Aurora

Kur diçka nuk është në rregull, trupi juaj dërgon sinjale/ Ja 6 sinjale të pazakonta

Shendetesi / /

Kur diçka nuk është në rregull, trupi juaj dërgon sinjale. Mund të jetë një dhimbje koke, dhimbje barku, ndryshime në peshë ose dëshirë për akull. Po, tingëllon e çuditshme.

Këtu janë gjashtë shenja të pazakonta për të parë për shkak të shëndetit tuaj:

Ndjesia e dobët e nuhatjes

Ekspertët thonë se nëse keni një nuhatje më të dobët, kjo mund të jetë një nga shenjat e sëmundjes Alzheimer. Një studim i kryer mbi minjtë zbuloi një numër të rritur të qelizave nervore të dëmtuara në hundën e minjve me sëmundjen Alzheimer krahasuar me minjtë e tjerë. Mjekët sugjerojnë që është normale që nuhatja jonë të dobësohet pas moshës 70-vjeç, por nëse kjo ndodh ndërsa jeni shumë më i ri, diçka nuk është në rregull.

Ju dukeni më i vjetër për moshën tuaj

Njerëzit që duken më të vjetër se sa në të vërtetë janë më të rrezikuar nga problemet e zemrës. Një studim tregon se thinja e parakohshme, rënia e flokëve dhe rrudhat janë shenja të një zemre jo të shëndetshme. Është treguar se njerëzit që plaken para kohe kanë më shumë se 50% rrezik të sulmit në zemër në 30 vjetët e ardhshëm.

Dëshira për akull

Dëshira e tepërt për të konsumuar akull mund të jetë një shenjë e mungesës së hekurit. Kur keni një nivel të ulët hekuri në gjak kjo rezulton në ënjtje të gjuhës tuaj, e cila zgjon dëshirën tuaj për të ngrënë akull. Kërkimet kanë treguar se 40% e njerëzve me anemi dëshirojnë të konsumojnë akull.

Nevoja për të vjedhur

Ne e dimë që tingëllon e çuditshme, por shkenca konfirmon se ekziston një lidhje midis vjedhjes së gjërave dhe shëndetit të dëmtuar të trurit. Studimi zbuloi se nevoja për vjedhje është rezultat i ndryshimeve në tru, krahasuar me normat tipike shoqërore. Këto mund të jenë shenja të hershme të çmendurisë.

Skuqje nën thonjtë

Në njerëz të shëndetshëm, thonjtë janë shumë të qetë dhe nuk kanë “turbullira”. Por, thonë ekspertët, nëse keni skuqje nën thonjtë tuaj, mund të jetë një shenjë e lupusit. Sëmundja autoimune shkakton skuqje të duarve, këmbëve dhe fytyrës. Nëse vëreni ndonjë skuqje nën thonjtë tuaj, kontrolloni menjëherë me mjekun tuaj.

Lemza e shpeshtë

Lemza zakonisht zgjat disa minuta. Por nëse zgjat më shumë se 48 orë, mund të ketë arsye për shqetësim. Një studim zbuloi një lidhje midis lemzave të zgjatura dhe kancerit të mushkërive. Gjithashtu, është zbuluar se lemza mund të jetë një simptomë e një faze të përparuar të mesothelioma – një lloj i rrallë i kancerit në shtresën e hollë të indeve që mbulon shumicën e organeve të brendshme. Është koha për të vizituar një mjek nëse lemza nuk ndërpritet.

Kur diçka nuk është në rregull, trupi juaj dërgon sinjale/ Ja 6 sinjale të pazakonta Read More »

Humbi mbesën në ak sident,tezja përlot me mesazhin e saj: ‘Ylli tezes dje ta uroj tezja ditëlindjen, sot ja ke coptuar zemrën tezes’

Aktualitet, Lajmi i fundit / /

Një ak sident t ragjik ndodhi mbrëmjen e djeshme në dalje të tunelit të Elbasanit ku humbën jetën 2 vajza të reja që po udhëtonin me një “Volkswagen”.

Vajzat u goditën nga një tjetër makinë tip “Benz”, që dyshohet se ishte me shpejtësi 160 km në orë.

Vajzat që humbën jetën janë Lusinda Garunja dhe Xheneta Qallia, ndërsa u plagosën Denisa Dibra dhe Nervida Garunja.

Tezja e Lusinda Garunjës ka bërë një postim mjaft prekës për mbesën që i humbi jetë në aksident.

