Aurora

Po bëhet nami në Shkodër, vetëm deri tani janë kapur mat 39 persona

Leave a Comment / Aktualitet, Lajmi i fundit / /

Klandestinet bejne kerdine ne rrethin e Shkodres, policia kap numrin me te madh te tyre ne pak ore. Plot 39 shtetas nga vendet e treta u kapen ne tentative per te kaluar kufirin shqiptar, me synim hyrjen ne shtetin Malazez, e me pas vijimin e udhetimit drejt vendeve te BE-se.

Ne operacionin e pare policor, nga forcat e kufirit dhe migracionit u kapen 34 shtetas ne vendin e quajtur “Shina-Hidrovor”, Han i Hotit. Policia pasi i ka pikasur ne tentative per te kaluar nga kufiri i gjelbert, eshte vene ne veprim duke arritur ti ndaloje ne kohe. Gjate marrjes ne pyetje ka zbuluar se 31 prej tyre jane larguar nga qendra e pritjes dhe akomodimit ne Babrru, ndersa 3 prej tyre kishin hyre ilegalisht ne Shqiperi nga Kakavija.

Aksioni i dyte policor u krye ne vendin e quajtur ‘Gryka e Shegës’, ku edhe ketu u kapen 5 shtetas, perkatesisht: F.G., M.M., H.M., B.K., dhe M.M., vjeç 18, 20, 21, 21 e 23, lindur në Siri. Ne përfundim te procedurave te perzgjedhjes, shtetasit u riderguan ne Q.K.P. te Azilkerkuesve Babrru. Kjo shifer ne rritje sipas policise se kufirit mbetet nje shqetesim serioz, prandaj pritet qe ti kerkohet qeverise shqiptare nje strategji e re per menaxhimin e tyre ne qendren e pritjes, ndersa ne kufirin me Greqine do te kete brenda pak ditesh patrulla shtese, ku ne loje hyjne edhe forcat Frontex.

Shkodra mbetet qarku me rrisk te larte pasi eshte e vetmja ure lidhese me Malin e zi per keto klandestine. Per fat te keq edhe kete here policia nuk arriti te vere ne pranga shtetasit qe i ndihmuan ne kete udhetim ilegal.

Po bëhet nami në Shkodër, vetëm deri tani janë kapur mat 39 persona Read More »

Historia e kanunit të Labërisë !

Leave a Comment / Histori, Kuriozitete / /

Kanuni i Labërisë është përmbledhje e normave të pashkruara të së drejtës zakonore që kanë vepruar në krahinat midis tre urave: të Drashovicës, të Tepelenës e të Kalasës. Tradita gojore e lidh kanunin e Labërisë me emrin e papa Zhulit, themeluesit të katundit Zhulat (Gjirokastër).

Rreth viteve 1840-1850 u bënë disa ndryshime në kanunin e vjetër të Labërisë. Këto ndryshime njihen me emrin “Shartet e Idriz Sulit”.

Ndryshimet pasqyronin marrëdhëniet sunduese feudale dhe u përgjigjeshin interesave të agallarëve, të klasës sunduese feudale.

Ndërkaq ato u kundërviheshin ligjeve dhe sistemit gjyqësor të pushtuesve osmanë si dhe reformave të Tanzimatit. Kanuni i Labërisë ishte i mbledhur, por jo i kodifikuar.

Normat e tij janë përgjithësisht të njëjta me ato të kanuneve të tjera./Njekomb

kanuni-i-laberise-2

Historia e kanunit të Labërisë ! Read More »

“Nuk po kërkojmë luks, por një pjatë me makarona”, minatorët thirrje Ramës

Leave a Comment / Aktualitet / /

Ditën e sotme para kryeministrisë po zhvillohet një tjetër protestë e minatorëve për statusin e minatorit.

Ato kanë paralajmëuar se do të ngrenë tenda para ambjenteve të kryeministrisë derisa të ketë një prononcim nga Rama.

