Aurora

Shtrydhni 1 limon në 1 lugë gjelle vaj ulliri dhe do të më falënderoni tërë jetën që e ndava me ju këtë recetë

Leave a Comment / Shendetesi / /

A e besoni? Një limon i shtrydhur në një lugë çaji vaj ulliri mund të ketë efekte të pabesueshme në shëndetin tuaj.

Trupi ynë absorbon tonelata toksina çdo ditë. Shumë prej organeve tona luftojnë çdo ditë për të pastruar trupat tanë dhe për të bllokuar hyrjen e të gjitha atyre substancave negative që përpiqen të na sulmojnë.

Limoni dhe vaji i ullirit janë dy elementë që mund të na ndihmojnë të pastrojmë trupat tanë çdo ditë dhe t’i mbrojmë nga mikrobet dhe viruset që mund të na krijojnë infeksione, sëmundje dhe situata të tjera të pakëndshme dhe të dëmshme.

Përzierja e këtyre dy komponentëve, në fakt, stimulon sistemin imunitar dhe e bën atë rezistent ndaj agjentëve të jashtëm, shkruan ShkodraNews. Tashmë të ndara, këto dy ushqime kanë veti të shkëlqyera, prandaj imagjinoni nëse janë të kombinuara së bashku!

Përgatitja është shumë delikate. Por, duke ndjekur këto hapa të thjeshtë, nuk mund të gaboni:

1 – Sasitë janë në një raport 1: 1.

  1. Përzieji mirë në një tas të vogël, pa e mbinxehur atë me shpejtësi të tepruar.

PËRFITIMET

Lufton kapsllëkun. Ndihmon tretjen e duhur të ushqimit.

Mbron zemrën dhe të gjitha funksionet e saj. Përmirëson qarkullimin e gjakut dhe heq kolesterolin e keq = ndihmon në rrjedhjen e gjakut në mënyrë më efikase.

Ajo mban mëlçinë dhe fshikëzen e tëmthit në kushte të shkëlqyera.

Përveç kësaj, kjo lugë, e gëlltitur çdo ditë, forcon lëkurën, flokët dhe thonjtë, shkruan ShkodraNews. Sa për këtë të fundit, vetëm zhytini për dhjetë minuta brenda kësaj përgatitjeje, në një tas të vogël. Vishni doreza për t’i mbajtur gjatë natës, për të shkuar në shtrat pa shpëlarë duart. Në këtë mënyrë, përzierja lejohet të depërtojë në thonjë për më gjatë, prandaj rezultati do të jetë dukshëm më i mirë.

Gjithashtu për flokët, vaji ulirit dhe limoni së bashku janë të shkëlqyer. Ata u japin atyre një pamje shumë më të ndritshme dhe më pak të thatë dhe ndihmojnë në luftën kundër zbokthit.

Pra, do të ishte një zakon i mirë për të gëlltitur një lugë çaji të kësaj përzierjeje një herë në ditë, do të shihni sa përfitim ju do të keni në trupin tuaj!/Përshtati: ShkodraNews

Shtrydhni 1 limon në 1 lugë gjelle vaj ulliri dhe do të më falënderoni tërë jetën që e ndava me ju këtë recetë Read More »

Jeta luksoze e djalit të vogël të deputetit të ndjerë të PD Azem Hajdari, ja shifrat marramëndëse që i harxhon çdo natë

Leave a Comment / Aktualitet / /

Azem Hajdari Junior është djali 19-vjeçar i deputetit të ndjerë të PD Azem Hajdari.
Mjaft i ri në moshë, por me një pasion për mjetet e shtrenjta dhe jetën luksoze, i riu Hajdari ka rënë mjaft në sy në rrjetet sociale.

19-vjeçari bie në sy në kryeqytet duke lëvizur me makinat e luksit të tipit Mercedez Benz S-Class, të cilat arrijnë deri në 120 mijë euro.

Duke u nisur edhe nga pamja e jashtme, djali i të ndjerit Azem Hajdari shpenzon shuma marramendëse për atlete të firmave të shtrenjta që vlerësohen nga 500-1000 dollarë.

Ai ka një tatuazh të madh që i mbulon pjesën e parakrahut dhe të krahut të majtë.
Është një prej pasanikëve të rinj të kryeqytetit, frekuentues i pubeve më me emër në Tiranë, gjithnjë i gjendur në zonën VIP.

