Aurora

Manja: Vetingu ka rikthyer besimin te drejtësia e re

Aktualitet / /

Kryetari i Komisionit të Ligjeve, Ulsi Manja tha sot se Vetingu është zemra e Reformës në Drejtësi dhe ka kthyer besimin te drejtësia e re.

I ftuar në një emision televiziv, Manja tha se procesi i Vetingut është zemra e procesit të Reformës në Drejtësi për të pastruar sistemin e drejtësisë nga elementë e pa dëshiruar në sistem dhe elementët e kalbur të sistemit.

Në lidhje me konsideratën e tij për sistemin e Vetingut, Manja tha se vjen nga ai sistem. “Nuk ka institucion të pagabueshëm, por procesi i Vetingut me vendimet që ka prodhuar deri më tani është një proces që ka rikthyer besimin e publikut te drejtësia e re që pritet të vijë në Shqipëri dhe do të ketë rezultate të matshme në drejtim kundër luftës së korrupsionit dhe krimit të organizuar edhe në nivele të larta”, tha Manja.

Në lidhje me akuzat e opozitës se mazhoranca po ndikon në vendimet e Vetingut, Manja tha se “për këdo që e njeh në themel reformën në sistemin e drejtësisë dhe mekanizmat që garantojnë distancimin e politikës nga reforma në sistemin e drejtësisë por dhe nga organet e reja të drejtësisë e di shumë mirë se ajo reformë, së bashku me partnerët ndërkombëtarë SHBA/BE është konceptuar në mënyrë të atillë që politika t’i ketë duart larg nga drejtësia e re që pritet. Natyrisht qëndrimi i opozitës në raport me Reformën në Drejtësi me përjashtim të votës së 22 korrikut të vitit 2016, për gjatë gjithë kohës e deri më sot, nuk kanë dhënë asnjë kontribut për zbatimin e plotë të Reformës në Drejtësi. Kjo dihet, është fakt”.

“Është e pranueshme që opozita do të bëjë punën e saj por ka brenda opozitës mjaftueshëm kolegë, juristë, por jo vetëm juristë, që e dinë shumë mirë që Reforma në Drejtësi dhe mekanizmat kushtetues e ligjorë, garantojnë pavarësinë e kësaj reforme nga politika”, përfundoi Manja. /atsh

Manja: Vetingu ka rikthyer besimin te drejtësia e re Read More »

Akuzat e Prokurorisë Speciale për Thaçin e Veselin, reagime

Aktualitet, Lajmi i fundit / /

Zyra e Prokurorit të Specializuar (ZPS) në Hagë njoftoi përmes një komunikate për media se më 24 prill 2020 iu ka paraqitur Dhomave të Specializuara të Kosovës (DHSK) një aktakuzë me dhjetë pika për shqyrtim prej Gjykatës, ku Hashim Thaçi, Kadri Veseli dhe të tjerë akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

“Në aktakuzë pretendohet se Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë”, thuhet në komunikatën e ZPS-së.

Aktakuza thuhet se është vetëm një padi penale e cila është rezultat i një hetimi të gjatë dhe dëshmon vendosmërinë e Zyrës së Prokurorit tё Specializuar se mund t’i provojë të gjitha akuzat jashtë dyshimit të arsyeshëm.

Komunikata vijon duke potencuar se një gjykatës i procedurës paraprake i DHSK-së është duke e shqyrtuar aktakuzën për të vendosur nëse do t’i konfirmojë akuzat.

“Prokurori i Specializuar e gjykon të domosdoshëm nxjerrjen e këtij njoftimi publik për akuzat, për shkak të përpjekjeve të përsëritura të Hashim Thaçit dhe Kadri Veselit për pengimin dhe sabotimin e punës së DHSK-së. Besohet se z. Thaçi dhe z. Veseli kanë ndërmarrë në fshehtësi një fushatë për shfuqizimin e ligjit që krijoi Gjykatën dhe ndryshe kanë penguar punën e Gjykatës në orvatje për t’i bishtnuar drejtësisë, nëpërmjet këtyre veprimeve, z. Thaçi dhe z. Veseli kanë vënë interesat e tyre vetjake mbi viktimat e krimeve të tyre, sundimin e ligjit dhe popullin e Kosovës”, thuhet në deklaratë.

