Një studim i publikuar së fundmi në Proceeding of the National Academy of science (PNAS) është përpjekur të vlerësojë peshën e të gjitha qenieve të gjalla në planet duke e shprehur në masën e karbonit.
Mes shumë të tjerave kanë llogaritur që njerëzit peshojnë 60 milionë tonelata të këtij elementi. Për të mbërritur në këto përfundime kërkuesve iu është dashur tre vite për të kombinuar informacionin paraprak të mbledhur në literaturën shkencore. Shkencëtarët janë përpjekur të matin sasinë e karbonit të mbledhur tek qeniet njerëzore, duke patur parasysh se ky element kimik ndodhet në sasi të bollshme tek ata. Kështu kanë llogaritur që e gjithë biomasa e planetit peshon 550 gigatonë, pra 550 000 milionë tonë.
Shkencëtarët kanë mbërritur në përfundimin se bimët peshojnë më shumë se të gjitha format e jetës në planet. Ato magazinojnë më shumë se 80% të të gjithë karbonit të gjallesave dhe grumbullojnë 450 gigatonë karbon. Grupi tjetër më i madh i gjallesave më të rënda anashkalohet, bëhet fjalë për bakteriet. Autorët konsiderojnë që këto mikrobe mbërrijnë në 70 gigatonë dhe ndiqen nga kërpudhat me 12 gigatonë.
Kafshët mbeten më mbrapa nga të gjithë të tjerët. Mund të arrijnë deri në 2 gigatonë dhe gjysma e tyre i përket antropodëve, forma e jetës më e shumtë dhe e shumëllojshme në planet.
Njerëzit zenë 0.06 gigatonë (60 milionë tonë) duke patur parasysh se insektet dhe karkalecat e detit kapin të njëjta shifra. Megjithatë pesha është diçka qesharake, nëse krahasohet me 0.2 gigatonë karbon që peshojnë viruset e planetit.
Megjithatë gjurma e njerëzve nuk është aq e vogël sa pesha e tyre. Me ndikimin e tyre kanë bërë që kafshët shtëpiake të peshojnë 20 herë më shumë se gjitarët e egër dhe se zogjtë e fermave të peshojnë më shumë se të tjerët. Gjithashtu autorët thonë se aktiviteti njerëzor ka reduktuar gjysmën e biomasës së planetit në 10 000 vitet e fundit.
Autorët do të krahasojnë tani, nëse proteina më e madhe e planetit, rubisco është reale (kjo nuk merret parasysh, pasi është një molekulë me të cilën bimët dhe mikrobet bëjnë fotosintezën). Do të vazhdojnë kërkimet edhe pse pjesa më e madhe e jetës mikrobiale është ende e panjohur
Duke u marrë me “llogaridhënien e Ramës”, dhe duke “harruar” llogaridhënien e tij, duke nxjerrë 10-15 veta me parrulla në çdo rreth si protestues, PD thjesht po humbet terren, dhe po tkurret më shumë politikisht në sytë e shqiptarëve
Shkruan Artur Ajazi
Llogaridhënia në konceptin modern të fjalës, është padyshim termi më i përdorur sot në politikën europiane. Duke përjashtuar partitë dhe pushtetet diktatoriale, çdo parti politike demokratike, që ka një program të detajuar zhvillimi, padyshim transparencën e gjithçkaje e ka në plan të parë.
Në vendet postkomuniste,të cilat për afro gjysëm shekulli ishin mësuar me komandën e Njëshit, dhe bindjen ndaj një partie, koncepti llogaridhënies ishte ndryshe, ku mbizotëronte “llogaridhënia e komunistit para partisë”. Në Shqipëri pas vitit 1992 me ndryshimin e sistemit, vetëm përgjatë këtij mandati qeverisës, koncepti teorik dhe praktik i llogaridhënies është futur dhe zbatuar nga Edi Rama.
Mirë apo keq, kryeministri ka nisur në turin e tij në rrethe, fushatën e llogaridhënies së ministrave, zv/ministrave, drejtorëve, dhe deri tek rrangjet e ulëta.
