej dhe të kuptohej se cila ishte situata dhe si perceptohej situata politike e Partisë Demokratike dhe kryetarit të saj Lulzim Basha dhe si po perceptoheshin lëvizjet nga opinioni publik.
Në fakt, prej disa ditësh sondazhi ndodhet mbi tavolinën e Bashës dhe mbahet totalisht në mënyrë konfidenciale.
Kjo për disa arsye:
Së pari ka disa të dhëna thuajse “të frikshme”, pasi PD duket se është në rënie dhe Lulzim Basha ka diferencë 5 apo 6 pikë më pak se perceptimi publik për Partinë Demokratike.
Sondazhi ka pasur pika në lidhje me aksionin politik të PD –së, koalicionin me Monika Kryemadhin dhe LSI –në, vetë rizgjedhjen e Bashës, hapat e mëtejshëm, bashkimin e PD –së etj.
Prej muajit nëntor ky sondazh është zhvilluar në Tiranë dhe në disa qytete të tjera të vendit, duke nxjerrë një produkt, i cili e ka trembur së shumti Lulzim Bashën, ndaj ka urdhëruar që ajo të mbahet konfidenciale.
Një drejtues shqiptar i një OJQ –je, përfaqësuesi gjerman dhe Lulzim Basha janë të vetmit persona që kanë këtë sondazh në duar.
Ai ka të dhëna, ku thuhet se Partia Demokratike ka një perceptim mjaft të ulët në opinionin publik që shkon mesatarisht tek 23 -25 përqind.
Lulzim Basha, kryetari i PD –së, është poshtë 20 përqind si pëlqyeshmëri. Pra, ka 5 deri në 7 pikë më pak se sa Partia Demokratike në pëlqime.
Ajo që bie në sy është fakti, se lideri historik i PD, Sali Berisha, është mbi 30 përqind pra rreth, 5-6 pikë më tepër se sa pëlqimi që ka Partia Demokratike dhe me një diferencë prej gati 12 apo 14 pikë në lidhje me Lulzim Bashën.
Sondazhi gjithashtu ka një mënyrë të fortë refuzuese nga opinioni publik në lidhje me koalicionin e PD–së me LSI–në, çka ka bërë që PD–ja, në këto muaj të humbë edhe më shumë elektorat, duke mos përfituar asgjë nga koalicioni me LSI–në e Kryemadhit.
Sondazhi ka edhe të dhëna të tjera, të cilat lidhen me aksionin e opozitës, kryesisht të Partisë Demokratike edhe lëvizjet e Lulzim Bashës.
Të gjitha parametrat e këtij sondazhi dhe një analizë e plotë e opinionit publik, bërë nga fondacioni “Konrad Adenauer”, në fund kanë rezultuar katastrofike për Lulzim Bashën.
Analiza e specialistëve të institucionit gjerman, në fund thotë se çdo veprim i bërë duket që nuk ka sjellë asnjë ngritje, asnjë perceptim në rritje apo pozitiv për Lulzim Bashën dhe PD–në.
Gjithçka ka shkuar për poshtë. Në të gjitha parametrat e këtij sondazhi duket se Lulzim Basha është i dështuar dhe Partia Demokratike nuk po njeh rritje.
Për më tepër në zona të caktuara ka instanjacion, por ka edhe rënie të vazhdueshme, e cila nuk po ndalet.Ky sondazh, të dhënat të cilat i ka siguruar CNA.al, nga burime zyrtare pranë Lulzim Bashës, po mbahet kofident, duke tentuar që në një tjetër mënyrë t’i shitet opinionit publik.
Pra, pas Kuvendit është dashur që të ketë një reklamim pozitiv në lidhje me Lulzim Bashën dhe perceptimin e PD –së, por në fakt mesa duket gjermanët nuk kanë pranuar që të abuzohet me të dhënat dhe analizën e tyre, duke e ndalur Lulzim Bashën, i cili tashmë e ka fshehur dhe po përpiqet ta mbajë tepër sekret këtë sondazh të zhvilluar nga ana e tij dhe Partisë Demokratike, pikërisht për këtë, ku vetë rezultatet thonë se Basha është njeriu që po e dëmton dhe më tej Partinë Demokratike.