Meta: Besojmë në pafajësinë e Thaçit, Veselit dhe të gjithë bashkëluftëtarëve të tyre

Presidenti Ilir Meta ka reaguar ndaj kësaj aktakuze dhe shprehet se vlerëson luftën e UÇK-së të popullit të Kosovës kundër dhunës dhe gjenocidit të regjimit serb të drejtuar nga Millosheviçi, si dhe beson te pafajësia e presidentit Hashim Thaçi, e ish-kryetarit të Kuvendit, Kadri Veseli dhe të bashkëluftëtarëve të tyre.

Meta tha se “lufta e UÇK-së, që iu imponua popullit të Kosovës nga shtypja dhe gjenocidi i regjimit kriminal të Millosheviçit, rezultoi se ishte e drejtë dhe vendimtare, jo vetëm për lirinë dhe themelimin e Republikës së Kosovës në kufijtë e njohur ndërkombëtarisht, por edhe për paqen, stabilitetin dhe ardhmërinë e saj europiane dhe të rajonit tonë”.

“Ne besojmë në pafajësinë e Presidentit Hashim Thaçi, ish-Kryetarit të Kuvendit, Kadri Veseli dhe të gjithë bashkëluftëtarëve të tyre”, theksoi ai.

Po ashtu Meta shton se “edhe më parë janë ngritur akuza ndaj ish-drejtuesve të UÇK, por pafajësia e tyre dhe drejtësia e luftës është konfirmuar. Ne besojmë se kjo do të ndodhë përsëri”.

Gjithashtu ministri në detyrë për Europën dhe Punët e Jashtme, Gent Cakaj ka reaguar sot në lidhje me padinë e ngritur nga Prokuroria Speciale e Kosovës kundër presidentit Hashim Thaçi, ish-kryetarit të Kuvendit, Kadri Veseli.

Cakaj: Nuk ka forcë në botë që të rishkruajë historinë e të njollosë UÇK-në

Cakaj në reagimin e tij thekson se, “lufta e Ushtrisë Çlirimtare të Kosovës ka qenë e pastër dhe e drejtë! UÇK-ja është jo vetëm pika më e lartë e përpjekjeve historike të popullit të Kosovës për liri e vetëvendosje, por edhe kapitulli më i lavdishëm i historisë sonë kombëtare. PIKË”.

“Prandaj, sot, duke qenë krejtësisht të bindur në pafajësinë e tyre të plotë e duke njohur me nderim të thellë punën e tyre në shërbim të kombit shqiptar e vlerave njerëzore, mbështetje e pakursyer për Hashim Thaçin e Kadri Veselin, gjithnjë duke kujtuar kryelartë e ballëhapur gjithë historinë e ndritur e të paqtë të Ushtrisë Çlirimtare të Kosovës”, tha Cakaj.

Ai shtoi se, “atë që mund ta mbulojë mjegulla e politikës ditore, nuk mund ta fshehë kurrë as historia: krenar me punën e tyre për çlirimin e Kosovës dhe ndërtimin e shtetësisë së saj që nga themeli. Kaq”.

“Mirënjohje, nderim e krenari, natyrisht, për çdo pjesëtar të UÇK-së për shërbimin e pastër ndaj vendit dhe qëndrimit në faqen e bardhë të historisë. Mbase në botë mund të ndodhin shumë çudira, por nuk ka asnjë forcë mbi rruzullin tokësor që mund ta rishkruajë historinë, njollosë UÇK-në, a tjetërsojë përpjekjen e popullit shqiptar për drejtësi dhe çlirim! Nderim udhëheqësve të Ushtrisë Çlirimtare të Kosovës”, përfundoi Cakaj reagimin e tij.