Ajo shkruan se dje i kishte uruar ditëlindjen ndërsa sot shkoi në botën tjetër.

“Ylli tezes dje ta uroj tezja ditelindjen; sot ja ke coptuar zemren tezes; ylli tezes do te mbetesh gjithmon ne zemren time; sot shkove ne boten tjeter o engjell i bukur qofsh lule ne xhehnet” shkruan Suzana Paljevic.

Katër vajzat po udhëtonin drejt Korçës në momentin kur ndodhi aksidenti tragjik.

Humbi mbesën në ak sident,tezja përlot me mesazhin e saj: ‘Ylli tezes dje ta uroj tezja ditëlindjen, sot ja ke coptuar zemrën tezes’ Read More »

3-vjetori i ndarjes nga jeta/ Farudin Hoxha, projektues i veprave më të mëdha hidroenergjetike

Aktualitet, Art-Kulture / /

Akademia e Shkencave e Shqipërisë përkujtoi sot në 3-vjetorin e ndarjes nga jeta akademikun e shquar Farudin Hoxha.

Farudin Hoxha ishte inxhinier hidroteknik, profesor, akademik. Ai lindi në Gjirokastër. Kreu Politeknikumin e Tiranës dhe ndoqi studimet e larta për ndërtime hidroenergjetike në Budapest e Sofje; u diplomua më 1961 në UT.

Prej vitit 1961 ka punuar në Institutin Shtetëror të Projektimit në Tiranë, në Drejtorinë e Hidrocentraleve dhe më vonë në Institutin e Studimeve dhe të Projektimeve të Hidrocentraleve, Nënstacioneve dhe Linjave të Tensionit të Lartë.

Në vitin 1971 për një periudhë gjashtëmujore, kam kryer specializimin pasuniversitar në Francë për mekanikën e dherave dhe ndërtimin e digave të larta me materiale vendi ose rrethanorë.

Pavarësisht nga detyrat e tjera që iu ngarkuan, profesori ka vazhduar rregullisht punën studimore e projektuese në këtë Institut deri në mesin e vitit 1993. Nga nëntori 1982 deri në maj 1988, ka qenë ministër i Ndërtimit dhe më pas deri në 21 shkurt 1991, kur ka dhënë dorëheqjen dhe është larguar nga qeveria, ka qenë ministër pranë Këshillit të Ministrave për bashkëpunimin ekonomik me jashtë.

Ka qenë anëtar i grupit qendror për studimet, projektimet dhe ndërtimet e veprave hidroenergjetike në Shqipëri:Skema e shfrytëzimit hidroenergjetik të lumit Drin, Hidrocentrali i Vaut të Dejës me fuqi 250.000 kw dhe prodhim mesatar vjetor të energjisë elektrike 1 miliard kilovat/orë, Hidrocentrali i Komanit me fuqi 600.000 kw dhe prodhim mesatar vjetor të energjisë elektrike 2 miliard kilovat/orë, Hidrocentrali i Fierzës me fuqi 500.000 kw dhe prodhim mesatar vjetor të energjisë elektrike 1.7 miliard kilovat/orë, Hidrocentrali i Banjës me fuqi 60.000 kw dhe prodhim mesatar vjetor të energjisë elektrike 0.25 miliard kilovat/orë, Hidrocentrali Bistrica II me fuqi 5.000 kw dhe prodhim mesatar vjetor të energjisë elektrike 0.032 miliard kilovat/orë, Hidrocentrali i Bogovës me fuqi 2.500 kw dhe prodhim mesatar vjetor të energjisë elektrike 0.0125 miliard kilovat/orë.

Ka qenë projektues dhe kryetar i grupit të studimit dhe të projektimit të të gjitha digave të hidrocentraleve të mësipërme me lartësi nga 40 m deri në 167 m disa prej të cilave nga Komiteti Botëror i Digave të Mëdha (ICOLD), janë klasifikuar ndër më të lartat në Evropë e më gjerë.

Ka kryer studime dhe projektime dhe për vepra të tjera hidroteknike dhe hidroenergjitike të rëndësishme, si: hidrocentrale, ujëmbledhës, diga, stacione pompimi etj., një pjesë e të cilave janë ndërtuar.
Ka qenë kryetar i Komitetit Kombëtar Shqiptar të Digave të Larta prej vitit 1991 deri në vitin 1995. Prej vitit 2002 e në vazhdim ka qenë kryetar i këtij Komiteti.