Politikanët hajdutë heshtin nga vilat luksoze, nafta dhe benzina u rritën me nga 5 lekë/litri, kompanitë po “nxjerrin” nga shqiptarët, miliardat që u vodhi “GULF” me pazaret e pista
Shkruan: Memo Aliaj
Ndërkohë që skandali financiar i firmës piramidale “GULF”, po kalohet në heshtje me gjoja ca lajme për nisje hetimesh, shqiptarëve u kanë mbetur në xhep tollonat e blera tek kjo firmë me çmim 30% më të ulët e tregu faktik, ndërsa kompanive shqiptare të karburanteve ku furnizohej “GULF” me shumicë, u kanë mbetur në sirtar letrat e kontratave, duke humbur miliarda lekë.
Mirëpo, ndërsa shqiptarët nuk kanë asnjë mënyrë e mundësi, se si t’i marrin lekët e humbura në këtë firmë piramidale, kompanitë e karburanteve e kanë gjetur “rrugën”, për të kompensuar humbjet, pa pritur gjyqet dhe sekuestrot ndaj firmës “GULF”. Zgjidhja që kanë “shpikur” dhe kanë nisur të zbatojnë këto kompani, rezulton se është loja me rritjen e çmimit të shitjes me pakicë, që rëndon vetëm financat e konsumatorëve.
Ata që përdorin automjete, qysh nga dje po përballen me tabelën njoftuese të rritjes së çmimit të naftës, të ngjitur në çdo pikë tregtimi! Kompanitë e kraburanteve, prej 24 orësh kanë rritur çmimin e naftës dhe benzinës me nga 5 lekë lekë/litri. Këtë rritje e kanë bërë në mënyrë uniforme, aq sa të krijohet përshtypja, se tregu i karburanteve në Shqipëri është monopol vetëm në “një dorë”, paçka se për të krijuar përshtypjen e ekzistencës së konkurrencs në treg, ato janë copëzuar në shumë firma me emra, logo e ngjyra të ndryshme, siç rezultoi të ishte edhe “GULF”!
Kjo rritje çmimi, nuk ka lidhje me rritjen e çmimit në tregun vendit prodhues, të rritjes së çmimeve në bursë, apo të rritjes së çmimeve të tranzitit të hidrokarbureve. Nuk ka lidhje, as me rritjen e çmimeve në transportin detar e tokësor ndërkombëtar, as me taksat në doganat e tatimet shqiptare, por ka lidhje vetëm me skandalin e “GULF”, ku u molepsën si pjesë e lojës edhe vetë kompanitë shqiptare, mbasi firma “GULF” furnizohej me kraburante prej kompanive importuese shqiptare dhe prej “ARMO”.
Këtyre furnitorëve dhe blerësve shqiptarë, piramida “GULF” u zhvati 5.6 milionë euro dhe mbylli “rubinetat” prej falimentit nga vjedhja që organizoi me kontrata dhe tollona false! Humbjen e tyre, tregtarët e karburanteve kanë vendosur ta kompensojnë, duke zhvatur shqiptarët me rritje të çmimit të naftës e benzinës edhe me nga 5 lekë/litri.
Me këtë rritje, shqiptarët po zhvaten dy herë: Një herë nga “GULF” me tollona false dhe tani nga tregtarët e karburanteve, me rritjen e çmimit të naftës nga kompanitë tregtare, që ata të nxjerrin miliardat e tyre, të humbura tek “GULF”. Përballë kësaj hajdutërie të rradhës nëpërmjet rritjes së çmimit të naftës dhe benzinës, politikanët po heshtin, duke bërë sehir nga fandjava që po kalojnë në vilat luksoze brenda e jashtë Shqipërisë.
