Aurora

Vizita në Catania të Italisë e dy prokurorëve shqiptarë Besim Hajdarmataj dhe Vladimir Mara, nuk ka sjellë produktivitet për sa i përket pritshmërisë së tyre për të dëgjuar live dëshminë e të arrestuarve Moisi Habilaj,Meridian Sulaj dhe Nazer Seitaj.Tre të arrestuarit nga karabinierët Italianë për trafikimin e sasive të mëdha të drogës nga zona e Karaburunit në Vlorë në drejtim të brigjeve siçiliane në Itali,nuk kanë preferuar të japin përgjigje, për sa i përket lidhjeve të tyre me politikën dhe më konkretisht Saimir Tahirin. Mësohet se Moisi Habilaj, i cilësuar si lideri kryesor i këtij trafiku, ka refuzuar ti përgjigjet pyetjes së prokurorëve shqiptarë nëse ishte favorizuar ndonjëherë ose jo, nga ish-ministri i Brendshëm Saimir Tahiri.

Po kështu Habilaj ka zgjedhur të heshtë dhe të kërkojë të mos përgjigjet, për sa i përket servisit të moto-skafit që Tahiri ka udhëtuar në ishullin e Kurfuzit dhe Lefkadha, ku pas prishjes së motorëve, shërbimin në servis e ka ndjekur personalisht Moisi Habilaj. Gjatë intervistimit Moisi Habilaj ka pranuar se ka pasur njohje me Sokol Boden, Gjergji Kohilën dhe Jaerd Çelën, që të tre në poste drejtuese në Drejtorinë vendore të Policisë në Vlorë. Nga sa mësohet Habilaj ka sqaruar se me efektivët e policisë është takuar disa herë, por këto takime nuk janë kryer për qëllime kriminale, por ka shpjeguar se kanë qenë takime rastësore, pasi janë takuar rastësisht me miq të përbashkët.

Në fakt pyetja e Habilajt për llogari të krimeve të Rënda është realizuar edhe 6 muaj më parë, ku prokurorët shqiptarë i dërguan disa pyetje me letërporosi homologëve të tyre Italianë. Një ndër pyetjeve Moisi Habilaj, ka shpjeguar duke pranuar se kishte njohje me Saimir Tahirin, pasi e kishte kushëri të largët, por vetëm kaq. Në këtë përgjigje Habilaj sqaron se nuk është ndihmuar nga Saimir Tahiri në trafikun e drogës.

Por kësaj pyetje direkte nga prokurorët Besim Hajdërmataj dhe Vladimir Mara, Habilaj ka refuzuar ti përgjigjet. Pyetjeve të prokurorëve u janë përgjigjur dhe të arrestuarit Meridian Sulaj dhe Nazer Seitaj, të cilët kanë dhënë shpjegime për sa ij përket mënyrës së veprimet në Shqipëri, bashkëpunimit të tyre me policinë e Vlorës dhe episode e trafikut të drogës të dokumentuara tashmë nga policia dhe prokuroria e Catanias.

/Shqiptarja.com/

Hetimi për videopërgjimin e famshëm ku PD-ja akuzoi vëllanë e Ministrit të Brendshëm Fatmir Xhafaj, se po bëntë transaksion për shitje droge, ka sjellë të reja tronditëse.

Personi që në videopërgjim ofrohet si Agron Xhafaj, është në fakt një tjetër person në mësohet se ka imituar zërin e vëllait të ministrit.

Laboratori i Policisë Shkencore në Romë ka sjellë përgjigjen që zëri nuk është i Xhafajt, por prokuroria ka shkuar edhe më tej duke gjetur personin që ka zërin në videopërgjim.

Madje ky person është ofruar si dëshmitar dhe ka deklaruar se ai dhe i shququajtur Dëshmitari X pra Albert Veliu kanë organizuar gjithçka, me “kërkesë nga lart”. Ky lajm i ri pritet që të sjellë një zhvillim të ri në hetimet që prokuroria ka nisur për këtë çështke.

Pra nga hetimet për trafik, do të nisë ajo për falsifikim dhe shantazh me qëllim të caktuarAfërsisht si rasti i Tom Doshin me Durim Bamin, i cili deklaroi 4 vjet më parë se ishte paguar për të vrarë deputetin socialist.

Në prokurori, “aktori” ka deklaruar se ka qenë Babalja që i ka kërkuar të simulojë zërin e vëllait të ministrit.“Babalen e njoh prej kohësh, ai më thirri dhe më tha që të nisim këtë mesele”, mësohet të ketë thënë në prokuririnë e Krimeve të Rënda, njeriu që ka dubluar zërin e Agron Xhafajt.

Pra siç bëjnë të ditur burime pranë prokurorisë, është vërtetuar tashmë se “telenovela Babale” është një show i stisur dhe i hartuar nga një grupim i caktuar me qëllim padyshim të paracaktuar./Pamfleti

Ambasadori amerikan Donald Lu dje takoi në mënyrë ceremoniale, botërisht e me ngarkesë të plotë politike, ministrin e Brendshëm, Fatmir Xhafaj.