Nga nëntori 1999 deri në nëntor 2000 ka qenë drejtor i përgjithshëm i Korporatës Elektroenergjetike Shqiptare. Prej vitit 1997 deri në vitin 2008 ka qenë anëtar i Këshillit të Rregullimit të Territorit të Republikës së Shqipërisë, ndërsa nga viti 1997 deri në vitin 2004 ka qenë anëtar i Këshillit të Politikës Shkencore dhe Zhvillimit Teknologjik të Republikës së Shqipërisë.

Hoxha prej vitit 1973 deri në vitin 1982 ka qenë anëtar i Komisionit Qeveritar për ekonominë ujore me vendet fqinje. Prej vitit 2001 deri në vitin 2005 ka qenë anëtar i këtij Komisioni. Nga viti 2000 deri në vitin 2006 ka qenë i zgjedhur anëtar i Këshillit Bashkiak të Qytetit të Tiranës.

Mban titullin shkencor “Profesor” dhe “Akademik”. Në vitin 1986 u pranua anëtar korrespondent i Akademisë së Shkencave të Shqipërisë dhe nga viti 1989 ishte anëtar i saj. Prej vitit 1997 deri në vitin 1999 ka qenë sekretar shkencor i ASh-së dhe nga ky vit deri në vitin 2008 u zgjodh dhe zëvendëskryetar i saj. Për arritjet në punën studimore dhe projektuese në fushën e ndërtimeve hidroenergjetike, është nderuar dy herë me Çmimin e Republikës së Klasit të Parë./atsh

3-vjetori i ndarjes nga jeta/ Farudin Hoxha, projektues i veprave më të mëdha hidroenergjetike Read More »

Dieta efektive e dobësimit duke pirë ujë dhe lista me farë shoqërohet

Shendetesi / /

Në dietën me ujë mund të hiqen nga gjysmë kilogrami në ditë. Megjithatë, kjo guxon të bëhet çdo të dytën ditë. Dhe jo në periudhë të gjatë, por kohë pas kohe. Këshillohet që këtë lloj të ushqyerit ta aplikoni vetëm një herë në javë.

Në mëngjes

Një gotë e madhe e ujit apo çajit apo lëngu natyral. Pemë e lëngje mund të hani e pini sa të doni

Në kohën e paradrekës

Një gotë e madhe e ujit, çajit apo lëngu natyral. Disa fruta, sipas mundësisë kombinojini në lloje të ndryshme. Në varësi nga periudha kohore e vitit, ujë më së shumti përmbajnë: rrushi dhe qitroje në vjeshtë dhe dimër; pjepri dhe shalqiri në pranverë dhe verë.

Dreka

Një gotë e madhe ujë para buke dhe një gotë çaj pas buke. Menyja përbëhet nga perimet të papërpunuara, në masë sa të dëshironi ju, me uthull, vaj, limon apo mëlmesa sipas dëshirës. Sallatës mund t’i shtoni edhe ullinj. Guxoni të hani secilën lloj të sallatave të papërpunuara dhe të konservuara: selino, sallata e jeshile, karota, spec, tranguj, qepë, misër, sojë, domate

Para darka

Një gotë e madhe me ujë apo çaj natyral. Një gotë qumësht apo jogurt, apo 30 gram djathë ose ndonjë fryt.

Darka

Pini një gotë ujë para buke dhe një filxhan çaji pas buke, 100 gr. mish (pule apo viçi) ose 150 gr. peshk, apo një vezë me perime dhe pemë.

Kujdes: Këtë dietë nuk duhet ta mbani gjithë javën, sepse do të shkaktojë mungesë ekuilibri të materieve në organizëm. Guxon të praktikohet më së shumti çdo të dytën ditë. Dhe jo gjatë, por kohë pas kohe.

E rëndësishme: Pini të paktën tetë gota ujë në ditë, ndërsa të ushqyerit duhet të jetë i pasur me gjëra që përmbajnë shumë ujë, siç janë pemët dhe perimet.

Dieta efektive e dobësimit duke pirë ujë dhe lista me farë shoqërohet Read More »

Qeveria rikthen kazinotë

Aktualitet, Lajmi i fundit / /

Qeveria pas mbylljes së kazinove dhe lojrave të fatit, duket se ka ndryshuar mendim.

Sapo erdhi në pushtet, një nga nismat e para të qeverisë “Rama” ishte ndalimi i kazinove, përmes aksionit “fund marrëzisë.”

Një vit më parë ato u ndaluan masivisht.

