Aurora

“Pamfleti” ka lajmëruar kohë më parë se ekspertët britanikë dhe ata të FBI-së kanë rënë në gjurmët e parave të Ilir Metës, familjes Berisha por dhe ministrave dhe ish ministrave të PS, PD dhe të LSI në Britani.

Madje është nënvizuar fakti se deri më tani dihet se ku janë investuar paratë e Ilir Metës në Londër por dhe për arin e vjedhur të Kërrabës dhe pritet vetëm e vetëm që të gjenden provat shkresore, faturat dhe elementë të tjerë që provojnë zyrtarisht praninë e këtyre pasurive të emër të Ilir Metës dhe familjes së tij.

Por nëse deri më tani është rënë në gjurmët e pasurive të Ilir Metës, por dhe të familjes Berisha, përfshirë edhe disa ministra, ish ministra dhe zyrtarë të lartë të të gjithë krahëve politikë, mësohet se janë gjetur prova dhe fakte që vertetojnë këto pasuri për Metën, Berishën me gjithë familje dhe dy ministra aktualë të kabinetit qeveritar të drejtuar nga Edi Rama.

Burimet diplomatike saktësojnë se ekspertët britanikë që janë në funksion të organeve ligjzbatuese shqiptare për zbatimin e vettingut dhe të reformës në drejtësi dhe ndjekjes së pasurive të zyrtarëve të lartë jashtë vendit, bashkë dhe me ekspertët e FBI kanë arritur të depërtojnë në bankat britanike dhe vendet anëtare të Komonuellthit deri në ishujt e Paqesorit për të zbardhur këto pasuri të vëna përmes abuzimit, krimit dhe trafiqeve.

Mësohet se dhe vendimet e qeverisë britanike të Thereza May kundër oligarkëve që kanë investuar paratë e tyre në Britani, tashmë që ky vend është jashtë BE, e kanë ndihmuar shumë punën për zbulimin e pasurive të politikanëve të lartë shqiptarë në këtë vend.

Pritet që nga dita në ditë këto prova dhe fakte të vijnë zyrtarisht dhe të jenë tavolinën  e Prokurores së Përgjithshme të Përkohëshme Arta Marku.

Do të jenë organet ligjzbatuese shqiptare ato që do të vendosin në lidhje me këto prova dhe fakte si dhe për të urdhëruar përmes vendimit ligjor që të sekuestrohen dhe të kthehen në arkën e shtetit shqiptar, pasi janë djersa dhe mundi i qytetarëve shqiptrarë i vjedhur ndër vite nga kasta politike që ka qeverisur vendin.

Mësohet se dhe ambasada amerikane pritet të vendosë në dizpozicion numrat e llogarisë së pasurive jashtë vendit në bankat e huaja të politikanëve shqiptarë, sipas nivelit dhe rëndësisë, duke e kopsitur dosjet e tyre dhe duke i dhënë fund pandëshkueshmërisë së zyrtarëve të lartë në Shqipëri.

Ndërkohë që zvarritja e sjelljes së provave dhe fakteve të pasurisë së zyrtarëve të lartë jashtë vendit, është argumentuar dhe me faktin se deri më tani nuk janë krijuar ende institucionet e drejtësisë, SPAK dhe Byroja Kombëtare e Hetimit që do të hetojë e vendosë për të dërguar në burg “peshqit e mëdhenj”./Pamfleti

Nuk i përfshin as ligji i “Veting”-ut

Tjetër skandal i rëndë, ka dalë nga “xhungla” e korrupsionit shtetëror, bërë me financat publike në 10 vitet e fundit, në entet dhe institucionet shtetërore, ku janë përfshirë drejtues e vartës të tyre të çdo niveli.

Në tavolinën e kryeministrit Rama është lënë një raport hetimi, i kryer nga Ministria e Financave, lidhur me zbatimin e vendimeve të KLSH në aspektin abuzimeve financiare, të kryera prej drejtuesve e vartësve të tyre në institucione, ndërmarrje, shërbime shtetërore, në shoqëritë aksionere, në shoqëritë anonime (Sh.a) dhe kudo ku punohet me financa publike.

Raporti zbulon mbulimin e abuzimeve, me moszbatim të vendimeve të KLSH, për rikthimin e vlerave financiare në arkën e shtetit. Kontrollet e kryera në 10 vitet e fundit, kanë zbuluar 1.5 miliardë euro abuzime me fondet publike, 75% e të cilave janë vjehdur nëpërmjet tenderëve të investimeve, shitje-blerjeve, të ardhurave, fitimeve, mallrave e produkteve të skaduar, punonjës tepër, shtesa fondesh në tendera, paga të larta, autovetura, telefoni, zhdukje mallarash, blerje veturash, mobilim zyrash, kanceleri, shpërblime, udhëtime, pagesa bordesh, sponsorizime e deri bankete dhe piknike me fondet e institucioneve.

Për këto vlerat financiare, të abuzuara e të vjedhura, KLSH ka urdhëruar të rikthehen në shtet por nuk janë rikthyer, mbasi janë penguar me urdhëra e mosveprim të drejtuesve shtëtëror, shumica e të cilave janë vetë hajdutët dhe shprdoruesit e miliardave.

Sipas raportit, nga 1.5 miliardë euro të zhdukura në 10 vitet e fundit, në arkën e shtetit janë rikthyer vetëm 92 milionë euro, ndërsa 1 miliard e 408 milionë euro, vazhdojnë të jenë pasuri e drejtuesve, zyrtarëve, nëpunësve, punonjësve dhe subjekteve private, të cilët kanë urdhëruar, firmosur e përfituar aubuzivisht,

Sipas KLSH, miliardat e përvehtësuara duhej të ishin rikthyer në arkën e shtetit, me këto rrugë ligjore: ndalim në pagën mujore; rikthim detyrimi vullentarisht, shtrëngim ligjor nëpëmrjet orgabeve të drejtësisë, me këkresë të titullarit, mirëpo asnjë nga këto rrugë nuk është zbatuar, mbasi 70% e rasteve janë zullume të bëra vetë drejtuesve!

Rekordin e kanë Shëndetësia, KESH, Posta, AKBN, 43 Ujësjellës, OSHEE, Portet Detare, Drejtoria e Transportit Rrugor, Hekurudha, Dogana, Bujqësia, nafta, tatimet, 12 inspektorate qendrore dhe 42 bashki, ku miliardat e shtetit janë bërë pasuri, ndere e qjefe private prej titullarëve e vartësve të tyre.

Vjedhjet nuk i kanë rikthyer as drejtuesit e 104 ish-komunave, duke u lënë në “harresë” prej shtetit, ndërkohë që shumë prej tyre vazhdojnë detyrat si kryetar të bashkive, kryetar të njësive administrative dhe drejtorë në qarqe e qeveri.

Mos u çuditni, por mëgjithëse janë vërtetuar si hajdutë dhe shpërdorues fondesh e për ta KLSH ka kërkuar “largim të menjëhershëm nga detyra ose puna”, rezulton se afro 80% e tyre vazhdojnë të jenë drejtues dhe nëpunës në administratën publike, madje 65% e të cilëve në po ato institucione e ente shtetërore ku janë kapur me vjedhje e abuzime dhe rrinë të qetë, mbasi nuk i përfshin as ligji i “Veting”-ut!Pamfleti