Në fakt kjo ishte një sfidë e hapur politikë kundrejt antiamerikanëve që janë të korruptuarit e elitës së lartë politike në Shqipëri.

Shkruan Spartak Ngjela

l.
Në kohën kur ambasadori amerikan takonte ministrin Xhafaj, në Parlament korrupsion i fliste kundër ministrit.
Qesharakë si këta nuk ka parë asnjë
shtet i korruptuar deri më sot.
Amerikanët në fakt kanë kohë që tallen me këta të humbur që janë edhe steril nga mendja.

Nuk e kuptojnë dot faktin që politika është forcë; në një kohë kur Sali ziu e ka provuar njëherë këtë aspekt.

Por ekipit qesharak Berisha iu bashkua edhe Rama. Tjetër kaqol ky; sepse ky mendon të mundë Amerikën me Erdoganin, dhe dje u pa që interpretonte syret e Kuranit me sy nga Stambolli.
Këta fakirë besoj se shpejt, në një të ardhme të afërt do të jenë personazhe nëpër komeditë shqiptare që do të shkruhen, se janë tema të gatshme.

ll.
Tani për këdo është e qartë që ministrin e Brendshëm Xhafaj po e mbështet politika amerikane. Dhe sigurisht që kjo ndodh se kuptohet që forca aktuale kundër korrupsionit të lartë në Shqipëri është një polici e fortë dhe e palëkundur. Xhafaj duket që ua ka garantuar këtë.

Takimi i djeshëm i tij me Donald Lu, me atë ngarkesë të thekshme politike kundër korrupsionit kryeministror shqiptar, e tregoi hapur këtë gjë.

“Analiza spektrale e zërit, për çështjen Babalja, ka dalë tani që është manipulim i manipulatorëve të Partisë Demokratike; dhe ne do ta godasim rëndë”- këtë kuptohet se ka thënë dje politika amerikane me anë të takimit që bëri ministri Xhafaj me ambasadorin Donald Lu; dhe sidomos me daljen publike dhe hipjen e Xhafaj në makinën e ambasadorit amerikan.

lll.
Mbrëmë në të gjitha televizionet antiamerikanët që përkrahin korrupsionin e lartë në Shqipëri, flisnin budallallëqe, jashtë artikulimit politik.

E gjithë kjo dha të kuptuar se nga reforma në drejtësi preken shumë sfera të aktivitetit politik dhe gazetaresk në Shqipëri.

Në të vërtetë Shqipëria sot është futur plotësisht në procesin e vet të purifikimit antikorrupsion.

Për këtë arsye, të koruptuarit e lartë nuk kanë më asnjë shpresë, kot tjetrrin budallallëqe me argumente qesharakë nëpër emisione televizivë.

Kurse “çështja Babalja” pritet të shkojë shumë keq për Bashën dhe Berishën, se ka qenë në fakt një provokimi i rëndë kundrejt politikës amerikane, dhe kuptohet që FBI e ka hetuar plotësisht.

Në fakt gjithçka ka marrë fund për korrupsionin kryeministror Rama-Berisha, por edhe për të gjithë bishtat e tyre në të gjitha sferat ku ka punuar politika e korruptuar: edhe në treg por edhe në pushtetin gjyqësor, dhe, edhe në media. Sot gjithçka është e faktuar, prandaj ka siguri të plotë që purifikimi antikorrupsion në Shqipëri do të jetë i një spektri shumë të gjerë.

Ka një rregull që na ka mësuar historia në situata të tilla: kur një forcë madhore si Amerika merr përsipër reformën në një vend, me marrëveshje politike, ajo rregullon legjislacionin, pastron pushtetin gjyqësor dhe prokurorinë nga korrupsioni; dhe fillon goditjen penale të korrupsionit.
Fiks kjo është metoda që amerikanët po përdorin edhe në Shqipëri: sistemimin e kushtetutës dhe të legjislacionit, skartimin e korrupsionit në gjykatë dhe prokurori, dhe, në fund, akuzën penale kundër të gjithë korrupsionit kryeministror shqiptar.

Realisht kjo është edhe tabloja e zhvilluar në Shqipëri për antikorrupsionin.
Që Sot e tutje, kuptohet se, bashkë me “çështjen Babalja”, mendoj se opinioni shqiptar do të vijojë të jetë në kontakt publikisht edhe me shumë fakte të tjerë.

Taksat e shqiptarve bëhen “qoka”, koncesioni zgjat 4 vite, kur ligji e lejon 1 vit
Gjithë rrugët e Tiranës, yshtojnë në çdo orë të ditës e natës nga zhurmat dhe sirenat e qindra makinave dhe motoçikleta të policisë së shtetit, të çdo sektori shërbimi, të çdo lloji, marke e ngjyre.