“Do të ngremë tenda. Marrim 150 mijë lëkë të vjetra dhe mezi mbajmë fëmijët. Po presim përgjigje nga kryemintri dhe më pas do të vendosim. Jeni 140 deputetë, 140 hajdutë, tu vijë turp. Nuk kërkojmë makina e luks, por një pjatë makarona”- tha njëri nga protestuesit.

Ndërkohë që kreu i sindikatës Fiqir Xibri kërkon që minatorët të qetësohen.

Ai gjithashtu tha se minatorët e sëmurë mund të largohen ose të rrinë në hije.

“Nuk kemi asnjë reagim tani nga qeveria. Ne do të qëndrojmë këtu deri në prononcimin e qeverisë. “Ne duam status sot, nuk duam status për mot” është moto e protestës sonë. Kemi 5 vite me këtë qeveri dhe asgjë nuk është bërë.

Deri tani vendimi ynë është që do qëndrojmë këtu deri në prononcimin e kryeministrit. Thjeshtë duhet vullneti për të vënë vulën, për të thënë Po që kjo punë bëhet.

Është kaq shumë vapë sa do kishte pasoja të rënda greva, me këto kushte nuk besoj se do bëjmë grevë. Të sëmurëve u thamë të largohen ose të rrinë në hije, ata që kanë mundësi të rrinë këtu,” tha Xibri.

“Nuk po kërkojmë luks, por një pjatë me makarona”, minatorët thirrje Ramës Read More »

Kotzias urdhër Ramës dhe Bushatit: Nuk ka pushime këtë verë, mbarojmë marrëveshjen

Leave a Comment / Politike / /

Ministri i Jashtëm grek, Nikos Kotzias ka thënë se brenda verës duhet të zgjidhen problemet me Shqipërinë ose nuk do të ketë pushime.

Kjo deklaratë është bërë në një kohë kur Kotzias është takuar në Moskë me homologun e tij rus, Sergei Lavrov, ku është shprehur mjaft entuziast për zgjidhjen e emrit të Maqedonisë.

“Së shpejti zgjidhim problemet me Shqipërinë. Ndodhemi në procesin e zgjidhjes së problemeve që rezultojnë se janë pa zgjidhje prej 70 vjetësh. Para se të shkoj me pushime besoj se do të jenë zgjidhur, në të kundërt nuk do të ketë pushime”- tha ai.

Kotzias urdhër Ramës dhe Bushatit: Nuk ka pushime këtë verë, mbarojmë marrëveshjen Read More »

Banane dhe ujë i ngrohtë dhe humbni çmendurisht kilogramë. Me këtë dyshe fantastike pa frikë do humbni 5 kg më pak në 7 ditë

Leave a Comment / Shendetesi / /

Tani më shumë se kurrë njerëzit përpiqen të gjejnë mënyrat më efektive dhe të shpejta për të djegur kilogramët e tepërt.

Kjo për faktin se ditët me diell kanë trokitur dhe pushimet janë tashmë shumë afër.

Një trup perfekt është sigurisht dëshira e të gjithëve. Ka disa kombinime ushqimesh që bëjnë mrekulli dhe ju bëjnë të dukeni perfektë brenda një periudhe të shkurtër kohore. E kishit menduar se bananet dhe uji i ngrohtë mund t’ju ndihmojnë të keni trupin e ëndrrave tuaja?

Nëse jo, atëherë është koha ta provoni këtë dyshe fantastike, që është përdorur fillimisht nga një japonez me emrin Hitoshi Watanabe, i cili shkroi një libër ku tregoi se si humbi 18 kilogramë me ndihmën e kësaj formule. Ky kombinim përshpejton metabolizmin në mënyrë të çmendur.

Ajo që duhet të bëni është të hani 2 banane në mëngjes dhe të pini 1 gotë ujë të ngrohtë.

Ushqimet e tjera gjatë ditës mund t’i zgjidhni vetë, sigurisht të shëndetshme.

Shmangni vaktin e darkës dhe zëvendësojeni me 1 banane dhe 1 gotë ujë të ngrohtë. Gjatë ditës pini rreth 2 litra ujë. Kjo do t’ju ndihmojë të eliminoni 5 kilogramë në vetëm 7 ditë.