Kjo heshtje e tyre, ka lidhje me faktin se të gjithë politikanët shqiptar, janë të “spërkatur” nga monopolistët e naftës, ndryshe nuk do të ngrinin dolli “sigurie e cilësie” edhe në ceremoninë e inaugurimit të “GULF”!/Pamfleti/
Kur reagonin, kërcënoheshin “me qetësi e dashuri”: “Rrini urtë, se u ikën buka fëmijëve, këtu e kemi pushtetitn ne (LSI)”! Skandali/ 500 skllevërit e guroreve në Skrapar të pa siguruar, bëhen 100 denoncimet e para kundër firmës ilegale “META Shpk”
Shkruan: Memo Aliaj
Megjithëse aktiviteti i tyre korruptiv si biznes dhe shkatërrues për mjedisin, u mbyll përfundimisht me urdhër të qeverisë, akoma nuk pushuar “zhurma” e guroreve të Ilir Metës në malet e Skraparit.
Përkundrazi, nga maja e atyre maleve të rrafshuara prej biznes-pisnesit të familjes presidenciale është dëgjuar dy ditë më parë, “sokëllima” rebeluese e 500 punëtorëve skellvër (siç i quan Monika), që shfrytëzoheshin në këto geto pune si të kohës së mesjetës.
Të bindur më në fund, se edhe çuarja e tyre në protestë si “delet” para zyrave të prefekturës me urdhër të Monikës e menaxhim të kryebashkiakut LSI-st të Beratit, “lolos” së saj Petrit Sina, skellvërit e gruroreve të Ilir Metës, braktisën “efendikoin” e tyre tashmë President Republike dhe i janë drejtuar shtetit, për të zgjidhur të drejtat e mohuara e të pa dhëna prej vitesh.
Sipas një lajmi nga Berati, 100 prej skllevërve të gruroreve të Skraparit, kanë zbritur përsëri me protestën e tyre në zyrat e Prefekturës, por këtë herë jo si “ushtarë” të familjes së “efendikoit” Meta, por si denoncues të tij.
Nëpërmjet një letre depozituar në Prefekturën e Beratit, ata sqarojnë se prej vitesh nuk u janë paguar sigurimet shoqërore e shëndetësore. Pagat mujore, u janë dhënë me bordero defterë bakalli “poshtë hijes së fikut”. Kjo paligjshmëri pagesash ilegale shpesh edhe me dy bordero false, njera e ulët për punonjësit dhe tjetra e lartë për efekt letrash, i nxiti të interesoheshin në Degën Rajonale të Sigurimeve Shoqërore e Shëndetësore pr të parë nëse ishin në regjistrat e sigurimit dhe në Degën e Tatim Taksave, ku bizneset depozitojnë borderotë e pagave dhe detyrimet e sigurimeve për punonjësit. Rezulton, se ata nuk janë të siguruar prej vitesh.
Të shqetësuar për mos regjistrimin e viteve të punës për shkak të “punës në të zezë”, ata i kanë kërkuar Prefekturës që të ndërhyjë urgjent, për të detyruar institucionet ligjzbatuese, të sekuestrojnë pasuri nga llogaritë dhe çifliqet e pronarit të guroreve “Meta Shpk” dhe nga vlerat e tyre, t’u bëhen pagesat e detyrimeve të sigurimeve shoqërore e shëndetësore.
Pyetjes drejtuar disa punonëjsve, se përse nuk e kanë kërkuar më parë këtë të drejtë ligkore që lidhet me vjetërsinë e tyre në puynë, ata iu përgjigjën kështu: – “Sa herë e kemi kërkuar librezat me vitet e punës, të “fortët” që kishte lënë pronari Ilir Meta si shefa” në gurore, na kërcënonin me “qetësi e dasshuri”, duke na parlajmëruar: “Rrini urtë, se u fluturon buka e çiliminjve (fëmijëve) dhe nuk iu merr askush në punë, mbasi këtu (Skrapar) e deri në Urën Vajgurore e kemi pushtetitn ne (LSI)”!
Nënë e bir ishin protagonistët e sotëm të rubrikës “Shihemi në Gjyq” në emisionin “E Diela Shqiptare” për shkak të një konflikti për një apartament.