Natyrisht nuk kishte se si të mos kundërshtohej nga opozita aktuale edhe nisma e zotit Rama, pasi është në të drejtën e saj të jetë kundër gjithçkaje që propozon kreu i qeverisë. Me fakte ose pa fakte, opozita aktuale e cila përfaqësohet historikisht në Shqipëri akoma nga PD, ka dalë hapur dhe me veprime konkrete si grumbullime dhe pankarta në duar, duke kundërshtuar llogaridhënien e Ramës dhe stafit të tij qeveritar.
Por habia më e madhe e kësaj kundërshtie të kësaj opozite qëndron në faktin se, veprimet e saj bien ndesh me situatën në të cilën gjendet sot partia e tyre, pra PD. Brënda asaj partie ka kohë që ndodhin çudira, ndodhin përmbysje, ndodhin ngjarje dhe krijohen situata të rënda që kanë penguar dhe dëmtuar seriozisht funksionimin normal të asaj force politike.
Më e pakta që kryesia, kuvendi, forumet, anëtarësia e asaj partie, duhej të kishin kërkuar nga lidershipi Partisë Demokratike arsyet e mungesës së llogaridhënies, për katastrofën ku gjendet sot kjo forcë politike. Kur një qeveri nis fushatën e llogaridhënies në popull, mes të djathtëve dhe të majtëve, mbi gjithçka ka bërë, mbi gjithçka nuk ka bërë, mbi problemet dhe hallet e qytetarëve, përse një parti politike demokratike, heziton të japë llogari para anëtarësisë saj ? Përse kryetari PD, prej 1 viti e gjysëm premton “llogaridhënien para bazës mbi gjithçka lidhet me humbjet, dhe shkatërrimin struktural të partisë” nuk e bën një gjë të tillë?
Kush e pengon, përse e pengon, çfarë e mundon, dhe nga kush trembet ? Baza e partisë, të larguarit dhe të palarguarit e Partisë Demokratike, nuk ka ditë të mos kërkojnë nga kupola drejtuese e kësaj partie , nisjen e fushatës së llogaridhënies në çdo qytet dhe fshat të vendit, për të njohur jo vetëm situatën ku janë katandisur degët në rrethe, por edhe për ti njohur militantët e zhgënjyer të fushatave elektorale me shkeljet dhe gabimet e liderit. Historikisht nuk mbahet mend që në PD, të ketë patur ndonjëherë “fushatë të llogaridhënies së kupolës drejtuese”, edhe atëhere ( në 1997) kur shteti u shpartallua dhe kjo parti u shpërbë pothuajse fare.
Duke ecur mbi të njëjtën rrugë, mbi të njëjtën gjurmë, duket se edhe kryetari Basha, as ka ndërmend të nisë ndonjë fushatë “llogaridhënie në bazë”, aq më tepër kur ajo nuk është bërë kurrë as dje dhe as sot. Mendoj se mosnjohja e gabimeve, mosnjohja e mosbërja e autokritikës serioze para bazës së partisë, kurhumb zgjedhjet në fushatë elektorale, kur ti fitoren tënde si kryetar partie e ke të kontestuar, kur nuk ke një program të qartë dhe serioz për aksionet opozitare, dhe kur nuk mban asnjë premtim që lidhet me të ardhmen ekzistenciale të partisë, e kanë bërë PD një parti të pabesueshme, që nuk ngjall shpresë tek qytetarët.
Llogaridhënia e Bashës para bazës, (dhe jo deklarata para kuvendit të partisë se “I njoh gabimet e mia”) do të ishte aksioni më i mirë politik i kryetarit të asaj që quhet sot opozita në Shqipëri. Duke u marrë me “llogaridhënien e Ramës”, dhe duke “harruar” llogaridhënien e tij, duke nxjerrë 10-15 veta me parrulla në çdo rreth si protestues, PD thjesht po humbet terren, dhe po tkurret më shumë politikisht në sytë e shqiptarëve.
Falimenton banka Societe Generale e cila ka filial edhe në Shqipëri, duke qenë banka e pestë më e madhe në vend.