Banane dhe ujë i ngrohtë dhe humbni çmendurisht kilogramë. Me këtë dyshe fantastike pa frikë do humbni 5 kg më pak në 7 ditë Read More »

Bledi Mane: Mbyll gojën, hap mendjen e derën o shqiptar!

Leave a Comment / Opinione / /

Njëri shante muslimanet dhe zezakët, tjetri shante qeverinë, i treti premtonte se do ua digjte kampet emigrantëve që do dyndeshin në Shqiperi…
Shkruan  Bledi Mane-Public Enemy

Refiku, Faiku dhe Namiku ia benë fora. Tre vëllezër kurajoze që nuk pyetën as nga frika e regjimit e as nga dalldia e tranzicionit halabak shqiptar.
Refiku u fut në ambasadën gjermane në korrik të vitit 1990 dhe mbajti më pas frymën në Mynih. Aty e priten si pasha e i ofruan strehë, bukë, marka gjermame, leje pune e brenda 5 vitesh u bë qytetar gjerman.

Faiku, vellai i dyte zbriti nga Tirana copa-copa drejt Gjirokastres dhe atje buzë kufirit nisi rrugën me këmbë drejt Greqisë. Ishte shkurti i ftohtë i vitit 1991, por në fshatrat dhe qytetet e komshiut jugor gjeti ngrohtësi dhe punë. U sistemua dhe tani kapardiset edhe si shtetas grek, edhe si pronar sufllaqesh.

Ndryshe nga Refiku dhe Faiku, Namiku më i vogli vëlla zgjodhi te emigronte në marsin e 1991 me anije drejt Italisë. Vuajti pak si fillim në stadiumin e Barit ku i mbajtën disa ditë mijëra e mijëra shqiptarë, por më pas, fati i qeshi si ngjyrat në pikturat e rilindjes italiane dhe gjeti mikpritje e punë në Firencen e bukur që nuk e kishte parë as në endrrat e fëmijërisë.

27 vjet me pas, të tre vëllezërit tashmë me familje, me prona e me lekë menjanë janë kthyer në Shqipëri ku kanë hapur të tjera biznese. Kodoshe të mëdhenj mbetën si gjithmonë e megjithëse janë shtetas të huaj ende vazhdojnë dallaveret duke manipuluar taksat, duke masakruar punonjësit e tyre me 12 orë pune çdo ditë e duke mos u paguar as sigurimet shoqërore. E kanë kapur veten të tre vëllezërit dikur refugjatë dhe emigrantë e tani kapardisur bëjnë moral e flasin si kompetentë të gjithçkaje.

Madje mbrëmë kur ishin ulur e pinin birra e hanin qofte me shoqërinë e tyre, ulërisnin e bërtisnin me shumë se të tjerët. Teksa muhabeti në tavolinën e tyre proftasi për kampet e emigranteve nga Lindja e Mesme ose Afrika që mund të ndërtohen në Shqipëri, tre vëllezërit si tre lugetër të një nate të kobshme, shanin dhe mallkonin plot pasion.

Njëri shante muslimanet dhe zezakët, tjetri shante qeverinë, i treti premtonte se do ua digjte kampet emigrantëve që do dyndeshin në Shqiperi…

Zgjodha pikërisht 3 personazhe shqiptarësh që kanë provuar në kurizin e tyre emigracionin, mikpritjen e vendeve ku kanë bujtur, respektin e atjeshëm, bukën që kanë ngrenë, punët q kanë bërë, paratë që kanë fituar e ndërsa tani klithin si virgjereshat hipokrite kur bëjnë seks pas qepjes së tretë. Debati cinik e i pështirë që ka pllakosur bashkë me vapën e qershorit, nuk tregon gjë tjetër veçse na gris e na gris maskën që ia kemi veshur vetës, gjasmë si mikpritës. Këta mysybetër harrojnë se nuk ka bir kurve ta ndalojë globalizmin dhe multikulturalizmon në çdo cep të Evropës.