Jorgo solli të ëmën, Elenin në seancën e ndërmjetësimit, pasi ajo kërkon ta nxjerrë nga shtëpia.
Ai u martua disa vite më parë dhe jetoi me bashkëshorten në shtëpinë e prindërve të tij. Por kur erdhi në jetë djali i tyre, lindi nevoja për të marrë një banesë tjetër, pasi nuk kishte më mjaftueshëm hapësirë në atë shtëpi. Ndaj dhe në vitin 2001 prenotoi një apartament në një pallat që po ndërtohej.
“Unë kam sjellë nënën time këtu sepse nga një problem për një banesë, mua kërkojnë të më nxjerrin nga shtëpia. Më ka ndihmuar familja gjithmonë, e kemi blerë bashkë atë shtëpi dhe sot kërkojnë të më nxjerrin nga shtëpia. Më thonë e ke marrë pjesën tënde, tani mund të vazhdosh jetën tënde, por unë nuk kam se ku të shkoj. Këtë banesë nuk e kam marrë akoma, jam në gjyqe”, rrëfeu ai.
Jorgo u shpreh se prindërit e kanë ndihmuar me vlerë monetare për të blerë apartamentin, për të cilin ndodhet prej vitesh nëpër gjyqe, ndaj tani i kërkojnë të largohet nga shtëpia e tyre, me pretendimin se pjesën e tij e ka marrë. Por ai nuk ka sesi të sigurojë një banesë tjetër për të jetuar me bashkëshorten dhe djalin e tyre, që tanimë është 4 vjeç.
Eleni – Nuk është e lehtë që të vij unë sot dhe të përballem me djalin tim se ai është fëmija im.
Jorgo – Po, por për të më nxjerrë në rrugë kërkoni! Unë ku të shkoj? Kur këtë shtëpi nuk e kam marrë. Ju më keni ndihmuar, e di.
Eleni – Ke prenotuar një hyrje, e ke që në vitin 2011. Në vitin 2012 mbaronte hyrja, por kemi 6 vjet që po presim gjyqet. Unë kam dhe halle të tjera, kam edhe një djalë tjetër.
Jorgo – Domethënë ju keni djalin tjetër dhe unë të iki nga shtëpia!
Eleni – Ti e ndërtove familjen djali i nënës! Pse më ke thirrur mua sot? Duhet të thërrisje pronarin e pallatit që ke dhënë paratë e jo mua të keqen nëna, se unë jam një nënë dhe më vjen shumë rëndë që përballem me fëmijën tim!
Jorgo – Po për të më përzënë nga shtëpia nuk të vjen rëndë?
Eleni – Po ke 6 vjet, unë ku të shkoj?
Jorgo – Po unë ku të shkoj?
Eleni i tha të birit që e ka ndihmuar dhe e ka mbajtur në shtëpi për 6 vite, por tanimë nuk ka më mundësi. Ndërsa Jorgo i tha se ata kanë qenë kur është bërë kontrata e blerjes së shtëpisë dhe nuk i kanë thënë të mos firmosë, pasi ai vetë ishte në moshë të re dhe nuk kishte informacion të mjaftueshëm. Por e ëma u shpreh se as ata nuk kishin informacion dhe se për shkak të këtij konflikti bashkëshorti i saj është larguar nga shtëpia sepse është i sëmurë dhe nuk i suporton dot grindjet e vazhdueshme. Gjithashtu rrëfeu se shkak i konfliktit është djali tjetër i saj, i cili thotë që nuk krijon dot familje, pasi ndodhet familja e të vëllait në shtëpi dhe ai nuk e sjell dot bashkëshorten në të.
Jorgo shpjegoi se ai vetë jeton në Greqi dhe se bashkëshortja me djalin shkojnë te shtëpia e prindërve e saj sepse familja e tij thotë që nuk i mbajnë dot.
Jorgo – Nuk më keni më djalë? Po nuk më keni më, ma thoni që keni vetëm atë tjetrin.