Ndërkohë që tek depozituesit ka filluar paniku dhe tashmë janë në ethe për të tërhequr paratë e tyre që të mos i humbin.
Të djegur nga Piramidat mashtruese të Sali Berishës që “thithën” në vitet 1994-1996 më shumë se 1.2 miliardë dollarë kursime të shqiptarëve, klientët shqiptarë të kësaj banke dhe më gjërë kanë nisur të tërheqin paratë e tyre.
Ndërkohë që shteti shqiptar garanton vetëm 2.5 milionë lekë për depozituesit.
Alarmi erdhi pasi pak javë më parë, mediat bullgare njoftuan se Société Générale (SG) po tërheq biznesin e saj nga Evropa Qendrore dhe Lindore, përfshirë dhe Shqipërinë.
Ndërkohë që UniCredit i Italisë po planifikon të bashkohet me rivalen franceze Société Générale në një lëvizje të guximshme, duke hapur rrugën për një raund të pritur të bashkimeve bankare në kontinent, shkruan Financial Times.
Jean-Pierre Mustier, shefi ekzekutiv francez i UniCredit, ka qenë pionieri i idesë për disa muaj, sipas njerëzve të afërt me situatën.
Ata thanë se nuk ka pasur asnjë qasje formale, por drejtorët e SocGen-it gjithashtu janë duke studiuar mundësinë e një bashkimi.
Zyrtarë të lartë të të dy palëve theksuan se diskutimet ishin në një fazë të hershme dhe situata politike e paqëndrueshme e Italisë kishte shtyrë afatin për arritjen e një marrëveshjeje nga plani origjinal i 18 muajve.
Por çdo marrëveshje UniCredit-SocGen do të ishte e mbushur me vështirësi.
Përveç turbullirave politike të Italisë – dhe armiqësisë ndaj të huajve që zotërojnë ose drejtojnë biznese italiane – rregullatorët mund të shqetësohen nga kombinimi i dy huadhënësve që tashmë konsiderohen të një rëndësie sistemike.
Një bashkim në mes të dy është marrë në konsideratë nga SocGen disa herë gjatë 15 viteve të fundit edhe në muajt e fundit. Megjithatë, banka të dielën mohoi “çdo diskutim në bord lidhur me bashkimin e mundshëm me UniCredit”.
UniCredit nuk pranoi të komentojë, përfundon artikulli i Financial Times.
Societe Generale ka filial edhe në Shqipëri, duke qenë banka e pestë më e madhe në vend, me një total aktivesh prej 83 miliardë lekësh, ose 5.8% e totalit të aktiveve në sistem, sipas të dhënave nga Shoqata e Bankave./Pamfleti
Këtë verë do të ketë gjoba të larta deri në 300 euro për këdo që hedh bishtat e cigareve në rërë. Kohë të vështira për ata që duan të pushojnë në plazh duke pirë një cigare, shkruan ShkodraNews. Cigaret janë ndaluar në plazhe dhe kjo kërkesë ka ardhur nga Codacons sepse plazhi është një vend publik i hapur për të gjithë dhe prandaj duhet të respektojë jo-duhanpirësit. Në plazh mund të gjejmë gra shtatzëna, fëmijë dhe të moshuar.
Sipas Codacons, ndotja e prodhuar nga pirja e cigareve në plazh tejkalon atë të prodhuar nga strukturat në zonat urbane, shkruan ShkodraNews.
Kjo është një ide e mrekullueshme për të gjithë jo-duhanpirësit pasi shumica prej nesh shkojnë në plazh për t’u çlodhur, thither ajër të pastër dhe të përfitojnë nga zona e pasur me jod nga deti dhe, falë këtij ndalimi, edhe duhanpirësit më të zjarrtë do të duhet të heqin dorë nga ky ves i tmerrshëm për disa orë.
Për momentin në plazhet tona italiane, banorët janë të ftuar të mos pinë duhan dhe të mos hedhin bishtat në tokë vetëm në plazhet Bibione, në Venecia, e cila që nga viti 2014 është e ka ndaluar zyrtarisht pirjen e duhanit në breg.