Dynjaja ndaj u prosperitua e u zhvillua se mikpriti raca, mendje, krahë pune nga cilido vend tjetër. Dhe shembulli më i qartë është kur çdo vit rreth 500 mijë shqiptarë aplikojnë për Llotarinë Amerikane. Duan të shkojnë në një vend me 350 milione banorë ku të bardhë, të zinj, hespanike, arabë, atesitë, të krishterë, budistë, komunistë, mallistë, muslimane, talebanë, zaberzanë, të rinj, pleq, engjej, dreq, të kamur, kotherë, të bukur, sakatë, lugatë, renegatë, burra e gra jetojnë e punojnë në harmoni duke e kthyer Amerikën në një superfuqi që bën ligjin në këtë planet.

Deri dje mallkonit malokët dhe leberit pse erdhën në Tiranë e më pas u puthet, u palluat, u martuat dhe lindet pasardhës. Të njejtën gjë po bëni edhe tani me emigrantet, por mos harroni, shumë shpejt fëmijët tuaj nuk do i ndalojë dot askush nëse do dashurojnë një brun, një kinez,një zezak, një arab.
Janë punët e Perëndisë, jo të Qeverisë!

Bledi Mane: Mbyll gojën, hap mendjen e derën o shqiptar! Read More »

Spartak Ngjela: Le t’i bien këmbës që të tre këta, ja çfarë ndodh pas 28 Qershorit

Leave a Comment / Aktualitet, Opinione, Politike / /

Hapja e negociatave të Shqipërisë me Bashkimin Europian, e ka shqetësuar të gjithë korrupsionin kryeministror shqiptar. Të gjithë sipas mënyrës së vet, shkojnë e vinë nga Europa Perëndimore, se duan të shtyjnë negociatat, por e kanë të kotë.

Shkruan Spartak Ngjela

I.
Saliu vjen vërdallë me mpakje të vazhdueshme trupore se është i kapur dhe është në ankth. Basha sorrollatët nëpër vendet e Bashkimit Europian si i “merakosur” për gjendjen kriminale dhe të korruptuar të qeverisë shqiptare, gjë që, sipas tij, nuk mund ta lejojë Shqipërinë që të hapë negociatat. Rama shkon deri në Francë me gjithë Vuçiçin e Serbisë që të bindë presidentin francez që Franca të votojë kundër Shqipërisë, por me një takt kaq të trashë, se francezët kishin qëshur me këtë kaqol që është në hall.

Kurse politika e lartë perendimore po qesh me të tre këta; sepse ua di hallin. Janë të tre të korruptuar dhe i kap rëndshëm Reforma në Drejtësi. Ky është halli i tyre, dhe prandaj që duan t’a shtyjnë hapjen e negociatave.

Edhe amerikanët, por edhe gjermanët po qeshin ndërkohë e po tallen me këta fakirë që kanë vjedhur shqiptarët, por nuk kanë ditur të fashehin gjënë e vjedhur. Le t’i bien këmbës që të tre këta, dhe të tridhjetë ata të tjerët që vijnë pas tyre me merakun e gjësë së vjedhur. Dhe, kot lodheni, o të mjerë, negociatat do të çelen në 28 qershor, sepse nëse nuk çelën këto negociata, në Shqipëri do të vijojë të sundojë krimi. Kurse ju, pas hapjes se negociatave do ta dorëzoni patjetër gjënë e vjedhur.

ll.
Po këta vjedhësit tanë të korrupsioneve kryeministrorë, janë kaq të mangët nga intelekti, se nuk e kuptojnë dot që politika e lartë amërikane dhe gjermane, e strukturoi Reformën shqiptare në Drejtësi pikërisht se e dinte që këtë Reformë do të vinte e ta implementonte pikërisht kjo politikë ndërkombëtare, pas hapjes së negociatave.

Kjo është arsyeja që negociatat janë të hapura që tani; dhe kjo është arsyeja që vota e vendeve anëtarë të Bashkimit Europian do të jetë e plotë, sepse nuk votohet gjendja aktuale e Shqipërisë së korruptuar, por votohet gjendja e Shqipërisë si reformë, dhe këtë reformë, pas çeljes së negociatave, sigurisht që do ta drejtojë politika amerikane dhe politika gjermane.