Sipas atyre që e njohin, Azem Hajdari Junior ka marrë për ditëlindje një dhuratë tejet “të kripur”, një avion g6.3 me vlerë marramendëse.

Nuk dihet nëse i riu do të vendosë më vonë të ecë në gjurmët e të atit dhe t’i bashkohet politikës, ashtu si edhe motra e tij e madhe, deputetja e PD-së Rudina Hajdari. Materialet siguruar nga @RichKidsTirana

Jeta luksoze e djalit të vogël të deputetit të ndjerë të PD Azem Hajdari, ja shifrat marramëndëse që i harxhon çdo natë Read More »

Kjo grua e moshuar është 112 vjeçe dhe kërkesa e saj sot të këput shpirtin

Leave a Comment / Aktualitet / /

Kjo grua që shihni ne foton me lart eshe plot 112 vjece dhe kerkon ti rritet pensioni se ato para qe merr nuk i dalin per asgje.

Një ankesë e pazakontë mbërriti në redaksinë e “Fiks Fare”, nga një zonjë 112-vjeçare. Mineko Rrapa, e lindur më datë 4 tetor 1906, merr një pension qesharak, vetëm 56 mijë lekë të vjetra. Djali i saj thotë se janë 6 motra dhe vëllezër, ku më i madhi është 78 vjeç.

“Nëna jonë është 112 vjeçe dhe merr një pension qesharak, 56 mijë lekë të vjetra. Ato lekë s’i dalin as për ilaçe dhe as për gjë. Ajo ka punuar gjatë gjithë kohës, nga krijimi e deri në fund të kooperativës. Na ka rritur dhe ne, Vitet e fundit nuk është në gjendje të mirë shëndetësore” thotë djali.

Ai shton se fillimisht ka marrë një pension 1 mijë lekë, më pas 2, 3 e tani 56 mijë lekë.

Ndërkohë, gruaja shekullore kërkon që t’i rritet pensioni. “Po ma rritën mirë do të bëjnë. Paratë i dua për ilaçe, t’i bëj derman vetes” thotë zonja Mineko, ndërsa thotë se ka 4 djem dhe dy vajza. “Kam punuar gjithë jetën në kooperativë. Ato lekë që merrja që atëherë, ato marr tani. S’më dalin për asnjë gjë” vijon 112-vjeçarja. Nga jeta nuk kujton shumë detaje, ndërsa në fund thotë se “dua të rroja sa të jetë e shkruar”.

Kjo grua e moshuar është 112 vjeçe dhe kërkesa e saj sot të këput shpirtin Read More »

Marigo Posio, atdhetarja e shquar, me dorën e saj qëndisi flamurin dhe shqiponjën e Flamurit që ngriti Ismail Qemali në Vlorë më 28 Nëntor, 1912

Leave a Comment / Histori / /

Domosdo që në bisedat e shumta që bëhen në prag të 100 vjetorit të Pavarësisë Kombëtare, një vend të rëndësishëm zë edhe figura e Marigo Posio. Atdhetarja e shquar, me dorën e saj qëndisi flamurin dhe shqiponjën e Flamurit që ngriti Ismail Qemali në Vlorë më 28 Nëntor të 1912-s.

Kush është Marigoja

U largua nga vendlindja e saj Hoçishti i Korçës dhe u vendos në Vlorë. Shkak i braktisjes së vendlindjes ishte persekutimi që po i bëhej atdhetarëve nga reaksioni osman. Në vitin 1904, bashkë me të shoqin u vendos në një shtëpi të lagjes Muradie, në rrugën që mban emrin e gazetarit francez Justin Goda. Shpejt ajo u fut në vatrat vlonjate me idetë e saj përparimtare, por edhe me qëndismat që bënte. Kur solli plaçkat nga Korça në fund të sëndukut kish vënë një flamur të qëndisur me dorën e saj. E kishte mbuluar me gazeta të vjetra të ngjitura me brumë, që të mos diktohej në rast kontrolli. Ajo u thoshte vajzave vlonjate: “Dëgjoni vajza. Në pajën tuaj duhet të keni medoemos një flamur, atë u a qëndis unë. Kjo intelektuale e shquar, patriote e flaktë, gjente kohë të lexonte libra e shfletonte gazeta. Ishte e vetmja grua që aktivizohej në veprimtaritë patriotike të kohës, duke u bërë edhe një shembull për masën e grave. Në shtëpinë e Marigosë, që u bë vatër atdhetare, hynin e dilnin Çerçiz Topulli, Mihal Grameno, Ibrahim Shyti, Jani Minga, Musa Çakërri. Në shtypin e kohës citohet se Marigo Posio, mori pjesë në Komitetin e parë që u formua në Vlorë për shpëtimin e Atdheut dhe ndihmoi me të holla.