Duket se marrëzia ka marrë fund, në këtë kohë pandemie, megjithatë nuk është sqaruar nëse do të hapen vetëm kazinotë apo edhe lojërat ku luhen skedinat.

Njoftimi është dhënë për kazinotë, por në ligjn e lojërave të fatit, pritet të ketë lëshime edhe mbi kompanitë që operonin në bastet sportive. Në fakt ato vazhdojnë aktivitetin “on-line.”

31 dhjetori i vitit 2018 ishte dita e fundit e punës për bastet si edhe lojërave të fatit. Pas vendimit për të ndaluar lojërat e fatit në vendin tonë, kazinotë u lejuan vetëm në hotelet me 5 yje.

Kategoritë që do të lejohen të pajisen me një licencë kazinoje janë shoqëritë aksionare që operojnë në Shqipëri, kanë kapital jo më pak se një miliard e dyqind milionë lekë dhe kenë përvojë në fushën e lojërave të fatit.

“Çdo person juridik apo bashkim personash juridikë, vendës ose i huaj, që kërkon të pajiset me licencë në kategorinë “Kazino”, duhet të përmbushë kriteret minimale, si më poshtë vijon:

a) të jetë shoqëri aksionare, me seli në territorin e Republikës së Shqipërisë, në objektin e veprimtarisë të së cilës të pasqyrohet veprimtaria për lojëra fati, sipas llojit të lojës që kërkohet;

b) shuma e kapitalit duhet të jetë jo më pak se 1 200 000 000 (një miliard e dyqind milionë) lekë;

c) të deklarohet burimi i kapitalit, që do të investohet për ushtrimin e veprimtarisë në fushën e “Kazinosë”;

ç) të kenë përvojë në fushën e lojërave të fatit;

d) të ketë kapacitetet e duhura financiare, administruese, organizative dhe besueshmërinë e aplikantit për t’u angazhuar me sukses në projekte të tilla;

dh) të paraqesë garancinë pasurore, së bashku me aplikimin dhe me kushtet e sekuestrimit të kësaj garancie;

e) të paraqesë kufizimet për ndryshimet e pronësisë së aksioneve për të licencuarit;

ë) të ngrejë serverin, në të cilin do të japë informacion të plotë mbi çdo transaksion që do të kryhet midis subjektit dhe lojtarëve, xhiron dhe fitimin, si dhe çdo të dhënë që do të kërkohet nga AMLF-ja në lidhje me zhvillimin e këtij aktiviteti. AMLF-ja do të ketë akses në kohë reale te ky server”.

/NOA.al

Qeveria rikthen kazinotë Read More »

Si banore e Francës, unë kam bërë testimin këtu në Francë për 15 euro. Pse në Shqipëri, qytetarët po paguajnë 100 Euro për një test

Aktualitet / /

OPINION nga Alma Ajazi

Në një shoqëri të shëndetshme demokratike, roli i qytetarit dhe pjesëmarrja e tyre është i rëndësishëm sidomos kur ka padrejtësi.

Ne duhet të përdorim zërat dhe arsyet tona për të ngritur zërin.

Jam e pikëlluar kur shoh kaq shumë abuzime dhe keqtrajtime nga qeveria shqiptare gjatë kësaj kohe kritike që bota po përballet me COVID-19.

Ndërsa qëllimi im nuk është të kritikoj qeverinë, por si qytetare e Shqipërisë është detyra dhe përgjegjësia ime morale të ngre zërin, kur shoh abuzim dhe padrejtësi ndaj qytetarëve.

Qeveria duhet të sigurojë testimin falas ose me një çmim të arsyeshëm për qytetarët e saj, në mënyrë që më shumë qytetarë të kenë mundësinë të testohen. Si banore e Francës, unë kam bërë testimin këtu në Francë për 15 euro, dhe gjithashtu falas. Çfarë ndjenje e lehtësuar kur ke mundësinë për ta bërë këtë.

Megjithatë, në Shqipëri, qytetarët po paguajnë 100 Euro për një test. Kjo është e padrejtë, ku shumë shqiptarë po luftojnë financiarisht çdo ditë.

Për më tepër, Gjermania ka ndarë 10.5 milion euro (rreth 12.4 milion dollarë amerikanë) për të ndihmuar Shqipërinë të zbusë ndikimin e pandemisë COVID-19. Eshte thelbësore që qeveria të gjejë strategjinë e duhur, të përshtatshme për ta bërë testimin më pak të kushtueshëm dhe të disponueshëm në të gjithë Shqipërinë.