E pra, kundër kësaj politike do të votoje anëtarësia e bashkimit Eurropian? Kjo nuk mund të ndodhë; kurse vijimi i Reformës sigurisht që është qëllimi kryesor i çeljes së negociatave. Politika amerikane dhe ajo gjermane që po e drejton drejtpërsëdrejti këtë reformë, kanë marrë kushtetutën shqiptare; prandaj, ku e gjejnë arsyen për të pasur shpresë të korruptuarit e Shqipërisë?

lll.
Menjëherë pas çeljes së negociatave, në Shqipëri do të mberrijnë ekipet që do të vijojnë të implementojnë Reformën në Drejtësi: do të organizojnë Byronë Kombëtare të Hetimit, do të ngrenë SPAK-un, domethënë do të zgjedhin KLP –në dhe KLGJ-në dhe menjëherë edhe Prokiurorinë e Posaçme dhe Gjykatën e Posaçme, që të dyja me gjyqtarë dhe prokurorë të zgjedhur rishtas me kast për këto struktura të reja.

Menjehërë pas tyre, do të vijojë procesi i akuzave dhe i shkarkimeve të të gjithë të korruptuarëve që janë aktualisht në pushtet; dhe Shqipëria sigurisht që do të hyjë ne një etapë të re. Do të fillojnë investimet e Bashkimit Europian në të gjitha sektorët e jetës ekonomike në Shqipëri, sepse derdhja e kësaj paraje vjen e reformon tregun dhe vetë strukturën shtetërore shqiptare, brenda parametrave demokratikë dhe ekonomikë të bashkimit Eurpoian. Dhe është pikërisht kjo inisiativë që e bën të domosdoshëm faktin që gjithçka do të drejtohet nga vetë ndërkombëtarët.

Pse, kot e bënë gjithë atë reformë perëndimorët në Shqipëri ? Ja, pikërisht për këtë e kanë bërë.
Tani, sigurisht që po pritet ardhja e tyre për implementimin e kësaj reforme, e cila do të shrrënjosë të gjithë korruopsionin kryeministror në Shqipëri; të vjetër dhe të ri njëherësh.

Spartak Ngjela: Le t’i bien këmbës që të tre këta, ja çfarë ndodh pas 28 Qershorit Read More »

“O mulithi, a ka mundësi të flas unë”?, zbardhet sherri në Komisionin e Ligjeve

Leave a Comment / Debat, Politike / /

Partia Demokratike ka vazhduar me strategjinë e saj që po ndjek prej më shumë se 1 muaji për të mos lejuar zhvillimin normal të seancave duke kërkuar largimin e ministrit të brendshëm Fatmir Xhafaj. Një gjë e tillë ndodhi edhe të martën në Komisionin e Ligjeve.

Deputeti demokrat Enkelejd Alibeaj u shpreh se Shqipërisë duhet t’i happen negociatat që të marr fund arbitrariteti i Ramës. Por kolegu i tij Bylykbashi u përqendrua te sistemi i drejtësisë duke thënë se vendi nuk ka sistem drejtësie.

Ai tha se: “Largimi i Fatmir Xhafajt nuk është test për Europën, në çdo rast ju turpëron juve. Edhe kur rri dhe për faktin që ikën. Ju e keni bërë atë turp”. Por për Ulsi Manjën, diviza e socialistëve është që shqiptarët të bashkohen për integrimin në BE.

SHERRI NË KOMISIONIN E LIGJEVE

Enkelejd Alibeaj Kjo opozitë është e vendosur qartazi dhe në mënyrë konsistente pro dhënies së kontributit për çeljen e negociatave si një lloj vlerësimi që duhet ta miratojë historia politike e këtij vendi. Fatkeqësisht, ne jemi shumë të qartë në pozicionin tonë politik, ky vend e meriton çeljen e negociatave jo thjesht se ka arritje, por për arsye tjetër, si e si që një dorë tjetër e fortë, e sinqertë institucionale t’ia mbyllë një orë e më parë arbitraritetin e këtij Kryeministri. Mundësisht delegjitimimin e tij, largimin një orë e më parë.