Poezia dhe publicistika e Marigosë

Ndjenjat patriotike Margigo Posio i ka shprehur edhe në shtypin e kohës, ku ka shkruar me qindra shkrime, ashtu edhe në krijimtarinë e saj poetike. Më 28 nëntor të vitit 1918, në ditën e 7 vjetorit të shpalljes së Pavarësisë, ajo do të ishte në ballë të demonstratës kundër pushtimi nga fqinjët dhe do të bënte thirrje në shtypin e kohës: Atdheu mbi gjithçka. Më 13 qershor të vitit 1920, kur Avni Rustemi, vrau Esat Pashën në Paris, Marigoja, do të thurte ndër të tjera edhe këto vargje: “Ti vrapove, porsi plumbi, / u bëre erë dhe hije,/ shkele, shkove dhe e shove, /Shqipërinë e shpëtove. Kjo poete patriote gjente kohë të shkruante vargje edhe për luftëtarët, që u gjymtuan në luftë dhe që nuk kishin me çfarë të jetonin: “Turp i madh, për Perëndi,/ Unë, ti dhe ai,/ Për nderin e atij gjaku,/ Qysh e lëmë e qan bonjaku…Mendimi iluminist dhe veprimtaria patriotike e shqiptares së shquar, është fiksuar në qindra artikuj dhe poezi në shtypin e kohës dhe kush i lexon ato prek patriotizmin e shqiptares së famshme Marigo Posio.

Fundi tragjik i familjes Posio në Vlorë

Bashkëshortët Jovan e Marigo Posio, do të lindnin tre fëmijë në Vlorë, vajzat Evridhiqi e Liria dhe djali me emrin Vaso. Vajza e madhe ishte bashkëpunëtore e ngushtë e nënës së saj dhe bashkërisht do të botonin gazetën “Shpresa e Kombit’. I biri ishte artist dhe merrte pjesë në koncertet kombëtare. Marigonë e ndëshkoi në mënyrën më mizore fati. Ajo do të përjetonte dhimbjen më therëse, pasi do të vdiste djali i vetëm, teksa kthehej nga Amerika. Dhimbjet do të pasonin njëra-tjetrën, pse të dy vajzat do të vdisnin nga tuberkulozi. Goditje përfundimtare është edhe për vetë Marigonë, që u sëmur nga tuberkulozi dhe u detyrua të mjekohej në Vjenë. Me gjithë dhimbjet që kishte në trup, në këtë kohë, ajo mblodhi forcat dhe bashkë me aktorin e madh Aleksandër Moisiu bënin veprimtari në dobi të Shqipërisë. Në gusht të vitit 1932, mbylli sytë shqiptarja e shquar Marigo Posio. Ajo do të përcillej me nderim të thellë nga një lum i madh vlonjatësh, ndërsa regjimi i Zogut heshti.

Homazh veprës së saj

Në historinë e mendimit politik e shoqëror të çerekut të parë të shekullit që iku, Marigo Posio, zë një vend nderi, duke u shndërruar në një nga përfaqësueset më të denja të femrës shqiptare. Pikëpamjet e saj të përparuara janë vazhdim i mendimit më të përparuar të Rilindjes Kombëtare. Kjo grua, me gjithë dhimbjet e hallet familjare që provoi, jetoi edhe me shqetësimet e Kombit..Ajo shërbeu si forcë lëvizëse për përparimin e Shqipërisë dhe idetë e saj atdhetare janë aktuale edhe sot. Cilësimi nga shtypi i kohës si gruaja më e ditur e qytetit, e bënte atë një model të thjeshtësisë mes grave vlonjate. Veprimtaria e Marigosë në fushën e emancipimit të femrës ushtruan një ndikim mjaft pozitiv në zgjimin e fuqive të ndrydhura të vajzave dhe grave shqiptare.

