Aurora

Rezultatet e para ndaj luftës antikorrupsion që ka ndërmarrë qeveria kanë nisur të japin frutet e saj.  Gjatë periudhës 16 prill-30 maj 2018 25 punonjës të ZRPP dhe ALUIZNIT janë dërguar për ndjekje penale, pasi akuzohen për korrupsion.

Një gjë të tillë e bëri të ditur sot ministrja e Drejtësisë Etilda Gjonaj gjatë një takimi me banorët e Vlorës.

Ndër të tjera ajo tha:

Që nga 16 prilli deri në 30 maj, pra në një periudhë 1 muaj e gjysmë janë dërguar për ndjekje penale 25 zyrtarë të Zyrave të Regjistrimit të Pasurive të Paluajtshme dhe ALUIZNI-t. Pra vetëm në 1 muaj e gjysmë janë marrë masa represive duke përfshirë që nga regjistruesit dhe deri te punonjësit më të thjeshtë.

Pas kësaj ajo ka reaguar edhe përmes një statusi në rrjetet sociale ku shkruan :

“Me banorët e njësive administrative Orikum dhe Qendër në qarkun e Vlorës në kuadër të turit të llogaridhënies “Puna për Shqipërinë që duam”, diskutuam për problematikat e pronës, investimet në infrastrukturë , luftën kundër korrupsionit në administratën publike dhe çështje të tjera që lidhen me përgjegjësitë e qeverisjes vendore”, shkruan në Facebook Gjonaj.

Në ditën e dytë të samitit të shtatë rajonal të Guvernatorëve të bankave qendrore rajonale u diskutua mbi politikat monetare dhe stabilitetin e sistemit bankar në gjashtë vendet e Ballkanit Perëndimor. Guvernatorët e bankave qendrore shpalosën sfidat kryesore për të ndaluar risqet e mundshme në të ardhmen.

Gent Sejko, guvernator i Bankës së Shqipërisë, gjatë fjalës së tij tregoi se ekspozimi ndaj luhatjeve të kursit të këmbimit është i lartë. Kryesisht ekonomia shqiptare është e ekspozuar ndaj nivelit të lartë të euroizimit për shkak të të hyrave nga tregtia, remitancat. Sikurse sektori real, edhe sektori financiar është i ekspozuar.

Edhe pse Shqipëria ka një regjim të lirë të kursit të këmbimit, megjithatë për shkak të mbiçmimit në muajt e parë të 2018-s me më shumë se 7% u detyruan që të bejnë një nderhyrje të jashtëzakonshme në treg, duke tërhequr valutë nga tregu- shpjegoi guvernatori Sejko gjatë fjalës së tij. Guvernatori theksoi se kjo ndërhyrje, e cila bëhet për herë të parë, ka për qëllim të vetëm ruajtjen e inflacionit në objektiv.

Megjithatë kjo ndërhyje për Bankën e Shqipërisë po bëhet në një moment ku efektet sezonale po punojnë në të kundërt. Për shkak se priten të hyra prej turistëve, guvernatori Sejko tha se, nese do te gjendet e nevojshme, do të detyrohen të blejnë më shumë valutë në treg.

Gjatë tre viteve të mëparshmë ky zhvlerësim erdhi si pasojë e fondamenteve, por në 2018-n mbiçmimi i lekut shkoi përtej këtyre treguesve. Guvernatori tha se kursi i këmbimit u ndikua prej pritshmërive të aktorëve të tregut për rënie të mëtejshme.

Pas deklratës së Bankës së Shqipërisë për ndërhyrje në treg, monedha e përbashkët u forcua ndjeshëm, si pasojë e ndikimit psikologjik, dhe më pas hyri sërish në trend rënës. Të ejnten, një ditë para festës së Bajramit, euro u stabilizua në tregun vendas./Monitor