Oerd Bylykbashi: Sot nuk ka sistem Drejtësie. Atë që Shqipëria nuk e ka pasur 100 vite më herët. Ende shtet në fillimet tona kishim sistem drejtësie. Këtë keni arritur të çoni ju sot. S’ka sistem drejtësia dhe vazhdon të kapet 2.5 tonë drogë në Itali.

Ulsi Manja: Shumë mirë që kapet.

Oerd Bylykbashi: Kryetari i Komisionit të Ligjeve thotë që shumë mirë që kapet. 2.5 tonë dalin nga këtu dhe kapen në Itali, nuk kapen brenda vendit…

Ulsi Manja: Po si të them, është keq. Po shyqyr që kapet.

Oerd Bylykbashi: 2.5 tonë vazhdojnë dhe kapen dhe sot, po nuk ju vjen turp.

Ulsi Manja: E dëgjoni, thotë nuk ju vjen turp që kapet kanabis. Si të në vijë turp, shyqyr që kapet.

Oerd Bylykbashi:Unë e di që ministri juaj i Brendshëm, Fatmir Xhafaj, po i shkatërron bandat kriminale duke i numëruar. Tre janë në Durrës thotë, i dërrmoi fare. U trembën fare, ikën të gjithë, po na numëron Fatmir Xafaj. Kaq janë në Shkodër, kaq në Fier, kaq në Elbasan etj. Ky është ministri juaj i Brendshëm dhe vazhdon e kapet 2.5 tonë drogë.

Nesër nuk e dimë sa të tjera. Kjo është prova se si kufijtë e Shqipërisë penetrohen nga krimi i organizuar me lejen tuaj, sa kohë fiken radarët. Nuk ka drejtësi dhe sigurisht arrihet tek ajo pikë ku hartohet ligj për një person. Ligji që po hartoni për Teatrin Kombëtar, konsiston në atë që si t’ia jepni një subjekti, që në fakt është vetëm surrati përpara i vjedhjes që i bën pronës publike dhe interesit publik të shqiptarëve, Edi Rama dhe Erion Veliaj. Ndodh kjo se s’ka sistem drejtësie dhe s’ka Gjykatë Kushtetuese. Nuk ka drejtësi zoti Manja dhe te ky sistemi ku ke dhënë votën ti.. Unë ta kam thënë..

Ulsi Manja: Bashkë me ty. Votën e dhe, pastaj se ç’ke thënë është tjetër…

Oerd Bylykbashi: Nuk ka sistem drejtësie dhe ju keni kaluar një ligj që u vjedh pronën pronarëve. U vjedh paratë investitorëve. Ligji për banesat sociale u grabit në mënyrë antikushtetuese të drejtat e tyre. Ku do ankohen ata, s’ka Gjykatë Kushtetuese. Ka vetëm Edi Ramë, që ka vendosur ta bëjë këtë. Nuk ka sistem drejtësie, prandaj kuksianët janë sot në burg dhe kërkojnë të shkojnë në shtëpinë e vet, ndërkohë që Saimir Tahiri është jashtë.

Deviza juaj është, trafikantë të të gjitha vendeve bashkohuni në Shqipëri se këtu keni mbrojtjen e sigurt. Kjo është marka juaj tregtare. Krim i organizuar, me mbrojtjen e shtetit, me këto, ju sot pengoni Bashkimin Europian. Largimi i Fatmir Xhafajt nuk është test për Europën, në çdo rast ju turpëron juve. Edhe kur rri dhe për faktin që ikën. Ju e keni bërë atë turp.
Ulsi Manja:Zoti Bylykbashi, deviza jonë në fakt nuk është trafikantë të botës bashkohuni. Por deviza jonë është: shqiptarë bashkohuni dhe kush i thotë vetës sot shqiptar, sot është ora për t’u bashkuar, nesër do jetë shumë vonë. Ky është mesazhi më i keq që mund të jepni nga Komisioni i Ligjeve. Të bashkohemi për integrimin se kjo është ora e shqiptarëve. Këtu nuk rrëzohet Kryeministri dhe maxhoranca me fjalë, as më fjalime, rrëzohet më numra dhe me votë…

Oerd Bylykbashi: Banditët duhen futur në burg..