Majko: UÇK-ja është luftë për liri

Edhe ministri i Shtetit për Diasporën dhe ish-kryeministër në kohën e luftës së Kosovës, Pandeli Majko ka reguar sot në lidhje me padinë e ngritur nga Prokuroria Speciale e Kosovës kundër presidentit Hashim Thaçi, ish-kryetarit të Kuvendit, Kadri Veseli.

Majko shprehet se është në krah të tyre dhe se UÇK është lufta për liri.

“Drejtësia e Gjykatës së Hagës ka ngritur akuza ndaj drejtuesve të Ushtrisë Çlirimtare të Kosovës, Hashim Thaci dhe Kadri Veseli”, shprehet ai.

Majko theksoi se “UÇK-ja është luftë për liri! Lufta për liri është “shkelje e ligjit”. Është ligji i agresorit mbi viktimën. Kështu ka qenë dhe do të jetë! Jam në krah të Hashimit dhe Kadriut”. /atsh

Akuzat e Prokurorisë Speciale për Thaçin e Veselin, reagime Read More »

Pastrim kalasë dhe urës së Ali Pashës në ‘Dunavat’/ Kryebashkiaku Golemi: Masa ndëshkuese për ndotësit e mjediseve

Aktualitet / /

Në Gjirokastër vijon aksioni për pastrimin e ambienteve publike, rrugëve dhe monumenteve të kulturës.

Kryetari i bashkisë së Gjirokastrës, Flamur Golemi, tha se “për të disatën herë pastruam pirgje me plehra në zonën rreth kalasë dhe urës së Ali Pashës në ‘Dunavat’, monumente që vizitohen nga turistë”.

“I pastruam jo vetëm sepse kanë vizitorë, por sepse është e papranueshme që aty të dergjen plehrat ndërkohë që ka vende të caktuara për grumbullimin e tyre. Është detyrë e jona të pastrojmë qytetin, por edhe e juaja ta mirëmbani. Punë jonë nuk duket e as ka vlerë kur me papërgjegjshmëri individë të caktuar hedhin plehrat ku të mundin”, – theksoi Golemi.

Kryebashkiaku Golemi shprehet se kjo situatë nuk nderon askënd, përkundrazi na dëmton të gjithëve.

“Ne do të ashpërsojmë masat ndëshkuese për këdo që ndot ambientin dhe dëmton hapësirat e përbashkëta. Ju lutem tregohuni të përgjegjshëm”, – tha Golemi.

Ndërkohë që me iniciativë te Ministrise se Turizmit dhe Mjedisit dhe me mbikëqyrjen e institucionit të Prefektit të qarkut Gjirokastër, prej disa ditësh në këtë qark po zhvillohet aksioni për pastrimin e ambienteve publike, rrugëve nacionale dhe brigjeve lumore. Në këtë aksion janë përfshirë të gjitha njësitë vendore dhe institucionet shtetërore vendore në qark sipas planit të hartuar të pastrimit deri më 30 qershor.

Aksioni i pastrimit u përqëndrua dje në zonën e Furrës së Gëlqeres të bashkisë Gjirokastër ku nga ana e Drejtorisë Rajonale të Mjedisit janë grumbulluar të gjithë mbetjet e zonës përreth në kuadër të mbarëvajtjes së sezonit turistik verë 2020./atsh

Pastrim kalasë dhe urës së Ali Pashës në ‘Dunavat’/ Kryebashkiaku Golemi: Masa ndëshkuese për ndotësit e mjediseve Read More »

COVID-19/ Manastirliu: Qytetarët të zbatojnë masat, qeveria po punon për të gjithë skenarët

Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu tha në një intervistë televizive se qytetarët duhet të zbatojnë me rigorozitet rregullat e distancimit social, si dhe ato të higjienës, pavarësisht përfundimit të gjendjes së fatkeqësisë natyrore, pasi virusi COVID-19 vijon të qarkullojë.

Ministrja Manastirliu tha se virusi COVID-19 është i paparashikueshëm, por qeveria po punon fort dhe i ka bazuar skenarët mbi projeksione.