MARIGOJA DHE FLAMURI SHQIPTAR

Sipas të thënave, shoqet e fëminisë, Marigonë e thërrisnin Shqiponja. Kishte një arsye që e thërrisnin kështu. Dhe një arsye më shumë, ishte se ajo qëndiste qindra shqiponja me duart e saj Gazeta “Arbëria”, që botohej në Gjirokastër, në kohën e saj shkruan: “Flamurin Kombëtar, që u ngrit për herë të parë në Vlorë nga dora e Ismail Qemalit, është hartuar nga duart e Marigo Posio, mbi copën e blerë tek tregtari Diamant. Qëndisja është bërë sipas modelit të shqipes, që kishin vizatuar patriotët Don Mark Vasa dhe Petro Fotografi. Këtë fakt e dinin edhe shumë patriotë të tjerë. Me të hollat e saj, ajo punoi edhe 500 flamuj për t’i vendosur në zyrat e shtetit të ri shqiptar. Një poezi e botuar në shtypin e kohës me titull “Marigo Posio”, lexohen vargjet: “Cila dorë e pat punue”, ose Kombit ia pat kushtue, at flamur, që valoi në Vlorë”…

HISTORIANI, DR. SHKENCAVE HISTORIKE ZEKO BRAHO PËR MARIGONË

Dr. Shkencave Historike Zeko Braho në Vlorë është autori i vetëm që ka hulumtuar mbi jetën dhe aktivitetin e Marigo Posio. Ai rrëfen për “Telegraf” se kishte bërë gati për botim një libër biografik për Marigonë dhe prej shumë vitesh e mbante në sirtar, pasi nuk i a botonin. Duhet të jetë Heroinë-  thoshin drejtuesit e Shtëpisë Botuese. Atëherë- thotë ai, i shkrova një letër Rita Markos, anëtarit të Byrosë Politike, që ishte nga Korça dhe kisha shpresë se do të ndihmonte, por jo. Në vitin 1990, kur shkrimtarja Helena Kadare është njohur me përmbajtjen e librit, është prekur dhe libri menjëherë ka hyrë në shtyp. Libri është ribotuar kohët e fundit, duke e pasuruar me fakte të reja dhe ndjehem i lumtur që më në fund u gjet varri i Marigosë, që kjo grua e shquar ka një varr madhështor në Zvërnec, ka një bust tek Kali i Trojës dhe që ish Presidenti i Republikës, prof. Rexhep Mejdani, në Kuvendin e parë të Gruas së shquar, që u mbajt në Vlorë, e nderoi me Urdhrin e Flamurit. Teksa do të festojmë 100- vjetorin e Shpalljes së Pavarësisë, në palët e Flamurit ndrit figura e Marigosë, qëndistares së Flamurit që u ngrit më 28 Nëntor të 1912-s në Vlorë./Njekomb

Marigo Posio, atdhetarja e shquar, me dorën e saj qëndisi flamurin dhe shqiponjën e Flamurit që ngriti Ismail Qemali në Vlorë më 28 Nëntor, 1912 Read More »

Hajduti i vitit 0 !

Leave a Comment / Aktualitet, Opinione / /

Të pastër “qelibar” dhe meqë vettingu është i zënë dhe ka punë të tjera, mendojnë ta përshpejtojnë procesin e tyre vetë, me pak ndihmë, duke hedhur në shesh të burrave, tamam si ajo dopio gjashta… tezën e “Vitit 0”!
Shkruan Anri Bala

E gjetëm Vangjel… tezën e “Vitit 0”! Madhështore është padyshim, teoria më perfekte e ngritur deri më sot… për politikanët! E pse mos ta hedhin si teori, kur i kemi parë, i kemi dëgjuar dhe i kemi provuar të gjitha në kurriz?! Vetëm kjo, na kishte mbetur!

Ta vendosim menjëherë në praktikë them unë… meqë vettingu po bënë gjumin e tij “letargjik”, prej të cilit, as këtë pranverë nuk ka ndërmend të zgjohet… sepse nëse do e bënte, me “urinë disa mujore të ariut, të paktën do ta mbërthente ndonjë cironkë apo ndonjë peshk të shkretë”… që mos të ngordh nga uria!