Ulsi Manja: Do vijë një ditë që të gjithë do japim llogari para qytetarëve shqiptarë.

Oerd Bylykbashi: Shumë shpejt.

Ulsi Manja: Po ne mezi ju futëm në zgjedhje. Tani sapo mbarojnë zgjedhjet, ju thoni duam zgjedhje. Ky është halli me ju.

Ulsi Manja: Kush është dakord me nenin 1?! Zoti Hyseni voton.

Flamur Noka: Na jep fjalën. Ju jeni maxhorancë frikacakësh, maxhoranca hajdutësh. Vazhdoni si lepuri, ngrini bishtin përpjetë si lepuri këtu dhe ikni. Ju s’doni t’ia dini se po ikin shqiptarët, i keni plaçkit dhe i keni rrjepur 5 vjet.

Ulsi Manja: Miratohet në tërësi ky projektligj. Pse nuk prisni? Edhe në mulli kur shkohet me blujt, ka radhë.

Enkelejd Alibeaj: O mullithi, a ka mundësi të flas un? Ore pse e fusni shpirtin në gjynah për gjëra që s’i keni bërë?!

Gent Strazimiri: Ku i di ti që s’i kanë bërë?

Enkelejd Alibeaj: Ju pse nuk lejoni deputetët të flasin, pse keni frikë dhe doni të ikni me vrap?!

Ulsi Manja: Po s’kemi kohë me humb se jemi me axhendë integrimi. S’kemi kohë me humb si ju. Ju jeni në pritje të Kampionatit Botëror të shtyni kohën më datë 15. Ne kemi axhendë integrimi, me ose pa ju duhen çelur negociatat.

Flamur Noka: Axhendë krimi, po jo integrimi!

Enkelejd Alibeaj: Ty mund të të vijë për të qeshur, ti nuk e ndien, ti je në një barkë që po merr ujë ditaditës dhe shumë shpejt do të mbytet. Puna është që shqiptarët nuk kanë pse të vijnë pas fatit tuaj të zi. Tritan Shehu: Ka një projekt për ta mbushur Shqipërinë me refugjatë nga vende të ndryshme. E tha “Le Monde”, Kryeministri i Bullgarisë, të cilët lidhen me ish-terroristë të ISIS-it, emigrantë të papranueshëm për BE-në.

Unë dua të bëj një paralajmërim edhe për komunitetin europian, ata do të bien pre e grupeve kriminale e grupeve mafioze. Të jeni të bindur që do krijojë një korridor Durrës-Itali dhe një Otranto të mbushur me viktima dhe kufoma në det. Kjo po nxitet nga ata që duan destabilizim në vendin tonë dhe Ballkan.

Persona brenda vendit të lidhur me mafien dhe krimin do të krijojnë rrugë trafiqesh dhe rrugë miliardësh dhe kjo është në radhë të parë rrezik i madh jo vetëm për Shqipërinë, por edhe Italinë, Greqinë dhe Europën në tërësi. Këto problematika duhet t’i ngremë…

Ulsi Manja: Edhe ne si maxhorancë jemi po aq atdhetar sa jeni edhe ju, sepse tek atdhedashuria dhe çështjet e Shqipërisë nuk besoj se ndahemi. Nuk me vjen mirë edhe për këtë kambanë paniku që ju sapo thatë në Komisionin e Ligjeve, por këto mund t’i ngrini në Komisionin e Jashtëm dhe të kërkoni ministrin e Jashtëm aty dhe të ftoni Kryeministrin në interpelancë.

Myslim Murrizi: O Bashkim (Fino), do i thuash Lazaratit mall kur të vinë ata talebanët. Do vijnë talebanët nga andej, do vijnë se do bëjnë shtëpitë në Divjakë.

Bashkim Fino:Atëherë do vij të shtëpia tënde..
Myslim Murrizi: Hajde te unë ça flet. Marrim Erjonin kuzhinier, më dëgjo mua. Po ku të le Erjoni ty…

“O mulithi, a ka mundësi të flas unë”?, zbardhet sherri në Komisionin e Ligjeve Read More »