“Ky virus është i paparashikueshëm dhe ne nuk mund të bëjmë dot plane afatgjatë dhe afatmesëm. Por ajo çka ne ndërtojmë janë skenarë të bazuar mbi projeksione. Ne jemi duke punuar fort, që sa i përket shëndetësisë të kemi gati skenarët edhe për më të keqen, duke shpresuar gjithmonë më të mirën. Por gjithashtu edhe për shkollat, për t’iu përgjigjur jo vetëm me mësimin në shkolla, por edhe me mësimin online dhe për të gjitha ato aktivitete që janë të nevojshme, por që nëse do të duhet të përballemi me një vështirësi, duhet t’i përgjigjemi me një alternim të shërbimeve. Për riizolimin nuk mund të them sot, sepse situata është shumë dinamike dhe nëse një vaksinë do të zbulohet do të jetë shumë më e lehtë. Në rast të mungesës së një vaksine, masat e distancimin fizik, maskat, higjiena personale do të vazhdojnë të jenë masa që do të kenë shumë vlerë, si e vetmja armë që kemi në dorë kundër virusit”, – tha ministrja Manastirliu.

Lidhur me infektimet në QSUT, ministrja Manastirliu shtoi se janë raste sporadike, të cilat sipas saj nuk kanë munguar as në spitalet e vendeve më të zhvilluara si Italia e Gjermania.

Manastirliu tha se vendi ynë ka furnizimet e nevojshme me teste për COVID-19, por strategjia e ndjekur “Smart Testing”, ka bërë që në fillim të ishin më pak teste dhe tani në rritje sipas një strategjie të mirëpërcaktuar.

“Ne kemi furnizim të tamponëve në vazhdim. Nuk është vetëm çështja e testimit në vetvete. Por është edhe ‘smart testing’, ne testojmë për të ndërprerë zinxhirin e infeksionit. Nuk do të ketë mungesë të testimeve molekulare dhe po hapim një laborator për testim molekular në QSUT. Kemi një plan për ta shtrirë, por po bëjmë testim, sipas një strategjie për të këputur zinxhirin e infeksionit”, – tha ministrja e Shëndetësisë dhe Mbrojtjes Sociale.

Manastirliu tha se, disa aktivitetet do të vijojnë të mbeten të mbyllura, si dasmat, këndet e lojërave në ambiente të mbyllura, kinematë dhe teatrot.

“Heqja e gjendjes së fatkeqësisë natyrore do të thotë se nuk ka rikthim mbrapa në mbylljen dhe kufizimin e lëvizjes, por kjo nuk do të thotë se gjendja e pandemisë ka përfunduar. Ndaj qëndrojnë të gjitha masat në kuadër të gjendjes së epidemisë, që janë vendosur për të mos lejuar përhapjen. Kufizimet që mbeten në fuqi janë ato që lidhen me aktivitete që kanë risk të lartë, klubet e natës, këndet e lojërave me ambiente të mbyllura dhe pishinat. Gjithashtu kinematë dhe teatrot nuk do të hapen”, – tha Manastirliu.

Sa i takon transportit publik, ministrja e Shëndetësisë tha se, çdo udhëtar do të jetë i detyruar që të mbajë maskë dhe respektimi i protokollit do të monitorohet nga subjektet që do të ofrojnë këtë shërbim. “Normaliteti i ri na dikton që të jetojmë në rregulla të reja dhe sot kërkohet më shumë se kurrë një ndërgjegje e lartë. Vendosja e maskës gjatë përdorimit të transportit publik është një detyrim”, – tha Manastirliu. /atsh

COVID-19/ Manastirliu: Qytetarët të zbatojnë masat, qeveria po punon për të gjithë skenarët Read More »

Histori dhe natyrë/ Kalaja e Bashtovës, destinacion për t’u vizituar këtë verë

Art-Kulture, Turizem / /

Kalaja e Bashtovës, një monument kulture i ndërtuar në shekullin XV, me vlerat e saj historike dhe bukurinë natyrore është një tjetër destinacion për t’u vizituar këtë verë.