Ndalimi shtrihet në të gjithë territorin italian, sepse plazhi, pavarësisht se është një zonë shumë e madhe, është plot njerëz dhe njerëzit janë të përqendruar në disa metra katrorë dhe masa përpiqet të mbrojë shëndetin e qytetarëve. Kjo është një iniciativë interesante dhe duhet të reflektojnë të gjithë duhanpirësit.
Rreth 25 shtete të ndryshme, përfshirë edhe Shqipërinë mund të udhëtojnë tashmë me vizë elektronike të pa sponsorizuar drejt shtetit të Omanit.
Kjo përpjekje bëhet nga shteti i Omanit, në mënyrë që të rrisë turizmin në vend, pasi ky shtet ka një vijë bregdetare të mrekullueshme.
I ndodhur në Gadishullin Arabik, shteti monark i Omanit, ka oaze të larmishme dhe një shkretëtirë
Moskati, kryeqyteti i Omanit është njëkohësisht edhe port dhe ka vlera të shumta turistike dhe është kthyer në një atraksion të tillë vitet e fundit.
Si mund të udhëtojnë shqiptarët drejt Omanit?
Të vetmet kritere për të vizituar Omanin janë një pasaportë e vlefshme të paktën 6 muaj brenda aplikimit, bileta avioni vajtje-ardhje dhe rezervim në hotel.
Ish kryeministri Fatos Nano është një nga figurat më të rëndësishme të jetës politike në vend. Edhe pse në virtualitet, çdo postim i tij, tërheq mjaft vëmendje. Këtë herë ish kryeministri është rikthyer për të denoncuar, një individ, të cilin e cilëson “shpellar”.
“Një “Shpellar” që hiqet si #fatosnano, tenton të përdorë figurën dhe emrin, por gjithmonë e kam thënë që nuk kam pasur adresë Facebook. Për më tepër po postoj disa foto të cilat ky personi në fjalë ka folur në emrin tim. Bëni kujdes mos bini prehë e mashtrrimeve… Me respekt #fatosnano”, shkruan Nano.
Emigrantët shqiptarë që jetojnë në Itali mund të përfitojnë ndihmë familjare, nëse përmbushin kriteret e përcaktuara bazuar në të ardhurat që kanë. Kjo pagesë nga shteti italian u jepet punonjësve të punësuar; atyre me përfitime nga papunësia; punonjësve të punësuar në bujqësi; punonjësve që shërbejnë në familje; punonjësve të riregjistruar në administrime të ndara; mbajtësve të pensioneve; mbajtësve të përfitimeve nga sigurimet shoqërore dhe punonjësve në kushte të tjera me pagesa direkte.
Kushtet e përfitimit
Synimi kryesor i dhënies së kësaj pagese është për të ndihmuar familjet e të punësuarve publikë e privatë dhe pensionistët që janë mbajtës të pensionit si rezultat i punës si të punësuar, kur përbërja familjare është me shumë persona dhe të ardhurat janë nën kufirin e të ardhurave të përcaktuara nga ligji. “Llogaritjet bëhen sipas përbërjes familjare, të numrit të anëtarëve të familjes dhe të ardhurave të përgjithshme të këtij numri, ku përfshihen shuma pagesash sipas kufijve të të ardhurave, duke u favorizuar ato familje që janë në gjendje më të vështirë ( p.sh. prindër të vetëm apo anëtarët me aftësi të kufizuara).
Shumat e pagesave publikohet çdo vit nga INPS në tabela të vlefshme nga 1 korriku i çdo viti deri më 30 qershor të vitit të ardhshëm. Të ardhurat familjare për t’u marrë në konsideratë për dhënien e pagesës, janë të ardhurat e pagës bruto që merren në përllogaritjet tatimore para zbritjeve që bëhen nga këta organe”,-thekson për “Gazeta Shqiptare”, drejtuesja e patronatit, INAS Albania, Beskida Aliaj.
Kjo e fundit shton se merren në konsideratë edhe të ardhurat të përjashtuara nga taksat dhe ata që janë si objekt i tatimit në burim, në qoftë se kjo shumë kalon një total prej 1,032.91 €, e cila llogaritet si produkt i vitit kalendarik më 1 korrik të çdo viti, deri më 30 qershor të vitit të ardhshëm.