Vitalisht është gjithashtu thelbësore të theksohet se Shqipëria ka marrë ndihmë dhe mbështetje ndërkombëtare për të luftuar sfidat me të cilat përballet Covid 19.

MPJ është pjesë e angazhimit më të gjerë të BE me vendet fqinje dhe ato të zgjerimit dhe synon si një instrument të jashtëzakonshëm të BE-së për reagimin ndaj krizave. Për Shqipërinë, kushtet e politikës për programin e saj të MPJ prej 180 milion € kanë të bëjnë me forcimin e financave publike dhe qëndrueshmërinë e sektorit financiar, përmirësimin e qeverisjes dhe luftimin e korrupsionit dhe rritjen e mbrojtjes sociale.

Së fundmi, është thelbësore të ilustrohet se USAID ka dhuruar 3,160 pajisje testimi COVID-19 në Shqipëri, duke e çuar numrin e përgjithshëm të testeve të dhuruara në 32,160.

Dikush lutet të adresojë pyetjen vijuese, me kaq shumë ndihma që vijnë nga qeveritë dhe organizatat qeveritare, pse testimi kushton 100 euro për qytetarët e saj?

Është koha që qeveria shqiptare të tregojë një udhëheqje të fortë, më shumë dhembshuri dhe kuptim të sfidave me të cilat përballen qytetarët me sistemin shëndetësor.

/NOA.al

Si banore e Francës, unë kam bërë testimin këtu në Francë për 15 euro. Pse në Shqipëri, qytetarët po paguajnë 100 Euro për një test Read More »

‘Supermbesa’ e ish-kryeministrit Sali Berisha heq dorë nga pamja ekstravagante, për t’u paraqitur si një zonjushë e vërtetë

Aktualitet / /

Dasara Malltezi, “supermbesa” e ish-kryeministrit Sali Berisha duket se ka hequr dorë nga flokët e rruara dhe nga pamja ekstravagante, për t’u paraqitur si një zonjushë e vërtetë.

Në foton e fundit që ka publikuar në Instagram, ajo shihet me flokë të gjatë dhe e buzëqeshur, shumë larg pamjes së cilës ishim mësuar ta shihnim.
Dasara karantinën e kaloi e mbyllur në shtëpinë e saj, ndërsa tani me lehtësimin e masave po shijon “lirinë” dhe pushimet.

‘Supermbesa’ e ish-kryeministrit Sali Berisha heq dorë nga pamja ekstravagante, për t’u paraqitur si një zonjushë e vërtetë Read More »

Kryemadhi me ‘zemër të dobët’: S’e shkatërroj dot PS-në, kemi kaluar gjëra bashkë dhe kam dhimbje

Aktualitet, Opinione, Politike / /

Kryetarja e LSI-së, Monika Kryemadhi është shprehur se nuk ka pranuar që të bëjë kontratë bashkëqeverisje parazgjedhore me Partinë Demokratike, pasi sipas saj, kjo gjë do ta shkatërronte Partinë Soicaliste.

E ftuar në “5 pyetjet nga Babaramo”, Kryemadhi u shpreh se ata do të vijnë në pushtet si një maxhorancë e fortë, por që gjithashtu do të kenë nevojë, edhe për një Opozitë të fortë. Teksa u pyet nëse ndjen keqardhje për PS-në, me të cilën ka qenë në koalicion në vitin 2013, Kryemadhi e pranoi këtë gjë, duke shtuar se kanë kaluar shumë gjëra bashkë dhe nuk mund të lërë kryeministrin Edi Rama që ta çojë me 2%.
Pjesë nga Intervista

Kryemadhi: Nëse do të kishim një dalje të tillë, do të dëmtohej PS, do të binte nën 40 mandate. Do të krijoheshin disa rrjedha nënujore, nënrrjedha që do ta dëmtonin shumë.

Ilir Babaramo: A do t’i leverdiste shoqërisë shqiptare rrënimi në përfundim me 5 përqind si PASOK në Greqi?
Monika Kryemadhi: Pavarësisht inateve politike me njëri-tjetrin për momentin ne kemi nevojë për një opozitë, ne pavarësisht ku është katandisur PS, ne do të kishim nevojë për një opozitë të fortë… Edhe ne ndonjë dhimbje të vogël e kemi për PS, nuk do e lejmë Ed Ramën ta cojë në 2 përqind.

Kryemadhi me ‘zemër të dobët’: S’e shkatërroj dot PS-në, kemi kaluar gjëra bashkë dhe kam dhimbje Read More »