Në vijim të promovimit të destinacioneve të turizmit kulturor në vend, kryetari i grupit parlamentar të Partisë Socialiste, Taulant Balla ndau sot pamje nga Kalaja e Bashtovës.

“Ne shqiptarët mbajmë emrin e shqiponjës. Siç shkruan rilindasi i madh Naim Frashëri: ”Shpesi që i themi “shqipe” ishte sipas besës zogu i Hyjit dhe shenjë e trimërisë. Andaj e kishin në flamur shqiptarët e vjetër, pa nga shqipja u quajtën shqiptarë”. Me këto pamje nga Kalaja e Bashtovës, ju uroj një ditë të mbarë”, tha Balla.

E ngritur pranë fshatit të Vilë-Bashtovës në një distancë prej 3-4 km, në veri të grykëderdhjes së lumit të Shkumbinit, nga muret e kalasë mund të vëzhgosh bregdetin si në pëllëmbë të dorës, që nga Gjiri i Durrësit e deri në Divjakë e Karavasta.

Kalaja e Bashtovës ndodhet në njësinë administrative Gosë, pjesë e bashkisë Rrogozhinë, me ndarjen e re administrative. Këtu ndahet territori i qarkut të Tiranës me atë të Fierit.

Për herë të parë, kalaja haset në një hartë detare të vitit 1521.

Kështjella është ndërtuar në shekullin XV dhe u ka shërbyer venecianëve për shkëmbime tregtare. Zona e Bashtovës është përmendur si një port lumor në Shkumbin si dhe një qendër e eksportit të drithërave. Kalaja ka trajtë katërkëndore me përmasa 60×90 metra. Pjesa perëndimore e saj është rindërtuar në shekullin XVIII. Muret e saj kanë një lartësi prej 9 metrash.

Mendohet se kjo kala ka qenë dykatëshe, ku një kat i saj është i fundosur nën sipërfaqen e tokës. Kalaja e Bashtovës është një monument kulture me vlerë që ju do ta gjeni vetëm disa kilometra jashtë Kavajës dhe që dëshmon për gjurmët e qytetërimit dhe civilizimit.

Ajo që e bën Bashtovën të veçantë në krahasim me kështjellat e tjera që mund të vizitohen në Shqipëri është fakti se ajo është e vetmja kështjellë e ndërtuar në një fushë dhe jo në majë të kodrave apo maleve./atsh

Histori dhe natyrë/ Kalaja e Bashtovës, destinacion për t’u vizituar këtë verë Read More »

Teatri i Korçës feston 70-vjetorin, muze për trashëgiminë e tij kulturore

Aktualitet, Art-Kulture / /

Teatri i Korçës feston sot 70-vjetorin, si një institucionet më të rëndësishëm kulturore në jo vetëm në qytetin juglindor, por edhe në Shqipëri.

Ndërsa shpreh mirënjohjen në këtë ditë të madhe të artit korçar për të gjithë artistët që kanë qenë pjesë e këtij rrugëtimi, bashkia e Korçës ndau sot foto-dëshmi të historikut të tij 70-vjeçar.

“Artistë që vunë themelet e këtij teatri, profesionistë e të rinj të talentuar, na kanë dhuruar emocione të papërsëritshme nga skena me punën dhe veprën e tyre artistike”, thuhet në këtë njoftim të bashkisë.

Fotot nga arkivi i teatrit janë vetëm një pjesë e materialeve, dokumenteve, rekuizitës dhe kostumeve të përdorura në vite, të cilat do të vendosen në muzeun e tij./atsh

Teatri i Korçës feston 70-vjetorin, muze për trashëgiminë e tij kulturore Read More »

Mjekja e Infektivit, apel qytetarëve: Respektoni rregullat që gjithçka të vazhdojë të jetë mirë si në fillim

Opinione, Shendetesi / /

Edhe pse numri i rasteve pozitivë me COVID-19 ditën e sotme ka shënuar rënie, ka numër të lartë shtrimesh në Spitalin Infektiv. Bluzat e bardha ripërsërisin thirrjen për kujdes dhe ruajtje të distancimit fizik nga njëri-tjetri.