Pagesën për ndihmë familjare mund ta përfitojnë familjet që përbëhen nga: punëkërkues ose mbajtës të pensioneve; bashkëshorti, i cili nuk është ligjërisht dhe efektivisht i ndarë edhe pse nuk bashkëjeton, por nuk e ka braktisur familjen; fëmijët dhe të barasvlershëm me ta, nën moshën 18 vjeç, që bashkëjetojnë ose nuk bashkëjetojnë; si dhe fëmijët dhe të barasvlershëm me ta, maxhorenë të paaftë, me kusht që të jenë të pamartuar, të cilët duhet të jenë të pajisur me autorizimin përkatës.
Sipas legjislacionit italian konsiderohen persona të paaftë ata persona, që për arsye fizike ose mendore, janë në pamundësi absolute dhe të përhershme për t’u ingranuar në punë produktive. Gjithashtu këtë ndihmë familjare mund ta marrin edhe familjet që kanë në përbërje: studentët ose specializantët, të moshës mbi 18 vjeç dhe nën moshën 21 vjeç, me kusht që të jenë pjesë e “përbërjes së numrit në familje”, kjo vetëm për familjet me të paktën katër fëmijë, të gjithë nën moshën 26 vjeç ; vëllezërit, motrat dhe nipërit e aplikantit minorenë dhe maxhorenë, ose të paaftë, vetëm në rast se ata kanë humbur të dy prindërit, nuk e kanë fituar të drejtën e përfitimit të pensionit familjar dhe nuk janë të martuar; si dhe nipërit të moshës nën 18 vjeç, që jetojnë në ngarkim të aplikuesit. “Mbajtësit e pensionit të pleqërisë dhe familjar, kanë të drejtë pagese për ndihmë familjare, nëse familja përbëhet nga bashkëshortë të pasjetuar (superstite) që janë mbajtës pensioni, dhe nga fëmijë ose ekuivalentë të tyre nën moshën 18 vjeç ose maxhorenëve të paaftë mbajtës ose bashkëmbajtës të pensionit.
Pagesa për ndihmë familjare nuk jepet në rast se shuma e të ardhurave nga puna si i punësuar ose e marrë nga pensioni, ose përfitim tjetër të sigurimeve shoqërore të prejardhura nga puna si i punësuar, është më e vogël se 70 % e të ardhurave familjare në total”,-bën me dije Aliaj.
Kërkesa
Kërkesa duhet të paraqitet për çdo vit kur personit i ka lindur e drejta për ta përfituar nga punëdhënësi përkatës; INPS në rast se aplikanti është i punësuar në shërbimin familjar etj. Nëse kërkesa paraqitet për pagesa të periudhave të mëparshme, fillimi i pagesave të prapambetura paguhet deri në një maksimum prej pesë vjetësh. Ekspertja e pensioneve bën me dije për ‘GSH’ se nuk duhet të deklarohen si të ardhura: trajtimet me pagesa në përfundim të raporteve të punës; trajtimet e familjes, të përfituara e të pagueshme sipas ligjit; si pagesat vjetore të paguara nga INAIL, pensionet e luftës, pensionet për viktimat e një aksidenti; pagesa për personat që shoqërojnë invalidët civilë, të verbër absolutë civilë, të mitur invalidë të cilët nuk mund të ecin, si dhe për pensionistët me aftësi të kufizuar. Gjithashtu, nuk mund të deklarohen si të ardhura pagesat e mundësimit të komunikimit për persona të shurdhër dhe për persona të verbër të pjesshëm; të ardhura për dëme të pakthyeshme në vaksinimet e detyrueshme, transfuzioneve të gjakut dhe injeksione të ndryshme; të prapambetura të pushimeve nga puna, të ardhura të ofruara, të cilat i referohen viteve të mëparshme; të ardhura nga transferta për pjesën që nuk u nënshtrohen tatimeve fiskale; si dhe të ardhurat për ushqim, marrë nga bashkëshorti/ja ndarë ligjërisht në ngarkim të aplikuesit/ses të kërkuara me destinacion për ushqimin e fëmijëve.