Pse mos ta kërkojnë “politikanët e gjorë” vitin 0, kur shikojnë vetting-istat, që paguhen me paga milionëshe dhe prej tetorit të vitit kaluar kanë “masakruar” plotë… 8 vetë?! Vetëm 8 gjyqtarë në 8 muaj, kanë kaluar në “sitën” e vettingut, ndërsa prej 3 javësh, nuk është prekur asnjë dosje me dorë dhe procesi është tërësisht i bllokuar.

Por, lajm i mirë është, se politikanët me “padurim” po numërojnë ditët, se kur do të vij dhe koha e tyre, se po plasin nga dëshira e madhe, për treguar “pastërtinë” e figurës!
Të pastër “qelibar” dhe meqë vettingu është i zënë dhe ka punë të tjera, mendojnë ta përshpejtojnë procesin e tyre vetë, me pak ndihmë, duke hedhur në shesh të burrave, tamam si ajo dopio gjashta… tezën e “Vitit 0”!

E para, më duhet të pranoj se ky angazhim i tyre, për t’i çuar gjërat përpara, e nderon imazhin e politikanit, por nga padija ndoshta, më duhet t’i bëj një sqarim të vogël, partisë së “11 Skifterave”, që të mos e dëmtojnë procesin e pastrimit të figurës, që edhe ne të jemi të qetë, e largëqoftë, ata të mos bëjnë ndonjë gabim, që do i njolloste përjetë!

E dashur shoqja Çizme dhe të nderuar deputetë të ish-partisë së Këmboraxhiut në Presidencë, me keqardhje më duhet t’iu informoj, se “Viti 0” nuk ekziston në kalendarin Gregorian, ai që përdorim sot! Madje, “viti 0” nuk ka ekzistuar në asnjë kalendar, as ata të përdorur më parë! Kështuqë, me dorën në zemër nga keqardhja e sipërmarrjes së partisë tuaj, “viti 0” bie si koncept krahasimor kohor, ndaj ju duhet një kohë tjetër… përshembull viti 1… muaji 1… dita 1… viti para se të ishte në pushtet Lavjerrësi, me numërim deri në vitin kur doli nga pushteti dhe u degdis në Presidencë “Rrjepsi”.

Viti 0 për ju, që numëratorin me shifrën e krimeve, e keni me dhjetë zero nga mbrapa… do ishte vdekje e moralit të një kombi! Por ku keni moral ju, ndaj as që e kuptoni se çfarë kërkoni, duke i hequr nga gjoksi medaljet e poshtërsive, që u duken si trimëri dhe fshehjen e milionave të grabitura, që u duket zotësi!

Por, sikurse unë, të gjithë shqiptarët e dinë fare mirë, se përse asnjë vit tjetër, përveç atij “zero”, si koncept abstrakt, nuk ju shkon shumë për shtat! Mos nuk i’u kuptuam dhe donit të na thoshit, se ne do të ndryshojmë, t’iu durojmë, e pse jo, edhe t’iu falim?!

Dakord, por kemi një kusht për ju: Kaloni pak orë të Vetting-ut të “Ditës 1” dhe ne do na mjaftonte që të qetësoheshim, të bindur, se Viti 0 që kërkuat, sapo filloi për ju, në qelitë më të errëta të burgjeve, prej ku ditët e datat do të mund t’i shënonit e t’i numëronit veç nëpër mure, duke filluar nga viti zero me krim zero.

Besoj se nuk do u ngelte merak! Ju a plotësuam edhe amanetin e fundit dhe të parin… me gjithë shpirt!

Hajduti i vitit 0 ! Read More »

Blindohen shkollat me policë, ministrat Xafaj e Nikolla nënshkruajnë marrëveshje

Leave a Comment / Aktualitet, Arsim / /

Ministri i Brendshëm Fatmir Xhafaj dhe Ministrja e Arsimit, Sportit dhe Rinisë Lindita Nikolla nënshkruan marrëveshjen për shtrirjen e projektit të Oficerëve të Sigurisë, në të gjitha shkollat e mesme të Shqipërisë që prej shtatorit të 2018. Ky projekt u pilotua në 15 shkolla në Tiranë dhe garantoi një mjedis të sigurt për nxënësit. Oficerët e Sigurisë do të shërbejnë për të garantuar më shumë siguri në mjediset shkollave, për parandalimin e konflikteve dhe akteve të dhunshme. Brenda komunitetit të nxënësve dhe parandalimin e çdo lloj veprimtarie kriminale në mjedisin rreth territorit të shkollave apo tentativave për të përfshirë të rinjtë në këtë lloj veprimtarie.