Eleni – Të kam djalë dhe nuk të hedh poshtë! Unë e di si të kam rritur ty dhe atë tjetrin.
Jorgo – Po tani?
Eleni – Të nxjerr atë nga shtëpia që është beqar?
Jorgo – Po unë ku të shkoj? Ku ta çoj familjen time?
Eleni – Ti ke familjen tënde, merr iniciativën tende, nuk e di.
Juristja Eni Çobani shpjegoi se Jorgo ka lidhur një kontratë me firmën “Faet sh.p.k.” për blerjen e një apartamenti në Vlorë, duke paguar 55 mijë euro. Ai rrëfeu se ka punuar që në moshën 14-vjeçare dhe se me ndihmën e prindërve ka mundur t’i mbledhë ato para. Zonja Eni i tha Elenit se nuk mund ta kishin lejuar të firmoste kaq lehtë një kontratë premtim shitjeje apartamenti, pasi Jorgo ishte vetëm 24 vjeç dhe nuk kishte informacionin e duhur për ta kuptuar atë.
I kontaktuar nga juristja Çobani, pronari i pallatit Fatos Canaj është shprehur se ndodhet në një proces gjyqësor duke pritur vendimin e drejtësisë.
“Përpara noteres lekët i kanë kaluar Eduart Kacajt, elektriçitit të pallatit”, deklaroi Jorgo. Zonja Eni theksoi se ky është problemi i kësaj çështjeje, kontrata që është lidhur me Fatos Canaj, ndërkohë që paratë i janë depozituar në llogari elektriçistit Kacaj.
“Si mundet që 55 mijë Euro ti ia kalon në njeriu që nuk ka asnjë gërmë në këtë kontratë, asnjë emër, asnjë firmë!, u shpreh e shqetësuar juristja.
I pyetur nga Ardit Gjebrea se përse e ka bërë këtë veprim, Jorgo shpjegoi se kështu ishte lënë marrëveshja mes tyre dhe se menjëherë pasi i depozitoi paratë elektriçistit është firmosur kontrata dhe i janë dhënë çelësat e apartamentit. nga pronari i pallatit.
“Kur vajta unë për të marrë shtëpinë në fund të vitit 2012 më tha nuk ke shtëpi sepse nuk më ke dhenë lekët. Ai ka hapur kontratën e dritave në emrin tim, kam librezën që kam paguar 4 muaj. Më ka dhënë çelësin e shtëpisë, ma ka dorëzuar ai pas një viti dhe tani thotë nuk më ke dhënë lekët. Familja do të më nxjerrë jashtë. Unë jam në një hall shumë të madh! Nuk kam se ku të çoj ata që kam mbrapa (familjen), pa mirë unë”, u shpreh ai.
Të gjitha këto konflikte kanë ndikuar shumë edhe në marrëdhënien e Jorgos me bashkëshorten dhe djalin e tyre, pasi Eleni dëshiron t’i largojë nga shtëpia e saj dhe ata nuk dinë më se ku do të jetojnë.
Nga ana tjetër, juristja Çobani tregoi se Fatos Canaj nuk është paraqitur në asnjë seancë gjyqësore, duke zgjedhur të përfaqësohet vetëm nga avokati, çka është e papranueshme, pasi dëshmia e tij është thelbësore në zgjidhjen e çështjes.
“Në kushtet e kontratës, pika c3, ai thotë: nëse pala blerëse nuk likuidon këstin e parë, kontrata konsiderohet e zgjidhur pa asnjë njoftim të mëtejshëm prej palës shitëse.
Tani unë dua të di: A është e zgjidhur kjo kontratë apo jo? A është marrë kësti i parë i këtij apartamenti apo jo? A ka patur një detyrim midis shoqërisë “Faet sh.p.k” dhe elektriçistit Eduart Kacaj dhe më pas prezenca e tij në momentin e firmosjes?