Të dhëna
Personat që nuk përfshihen në përbërjen familjare: Bashkëshortët ligjërisht dhe efektivisht të ndarë;
Bashkëshortët që kanë braktisur familjen, Fëmijët në kujdestari nga bashkëshort tjetër ( në rast të ndarjes ligjore ose divorcit ), Familjarë të qytetarëve të huaj, jo rezident në Itali
Fëmijët natyralë, të njohur nga të dy prindërit që nuk bashkëjetojnë me aplikuesin. Fëmijët natyralë të aplikuesit të martuar, që nuk janë përfshirë në përbërjen e familjes ligjore. Fëmijët dhe të barasvlershmit madhorë, jo të paaftë fizikisht dhe që janë të aftë për punë.
Fëmijët e mitur dhe madhorë të paaftë fizikisht, të cilët janë martuar. Vëllezërit, motrat dhe nipërit e aplikuesit edhe në rast se janë të paaftë, që janë jetimë vetëm të një prindi ose mbajtësit të një pensioni familja, ose që janë martuar. Prindërit dhe të tjerë persona të shtuar.
Përfituesit
Pagesën për ndihmë familjare mund ta përfitojnë familjet që përbëhen nga:
punëkërkues ose mbajtës të pensioneve;
Bashkëshorti i cili nuk është ligjërisht dhe efektivisht i ndarë edhe pse nuk bashkëjeton, por nuk e ka braktisur familjen
Fëmijët dhe të barasvlershëm me ta, nën moshën18 vjeç, që bashkëjetojnë ose nuk bashkëjetojnë;
Fëmijët dhe të barasvlershëm me ta, maxhorenë të paaftë, me kusht që të jenë të pamartuar, të cilët duhet të jenë të pajisur me autorizimin përkatës.
Konsiderohen persona të paaftë ata persona, që për defekt fizik ose mendor, janë në pamundësi absolute dhe të përhershme për t’u ingranuar në punë produktive.
fëmijët dhe të barasvlershëm me ta, studentët ose specializantët, të moshës mbi 18 vjeç dhe nën moshën 21 vjeç, me kusht që të jenë pjesë e “përbërjes së numrit në familje”, kjo vetëm për familjet me të paktën katër fëmijë, të gjithë nën moshën 26 vjeç;
vëllezërit, motrat dhe nipërit e aplikantit minorenë dhe maxhorenë, ose të paaftë, vetëm në rast se ata kanë humbur të dy prindërit, nuk e kanë fituar të drejtën e përfitimit të pensionit familjar dhe nuk janë të martuar.
nipërit të moshës nën 18 vjeç, që jetojnë në ngarkim të aplikuesit.
Kryeministri bullgar ka treguar në konferencën me Ramën çfarë thotë Merkel për integruimin e Ballkanit Perëndimor.
“Merkel thotë se Ballkani Perëndimor është tema më e vështirë që mund të zgjidhet, por me rëndësi që të zgjidhet. Sa më mirë të jetë rajoni, aq më të mëdha janë mundësitë për bashkëpunim. Shqipërisë duhet t’i jepet një datë dhe rrugë për fillimin e negociatave. Tregojmë përpjekje që duhet t’i bindim shtetet skeptike deri në fund të qershorit”, tha Borissov.
Në konferencën e përbashkët me homologun e tij bullgar Boyko Borissov, Kryeministri Rama e vlerësoi homologun e tij se ka bërë avokatin e Shqipërisë në rrugën e saj të integrimit.
“Marrëdhënia me Bullgarinë është jashtëzakonisht pozitive. Borisov ka bërë avokatin e Shqipërisë në BE”, tha Rama.
Rama tha se Bullgaria sot jep shembull të shkëlqyer në bashkëpunimin me BE. “Miqtë tanë bullgarë na ofrojnë ndihmën me eksperiencën e tyre”, tha Rama.
Ndërkohë, Boyko Borissov u shpreh se Shqipërisë duhet t’i jept një datë dhe rrugë për fillimin e negociatave.