Marrëveshja u nënshkrua në gjimnazin ”Petro Nini Luarasi”, një prej shkollave të mesme të Tiranës ku nisi aplikimi i projektit pilot. Oficerët e Sigurisë do të trajnohen në Akademinë e Sigurisë, për një periudhe intensive 1 mujore.

Ministri Xhafaj deklaroi se nisja e projektit, nën kujdesin e veçantë të Kryeministrit Rama, synon ndërtimin e ambjenteve shkollore më të sigurta.

“Ne nuk dëshirojmë, nuk kemi pasur dhe nuk kemi kurrë si qëllim që të vendosim një polic, në kuptimin e vërtetë të kësaj fjale, por ne kemi si qëllim për të ofruar më shumë siguri që të vendosim këtu, edukatorë me frymën e ligjit, edukatorë për zbatimin e ligjit, edukatorë për të parandaluar së bashku me trupën pedagogjike, së bashku në mënyrë të veçantë me psikologët e shkollave për të parandaluar fenomene negative, akte të konflikteve apo të dhunës së brendshme.

Akte të konflikteve, apo të dhunë së brendshme, apo edhe përpjekje të jashtme, për të implikuar dhe tërhequr nxënës të veçantë në shkolla të veçanta në rrugën e krimit. E trajtuar në këtë mënyrë në këtë lloj qasje, Oficerët e Sigurisë në shkolla brenda territorit të shkollës janë edukatorë, jashtë territorit të shkollës ata shërbejnë si pika lidhëse ndërmjet policisë dhe shkollës. Në mënyrë që brenda territorit të shkollës të japin të gjithë edukimin e nevojshëm për ligjin, me frymën e rregullit dhe zbatimin e tyre dhe të kontribuojnë për ta bërë këtë gjë në bashkëpunim me psikologun dhe me trupën pedagogjike si dhe me komunitetin e prindërve, duke qenë në shërbim të tyre, në funksion të tyre dhe nga ana tjetër të mund të kontribuojnë që policia jashtë mureve rrethuese të shkollës të kryejë të gjithë veprimtarinë e vetë, në kufijtë e ligjit, në funksion të parandalimit të çdo lloj veprimtarie negative, çdo lloj veprimtarie kriminale që tenton t’i ofrohet, apo të tërheqë nxënës dhe nxënëse të shkollave tona. Ky është qëllimi i rolit të Oficerit të Sigurisë në shkolla”, tha ministri i Brendshëm.

Ministrja Nikolla duke u ndalur në të dhënat e ofruara nga projekti pilot tha se janë shumë inkurajuese dhe pozitive. Vetëm brenda 10 javëve, sipas ministres Nikolla, Oficerët e Sigurisë kanë ndihmuar në zgjidhjen e 80 konflikteve brenda shkollave.

“Një tregues tjetër që unë do të doja ta evidentoja është jo vetëm përcjellja e informacionit që kam marrë nga drejtuesit e shkollave, nga mësuesit dhe nga prindërit, por edhe një trend zbritës në rrafshin e konflikteve. Nëse shikojmë raportimet shumë serioze që vijnë dhe nga shkollat dhe nga oficerët e sigurisë, në javët e para numri i konflikteve ka qenë shumë më i madh, gjë që ka ardhur çdo muaj në zbritje, duke treguar edhe njëherë besimin në rritje, por ajo që është objektivi kryesor i këtij projekti, shkollat janë më të sigurta.

Këto 15 modele na kanë shërbyer jo vetëm si modele për të treguar sesa i rëndësishëm ishte ky projekt midis dy ministrive tona, por patjetër janë modele që nevojshëm dhe mjaftueshëm garantojnë dhe kërkojnë që ne të vijojmë më tej duke i shtrirë edhe në shkolla të tjera në të gjithë vendin për të mësuar edukim sesi zgjidhen konfliktet, edukim sesi menaxhohen zëmëratat e vogla të adoleshentëve, edukim për mospërdorimin e lëndëve narkotike, edukim sesi komuniteti, prindërit dhe mësuesit të dinë të koordinojnë veprimin dhe punën për të ofruar më shumë siguri dhe më shumë arritje në shkolla. Janë të gjitha objektiva që në këto 10 muaj këta djem dhe vajza të shkëlqyer, të mirëtrajnuar edhe në Akademinë e Sigurisë, na kanë dhënë shembullin më të mirë, por edhe gjithë argumentet që ne të vijojmë më tej me këtë projekt”, theksoi ministrja e Arsimit.