Aq shumë automjet policie ka policia e shtetit, sa një numër i madh prej tyre qëndrojnë edhe në oborret e Ministrisë së Brendshme, të komisariateve, të parkut të transportit të kësaj ministrie, pas menderes së shtetarëve e madje shumë prej tyre edhe “mërzejnë” nën hije pemësh, mbi trotuare, anës rrugëve e në oborre pallatesh, restorantesh dhe vilash private, në pritje të shefave e dashnoreve.

Sipas informacioneve që disponojmë, rezulton se Ministria e Brendshme ka 22% më tepër makina, se sa numri i miratuar për çdo strukturë dhe sektorë të shërbimeve policore në të gjithë nivelet, 15% e të cilave gjenden përherë, në servise për shërbime ditore ose javore! Specialistët e transportit në ministri, thonë se numri i miratuar dhe shtesa e numrit të mjeteve aktuale, jo vetëm që janë tre mjaftueshme për të përballuar shërbimet e plota, por edhe “teprojnë”, por shumë prej tyre edhe qëndrojnë në gatishmëri në “tako”!

Thuhet, se shumë makina të caktuara për shërbime policore, përdoren privatisht prej shefave për wekend-e fundjavash, për vajtje-ardhje privatisht në shtëpi brenda e jashtë Tiranës, madje edhe për çuarje të prindërve e gjysheve nëpër qytetet dhe fshatrat nga janë me origjinë shefat, si dhe për çuarjen e grave në punë e të fëmijëve të tyre në çerdhe, kopështe e shkolla.

Mirëpo, megjithëse ka automjete edhe mbi nurmin e përcaktuar, “çuditërisht” ministria e Brendshme, lejon marrje makinash me qera nga privatët. Kjo çudi është fakt zyrtar me vule e me firmë shtetërore. Ja çfarë ndodh realisht. Ndërsa këto ditë, të gjithë po merren me Babalen e PD, “bablokët” (shefat) e Drejtorisë së Përgjithëshme të Policisë së Shtetit, vazhdojnë pazaret me tenderët!

Sipas njoftimit zyrtar, të shpallur në “Buletini i Prokurimeve Publike” Nr. 19, datë 14 Maj 2018, Drejtoria e Përgjithshme e Policisë së Shtetit ka shpallur tenderin me fond limit me gjithë TVSH, ne vlerën 3.3 miliardë lekë, me objekt: “Marrje automjete me qera për Policinë e Shtetit”! Sipas njftimit, tenderi do të zhvillohet në datën 25 maj 2018, ose 1 ditë para protestës së opozitës!

Të bënë përshtypje skandali, që në njoftim thuhet se Drejtoria e Përgjithshme e Policisë së Shtetit… nuk ka adresë elektronike E-mail, kur dihet që aplikimet për pjesëmarrje në tendera bëhen me postë elektronike!

Ja njoftimi për tenderin

DREJTORIA E PËRGJITHSHME E POLICISË SË SHTETIT

1. Emri dhe adresa e autoritetit kontraktor: Drejtoria e Përgjithshme e Policisë së Shtetit, adresa : Bulevardi “ Bajram Curri”-Tiranë,

Tel/Fax: 04279212/ 04278919. 2.

2.E-mail: Nuk ka

1. Lloji i procedurës së prokurimit: “E hapur, mbi kufirin e lartë monetar”

2. Objekti i kontratës: ”Marrje mjete me qera operacionale për Policinë e Shtetit”

3. Numri i referencës së procedurës:

REF – 68060-05-09-2018 6. Fondi limit: 273,360,000 (dyqindë e shtatëdhjetë e tre milionë e treqind e gjashtëdhjetë mijë) lekë pa TVSH.

1. Kohëzgjatja e kontratës, ose afati kohor për ekzekutimin: 4 (katër) vjet nga momenti i dorëzimit të mjeteve (48 muaj).

2. Afati për dorëzimin e ofertave ose kërkesave për pjesëmarrje: Data: 25/06/2018, ora: 10:00 9. 8- Afati për hapjen e ofertave ose kërkesave për pjesëmarrje: Data: 25/06/2018, ora: 10:00.

Moti mbetet me vranësira dhe shira në pjesën më të madhe të vendit, kryesisht në Veriperëndim dhe Qendër. Por gradualisht pasditja zhvendos shirat drejt zonave Lindore dhe ekstremit verior duke lënë pjesën më të madhe të vendit me kthjellime dhe vranësira të shpeshta.

Era do fryjë e lehtë dhe mesatare me shpejtësi 30 km/h nga Veriperëndimi duke gjeneruar në det dallgëzimin mbi 2 ballë.

Sipas Meteoalb temperaturat e ajrit ulen lehtë gjatë mëngjesit, por rënie të ndjeshme sjell mesdita si pasojë e shirave në territor.