Këto pyetje duhet t’i bënte gjyqtari i Gjykatës së Shkallës së Parë, i cili ka patur detyrimin të bëjë hetimin e plotë dhe të gjithanshëm në bazë të ligjit dhe Kodit të Procedurës, për të gjitha provat që janë sjellë në atë gjykim. Është e papranueshme dhe e patolerueshme që administratori i firmës në fjalë nuk është paraqitur në asnjë seancë gjyqësore. Kjo është një përballje kundrejt ligjit dhe kundrejt atyre që ne u kemi besuar ligjin, e cila nuk është kryer në mënyrë të plotë“, u shpreh zonja Eni.
Ajo këshilloi Jorgon të ketë besim dhe të bëjë durim derisa Gjykata e Lartë të vlerësojë që nuk është marrë asnjë dëshmi nga administratori i shoqërisë “Faet sh.p.k” dhe elektriçisti Eduart Kacaj, të cilin nuk mund ta gjejnë vetë ata, por shteti. Jursitja shtoi se përfëqësuesi ligjor i Fatos Canajt ka konfirmuar në gjykatë marrëveshjen e këtij të fundit me Eduart Kacaj, por pa e shpjeguar se çfarë lloj marrëveshje ka qenë kjo. Të gjitha këto fakte tregojnë që Gjykata e Shkallës së Parë Vlorë ka marrë një vendim jo të plotë.
Publiku i emisionit “E Diela Shqiptare”, në këtë seancë ndërmjetësimi, i dha të drejtë Jorgos, i cili kërkon strehën e prindërve të tij për bashkëshorten dhe djalin e tij.
Eleni – Dua një kusht! Për sa kohë mund të qëndrojë djali aty se unë …
Zonja Eni Çobani – Pse, i vihen djalit kushte?
Jorgo – Me kushte, zonja Eni. Djalin tjetër do ta mbajnë, mua me kushte.
Zonja Eni Çobani- Ne fëmijët kur i kemi sjellë në jetë nuk kemi vënë kushte. I kemi pranuar ashtu siç na kanë ardhur dhe do t’i kemi gjithë jetën pa kushte! Kështu që nuk do të doja të dëgjoja kushte nga ju.
Ajo çka surprizoi të gjithë ishte një dashamirës i programit, i cili ofroi apartamentin e tij për djalin e Elenit, deri në momentin që do të përfundojnë proceset gjyqësore.
Eleni e falenderoi për përzemërsinë, por tha se djali sëbashku me familjen e tij do të qëndrojnë në shtëpinë e saj derisa të zgjidhet gjithçka, duke e përmbyllur me sukses edhe këtë seancë ndërmjetësimi.
Autoritetet turke kanë në dorë përgjime mjaft të rendësishme të një prej grupeve më të mëdha të trafikut të drogës në Shqipëri me politikanë të rendësishëm të vendit tonë.
Mediat turke, përcjell Albeu.com, bëjnë me dije se të dhënat mjaft kompromentuese për politikanë të rendësishëm në Shqipëri janë shtënë në dorën e autoriteteve turke gjatë ndjekjes dhe përgjimit gjashtë mujor të grupit të Met Kananit, i cili po përgatitej që të fuste një sasi të madhe drogë në Turqi.
Kanani u kap në 22 mars të këtij viti pasi kishte futur 1.1 ton drogë në Izmir.
Mësohet, se autoritetet turke kishin më parë informacion për grupin në fjalë dhe e kishin vënë atë në ndjekje, gjatë të cilës kanë perceptuar edhe telefonata të tyre me politikanë të rendësishëm në Shqipëri, shkruan Albeu.com.
Nuk dihet ende se çfarë bisedash janë perceptuar nga turqit, pjesë e të cilave janë politikanë të rendësishëm shqiptar, megjithatë kjo është e disata herë që njerëz me pushtet në Shqipëri bien në rrjeten e autoriteteve ligjzbatuese të huaja.
Përgjime të politikanëve shqiptarë me trafikantë drogë dhe grupe kriminale kanë perceptuar edhe organe të tjera ligjzbatuese të shteteve të ndryshme si Gjermania, Italia apo edhe EULEX-i. /albeu.com/