Blindohen shkollat me policë, ministrat Xafaj e Nikolla nënshkruajnë marrëveshje Read More »

Në brigjet e Vlorës, pranë Ujit të Ftohtë, është një vend që quhet Jonufër

Leave a Comment / Turizem / /

Në brigjet e Vlorës, pranë Ujit të Ftohtë, është një vend që quhet Jonufër. Sigurisht njerëzit e kanë konceptuar që vjen nga Joni, nga emri Jon. Por, nëse gërmohet pak më thellë dhe po të marrim dokumentet e shekullit XVI-XVII, aty ka qenë piktori i madh Onufri nga Berati, ishte dhe kisha e Onufrit, në rrëzë të shkëmbinjve. Aty ku është ndërtuar monumeti i Aksionistes, ka qenë kisha e tij. Sot në të ndodhen vetëm rrënojat, ndërsa po të gërmohet, mund të zbulohen themelet. Atje Onufri punonte ikona për 40 shtete të Evropës. Ai kishte 9 ndihmës.

Shumë interesante për këtë janë dokumentet e Vatikanit, që japin kronikën se Peshkopi i Durrësit iu lut piktorit Onufër që të bëhej kryeprifti i gjithë kishave të Himarës. Pra, nga Vlora deri në Sarandë. Dhe në dokumentet e Vatikanit është betimi i tij dhe pagëzimi prej peshkopit të Durrësit në detyrën e kryepriftit. Madje, po të shohim të gjitha pikturat murale që janë bërë në zonën e kishave të Himarës, është dora e Onufrit dhe ndihmësve të tij. Kjo është një pasuri e madhe kulturore. Tek ne kjo nuk shfrytëzohet, sepse duhet të ketë ciceron që të shpjegojë për vizitorët. Dhe nga ana tjetër, një rol të madh këtu duhet të luajnë institutet e monumenteve.

Vlora ka qendrën e institutit të monumenteve për gjithë Jugun e Shqipërisë.

Rezultate imazhesh për foto plazhi jonufer vloreRezultate imazhesh për foto plazhi jonufer vlore

Në brigjet e Vlorës, pranë Ujit të Ftohtë, është një vend që quhet Jonufër Read More »

Dosja e “Habilajve”, flet avokati: Çfarë ndodhi më 30 maj

Leave a Comment / Aktualitet / /

Avokati i ri i Mosi Habilja Maria Caterina Caltabiana ka zbardhur disa nga detajet e seancës së parë gjyqësore të gjyqit të Habilajve zhvilluar një ditë më parë në Katania.

“Siç e dini, procesi për të cilin është arrestuar Habilaj Mosi ka nisur dje më datë 31 05.2018.
Në këtë seancë u trajtuan çështjet paraprake dhe u parapri zgjedhja e ritit të gjykimit.

Seanca gjyqësore u shty për në datën 26 shtator 2018 kur Prokurori Publik italian do të bëj kërkesat e tij të dënimit.

Në seancat e mëvonshme do të zhvillohen diskutimet e palës mbrojtëse të të gjithë të dënuarve.
Është e vërtetë që z. Habilaj është marrë në pyetje nga prokurorët shqiptarë më datë 30 maj për hetime që varen (kanë të bëjnë) në Shqipëri, por e vërtetë është që kjo marrje në pyetje për vullnetin tim si avokat u bë pjesë e procesit gjyqësor italian.

Nuk mund të zbuloj përmbajtjen e marrjes në pyetje pasi është një akt hetimor i mbuluar ende nga sekreti i hetimit.

Sa i takon linjës mbrojtëse ndaj klientit tim, nuk mund t’ju them asgjë paraprakisht pasi gjithçka do varet nga rindërtimi i fakteve nga Prokurori Publik”, Maria Caterina Caltabiano për Ora News.

Dosja e “Habilajve”, flet avokati: Çfarë ndodhi më 30 maj Read More »