Ministrja e Shëndetësisë dhe Mbrojtjes Sociale, Ogerta Manastirliu ka publikuar mesazhin e Nevila Gjermenit, mjeke pranë Spitalit Infektiv në Qendrën Spitalore Universitare “Nënë Tereza” e cila thotë se situata duhet të vazhdojë të mbahet nën kontroll e për këtë ajo kërkoi mirëkuptimin e qytetarëve dhe ndërgjegësimin e tyre për t’u kujdesur në këtë fazë të pandemisë.

“Mjekët dhe infermierët e spitalit infektiv po përballen me një fluks të shtuar qytetarësh që kanë nevojë për trajtim mjekësor si pasojë e simptomave të rënda të COVID19. Nuk është asnjëherë e tepërt lutja e tyre për më shumë kujdes! Ju lutem dëgjoni apelin e dr. Nevila Gjermenit, e cila prej më shumë se 3 muajsh është çdo ditë në vijën e parë të përballjes me COVID19”, u shpreh ministrja e Shëndetësisë dhe Mbrojtjes Sociale, Ogerta Manastirliu.

“Do të nisja me një lutje për të gjithë popullatën pavarësisht se gjërat shkuan mirë, duam që gjithçka të vazhdojë mirë, ashtu sikurse e filluam mirë. Kështu që, ju lutem të gjithë popullatës të vazhdojnë të kujdesen për veten, të vazhdojnë të kujdesen për familjarët e tyre, të vazhdojnë të kujdesen për njerëzit e tyre të dashur duke zbatuar rregullat e higjienës dhe distancimit social”, tha Gjermeni në mesazhin e saj drejtuar qytetarëve. /atsh

Mjekja e Infektivit, apel qytetarëve: Respektoni rregullat që gjithçka të vazhdojë të jetë mirë si në fillim Read More »

Vreshtaria, sipërmarrje në rritje në të gjitha zonat e Shqipërisë

Aktualitet / /

Kultivimi i vreshtarisë është kthyer tashmë në një biznes në rritje që dominon në të gjitha zonat e Shqipërisë. Vreshtat, aktivitet nga më tradicionalët nga jugu e deri në veri të vendit, po kthehet në biznes mjaft fitimprurës për shumë fermerë që po investojnë në këtë kulturë.

Nga të dhënat statistikore rezultojnë se janë mbi 325 mijë fermerë që meren me prodhimin e rrushit në vreshta dhe pjergulla.

Ndërkohë që sipërfaqja e mbjellë me vreshta është rritur ndjeshëm vitet e fundit në mbi 15.000 ha.

Sot në vendin tonë rreth dy të tretat e fermerëve kultivojnë sipërfaqe deri në 0,2 ha tokë me vreshta kryesisht të llojit tradicional, Sheshi i Bardhë e Sheshi i Zi.

Ekspertët e bujqësisë tregojnë se, fermat e vogla kanë një qasje të kombinuar, një pjesë të prodhimit të rrushit e shesin të freskët, ose të përpunuar në formën e verës apo rakisë) dhe një pjesë për konsum vetjak.

Mbi 17 mijë ferma kanë vreshta me sipërfaqe mbi 0,2 ha, gjë që tregon për një lloj niveli specializimi.

Gjatë viteve të fundit sipërfaqja e vreshtave është rritur me mbi 1.3 mijë ha.

Zonat kryesore të prodhimit të rrushit janë Fieri, Berati, Elbasani dhe Vlora.

Sot prodhimi vendas i rrushit dominon furnizimin e tregut vendas por ai edhe eksportohet në tregjet e huaja./atsh

Vreshtaria, sipërmarrje në rritje në të gjitha zonat e Shqipërisë Read More »