Aurora

Dy imamët shqiptar, Elvis Naçi nga Tirana dhe Halil Kastrati nga Prizreni, kontribuuan jashtëzakonisht shumë për familjet skamnore me rastin e Muajit të Shenjtë të Ramazanit.

Kastrati, me ndihmën e donatorëve, arriti që për kohë të shkurtër t’i fus në shtëpi/banesa të reja mbi 30 familje.

Derisa hoxha nga Shqipëria shpërndau me qindra, mijëra pako ushqimore për familjet anekënd trojeve tona shqiptare, shkruan Indeksonline.

Pas Gjykatës Kushtetuese, një tjetër institucion që rrezikon të bllokohet është Këshilli i Emërimeve në Drejtësi. KED u ngrit në kuadër të reformës në drejtësi dhe në 7 dhjetor të vitit 2017 u zgjodhën nëntë anëtarët e tij, kryesisht nga të gjitha nivelet e gjykatave dhe prokurorive në vend. Deri më tani nga këta anëtarë, vetëm 3 prej tyre i janë nënshtruar procesit të vetingut dhe që të tre kanë rezultuar me probleme.

Më konkretisht, Besnik Imeraj dhe Altina Xhoxhaj kanë ngelur gjatë procesit dhe janë përjashtuar nga sistemi. Ndërsa i treti që plotëson listën është Gentian Trenova, edhe ky pritet që të përjashtohet, pasi ka rezultuar me probleme gjatë procesit të vetingut. Ndërkohë, janë edhe dy emra të tjerë që pritet të ngelin. Gazeta për arsye etike nuk po i bën të ditur emrat.

Por bëhet fjalë për dy persona për të cilët ka pasur polemika të shumta. Personi i parë është një gjyqtar, për të cilin Ministria e Drejtësisë i ka kërkuar Këshillit të Lartë të Drejtësisë që ta shkarkojë. Ky gjyqtar pritet t’i bashkohet tre anëtarëve të tjerë, pasi me shumë gjasa pritet që të ngelë gjatë procesit të vetingut.

Kjo për faktin se organet e vetingut gjatë procesit të vetingut, do të kenë në dispozicion edhe provat e Ministrisë së Drejtësisë, e cila pretendon se gjyqtari në fjalë ka bërë shkelje gjatë ushtrimit të detyrës. Po ashtu, është edhe një tjetër emër që pritet t’i bashkohet listës së të larguarve, duke e çuar në 5 numrin e anëtarëve të Këshillit të Emërimeve Drejtësi që nuk kalojnë procesin e vetingut dhe që për rrjedhojë përjashtohen edhe nga KED.

Ky person është nën hetim nga prokuroria për fshehje të pasurisë, duke lënë të nënkuptohet se kur të dalë para organeve të vetingut me shumë gjasa do të ngelë, pasi dosjet dhe akuzat e institucionit të akuzës, merren për prova nga ana e komisionitraporton Sot. Pra nga 9 anëtarë që ka KED, ngelet me 4 anëtarë. Kjo do të thotë se KED e ka të pamundur që të marrë vendime, sa i takon plotësimit të vendeve vakante në Gjykatën Kushtetuese dhe Gjykatën e Lartë, pasi nuk plotësohet kuorumi i votave të nevojshme.

Thellohet kriza në Kushtetuese

Kriza në Gjykatën Kushtetuese pritet të thellohet në ditët në vijim. Momentalisht kjo gjykatë ka ngelur me dy anëtarë që janë kreu i saj, Bashkim Dedja dhe anëtari Gani Dizdari. Ndërkohë që Vitore Tushës i ka mbaruar mandati. Por teksa të gjithë prisnin që më nisjen e procesit të vetingut situata të zhbllokohej, duket se kriza po thellohet më tepër.

Arsyeja pse nuk po zgjidhen anëtarët e Gjykatës Kushtetuese është Këshilli i Emërimeve në Drejtësi. Sipas ligjit, nëntë anëtarët e këtij institucioni duhet të kalojnë vetingun, në mënyrë që të marrin vendime. Mirëpo, rezultatet e deritanishme të procesit të vetingut kanë filluar ta gjymtojnë këtë organ, pasi tre anëtarë të saj nuk janë pjesë e KED-së. Ndërkohë që edhe dy të tjerë pritet të ngelin, duke e çuar në pesë numrin në total. Kështu nga nëntë anëtar që duhet të ketë Këshilli i Emërimeve në Drejtësi, me shumë gjasa do të ngelet me katër.

Drejtori i Teatrit Kombetar Hervin Culi i ftuar ne emisionin “Kjo Jave” e Nisida Tufes ne News 24 flet per perplasjen verbale me aktorin Mirush Kabashi.

“Ju siguroj se s’bëhet fjalë për personin në fjalë, s’e kam goditur për cilësitë e tij artistike,
është absurde kjo që po thoni, kam folur për një aktor që si gjithë 28 të tjerët, paguhej të dilte në skenë, të tjerët dilnin, zotëria refuzonte të dilte në skenë, nëse shteti donte ti jepte një pension të vecantë….

Refuzonte se më tej shkonte dhe shume mirë, është jeta e tij, luante shfaqje private në teatro të tjerë, Kosovë e Maqedoni pra s’i inreresonte të luante me teatrin shqiptar dhe pagen e quante një benefit të detyrueshëm që shteti ia jepte.

Për mua s’mund të funksiononte kështu, s’e kam goditur nga ana artistike. Si mund të shmangen fyerjet kur zotëria gënjen në mënyrë ordinere. Pse domosdoshmnërisht një aktor i madh apo i vogël nëse bën një vjedhje duhet justifikuar vjedhjen?”.

Madje Culi tha se jo ne kete rast, por me pare ka pasur kercenime familjare.

“Me pare kam pasur edhe kercenime familjare, vajza ime eshte 8 vjece dhe nusja ime nje aktore qe e ndien dite per dite kete ndikim te bandace te FB. Nuk e them per tu viktimizuar se jam aq krenar sa nuk jam viktime”.

Të paktën 96.647 gra në kryeqytet nuk kanë partnerë, dhe disa nga arsyet për këtë janë se burrat migrojnë më shpesh, të rinjtë po vdesin dhe gratë migrojnë në kryeqytet në numër të madh.

Edhe pse mesatarisht çdo vit 1.5 për qind e fëmijëve lindin më shumë se vajzat, kryeqyteti i Serbisë është i mbushur me gra beqare. Nëse do të vëzhgonim kryeqytetin përmes shifrave, do të gjejmë se në Beograd janë 96.674 gra më shumë se meshkujt.

Sipas të dhënave të Sekretariatit për Administratë – Departamenti i Statistikave, gra ka 52.8 përqind, dhe seksi më i fortë është “vetëm” 47.2 përqind. Sipas analizës së këtij institucioni, bazuar në një sondazh përfaqësues nga viti 2016, aktualisht ka 1,724,000 njerëz në Beograd. Prej këtij numri, 910.337 janë femra dhe 813.663 janë burra.

Sipas demografit Vladimir Nikitoviq, ky shpërpjestim midis burrave dhe grave në praktikë shpjegohet lehtësisht. Dallimi në numrin e burrave dhe grave ndikon në faktin se zonjat mesatarisht jetojnë më gjatë se burrat. Megjithatë, migrimi është një faktor shumë i rëndësishëm, raportoi “Blic”.

“Njerëzit që janë më shpesh, në kërkim të punës dhe një jete më të mirë, vendosin të ndryshojnë vendbanimin e tyre. Në shumicën e rasteve, ata shkojnë jashtë vendit”, shpjegon Nikitoviq.

Sipas ekspertëve të Institutit të Shkencave Sociale, një faktor i rëndësishëm që ndikon në shpërpjesëtimin e burrave dhe grave është se meshkujt e rinj kanë më shumë gjasa të vdesin në vitet e tyre të reja.

Nga janari deri në prill 2018, pikërisht 8.429 qytetarë vdiqën në Beograd. Në të njëjtën kohë, u lindën 5,882 foshnje. Megjithatë, për dhjetë vitet e fundit, migrimi artificial nga brendësia, numri i banorëve të kryeqytetit është rritur me mbi 220,000 banorë të rinj.